Jeu de mots sur commentatorcs juris

Nouvelle L. 195

Nouvelle L.

Du Gascon qui donna à son père à choisir des œufz.

n Gascon, après avoir esté à la guerre, s'estoit retiré chez son père , qui estoit un homme des champs desjà vieulx et qui estoit assez paisible; mais son filz estoit escarabilhat, et faisoit du soudart à la maison comme s'il eust esté le maistre. Un vendredy, à disner , il disoit à son père : « Pai , dit-il , nous avons assez de pinte pour vous et pour moy, encores que n'en beviez point. )> Son père et luy avoyent mis cuire trois œufs au feu , dont le Gascon en prend un pour l'entamer et tire l'aultre à soy, et n'en laisse qu'un dedans le plat ; puis il dit à son père : « Choisissez, mon père. » Auquel son père dit : <( Eh ! que veux-tu que je choisisse ? il n'y en ha qu'un.;) Lors le Gascon lui dit : « Cap de bieu ! encores avez-vous à choisir : à prendre ou à laisser. » C'estoit faict un bon party à son père. Et, quand son père esternuoit, il luy disoit : <' Dieu vous ayde ! mon père » ; et un peu après : « S'il le veut, car il ne fait rien par force. » Il estoit honteux comme une truye qui emporte un levain, car il n'osoit pas maudire son père , mais il disoit : <c Vienne le cancre à la moitié du monde ' ! »

I. Gros juron que l'on retrouve plus loin (Nouvelle LXX, Que te vienne le chancre !), et qui étoit familier aux gens de la basse classe.

196 Nouvelle LI.

Et quand et quand il disoit à un sien compagnon : « Donne, dit-il, le cancre à l'autre moytié, afin que mon père en ayt sa part. »

Nouvelle LI.

Du clerc des finances qui laisse cheoir deux deîz de son escriptoire devant le roy.

e roy Louis onziesme estoit un prince de grande délibération et d'une exécution de mesme; lequel, entre aultres siennes complexions , aymoit ceux qui estoient accortz et qui respondoyent promptement, et sinefaisoit, comme on dit, jamais plus grand présent que de cent escuz à une fois. Un jour, entre aultres, qu'il falloit signer quelques lettres et n'y avoit point de secrétaire de commandemens présent, le roy commanda à un jeune homme de finances qui estoit là , car il n'estoit point autrement difficille , lequel , en ouvrant son escriptoire pour signer, laissa tomber deux detz sur la table, qui estoyent dans le calemart. <( Comment! dit le roy, quelle dragée est-ce là ' ? A quoy est-elle bonne ^ — Contra pestem,

■ I . Brantôme , dans les Vits des capitaines français , t. i , p. 34, rapporte ce conte , qu'il a tiré de ce livre, se servant même du mot dragée tel qu'il l'avoit lu dans quelques éditions , qui portent que le roi, voyant sortir ces deux dés du calemar, demanda au clerc quelle dragée c'étoit, et à quoi elle étoit bonne. Il y a pourtant drogue dans l'édition de 1558, et j'ai préféré cette leçon, parceque dans la demande

Nouvelle LI. 197

Sire, dit le Clerc. — Contra pesîem! dit le roy. Tu es un de mes gens. » Et commanda qu'on luy donnastcent escus. Un jour les Genevoys ', desquelz il est escript : Vane ligur ^ , voyans que le roy s'en alloit au dessus de ses affaires et qu'il rangeoit ses ennemis à la raison , pensans préoccuper sa bonne grâce, luy envoyèrent un ambassadeur, lequel, avec sa belle harangue, s'efforçoit de faire trouver bon au roy que les ennemis estoyent si prestz et appareillez de luy obeyr, et que , de leur bon gré et franche volonté, ilz se donnoyent à luy plus tost qu'à aultre prince de la terre, pour la grandeur de son nom et de ses prouesses. « Oui! dit le roy; les Genevoys se donnent-ilz à moy .'' — Ouy, Sire. — Hz sont doncq à moy sans repentir.'' — Ouy, Sire. — Et je les donne, dit le roy, à tous les diables! » Il faisoit un aussi beau présent comme il l'avoit receu , et si ne donnoit rien qui ne fust à luy : car on dit communément qu'il n'est point de plus bel acquest que de don.

à quoi une chose est bonne , le terme de drogue est plus propre que celui de dragée. (L. M.)- — Le savant éditeur peut avoir raison quant au fond ; mais il y a bien dragée, et non drogue, dans l'édition de i j j8 (folio 70, ligne 9). D'ailleurs, quoi d'étonnant ? Tout le monde, à cette époque, portoit sur soi des dragées, dans une petite Ijoîte.

1. Au lieu de Génois on disoit anciennement Genevois, par une composition bizarre du françois Gènes et de l'italien Genovesi. (L. M.)

2. Mots empruntés au 71 je vers du livre 11 de V Enéide. L'édition originale porte : Vane ligue.

198 Nouvelle LU.

Nouvelle LU.

De deux poincîz pour faire taire une femme.

n jeune homme, devisant avec une femme de Paris , laquelle se vantoit d'estremaistresse, luy disoil : <( Si j'estoys vostre mary, je vous garderoys bien de faire à vostre teste. — Vous ! disoit-elle ; il vous faudroit passer par là aussi bien comme des aultres. — Ouy ! dit-il; asseurez-vous que je sçay deux poinctz pour avoir la raison d'une femme. — Dites-vous.'' fit-elle. Et qui sont ces deux poinctz-là ^ n Le jeune homme, en fermant la main : « En voylà un », dit-il ; puis, tout soudain enfermant l'aultre main : <( et voilà l'aultre.» De quoy il fut bien ris, car la femme attendoit qu'il luy allast descouvrir deux raisons nouvelles pour mettre les femmes à la raison , prenant poings de poinct ; mais l'aultre entendoit poings de poing. Et, mon ame, je croy qu'il n'y ha ny poing ny poinct qui sceust assagir la femme quand elle l'ha mis en sa teste.

