RESPONCE AV CARTEL

DE Floriodorants qvi sovstenoit le Dédain des Dames

Chevalier de Dédain, qui faisant trop de gloire De te voir dédaigné, nous penses faire acroire Ou'à TAmour le Dédain n'est pas vne poison, Sçache que nous venons t'aprendre à ton dommage Qu'endurer le Dédain c'est manquer de courage, 6 Et que le soustenir c'est manquer de raison.

Car par quelle raison se pourroit-il bien faire Qu'Amour changeant d'humeur viue par son contraire. Et qu'auec des glaçons il se puisse nourrir Puis qu'enuers vn Amant le Dédain d'vne Dame N'est pas tant vn essay pour connoistre sa flame, 12 Qu'vn outrage insolent pour la faire mourir ?

Et comme la Beauté dont notre ame est éprise. Et qui par la douceur nous priue de franchise. Acquiert par le Dédain le nom de cruauté, Tout de mesme l'amour, qui souffre sans vengeance Que l'iniuste Dédain d'vne ingrate l'offence, i8 Ne peut plus estre Amour, mais vne lascheté.