I . Var. : Viendras-tu ? Venras-tu

Nouvelle LXXVII. 263

ne bevras que tant petit que tu vourras. » A la fm elle se laissoit aller, car la bonne dame disoit en soy-mesme : Aussi bien c'est moy qui paye tout; il fault bien que j'en boive ma part. Vray est qu'elle avoit un peu plus de discrétion que Janicot , car elle ne se chargeoit pas tant qu'elle ne le remenast à la maison; mais croyez que c'estoit une dure départie , que du pot et de Janicot. Une aultre fois, quand elle faisoit la fascheuse, il luy disoit : u Jannette , tu sçais bien que c'est que je vey hier : ce monsieur, tu m'entends bien? Je n'en diraymot, Jannette; maislaissemoy boire ; va t'en , mamie , je seray aussi tost au logis que toy. » Et de reboire ; puis en s'en retournant, qui n'estoit jamais qu'il n'eust sa charge hardiment , qu'il estoit plus aisé à sçavoir d'où il venoit que non pas oii il alloit, car la rue ne luy estoit pas assez large ', il alloit chancelant , dandinant, tresbuchant. Il heurtoit tousjours à quelque ouvroir, ou , quand il estoit nuict , à quelque charrette , et se faisoit à tous coups une bigne au front ; mais elle estoit guérie avant qu'il s'en apperceust. Il se laissoit maintefois tomber du hault d'un degré, ou en la trappe d'une cave ; mais il ne se faisoit point de mal : Dieu lui aidoit tousjours. Et, si vous me demandez où il prenoit dequoy payer ; je vous respons qu'il n'y avoit plat ny escuelle qui ne s'y en allast. Les nappes , les couvertes de lict , il vendoit tout cela; quand sa femme estoit quelque

I . On demandoit un jour à un ivrogne s'il étoit encore loin de chez lui : « Non, répondit-il ; mais ce n'est pas la longueur du chemin, c'est sa largeur, qui me lasse. »

264 Nouvelle LXXVII.

part en commission , son demy-ceint, s'il le povoit avoir, ses chapperons, sa robbe, à un besoin. Mais pourquoy n'eust-il engagé tout cela, quand il eust engagé sa femme mesme à qui luy eust voulu donner dequoy boire ? Et puis il avoit tousjours quelque payeur : car ce que le pertuis d'en hault despendoit , celuy d'embas en respondoit'. A propos, Janicot avoit tousjours sa bouteille de trois choppines , laquelle il tenoit toute la nuict auprès de soy, et l'esgouttoit toutes les fois qu'il s'esveilloit ; et en dormant mesme il ne songeoit qu'en sa bouteille, et y avoit une telle addresse que tout endormy il y portoit la main , et la prenoit pour boire tout ainsi que s'il eust veillé. Quoy congnoissant, sa femme bien souvent le prevenoit, et luy beuvoit le vin de sa bouteille, laquelle elle remplissoit d'eau, que le povre Janicot beuvoit en dormant. Et bien souvent se resveilloit à ce goust aquatique, qui luy affadissoit toute la bouche; mais il se rendormoit sus ceste querelle , sans faire grand bruict. Et le plus souvent mesmes y avoit un tiers couché en mesme lict , qui dansoit la dance trevisaine avec sa femme ; mais tout cela ne luy faisoit point de

I. C'est de ce pertuis qu'il est question dans l'épigramme suivante, que nous tirons d'un vieux manuscrit :

« De Brissac si bien se pendit Au pertuis d'une damoiselle, Qu'il en mourut, comme l'on dit , Sans corde, cordeau, ni cordelle.

Après la mort je ne sais pas En quel lieu l'ame s'envola ; Mais je sais bien qu'on ne va pas Au paradis par ce trou là. a

