Pourquoy, sire, du bon larron

io3. Le bon larron pendoit en la croix^ ainsi que moy, en ma présence, et en me regardant, le quel souffroit moult grant peine. Et entre tant d'autres qui me vituperoient, il redargûa et reprint son compaîgnon, le quel me blasphemoit, et en confessant et recongnoissant les offences, me recongnut et confessa innocent, et non pas seuUement innocent, mais avec ce meQconfessa et recongneut Dieu et homme. Et, en la fiit, me demanda paradis et je luy promins. Regarde moy donc souvent, ainsi que je pendis en la croix et seuffry douleur, en toy mesmes ayant pitié et compassion de moy, portant toujours dedens ton cueur Tymage de mon grant et grief martire. Et je avray tousjours l'œil sus toy. Entre si grant tourbe de maulvais hommes qui chascun jour et a toute heure mon nom bl^phement, argue contre tous ceulx qui ce mal feront, et en accusant tes péchés recongnois moy Dieu et homme. Les quelles choses se tu les faitz, en te confiant du tout a ma grâce, demande moy souvent pardon et tu avras tresbon guerdon, car tu me verras en paradis face a face.

Le Pèlerin.

104. Toy craindre et aymer, mon souverain Dieu, et garder tes sainctz commandemens, c'est le commencement et la fin ; c'est ce que tout homme doit faire. Te craindre doncques, qui est le commencement de sapience, et t'aymer, qui est la fin et la consummacion de tout bien, puissons nous pardurablement (a) en gardant tes (b) sainctz commandemens et croyant de tous pointz ton conseil et en constance et fermeté de foy (c), en perpétuelle memoyre et souvenance de ta tresdigne et précieuse mort, puissons nous conclure la douteuse fin et briefveté de nos jours. Quant de ta grâce t'a pieu de communiquer si treslargement tes sainctz plaisirs et enseignemetis, si te rens présentement et rendray désormais a tousjours, Jésus, mon rédempteur et mon Dieu, grâces et louenges immortelles de ce qu'il te plaist ainsi tes parolles nous manifester et tes grans et sainctz secretz révéler.

Fin dudit Dyalogue de Jesucrist et du Pèlerin.

io5. O Dieu du haultain firmament,

Mon vaissel souillé, plain d*ordure, Par mon maulvais gouvernement

Fol. Pif Nage en mer en grant adventure.

Le voyssel est (d) la créature Et tout ce que luy appartient, C'est {e) délit mondain qui pou dure Dont peu souvent nous en souvient.

<<i) B parablcment. '— (b) B les. — (c) B fermette de soy. — {d) B eu — (e) B Dest.

Naturellement (a) cheminer Il me convient ung jour avant, Et ne sçay ou je dois mener Mon voissel, derrière ou devant.

J'en ay {b) le cueur triste et dolent, Moy qui suis en mon jeune aage, Car je m'en vois tout en parlant, Comme passe vent ou orage.

De grant paour le cueur me débat, Car faire me fault partement D*icy, et ne sçay quelque pan Tirer pour mon avancement.

Mon Dieu, mon père qui ne ment, Se mon vaissel n'est convoyé Par vous, a port de sauvement, En péril suis d'estre noyé.

Ancrer me fault en celle mer Tant qu'a mon créateur plaira.

Que ung voyage doit estre amer (c) Quant on ne sçait ou on ira.

Ne le jour que on partira !

Plus y pense et plus m'ennoye.

Cil qui me fist et deffera Me conduise la droicte voye !

Neantmoins, a mon Dieu je commetz {d) }iQn voiage a (e) tout mon affaire, %t en sa grâce je me metz.

Mieulx ne me sçaroie ou retraire.

Il sçait ce qui (/) m'est nécessaire,

(tf) B Naturrllemcnt. — (b) C lay eu. — (c) B aymer. — (d) C Neantmoins o mon Diéé te me commetz. — (e) C et. — (/) C quil.

Si le requier après tous ditz Qu'en fin j'aye pour tout salaire Le royaulme de Paradis.

Heias ! quel dure départie, Quant il n'y a point de déport !

Pour Dieu, soies de ma partie, Vierge Marie, mon seul confort!

Faictes moy encrer a bon port Mon vaissel et le gouvernail, Arrière de puant et ort Lieu dampnable gouffre infernal.

A Dieu je m'en vois sans attendre Mon chemin, car je suis surprins, Puis que mon voille (a) ay voulu tendre Et que le naviron ay prins.

Jamais ne seroye reprins De cheminer le droit chemin Que nos ancestres ont aprins Et qui devant nous ont prins fin.

Se perçoy {b) je a perdition Mon vaissel esgaré en mer.

Pour finable conclusion Mon voyage me fault finer.

Vray Dieu, vueilles moy délivrer (c) Du dampné Satan plain d'envie, Et mon ame en gloire mener En (d) saincte et pardurable Vie!

Finis (e).

(a) C voyelle. — (b) B Ce par quoy. — C Ce percoy. — (c) B deliure. — (d) C Et — (e) B ajoute ; Cy fine le dyalogue du

cnixefix. Imprime nouuellement a paris. Par. lehan treperel demourant a la rue saint Jaques, a lenseigne saint laurens près saincl yves. — C «e termine ainsi : Cy finist le dyalogue du Crucifix et du Pèlerin Compose en Hierusalem. Lan Mil .cccc. quattre vingtz & six. Par frère Guillaume Alexis : prieur de Buzy. A la requeste daulcuns bons Pèlerins estans auec luy Au bon ▼oyage de Hierusalem. Cum priuilegio. Imprime a Paris pour Guillaume Eustace Libraire du Roy nostre sire : et Relieur de liures lure de Luniuersite de Paris. Auquel nostre sire le Roy a donne priuilege de deux ans Ainsi comme il appert Par les lettres patentes de nostre sire le Roy : Signez de Neufuille : et interinez Par le Preuost de Paris. Ainsi Signez I. de Calais. Imprime a Paris lan mil cinqcentz et vingt & vng. [Marque de Guillaume Eustace,] On les vent a Paris A la Rue neufîie nostre Dame a lenseigne de Lagnus dei.