EXTRAIT DU PRIVILÈGE DU ROY

1 ha pieu au Roy, nostre sire, de donner privilège et permission à Robert Granjon d'imprimer ce présent livre (intitulé : Les Nouvelles Récréations ) de sa lettre françoise d'art de main ; et , pour rémunération de son invention, veult iceluy seigneur que nul autre (quel qu'il soit) en ce royaume n'ayt à tailler poinssons ne contrefaire ladite lettre françoise d'art de main, ne d'icelle vendre ne distribuer aucune impression, fors celle qui sera imprimée par ledict Granjon, sur certaines et grandes peines contenues aux lettres de privilège dudit Granjon. Et ce, pour le temps et terme de dix ans consequutifs , à compter du jour et date des présentes , quant à l'imitation desdits caractères d'art de main; et quant à l'impression dudit livre , du jour et date qu'il sera achevé d'imprimer. Et outre ce, ledit seigneur, tant pour ceste œuvre que pour autres contenues et mentionnées en ses dites lettres , veult et entend que , par l'extraict et inscription qui sera faicte d'iceluy en chacun livre, les deffences et inibitions mentionnées audit privilège soyent tenues pour suffisamment signifiées à tous imprimeurs et autres qu'il appartiendra , comme plus à plain est contenu aux lettres patentes dudit seigneur données à Saint-Germain-en-Laye le xxvie jour de décembre, l'an de grâce mil cinq cens cinquante sept. Ainsi signées :

Par le Roy,

Maistre Jehan Nicot, Maistre des requesîes de l'hostel , présent.

FlZBS.