I. I. Pbtr. II, V. ai

Jesucrist.

95. Certes, si estoit bien quant l'eusses {a) voulu faire, voyre par une seuUe paroUe ou par un seul vouloir; mais, par conseil éternel et(b) divin consistoire, avoit esté déterminé d'y procéder ainsi et pour plusieurs raisons, les quelles tu congnoistras se une foys es digne de parvenir lassus. Neantmoins que aucunes (c) en y a que bien pouez pratiquer : Tune pour vous desclarer la grant amour que j'avoye envers vous, Tautre pour vous monstrer et faire entendre comme péché me desplaist tant, quant pour ce faire et abolyr j'ay tant voulu souffrir ; l'autre affin que les sainctz, quant apprès le jugement seront glorifiés en corps, puissent des yeulx [d) contempler leur seigneur; Tautre pour la similitude et congruité, c'est ad ce que par ung homme (e) vous soyés rachetez, ainsi que par ung homme estiez tous chetifz, malheureux et dampnez. Et comme par le moyen d'une femme vierge vint la perdicion, aussi par une femme vierge vint la rédemption. Et comme aussi par ung arbre vint toute la misère, par ung autre arbre fut de salut procuré le mistere. Et a ce propos^ comme [f] tu peux veoir, toutes choses sont merveilleusement retardées. Au sixiesme jour fut l'homme créé et ce mesme jour pour son offence fut a mort condamné, et tantost fut dechassé hors du vergier de délices. Et au sixiesme jour pareillement aussi a il esté créé et sa mort par mon obédience a esté abolie, la quelle par inobedience il avoit deservie. Et a celle heure que sentence de mort fut donnée dessus luy, a telle heure pareillement j'ay souffert mort pour luy.

Le Pèlerin.

96. O souverain mistere, o grant miséricorde, o merveilleux amour, o Dieu de souveraine majesté, seul

(a) B leusses. — • (b) B et m. — (c) B aucun. — (i) B puissent ceux. — (e) B unh gomme. — (/) B contenu.

pardurable, seul || tout puissant et seul immortel, qui as voulu cy bas venir pour nous çt devenir homme mortel et en la fin mourir, et que te rendrons nous, immortel rédempteur? Qui sera la personne qui ja pourra souffire (a) a te recompenser?

Jesdchrist.

97. Pour toutes recompenses, comme autrefois j'ay dit, je ne requiers ne demande si non que amour et ceste charité dont nagueres parloye, la quelle a esté consummation de mes œuvres terrestres et le dernier degré pour monter en la croix. Et pour ce, se tu me veulx ensuir, ainsi que je t'é declairé (fr), pour bien après moy porter ta croix et toy mortifier en elle, a ceste finable charité te convient véritablement retourner et réduire et raporter toutes entreprinses. Et pour ce avec obédience et pacience Tay (c) conjoincte, qui sont mes trois degrez de ma passion, pour te demonstrer que pour moy tu dois obéir et souffrir patienment en ferveur de dilection, et quant mestier seroit pour les miens porter mort. Car, comme dit TApostre, « ainsi comme pour vous j'ay mis mon ame, pareillement pour voz frères vous devez mettre la vostre ' ». Et sont ces trois degrez derniers appartenans au fait d'ardeur et de infiamacion parle moyen des trois derniers. Car, après la purgation des trois premiers et la splendeur et illumination des trois secondz, vient Tinfiamacion par le moyen des trois derniers. Car, se tu continues a vivre en pureté dé conscience, en humilité et povreté voluntaire,se tu continues a vivre justement et donnant bon exemple et en compassion, tu vendras en si grant ardeur en la fin, et en si grant illumination de charité que pour obéir et pour tout endurer il ne te sera ja riens impossible. Et

(a) B souffrire. — (b) B declaires. — (c) B la. I. L JOAN. III, V. i6«

affin que la division de ces degrez et le grant procès ne t'esbahysse point trop^ tu dois sçavoir que ces neuf degrez n'est autre chose que vraye humilité, honneste conversacion et dilection entière de Dieu et de son prochain : humilité garnie de pureté de conscience et desprisement de monde, honneste conversacion de bon vouloir et de piteux couraige et dilection entière de Dieu et de son prochain, bien délibérée obeyr, c'est assavoir a son créateur sans quelque murmure et i pareillement sans au-||cun contredit. Et vêla les neuf degrez de ma nativité et de ma passion, par les quelz, se tu peulx procéder et cheminer, tu pourras porter ta croix apprès moy et m'ensuivir jusques en l'article de ta mort et en la fin apprès ceste vie parvenir a salvacion.

Le Pèlerin.

