Var. : ou

Nouvelle XLIX. 193

faire adjourner son beau-père , et de faict lui envoya un sergent. Ce bonhomme, qui n'avoit jamais eu affaire en jugement et qui ne sçavoit que c'estoit que d'ajournementz , fut le plus estonné du monde de se veoir adjourné, et encores à la requeste de son gendre, lequel il avoit veu le jour de devant, et ne luy en avoit rien dict. Il s'en va incontinent à Chichouan, et luy faict sa plaincte, luy remonstrant qu'il avoit grand tort de l'avoir faict adjourner, et qu'il ne sçavoit pourquoy c'estoit. (( Non! non! dit Chichouan; je le vous diray en jugement. » Et n'en eut aultre chose , tellement qu'il fallut aller à la court. Quand ilz furent devant le juge, voicy Chichouan qui proposa sa demande luy-mesme. <( Monsieur, dit-il, j'ay espousé la fille de cest homme icy, comme chascun sçait; je n'en ay point eu d'argent, il ne dira pas le contraire ; mais il me promist, en me baillant sa fille, que j'aurois sa maison et tout son bien, et qu'il ne vivroit qu'un an ou deux, pour le plus. J'ay attendu deux ans et plus de trois mois d'avantage; je n'ay eu ny maison, ni aultre chose. Je requiers qu'il ayt à se mourir, ou qu'il me baille sa maison , ainsi qu'il m'ha promis. )> Le bonhomme se fit deffendre par son advocat , qui respondit en peu de plaid ce qu'il debvoit respondre. Le juge ayant ouy les parties et les raisons d'une part et d'aultre, congnoissant la gaudisserie intentée par Chichouan de sa demande, et pour le fol adjournement, le condampna es despens, dommages et interestz du bonhomme, et outre cela en vingt liv. tournois envers le roy. Incontinent Chichouan va dire :(( Ah! Monsieur, Chichouan en appelle. —

194 Nouvelle XLIX.

Attendez ! attendez ! dit le juge en se tournant vers Chichouan : je modère , dit-i! , à un chapon et sa suite, que le bon homme payera demain en sa maison ; et en irez tous manger vostre part ensemble', comme bons amis; et une aubade que vous luy donnerez tous les ans , le premier jour du moys de may, tant qu'il vivra 2, Et puis après sa mort, vous en aurez sa maison s'elle n'est vendue ou aliénée , ou tombée en fortune de feu. )) Ainsi l'appoinctement du juge fut de mesmes la demande de Chichouan 5, auquel il fit une peur de commencement; mais il modéra sa sentence , ainsi que peult faire un juge, pourveu que ce soit sus le champ , comme il estoit noté 4 !n L nescio , fï. ubi et quando; per Bartholum, Baldum, Paulum, Salicetum, Jasonem, Felinum, et omnes îonnentatores jiiris 5,