I. Voy. ci-dessus la première note de la nouvelle XXVIII

Nouvelle LXI. 219

diables ! dit le prevost , seroit pendu le petit ? — Par Dieu! ouy, le petit, disoit le greffier. — Comment! dit le prevost, j'avois pas dict cela. » Et là dessus débattirent long-temps le prevost et le greffier ; disant le greffier que la sentence portoit que le petit seroit pendu , et le prevost au contraire, lequel, après longs debatz , va dire: <( Lisez la sentence. Par Dieu ! je n'aurois pas entendu le petit que seroit pendu. » Le greffier luy va lire ceste sentence, et ces motz substantielz: Jehan Trubert, pour avoir prins y robe un grand jument, seroit pendu et estranglé , le petit ovecques luy. Par lesquelz motz : ovecques luy , le prevost vouloit dire que Jehan Trubert seroit pendu et que son filz seroit présent pour veoir faire l'exécution, affin de se chastier de faire mal par l'exemple de son père. Ce prevost vouloit explicquer ces motz^, mais il estoit bien tard pour le povre petit , et le greffier, d'un autre costé, se deffendoit , disant que ces motz : ovecques luy, signifioyent que le petit debvoit estre pendu avec son père. A la fin, le prevost ne sçeut que dire , sinon que son greffier avoit raison ou cause de l'avoir, et dit seulement : « Pien le petit, pien, seroit pendu. Par Dieu ! dit-il, seroit une belle deffaicte, que d'un jeune loup ! )) Voylà toute la recompense qu'eut le povre petit , excepté que le prevost le fit despendre , de peur qu'il en fust nouvelles.

220 Nouvelle LXII.

Nouvelle LXI I.

Du jeune garçon qui se nomma Thoinette, pour

estre receu à une religion de nonnains;

et comment il fit sauter les lunettes

de Vahbessequilevisitoit.

1 y avoit un jeune garson de l'âge de dixsept à dixhuict ans , lequel , estant à un jour de feste entré en un couvent de religieuses , en veid quatre ou cinq qui luy semblèrent fort belles et dont n'y avoit celle pour laquelle il n'eust trop volentiers rompu son jeusne; et les mit si bien en sa fantasie qu'il y pensoit à toutes heures. Un jour, comme il en parloit à quelque bon compaignon de sa cognoissance, ce compaignon luy dit : u Sçais-tu que tu feras? Tu es beau garson, habille-toy en fille et t'en va rendre à l'abbesse ; elle te recepvra aisément ; tu n'es point congneu en ce pays icy.)) Car il estoit garson de mestier, et alloit et venoit par pays. Il creut assez facillement ce conseil , se pensant qu'en cela n'avoit aulcun danger qu'il n'^evitast bien quant il voudroit. Il s'habille en fille assez povrement, et s'avisa de se nommer Thoinette. Dont de par Dieu s'en va au couvent de ces religieuses, où elle trouva façon de se faire veoir à l'abbesse , qui estoit fort vieille , et de bonneadventure n'avoit point dechambrière.Thoinette parle à l'abbesse et lui compta assez bien son cas , disant qu'elle estoit une povre orfeline d'un village de là auprès, qu'elle luy nomma. Et

Nouvelle LXI I. 221

en eîFect parla si humblement que l'abbesse la trouva à son gré , et, par manière d'aumosne , la voulut retirer, luy disant que, pour quelques jours, elle estoit contente de la prendre , et que , s'elle vouloit estre bonne fille , qu'elle demeureroit là dedans. Thoinette fit bien la sage et suivit la bonne femme d'abbesse , à laquelle elle sceut fort bien complaire , et quant et quant se faire aymer à toutes les religieuses ; et mesmes en moins de rien elle apprint à ouvrer de l'aiguille (car peut-estre qu'elle en sçavoit desjà quelque chose) , dont l'abbesse fut si contente qu'elle la voulut incontinent faire nonne de là dedans. Quand elle eut l'habit , ce fut bien ce qu'elle demandoit, et commença à s'approcher fort près de celles qu'elle voyoit les plus belles , et , de privaulté en privaulté , elle fut mise à coucher avec l'une. Elle n'attendit pas la deuxième nuict que par honnestes et amyables jeux elle fit congnoistre à sa compagne qu'elle avoit le ventre cornu ' , luy faisant entendre que c'estoit par miracle et vouloir de Dieu. Pour abbreger, elle mit sa cheville au pertuys de sa compagne, et s'en trouvèrent bien et l'une et l'aultre; laquelle chose, en la bonne heure, il (dy-je elle) continua assez longuement , et non seulement avec celle-là , mais encores avec trois ouquattredes aultres desquelles elle s'accointa. Et quand une chose est venue à la congnoissance de trois ou quatre personnes , il est aisé que la cinquiesme le sçache, et puis la

I. On entend suffisamment ce que veut dire là cette expression. Je ne sais où je l'ai rencontrée dans le sens affaire pieds neufs. C'est par une fâcheuse erreur que j'ai renvoyé ici, note i de la page 27.