98. Sire, quant de ta grâce t'a pieu me communiquer si treslargement tes sainctz plaisirs et enseignemens, vueilles aucunement supporter mon ingnorance et souffrir que pour (a) tousjours plus parfaictement tes secretz entendre je face quelque question. Que veult ce dire que les degrez que m'as cy touchés par ordre spnt finis au nombre de neuf? Et j'ay tousjours ouï dire que le dixiesme est le plus parfait et la consummacion de tous nombres.

Jbsucrist.

99. Qui des nombres vouldroit (b) parler selon leur cas, la chose sembleroit moult grande et plaine d'ung fort et long procès, especiallement du sixiesme nombre, qui est plain d'ung grant sacrement et de souveraine perfection tant de soy mesmes comme pour ce que je l'ay sanctifié en plusieurs manières, mais singulièrement touchant ma passion. Car six jours devant la Pasque, j'entray triumphamment en Hierusalem, le

(à) B souffrir que f)our m* — (b) B vauldroiêt.

jour des palmes, et le sixiesme jour^e souffris mort a rheurc de sîxte, qui est my jour, et fus mis en croix. Mais de cestui me tairay quant a présent. Au regard du neufiesme nombre dont tu parles et t'esmerveîlles qu'en cestuy nombre j*ay fait le nombre de ces degrez et la fin, la raison est pour ce que vous autres estes en ce monde en labeur et tristesse tendans a voye de perfection, en vostre cas n'a riens certain tant que ce vient apprès la mort. Et pour ce proprement vostre estât en ceste consideracion ne passe pas le neufiesme nombre, le quel semble aucunement souffrir imperfection, pource qu'il s'approuche et efforce venir au nombre de dix, qui est la somme de tous autres nombres. Nonobstant que le neufiesme nombre si contient en soy ung tresfort et grant mistere, quant il est bien de chascun considéré. Premièrement, il représente de soy quelque semblance de la Trinité, car ainsi comme il J'» se départ es troys parties, c'est || assavoir en trois, depuis ung jusques a dix n'y a point nombre nomper que on puisse diviser en trois parties egalles fors le troîziesme (a) et le neufiesme. Et d'autre part il contient en soy le nombre des {b) cinq livres de Moyse et celuy des quatre evangelistes, c'est assavoir le Viel Testament et le Nouveau. Mais en tant qu'il touche le regard de ce qu'il languisse soubz la perfection de dix, comme j'ay dit, a vostre estât est il moult proprement approprié, le quel languist (c) en mesaise et souffrance, tant que soies parvenus au ciel. Et lors sera la somme acomplie et la perfection de voz labeurs. Adonc monteras tu le dixiesme degré qui est celuy que tu demandes, car en tant que touche l'humanité, je suis speciallement chief de vous tous. Et quant les membres seront avec le chief, nous employrons la dixiesme partie, la quelle perfection de nombre attendent les anges, les

(a) B treiziesmc. — (*) B de. — (c) B languin.

quelz jusques au jugement semblent aucunement avoir quelque imperfection, en tant qu'il sont partis en ordre contenant (a) ce nombre de neuf.

Le Pèlerin.

100. Plus on attend a tes parolles, souverain Dieu, et de plus en plus on s*i délecte et croy, sire, vrayement que autre félicité ne soit plus grande fors seullement penser en toy et considérer tes misteres. Et pour ce qu'il t'a pieu me declairer de ta grâce neuf degrez de perfection par les quelz on peut venir a toy, je te prie de rechief qu'il te plaise de superhabondant me donner quelque brief et final conseil par le quel je prenne couraige en portant après toy ma croix et puisse (b) cheminer et monter par ces neuf degrez, c'est assavoir de faire ^quelque chose particulière, la quelle te soit fort agréable, affin de mieulx desservir ta grâce pour en ce propos persévérer.

Jesuchrist.

lo.i. L'Apostre avoiten soy grefve tentacion de Tes-

guillon de la chair, du quel il me demanda par troys

foys délivrance '. Mais je luy respondi : « Suffise toy

d'avoir ma grâce». Et ma grâce fut il digne d'avoir pour

ce que en ma croix il se glorifioit, et portoit en soy,

i/. Avj comme il appert par ses || parolles, les impressions et

souvenances de mon crucifiement, tant en effet que

moyennant ma grâce il a cheminé par ces neuf degrez,

sans mesprison tout son vivant. Il cheminoit par le

premier degré de pureté, quant il disoit : « Nostre glo-

rificacion est le tesmoygnage de nostre conscience, car

en toute simplesse (c) et toute (d) pureté de cueur nous

avons convercé en ce monde * ». Il cheminoit par le

(a) B conant. — C contenans. — (b) BC puisses. — (c) B simplelle. — (d) toute m.