Matth. X| y

detraction, qui moult desplaisent (a) a Dieu, L'Escripture de ce t'amonneste en disant : « Gardez vous de murmurer, qui riens ne profGte, et de detraction contenez vostre langue '». Se prison ou batures tu seuffires a tort, si prens tout en gré et en pacience, car le jour vendra qu'on t'en fera raison et ne te tardera gueres. Voire, et pour telles souffrances tu en avras tresbon guerdon. Se l'en te fait mourir, soies {b) constant (c) et ferme, et pour l'amour de moy endure tout, et te vienne en mémoire que pour toy je suis mort sans l'avoir (rf) desservi. Aussi bien une fois te convient il mourir. Et puis que a II faire faire, mieulx vault mort qui soit bien briefve et méritoire et a Dieu précieuse qu'après plusieurs langueurs départir lâchement par quelque mort doubteuse, tu doys en toy prendre gloire que tu mouras a tort, ainsi que a fait ton maistre et ton seigneur. Du corps est pou de chose, l'ame est le principal. Pourtant ne dois ja craindre ceulx qui deffont le corps; car apprès que c'est fait, il ne puent grever Tame. Somme, «ceux sont beneurez», comme dit l'Escripture, « qui meurent bien' ». Et le Psalmiste dit que « la mort des pécheurs est tousjours tresmauvaise ' ». Toutesfoys pour tousjours m'ensuivir et en moy te conformer, quelque mal que tu seuffres, prie tousjours en la fin pour tes malveillans et tes persécuteurs, car en mon Evangille ainsi le commende*.

Le Pèlerin (^e).

92. Humaine fragillité, mon souverain seigneur et rédempteur, n'est pas assés suffisante pour ces choses acomplir ; mais (/) je espère que par ta grâce tout se pourra parfaire.

(a) B dcploisent. — (b) B saies. — (c) B constent. — (d) lauir. (e) B iesucrist. — (/) B maie.