222 Nouvelle LXII.

sixiesme; de mode qu'entre ces nonnes (yen ayant quelques unes de belles, et les aultres laydes, ausquelles Thoinette ne faisoit pas si grande familliarité qu'aux aultres, avec maintes aultres conjectures) il leur fut facile de penser je ne sçay pas quoy, et y firent tel guet qu'elles les congneurent assez certainement, et commencèrent à en murmurer si avant que l'abbesse en fut advertie : non pas qu'on luy dit que nommément ce fust sœur Thoinette , car elle l'avoit mise là dedans, et puis elle l'aymoit fort et ne Teust pas bonnemeuî creu ; mais on luy disoit par parolles couvertes qu'elle ne se fiast pas en l'habit et que toutes celles de leans n'estoyent pas si bonnes qu'elle pensoit bien, et qu'il y en avoit quelqu'une d'entre elles qui faisoit deshonneur à la religion et qui gastoit les religieuses. Mais, quand elle demandoit qui c'estoit et que c'estoit , elles respondoyent que, s'elle les vouloit faire despouiller, elle le congnoistroit. L'abbesse, esbahie de ceste nouvelle , en voulut sçavoir la vérité au premier jour, et, pour ce faire, fit venir toutes les religieuses en chapitre. Sœur Thoinette estant advertie par ses mieulx aimées de l'intention de l'abbesse , qui estoit de les visiter toutes nues, attacha sa cheville par le bout avec un fillet qu'elle tira par derrière , et accoustre si bien son petit cas qu'elle sembloit avoir le ventre fendu comme les aultres à qui n'y eust regardé de bien près, se pensant que l'abbesse, qui ne voyoit pas la longueur de son nez, ne le sçauroit jamais congnoistre. Les nonnes comparurent toutes. L'abbesse leur feit sa remonstrance et leur dit pourquoy elle les avoit assemblées, et leur commanda

Nouvelle LXII I. 22^

qu'elles eussent à se despouiller toutes nues. Elle prend ses lunettes pour faire sa reveue, et, en les visitant les unes après les aultres , il vint au reng de sœur Thoinette, laquelle, voyant ces nonnes toutes nues,fraisches, blanches, refaictes, rebondies , elle ne peut estre maistresse de ceste cheville qu'il ne se fist mauvais jeu. Car, sus le poinct que l'abbesse avoit les yeux le plus près, la corde vint rompre, et, en desbandant tout à un coup, la cheville vint repousser contre les lunettes de l'abbesse et les fit saulter à deux grandz pas loing. Dont la povre abbesse fut si surprinse qu'elle s'écria : « Jesu Maria ! Ah ! sans faulte, ditelle , et est-ce vous ! Mais qui l'eust jamais cuidé estre ainsi ! Que vous m'avez abusée ! » Toutesfois, qu'i eust-elle faict, sinon qu'il fallut y remédier par patience , car elle n'eust pas voulu scandalizer la religion ? Sœur Thoinette eut congé de s'en aller avec promesse de sauver l'honneur des filles religieuses.

Nouvelle LXIII.

Du régent qui combatif une harangère du Petit Pont à belles injures.

n martinet s'en alla un jour de caresme sus le Petit Pont et s'addressa à une harangère pour marchander de la moulue; mais, de ce qu'elle luy fit deux liards, il n'en offrit qu'un, dont ceste harangère

224 Nouvelle LXIII.

se fascha et l'appella injure ', en luy disant : « Va , va , Joannes - ! porte ton liard aux tripes. )> Ce martinet , se voyant ainsi oultragé en sa présence, la menasse de le dire à son régent. « Et va, marmiton! dit-elle, va le luy dire, et que je te revoye icy, toy et luy! » Ce m.artinet ne faillit pas à s'en aller tout droit à son régent, qui estoit bon frippon, et luy dit : u Per diem^, Domine ! il y

1. La Monnoye annote ainsi ce mot : Appeler injure, pour chanter injure , est une façon de parler inconnue , mais qui néanmoins tient un peu de parler procès , parler Balzac , etc. Je crois tout simplement que l'adjectif est mis pour l'adverbe, et qu'on doit lire « et l'appela injurieusement. »

