Ad Rom. I, v

Que vauldroyent plourer et gemîr Pour de rechîef se rendormir, Comme le chien qui va vomir Et puis une autre fois le menge?

Que vault souvent se repentir, Puis comme ung pourceau revertir, Le quel on ne sçait tant nettir Qu'i ne se regaste en la fange ?

Affîn donc que tu {à) ne puisses renchoir en ceste povreté, gardes jusque a la mort, soyes veillant, fay tousjours devoir, fuy toute occasion de péché, ne hante point les lieux, ayes purté de bouche, dy tousjours vérité, ne dy mal de personne, ne jure nepar-||jure, mercie Dieu de ses (b) biens, fuy (c) parolles mondaines et deshonnestes et par especial qui touchent a luxure, dy souvent : « Sire, pardonne moy, car je suis grant pécheur » ; et tousjours te repute le plus grant pécheur du monde.

Le Pèlerin.

66. Pour quoy, sire, me dois je reputer le plus grant pécheur du monde ?

Jesuchrist.

67. Pour ce que tu congnois manifestement ta conscience et non celle d'autruy. Si soyes obedient et humble, ne touche point aultruy {d), ne soyes corrumpable ne faulx tesmoing, ne commetz point usure, abhorre simonie, fuy comme venin attouchemens villains qui sont prochains voisins de luxure et d'ordure, ne regarde jamais personne par mautallent ne par concupiscence; et moult bien il te souvienne que la mort maintesfois entre par les fenestres pour te tresparcer le cueur, tien ton œil près de toy et regarde plus le ciel que la terre,

(a) B ie. — {b) B ces. — (c) B fuir. — (d) B "daqltruy

hV CRUCIFIX Et DU PELERIN 77

car saches que tes yeulx sont assis en hault po\ir bauit regarder au différent des bestes mues brutes.

Pense souvent lassus

Par contempiacion ;

Repute le surplus

De ce monde ça jus

Toute refusion .

Fuy maie compagnie

De paour d'oyr mal dire.

Fuy ces parolles vaines

Qui de {a) péchez sont plaines,

Et soudain t'en retire .

Ayes pitié d'ouyr

Amoureuses chansons;

Repute les tensons ;

Car ce sont les glassons,

Quant on ne les fait fondre,

Qui la doulce saveur

De dévote ferveur,

Par mauldicte faveur.

Font geler et morfondre.

Escoute voulentiers les parolles de Dieu, repute détestable toute detraction, ayes purté de cueur. « Toutes pensées perverses, comme dit TEscripture, font séparer de moy » ' et pour ce les dois bien rejeter (b). De toy mes me, garde tousjours ton cueur de toute ta puissance, et se ainsi te gouvernes, comme dit le Psalmiste, Dieu ne permettra point que la verge (c) des pécheurs vienne sur toy '. Mais aussi a Topposite, se tu ne te veulx garder [d) et tousjours tu t'enclines aux vers et a cous-

{a) B Quid péchez.— {b) B reciter.— (c) B vierge.— (^0 B harder.