I . Var. : de vendre cependant cette vache

3 12 Nouvelle XCIII.

qu'il pourroit, luy promettant le vin. Le voisin donc la vend et puis luy apporte l'argent. Sur cela s'en vont droict à la taverne , selon la promesse qui avoit esté faicte ; mais, après y avoir bien repeu, le larron trouve moyen d'évader, laissant l'autre pour les gaiges. De là s'en vint à Paris , et là se trouvant , une fois entr'autres , en une place du marché où il y avoit force asnes attachez ( selon la coustume ) à quelques fers tenans aux murailles , voyant que toutes les places estoient remplies , ayant choisi le plus beau , monte dessus , et, se promenant par le marché, le vendit très bien à un incongneu , lequel achepteur, ne trouvant place vuyde que celle dont il avoit esté osté, le rattache au lieu mesme. Oui fut cause que celuy qui estoit le vray maistre de l'asne , et auquel on l'avoit desrobé , le voulant puis après détacher pour l'emmener, grosse querelle survint entre luy et l'achepteur, tellement qu'il en fallut venir aux mains. Or, le larron qui l'avoit vendu, estant parmi la foule et voyant ce passe-temps , mesmement que l'achepteur estoit par terre , chargé de coups de poing, ne se peut tenir de dire : « Plaudez , plaudez-moy hardiment ce larron d'asnes ! )> Ce qu'oyant ce pauvre homme, qui estoit en tel estât et ne demandoit pas mieux que de rencontrer son vendeur, l'ayant recongneu à la parolle: u Voilà, dit-il, celuy qui me l'a vendu. ^) Sur ce propos il fut empoigné, et, toutes les susdictes choses avérées par sa confession, fut exécuté par justice, comme il meritoiî.

Nouvelle XCIV.

D'un pauvre homme de village qui trouva son

asney qu'il avoiî esgaré, par le moyen

d'un clistaire qu'un médecin luy

avoit baillé.

s pays de Bourbonnois (où croissent mes belles oreilles) fut jadis un médecin très fameux , lequel , pour toutes médecines, avoit accoustumé baillera ses patiens des clistères , dont de bonheur il faisoit plusieurs belles cures ; et pource en estoit-il plus estimé , en manière qu'il n'y avoit enfant de bonne mère qui ne s'addressast à luy en sa maladie. Advint qu'au mesme temps un pauvre homme de village avoit esgaré son asne par les champs , dont il estoit fort troublé ; et , ainsi qu'il alloit par les destroicts querant cest asne , il rencontra en son chemin une bonne vieille femme, qui luy demanda qu'il avoit à se tourmenter ainsi ; à laquelle il feit responce qu'il avoit perdu son asne, et qu'il en estoit si fort courroucé qu'il en perdoit le boire et le manger. Alors la vieille lui enseigna la maison de ce médecin , auquel elle l'envoya seurement, l'advertissant que de toutes choses perdues il en disoit certaines nouvelles, sans faute , dont le bon homme fut très-aise; et, pource , print son chemin vers ledit médecin. Et quand il fut en son logis , il veit tant de gens à i'entour de luy qui l'empeschoient d'approcher,

314 Nouvelle XCIV.

qu'il fut fort ennuyé , et, pource, il commença à crier : u Helas ! monsieur, pour Dieu, rendez-moy mon asne ! C'est toute ma vie ; je vous prie , ne le cachez point. On m'ha dict que vous l'avez ou me l'enseignez. » Et réitéra telles paroUes par plusieurs fois, criant tousjours plus hault, dont le médecin fut ennuyé. Et, pource, le regarda en face , et , cuydant qu'il fust hors de son entendement , il commanda à ses serviteurs qu'ils luy baillassent un clistaire, ce qui fut tost faict. Puis le pauvre homme sortit ne leans, espérant trouver son asne en sa maison; et, quand il fut à my-chemin , il fut pressé de vuyder son clistaire , et , pource , incontinent se retira dedans une petite masure , où il opéra très-bien ; et ainsi qu'il cstoit en telz affaires, il entendit la voix de son asne , qui hannissoit' parmy les champs, dont le pauvre homme fut très-joyeux, et n'eut pas le îoysir de lever ses chausses pour courir après son asne, lequel recouvert, il feit grande fcste, et puis monta dessus et s'en retourna en la ville bien vistement pour remercier le médecin ; et, cependant , par les chemins publioit le grand sçavoir et prudence de sondict médecin , et comment , par son moyen , il avoit retrouvé son asne , dont le médecin fut encores prisé davantage et plus €Stimé que jamais n'avoit esté.