Nouvelle LUI. 199

Nouvelle LUI.

La manière de devenir riche.

'un petit commencement de marchandise, qui estoit de contreporter des leguillettes, ceintures et espingles , un homme estoit devenu fort riche, de sorte qu'il acheptoit les terres de ses voisins, et ne se parloit que de luy tout autour du pays ; de quoy s'esbahissant un gentilhomme qui alloit avec luy de compagnie par chemin, luy va dire : « Mais, venez ça , tel ! » le nommant par son nom. <( Qu'avez-vous faict pour devenir aussi riche comme vous estes? — Monsieur, dit-il, je vous le diray en deux motz : c'est que j'ay faict grand'diligence et petite despence. » Voylà deux bons motz; mais il faudroit encores du pain et du vin, car il y en ha qui se pourroyent rompre le col qu'ilz n'en seroyent pas plus riches. Pour le moins si sont-iiz mieulx à propos que de celuy qui disoit que, pour devenir riche, il ne falloit que tourner le dos à Dieu cinq ou six bons ans.

200 Nouvelle LIV.

Nouvelle LIV.

D'une dame d'Orléans qui aymoit un escolierqui

faisoiî le petit chien à sa porte, et comment

le grand chien chassa le petit.

ne dame d'Orléans , gentile et honneste, encores qu'elle fust guespine , femme d'un marchand de draps, après avoir esté assez longuement poursuyvie d'un escolier, beau jeune homme et qui dansoit de bonne grâce , car il y avoit de ce temps-là danseurs d'Orléans, flusteurs de Poytiers, braves d'Avignon, estudians de Thoulouse'. Cest escolier estoit nommé Clairet, auquel la femme se laissa gaigner, comme pitoyable et humaine qu'elle estoit , et le mit en possession du bien amoureux , duquel il jouissoit assez paisiblement, au moyen des advertissemens, propos et messages qu'ilz s'entrefaisoyent. Hz avoient de petites intelligences ensemble qui estoyent jolies , desquelles ilz usoyent par ordre , des unes et puis des aultres ; entre lesquelles l'une estoit que Clairet venoit sus les dix heures de nuict à la porte d'elle , et jappoit comme un petit chien; à quoy la chambrière estoit faicte, qui luy ouvroit incontinent la porte sans chandelle et sans lanterne ,

I. Mieux que cela : Lestons estudians de Toulouse. Voy. Chassenée, lieu cité dans une note de la Nouvelle XXIII, p. 104.

Nouvelle LIV. 201

et se faisoit tout le mistère sans parler. Il y avoit un aultre escolier, logé tout auprès de la jeune dame , qui en estoit fort amoureulx, et eust bien voulu estre en part avec Clairet ; mais il n'en pouvoit venir à bout, ou fust qu'il n'estoit pas au gré d'elle , ou qu'il ne sçavoit pas s'y gouverner, ou , qui est mieux à croire, que les dames, qui sont un peu fines , ne se donnent pas voulentiers à leurs voisins , de peur d'estre trop tost descouvertes. Toutesfois, estant bien adverty que Clairet avoit entrée , et l'ayant veu aller et venir ses tours, et entre aultres l'ayant ouy japper et veu comme on luy ouvroit la porte , que fit-il t L'une des fois que le mary estoit dehors , après s'estre bien accertené de l'heure que Clairet y entroit , il se pensa qu'il avoit bonne voix pour faire le petit chien comme Clairet , et qu'il ne tiendroit à abbayer que la proye ne se print. Adonc il s'en vint un peu avant les dix heures et fit le petit chien à la porte de la dame : <( Hap ! hap ! » La portière, qui l'entendit, luy vint incontinent ouvrir, dont il fut fort joyeux , et sachant bien les addresses de la maison, ne faillit point à s'aller mettre tout droict au lict, auprès de la jeune dame , qui cuidoit que ce fust Clairet ; et pensez qu'il ne perdit pas temps auprès d'elle. Tandis qu'il jouoit ses jeux, voicy Clairet venir selon sa coustume , et se mit à faire à la porte : « Hap! hap! » Mais on ne lui ouvrit pas, combien que la dame en eut bien entendu quelque chose ; mais elle ne pensoit jamais que ce fust luy. Il jappe encores une fois, dont la dame commença à soupçonner je ne sçay quoy, et mesmement parce que celuy qui estoit avec elle

202 Nouvelle LV.

luy sembloit avoir une aultre guise et une aultre maniment que non pas Clairet. Et pource, elle se voulut lever pour appeller sa chambrière et sçavoir que c'estoit. Qlioy voyant l'escolier, et voulant avoir ceste nuict franche oij il se trouvoit si bien, se lève incontinent du lict, et se mettant à la fenestre , ainsi que Clairet faisoit encores : (( Hap! hap! > luy va respondre en un abbay de ces clabaux de village : « Hop! hop! hop! » Quand Clairet entendit ceste voix : « A ! ha ! dit-il , par le corps bieu ! c'est la raison que le grand chien chasse le petit. Adieu , adieu , bonsoir et bonne nuict » ; et s'en va. L'aultre escollier se retourne coucher, et appaisa la dame le mieulx qu'il peut, à laquelle il fut force de prendre patience ; et depuis il trouva façon de s'accorder avec le petit chien , qu'ils iroyent chasser aux connilz chascun en leur tour comme bons amys et compagnons.