VIII

Les sergens font de grandes exactions sur le peuple, esludent l'ordonnance qui taxe leur salaire par jour, parce qu'au lieu d'ung exploict, il en font une douzaine , veoire parfois vingt et trente en ung mesme jour, et néantmoins se font payer pour chascung tout ainsy que s'ilz n'en avoient faict qu'ung seul, qui est une grande concussion ; font encôres piz en levant les amendes du roy adjudgées par arrest; et combien qu'ilz âyent plusieurs amendes à lever, néantmoins pour chascune , ilz se font payer voyage entier, et quelquesfois , pour amende de soixante ou cent soiz parisis , ilz se font payer ung voyage de six à sept esceus , dont le peuple des champs est merveilleusement foulé et opprimé , à quoy est besoing de remesdier.