VI. — Poésies palinodiques. — Rondeau

P. 39, ajouter :

A*. — Biblioth. nat., Nouv. Acq. franc., looSs, fol. 2h^^ v»-258.

Voici le texte donné par ce manuscrit ; il doit ôtre rapproché du texte donné p. 60 :

Rondiau de Nostre Dame a ce propos.

Veullent ou nom les mauldis envieux,

Pucelle suis et demourray pucelle;

Et si m'a mis le laict en la mamelle

Le plus biau filz qu'on vit oncque de deux ieux.

Et se quere2 des dames en tous lieux

La plus bruyant je dy que je suis celle.

Veullent ou nom les mauldis envieulx,

Pucelle suis et demourra pucelle.

D'un bel acueil, courtois, solacieux,

Simple en doulceur comme la tourterelle,

Sage, prudent plus que femme mortelle,

Seule sans sy, de maiatien gracieux,

Veullent ou nom les mauldis envieux,

Pucelle suis et demourray pucelle.

Le dieu d*Amours a bien voulu des cieulx

Me venir veoir, tant luy ay samblé belle,

Veullent ou nom les mauldis envieux,

Pucelle suis et demourray pucelle.

Dont les amans qui seront curieux

De me chanter ceste chanson nouvelle,

Je leur donray peut estre chose telle

Que tout le monde on ne trouveroit mieulx,

Veullent ou nom les mauldis envieux,

Pucelle suis et demourray pucelle.

Et si m'a mis le laict en la mamelle

Le plus biau filz qu'on vit oncq de deux yeulx.

A*. — Biblioth. municip. de Poitiers, ms. 95, fr. i. — La pièce y est intitulée : Rondeau de la belle mère et vierge.