I. Tant qu'à faire, pourquoi n'écrire pas asnir? L'auteur «herche un point de ressemblance entre hennir et asne.

Nouvelle XCV. p5

Nouvelle XCV.

D'un superstitieux médecin qui ne voulait rire avec

sa femme sinon quand il plouroit , et de la

bonne foriune de ladicte femme

après son trespas.

n la ville de Paris est recentement advenu qu'un médecin se fonda tellement en raisons superstitieuses jouxte la quinte essence, qui estoit par astrologie que rire et prendre le déduit avecques sa femme en temps sec luy fust très contraire , et pource il s'en abstenoit totalement ; et encore, quand il veoit le temps humide , observoit-il le cours de la lune , ce qui ne plaisoit guères à sa femme, laquelle souvent le requeroit du déduit, et, par nécessité qu'elle avoit, s'efforçoit à le faire joindre; mais elle ne gaignoit guères, et pour toute résolution, il luy donnoità entendre que le temps n'estoit disposé, et que telle chose luy seroit plus nuysible qu'à son profit. Ainsi rapaisoit sa pauvre femme à rien ne faire. Advint que familièrement la médecine compta son affaire à une sienne voisine , laquelle luy conseilla qu'incontinent qu'elle seroit couchée elle fist porter trois ou quatre seaux d'eau en son grenier, et les fist verser en un bassin de plomb qui estoit jouxte la fenestre dudict grenier, et servoit à recevoir les eaux des esgoutz de la pluie pour la faire dis-

3 16 Nouvelle XCV.

tiller par un tuyau ou canal de plomb jusques au bas de la court (ainsi que Ton a accoustumé faire aux bonnes maisons ) ; et dit la voisine qu'incontinent qu'elle oùyroit le bruit de ladite eaue , qu'elle en advertist son mary. Ce que la bonne dame médecine feit très volentiers ; et , combien que la journée eust esté chaulde et sèche, neantmoins elle exécuta son entreprise. Et quand tous deux furent couchez en leur lict, la chambrière instruicte laisse peu à peu decouller l'eaue par ledict canal, ce qui rendoit bruit, auquel la dame esveilla son médecin, le conviant à faire le deduict; ce que le médecin exécuta à son pouvoir, non toutesfois qu'il ne fust esbahy comment le temps estoit si tost changé. La dam.e continua par aucuns jours à telle subtilité , dont elle se trouva bien aise. Depuis advint que le médecin mourut, et pource que ladite dame estoit une très belle femme , jeune et riche , plusieurs la demandoient en mariage ; mais oncques ne voulut accorder à aucun , tant riche fust-il , qu'elle n'eust parlé à luy. De médecins elle n'eut plus cure , et demandoit aux autres s'ils se congnoissoyent aux estoilles et à la lune; et plusieurs d'iceux, ignorans du faict, luy respondoyent qu'ils en avoient fort bien apris tout ce qu'il en falloit sçavoir, lesquels pour cela elle esconduysoit. Advint qu'un bon compagnon , assez lourdaut, luy demanda s'elle le vouloit pour mary; et ainsi qu'ils devisoient joyeusement, elle l'interrogea s'il se congnoissoit aux estoilles ; lequel feit responce qu'il ne se congnoissoit au soleil, ny aux estoilles , n'a la lune , et ne sçavoit quand il se failloit aller coucher, sinon quand il ne veoit

Nouvelle XCVI. 3 17

plus goutte. Cette parolle plut à la dame, et pource elle le print à mary, dont elle fut très bien labourée et à profit , et se vanta depuis qu'elle avoit trop de ce qu'elle avoit eu trop peu auparavant.

Nouvelle XCVI.

D'un bon compaignon hollandois qui fit courir

après luy un cordouannier qui luy avoit

chaussé des boîines.

e ne sera chose hors de propos de reciter icy l'habilité d'un bon compaignon se promenant parmy une assez bonne ville de Hollande, lequel entré en la boutique d'un cordouannier, le maistre luy demande s'il y a quelque chose qui luy duise '. Or, l'ayant apperceu jetter la veue sur des bottines qui estoient là pendues , luy demande s'il avoit envie d'en avoir une paire. Quant il eut respondu et dit ouy, il luy choisit celles qui luy sembloient le mieux venir à ses jambes , et les luy chaussa. Quant il les eust, il se feit aussi essayer des souliers, lesquels luy semblèrent venir bien à ses pieds comme les botines à ses jambes. Après cecy, au lieu de faire marché et de payer, il vint à demander au cordouannier par manière de jaserie : u Dittes-moy par vostre foy, ne vous advint-il jamais que quelqu'un que