I . Nous avons vainement cherché ce verset des Psaumes

DU CRUCIFIX ET DU PELERIN 6l

Grâce fait bien servir, Grâce fait deservir Et suivir jusque au bout.

Toutes choses terribles, Grâce {a) les fait possibles :

Qui a grâce il a tout.

Le Pèlerin.

5o. Ce n'est pas de merveilles, sire, se nous [b) te doublons (c) et obéissons, veu que nous sommes hommes. Nostre fragillité nous fait estre ainsi lâches et toy mesmes as dit que l'esperit est prompt, et la chair debille \ Mais aussi de demourer de tous pointz tousjours en desespoir et négligence (d) seroit coulpe inexcusable, considéré que toy mesmes nous incitez et provocques, en nous promettant aide et secours. Et pour ce qu'il n'i a remède, mon Dieu, mon créateur, je voy bien sans plus dissimuler, il fault tirer avant ou demourer derrière. Je te supplie, sire, ireshumblement, apprès qu'il t'a pieu de moy communiquer l'amour dont tu nous, as aymés et les maulx que tu as souffers pour nous, de ta bénigne grâce, que tu me vueilles dire et enseigner le chemin et la voye que je dois tenir; c'est assavoir pour premièrement te rendre telle recompense d'amour,

Pour t'aymer et servir, Deservir et suivir, Affin de parvenir A ce bien obtenir, Le quel tu as promis A tes loyaux amis Servir et desservir.

(a) B Brace. — {b) B nons. — (c) B doubrons. — {d) BC négligent.