Nouvelle LXXVII. 265

mal. Quelquesfois il s'advisoit de mettre de l'eau en son vin; mais c'estoit avec la poincte d'un Cousteau, lequel il mouilloit dedans l'aiguière, et en laissoit tomber une goutte en son voirre, et non plus. Vous ne l'eussiez jamais trouvé sans un ossellet de jambon en sa gibecière. Il aymoit uniquement les saucisses , le formage de Milan , les sardines, les harens sors, et tous semblables esguillons à vin. Il hayssoit les pommes et les salades comme poison; les flannetz, les tartelettes , quand il les entendoit crier par les rues , il bouschoit ses oreilles. Il avoit les yeux bordez de fme escarlatte, et, un jour qu'il y avoit mal , sa femme luy fit defFendre par un médecin d'eau douce qu'il ne beust point de vin; mais on eust faict avec luy tous les marchez plustost que celuy-là, car il aymoit mieulx perdre les fenestres que toute la maison. Et, quand on luy disoit qu'il se pouvoit bien laver les yeulx de vin blanc : a Eh ! disoit-il , que sert-il de s'en laver par dehors.'' C'est autant de gasté. Ne vault-il pas mieux en boire tant qu'il en sorte par les yeux, et s'en laver dedans et dehors ^ » Quand il gresloit , il se jettoit à genoux , et ne plaignoit que les vignes à haulte voix. Et quand on luy disoit : <( Et, Janicot, les blez, quoy .? — Les blez, disoitil .? avec un morceau de pain gros comme une noix, je bevray une quarte de vin : je ne me soucie pas des blez ; il y en aura bien peu s'il n'y en ha assez pour moy . >» Et cecy estoit quand il estoit en son meilleur sens : car les uns disent, quand il eut prins son ply, que depuis il ne desenyvra; et mesme tiennent que tout son sang se convertit en vin. Aussi ne parloit-il que de vin, et, s'il

iGCi Nouvelle LXXVIÏ.

eust esté prebstre , il n'eust chanté que de vin , tant il avoit sa personne bien avinée. Il est bien vray qu'il fallut qu'il mourust en son reng. Pource , deux ou trois jours avant sa mort, on luy osta le vin , ce qu'il fit au plus grand regret du monde, en disant qu'on le tuoit, et qu'il ne mouroit que parfaulte de boire. Et, quand ce fut à se confesser, il ne se souvenoit point d'avoir faict aucun mal , sinon qu'il avoit beu , et ne sçavoit parler d'aultre chose à son confesseur que de vin. Il se confessoit combien de fois il en avoit beu qui n'estoit pas bon , dont il se repentoit et en demandoit à Dieu pardon. Puis, quand il veid qu'il fal- Icit aller boire ailleurs , il ordonna par son testament qu'il fust enterré en une cave, soubz un tonneau de vin , et qu'on luy mist la teste soubz le degouttoir, afm que le vin luy tombast dedans la bouche , pour le désaltérer : car il avoit bien veu au cimitière Sainct-Innocent que les trespassez ont la bouche bien sèche. Advisez s'il n'estoit pas bon philosophe, de penser que les hommes avoyent encore après la mort le ressentiment de ce qu'ilz ont aymé en leur vie. C'est le vin qui fait ainsi l'homme qu'il ne luy est rien impossible. Les autres dient qu'il voulut estre enterré au pied d'un sep de vigne, lequel sep ne cessa oncques puis de porter de plus en plus : tellement qu'on ha veu toute la vigne greslée , que le sep s'est défendu et ha porté autant ou plus que jamais. Je vous laisse à penser s'il est vray, et comment il en va.

Nouvelle LXXVIII. 267

Nouvelle LXXVIII.

D'un gentilhomme qui mit sa langue en la bouche d'une damoiselle en la baisant.

n la ville de Montpelier y eut un gentilhomme lequel, nouvellement venu audit lieu , se trouva en une compagnie où l'on dansoit. Entre les dames qui estoyent en celle assemblée ' estoit une damoyselle de bien bonne grâce, laquelle estoit vefve et encores jeune. Je croy qu'ilz dansèrent la piemontoise, et fut question de s'entrebaiser. Il advint que ce gentilhomme se print à ceste jeune vefve. Quant ce vint à baiser, il en voulut user à la mode d'Italie, où il avoit esté : car, en la baisant, il luy mit sa langue en la bouche. Laquelle façon estoit pour lors bien nouvelle en France, et est encores de présent , mais non pas tant qu'alors : car les Françoys commencent fort à ne trouver rien mauvais, principallement en telles matières. La damoiselle se trouva un peu surprise d'une telle pigeonnerie 2, et, combien qu'elle ne sçeust pas prendre les choses en mal , si estce qu'elle regarda ce gentilhomme de fort mau-