2. Ce nom, qu'on rencontrera quelquefois dans le courant de ces contes , étoit généralement donné aux valets de collège. Cependant il y avoit quelques exceptions en faveur des écoliers. Voy. les Contes d'Eutrapel, t. i, p. 165. « Le nom de Jean, dit La Monnoye, respectable dans son origine , est devenu méprisable dans la suite pour avoir été trop commun. Voyez le Capitolo du Casa sur son nom Giovanni, dont il paroissoit fort malcontent. En Italie, fare il Zanni , c'est faire le bouffon bergamasque sur le théâtre ; ce que les praticiens de ce pays-là , dans les actes qu'ils expédient en latin, expriment par facere Joannem, parceque Zanni, en bergamasque, c'est Jean. Les Espagnols ont aussi dans leurs farces un bobo, c'est-à-dire un benest, qu'ils appellent Bobo Juan. En françois un Jean , un Joannes , un Jannin, est celui dont la femme se gouverne mal. » Voici le Capitolo de Jean de La Case, dont La Monnoye vient de parler :

« S'io havessi manco quindici a venfanni, Messer Gandolfo, i mi sbattezzerei , Per non haver mai piii nome Giovanni. »

Ajoutons que notre Sganarelle n'est autre que le Zanni bergamasque, et l'un est bien évidemment le dérivé de l'autre.

3. Jurement déguisé, comme les dérivés françois : Pardi , pargué, parbieu, parbleu.

Nouvelle LXIII. 225

ha la plus faulse vieille sus le Petit Pont ; je voulois achepter de la moulue, elle m'ha appelle Johannes. — Et qui est-elle? dit le régent ; la me montreras-tu bien? — //«, Domine y dit l'escollier; et encore m'ha-elle dict que, si vous y alliez, qu'elle vous renvoyeroit bien. — Laisse faire, dit le régent ; per Dies ' / elle en aura, n Ce régent se pensa bien que pour aller vers une telle dame, qu'il ne falloit pas estre despourveu, et que la meilleure provision qu'il pouvoit faire, c'esioit de belles et gentilles injures, mais qu'il luy en diroit tant qu'il la mettroit ad metam non loqui; et en peu de temps il donna ordre d'amasser toutes les injures dont il se peut adviser, y employant encores sescompagnons, lesquelz en composèrent tant en choppinant , qu'il leur sembla qu'il y en avoit assez. Ce régent en fit deux grands rolletz et en estudia un parcueur ; l'autre, il le met en sa manche pour le secourir au besoing si le premier luy failloit. Quand il eut bien estudié ses injures, il appeila ce martinet pour le venir conduire jusques au Petit Pont et lui monstrerceste harangère, et print encores quelques aultres galochers avec luy, lesquelz, in primis et anîe omnia, il mena boire à la Mule ; et quand ilz eurent bien choppiné ilz s'en vont. Hz ne furent pas si tost sus le Petit Pont que la harangère ne recongneust bien ce martinet, et quand elle les veid ainsi en trouppe, ellecongneutàqui ilz envouloyent. «Ah! voy-les là! dit-elle; voy-les là, les gourmands! l'escole

I . L'écolier n'avoit juré que per diem . le régent, croyant, comme La Roche Thomas, que le pluriel avoit plus de force, \\iTt per dies. (L. M.)

226 Nouvelle LXIII.

est effondrée. » Le régent s'approche d'elle et luy vient heurter le bacquet où elle tenoit ses harens en disant : « Et que fault-il à ceste vieille dampnée ? — Oh le clerice ! dit la vieille ; es-tu venu assez tost pour te prendre à moy ? — Qui m'ha baillé ceste vieille macquerelle? dit le régent. Par la lumière ! c'est à toy voyrement à qui j'en veulx. » Et, en disant cela, il se plante devant elle comme voulant escrimer à beaux coups de langue. La harangère , se voyant deffiée : « Mercy Dieu ! dit-elle ; tu en veulx donc avoir, magister crotté ' ? Allons, allons par ordre, gros baudet, et tu verras comment je t'accoustrerai. Parle, c'est à toy. — Allez, vieille sempiterneuse ! dit le régent. — Va , ruffien ! — Allez , villaine ! — Va , maraud! » Incontinent qu'ilz furent en train, je m'en vins, car j'avois affaire ailleurs. Mais j'ay bien ouy dire à ceulx qui en sçavoyent quelque chose que les deux personnages combatirent vaillamment et s'entredirent chascun une centaine de bonnes et fortes injures d'arrachepied ; mais il advint au régent d'en dire une deux foys , car on dit qu'il l'appela villaine pour la seconde foys. Mais la harangère luy en feit bien souvenir. (( Mercy Dieu ! dit-elle , tu l'as déjà dict, filz de putain que tu es. — Et bien ! bien! dit le régent, n'es-tu pas bien villaine deux foys , voyre trois .'* — Tu as menty, crapault infaict^!)) Ilfault croire

1. Au XVIIIe siècle, le mot de crotté est entré dans les qualifications injurieuses dont on accabloit les jésuites. C'étoit l'héritage que leur avoient légué les pauvres élèves de l'Université, connus dans toute l'Europe sous le surnom de Crottés.