Isa. I, V

me frappant sur la teste demandoient : « De qui te plaings tu?» et en la fin et conclusion m'ont jugé a mort, c'est assavoir a mourir en croix, qui est des tourmens le plus vil. Entre deux larrons m'ont pendu; du fiel m'ont donné a boire. Et quant j'estoie au fort de mon mal, lorsque mon sang fiuoit et distilloit, de toutes pars, ilz butinoient (a) mes vestemens et se truffoient de moy en me disant injures, et de tout j'ay eu pacience. Car comme dit le prophète : « Je me suis teu sans mot sonner (fr), ainsi comme Taignel que l'en tond' »; et après tout encore ay je prié pour eulx. Or donc toy, qui me veulx ensuivir et desires après moy porter ta croix, ne te soit grief ne estrange ' d'avoir quelque persecucion ou quelque adversité, veu que j'ay tant souffert pour toy. Mais quelque trouble ou adversité qu'il t'avienne, garde toy bien que jamais ne pardes pacience, car a bien souffrir et endurer sont les sages congnus. Car il n'y a pas pou de prouffit a endurer, ainsi comme dit FEscripture, « car qui jusques en la fin persévérera, certainement saulvé sera » '. Souvienne toy que la tribulation n*est que temporelle et transitoire, le loyer que tu attens est de perpétuelle gloire. Ne murmure point contre le ciel, ne pour cherté ne pour mal temps, mais mercie Dieu de toutes choses. De perte d'avoir ne des biens ne course jamais en riens. Endure de toutes personnes et au besoing de ton servant : tu sçais et vois (c) que je Tay ainsi fait. Endure parolles et injures, blâmes, blaphemes, reproches et deshonneur, sans jamais désirer vengance. Fay sans murmurer ce qui t'est commandé, car de murmure vient blaphesmes,

(a) B butinoit. — (b) B La phrase est répétée : Car comme dit le prophète ie me suis teu sans mot sonner ainsi corne dit le prophète ie me suis teu sans mot sonner. — (c) B voies.

ï. Isa. lui, V. 7.