Var., sus une autre enclume. (La Monnoye,t. n, p

Nouvelle LX. 21 5

tion , ayant ouy ouvrir et fermer cest huys ; tant qu'il s'en print un jour à sa femme et la menassa, et la pressa tant et avec une colère telle qu'ont volontiers ces gens de feu , qu'elle luy demanda pardon et luy confessa le cas , et luy dit comme messire Jehan se venoit coucher auprès d'elle quand il oyoit battre à deux. Le mareschal ayant ouy ces nouvelles , après que sa femme luy eut bien crié mercy , ce luy fut force de demeurer là ; mais pensez que ce ne fut pas sans luy donner dronos et chaperon de mesme. De là à quelques' jours le mareschal trouva le prebstre , auquel il dit : «Messire Jehan, vous venez veoir ma femme quand vous avez le loisir. » Le presbstre le nia fort et ferme, luy disant qu'il ne luy voudroit pas faire ce tour-là et qu'il aymeroit mieux estre mort. « Vous estes mon compère , disoit le prebstre. — Et bien bien! dit le mareschal, je m'en rapporte à vous ; chevauchez-la à vostre aise quand vous y serez ; mais gardez-vous bien de me chevaucher : car, s'il vous advient, le diable vous aura bien chanté matines ' .» Le prebstre, congnoissant que ce mareschal estoit un mauvais fol, se tint deslors sus ses gardes et ne voulut plus venir à la forge ; mais le mareschal dit à sa femme : « Sçavez-vous qu'il fault que vous faciez ? Mais gardez-vous bien de faire la borgne ny la boiteuse , car vous sçavez bien que vostre marché n'en seroit pas meilleur. Refaites congnoissance à messire Jehan et l'entretenez de parolles, et puis.

I . Se disoit pour exprimer le manque de chance. Dans la bouche d'un marchand ; Le diable m'a chanté matines, c'est : Je n'ai rien vendu.

2i6 Nouvelle LX.

un matin, je vous diray ce que vous aurez à faire.» Elle fut fort contente de luy promettre tout ce qu'il voulut, de peur de la malle adventure. Et fault entendre qu'elle sçavoit bien battre et de bonne mesure, car elle avoit appris à battre avec le valet pour faire la besongne quand le mareschal n'y estoit pas. Adonc elle se mit à faire bon semblant à messire Jehan , ainsi que son mary l'avoit instruicte, lui donnant entendre que le mareschal n'y pensoit point et que ce n'estoit qu'une opinion qui lui avoit passé par l'entendement, et le vous asseura par de belles parolles , luy disant : '< Venez , venez demain au matin à l'heure accoustumée, quand vous orrez qu'ilz batteront à deux. » Messire Jehan lacreut, le povre home ! Quand le matin fut venu , le mareschal dit à sa femme en la présence du valet : « Levez-vous, et allez battre en ma place, car je me trouve un peu mal.» Ce qu'elle fit, et se m.ist à la forge avec ce valet. Incontinent que messire Jehan entendit battre à deux, il ne fut pas endormy ; il se leva avec sa grosse robe de nuict , entre par l'huys accoustumé et se vient coucher auprès de ce mareschal , pensant estre auprès de sa femme ; et parcequ'il y avoit longtemps qu'il n'avoit donné es gauffriers , il estoit lors tout prest à bien faire , et ne fust pas si-tost au lict que de prinsault il ne se ruast dessus ce mareschal , lequel le vous commença à serrer à deux belles mains en luy disant : « Eh ! vertu bieu ! (pensez que c'estoit par un D) messire Jehan , qui vous ha icy faict venir.? Je vous avois tant dict que vous ne me chevauchissiez point, et que j'estois mauvaise beste, et vous n'en avez rien voulu

Nouvelle LrXI. 217

croire ! » Le prebstre se vouloit deffaire ; mais le mareschal le vous tenoit à deux bons bras , et se print à crier à son valet , qui estoit en bas , lequel monta incontinent et apporta du feu; et Dieu sçait comment monsieur le prebstre fut estrillé à beaux nerfs de bœuf, que le mareschal tenoit tous prestz et expressément pour battre à deux sur le dos de messire Jehan, à la recrue du maistre et du valet. Et, cependant, il n'osoit pas crier au secours, car le mareschal le menassoit de le mettre en la fournaise, pour ce qu'il aimoyt mieux endurer les coups que le feu. Encores en eut-il bon marché au pris de celuy qui eut les deux tesmoings enfermez au coffre et le feu allumé au derrière, tellement qu'il fut contrainct de se les coupper luy-mesme avec le rasoir qui luy avoit esté baillé en la main.

Nouvelle LXI.

De la sentence que donna le prevost de Bretaigne , lequel fit pendre Jehan Trubert et son fils.

u pays de Bretaigne y eut un homme , entre aultres, qui ne valloit guères , nommé Jehan Trubert , lequel avoit faict plusieurs larrecins , pour lesquelz il avoit esté reprins assez de fois, et en avoit esté à l'une fois frotté, et l'aultre estrillé, qui estoit assez pour s'en souvenir. Toutefois , il y estoit si affriandé qu'il ne s'en pouvoit chastier; et mêmes

2i8 Nouvelle LXI.

il commençoit à apprendre le train à un filz qu'il avoit , de l'âge de quinze à seize ans , et le menoit avecques luy en ses factions. Advint un jour que luy et son fils desrobèrent une jument à un riche païsant, lequel se doubta incontinent que ce avoit esté Jehan Trubert ; dont il ne faillit à faire telle poursuite , qu'il se trouva par bons tesmoings que Jehan Trubert avoit mené vendre ceste jument à un marché qui avoit esté le mercredy de devant à cinq ou à six lieues de là. Jehan Trubert et son filz furent mis entre les mains du prevost des mareschaux', lequel Jehan Trubert îie tarda guères que son procès ne luy fust faict et son dicton signifié, qui portoit entre aultres ces motz : Jehan Trubert, pour avoir prias, robe un grand jument , seroit pendu etestranglé, le petit ovecques luy; et là dessus fit livrer Jehan Trubert et son filz à l'exécuteur de haulte justice, auquel il bailla son greffier, qui n'estoit pas des plus scientifiques du monde. Quant ce fut à faire l'execulion , le bourreau pendit le père hault et court , et puis il demanda au greffier que c'est qu'il falloit faire de ce jeune gars. Le greffier va lire la sentence , et, après avoir bien examiné ces mots : « le petit ovecques » , il dict au bourreau qu'il fist son office , ce qu'il fit , et pendit ce povre petit tout pendu et l'estrangla , qui estoit bien pis. L'exécution ainsi faicte , le greffier s'en retourna au prevost, lequel lui va dire: «Et puis, Jehan Trubert .f* — Jehan Trubert, ce dit le greffier, seroit pendu. — Et le petit .? dit le prevost. — Par Dieu ! et le petit, dit le greffier. — Comment , tous les