I. Imitation de la 36e chanson de Cl. Marot

Pourtant si je suis brunette, Ami, n'en prenez esmoy :

Autant suis ferme et jeunette Qu'une plus blanche que moy.

Cymbalum mundi. Î57

Qui est ceste belle jeune fille que je voy làbas en ung verger seullette ? Est elle point encore amoureuse? Il fault que je la voye en face. Nenny, et toutesfoys je sçay bien que son amy languit pour Tamour d'elle. Ha! vous aymerez, belle dame sans mercy, avant qu'ayez marché trois pas.

Celina. 0 ingrate et mescognoissante que je suis ! En quelle peine est il maintenant pour l'amour de moy ? Or cognois je à ceste heure (mais las! c'est bien trop tard) que la puissance d'amour est merveilleusement grande et que l'on ne peult éviter la vengence d'iceluy. N'ay je pas grand tort d'ainsi mespriser et esconduire cestuy oui m'ayme tant, voire plus que soy mesmes r Veulx je tousjours estre autant insensible qu'une statue de marbre ? Vivray je tousjours ainsi seullette (')? Helas! il ne tient gu'à moy; ce n'est que ma faulte et folle opinion. Ha, petiz oysillons, que vous me chantez et monstrez bien ma leçon! Que nature est bonne mère, de m'enseigner par voz motetz et petitz jeux que les créatures ne se peuvent passer de leurs semblables ! Or vous feroys je voluntiers une requeste, c'est que vous ne m'importunissiez plus par voz menuz jargons, car j'entendz trop ce que vous voulez dire, et que ne me feissiez plus voir les spectacles de voz amoureux assemblemens , car cela ne me peult resjouyr, ains me faict juger que je suis la plus malheu-

I . Ces mots nous confirment dans l'opinion que Celle est une religieuse repentante d'avoir pour les cloîtres abandonné l'amour.

)58 B. Des Periers.

reuse créature qui soit en ce monde. Hélas! quand reviendra il, mon amy? J'ay grand paour que je ne luy aye esté si farrouche , qu'il ne retourne plus. Si fera, s'il m'a autant aymée ou ayme encores comme je l'ayme maintenant. Il me tarde bien que je ne le voy. S'il revient jamais, je luy serai plus gracieuse et luy feray bien ung plus doulx racueii et meilleur traictement que je n'ay pas faict par cy devant.

CupiDO. Va, va, de par dieu ! va, dict la fillette, Puisque remède n'y puis mettre. . .

Or elle est bien, la bonne dame; elle en a ce qu'il luy en fault.

Mercure. N'est ce pas pitié? soit que je vienne en terre , ou que je retourne aux cieulx, tousjours le monde et les dieux me demandent si j'ay ou si je sçay rien de nouveau. Il fauldroit une mer de nouvelles pour leur en pescher tous les jours de fresches. Je vous diray, à celle fin que le monde ayt de quoy en forger et que j'en puisse porter là hault, je m'en voys faire tout à ceste heure que ce cheval là parlera à son palefernier, qui est dessus , pour veoir qu'il dira. Ce sera quelque chose de nouveau, à tout le moins. Gargabanado, Phorbantas, Sarmotoragos('). O qu'ay je faict! J'ay presque proféré tout hault les parolles qu'il faut dire pour faire parler les bestes. Je suis bien fol , quant je y pense. Si j'eusse tout dict , et qu'il y eust icy quelcun

i. D'après M. Johanneau, ces mots seraient une allusion moqueuse aux paroles sacramentelles de la messe.

Cymbalum mundi. }59

qui m'eust ouy, il en eust peu apprendre la science.

Phlegon le cheval. Il a esté ung temps que les bestes parloyent; mais si le parler ne nous eust point esté osté, non plus qu'à vous, vous ne nous trouveriez pas si bestes que vous faictes.

Statius. Qu'est ce à dire cecy? Parla vertubieu, mon cheval parle!

Phlegon. Voire dea, je parle. Et pourquoy non ? Entre vous hommes , pour ce que à vous seulz la parolle est demourée , et que nous povres bestes n'avons point d'intelligence entre nous, par cela que nous ne pouvons rien dire, vous sçavez bien usurper toute puissance sur nous, et non seulement dictes de nous tout ce qu'il vous plait , mais aussi vous montez sur nous, vous nous picquez , vous nous battez ; il fault ' que nous vous portions, que nous vous vestions, que nous vous nounissions; et vous nous vendez, vous nous tuez, vous nous mangez. Dont vient cela f C'est par faulte que nous ne parlons pas. Que si nous sçavions parler et dire nos raisons^ vous estes tant humams (ou devez estre) que après nous avoir ouy, vous nous traicteriez aultrement, comme je pense.

Statius. Par la morbieu! il ne fut oncques parlé de chose si estrange que ceste cy. Bonnes gens, je vous prie, venez ouyr ceste merveille; autrement vous ne le croiryez pas : par le sang bieu, mon cheval parle!

Ardelio. Qu'i a il là, que tant de gens y accourrent et s'assemblent en ung troupeau? Il me fault voir que c'est.

)6o B. Des Periers.

Statius. Ardelio, tu ne sçay pas? par le corbieu, mon cheval parle!

Ardelio. Dîz tu ? voyià grand merveille ! Et que dictil?

Statius. Je ne sçay, car je suis tant estonné d'ouyr sortir parolles d'une telle bouche, que je n'entends point à ce qu'il dict.

Ardelio. Metz pied à terre et l'escoutons ung petit raisonner. Retirez vous, messieurs, s'il vous

Î>lait ; faictes place , vous verrez aussi bien de oing que de près.

Statius. Or ça, que veulx tu dire, belle beste, par tes parolles ?

Phlegon. Gens de bien, puis qu'il a pieu au bon Mercure de m'avoir restitué le parler, et que vous en voz affaires prenez bien tant de loisir de vouloir escouter la cause d'ung povre animau que je suis , vous devez sçavoir que cestuy mon palefrenier me faict toutes les rudesses qu'il peult, et non seulement il me bat, il me picque, il me laisse mourir de fain, mais

Statius. Je te laisse mourir de fain?

Phlegon. Voire , tu me laisses mourir de fain.

Statius. Par la morbieu ! vous mentez ; et, si vous le voulez soustenir, je vous couperay la gorge («).

Ardelio. Non ferez , dea. Seriez vous bien si hardy de ruer ung cheval qui sçait parler? Il est pour faire ung présent au roy Ptolomée, le plus exquis qu'on vist jamais ; et si vous advertiz bien que tout le trésor de Cresus ne le pourroit pas