I. Var. : philosophe

244 Nouvelle LXIX.

Nouvelle LXIX.

Du Poyîevin qui enseigne le chemin aux passans.

1 y ha beaucoup de manières de s'exercer à la patience , comme font les femmes qui tancent un valet qui caquette , ou qui gronde, ou qui n'oyt goutte , et qui vous apporte des pantouffles quand vous demandez vostre espée, ou vostre bonnet en lieu de vostre ceinture , et pare ' un boys verd dedans un feu quand vous mourez de froit> là où il fault brusler toute la paille du lict avant qu'il s'allume ; un cheval encloué ou defferré par les chemins, ou qui se fait picquer à tous les pas, et cent mille aultres malheurs qui arrivent. Mais ceulx là sont trop fascheux , ils sont pour souhaitter à quelques ennemys. Il y en ha d'aultres qui ne sont pas si fors à endurer, parce qu'ilz ne durent pas tant, et mesmes sont de telle sorte qu'on est plus ayse par après de les avoir pratiquez et d'en faire ses comptes. Telles adventures sont bonnes à ces jeunes gens pour leur faire rasseoir un peu leur colère ; entre lesquelles est la rencontre d'un Poytevin quand on va par pays : comme , prenez le cas que vous ayez à faire une diligence et qu'il face froit ou quelque mauvais temps, en somme, que vous soyez fasché de quelque autre