PROV. II, V

2, ExoD. IV, y. 13.

tousjours désire que tout bien se face et naturellement appete que chascun vienne a bonne fin. Tu ne hais rien, si non péché. Aussi nous dit bien la saincte Escripture que tu ayme^ tout ce qui est bien, et nehays chose que tu faces '.

Et qui prent plaisir a pechèr Ne t'ayme, ne a soy n'est cher.

Si doit bien avoir le cueur triste, Car, ainsin que dit le Psalmiste :

a Celluy qui fait iniquité « Hait son ame, c'est vérité *. »

i6. Lorsque j'estoye au monde avecques vous aultres, je cuidoie avoir assez clerement manifesté Tardant amour et grant charité dont je vous ay tousjours aymé. Vous dictes en commun proverbe que Tung amy pour l'autre veille, et vous sçavés comme j'ay veillé pour vous jour et nuit, en grans oraisons, jeunes et abstinences, et comme j'ay souffert pour vous injures et menasses, et aussi comme j'ay plouré, cheminé et travaillé sans cesse, crucifié mon corps en grans souffrances et continuelles douleurs. Si vueil bien que vous soyés advertis que je n'ay point seulement souffert pour vous aFheure de ma mort et passion, mais dès le ventre de ma mère. Dès rheure {a) de ma conception je commençay a porter ma croix, voire en telle façon que j'ay continué sans cesse de plus en plus jusques a ma dernière souffrance, dont (i) plus amplement desclairé le grant excès de ma griefve douleur la nuit de devant ma passion ; tous mes membres par grant tristesse rendirent et dégoûtèrent (c) ruisseaulx de sang par sueur. Considère donc quelle douleur !

(a) B Des lors. — {b) B donc — (c) B dégoûte.