ARTICLE XXVII

V y N insère ici tout au long, et suivant l'ancienne orthographe, la teneur des Lettres-Patentes d'abolition et de rappel accordées par le Roi Louis XI à Jean de Lalande, Seigneur de Labrede. Ces Lettres serviront à constater que ce Roi, en bon politique, chercha à se concilier les cœurs des habitans de Bordeaux et des Seigneurs du Pays Bordelois. Elles servent d'ailleurs à justifier les uns et les autres du reproche que leur ont fait trop légèrement certains Ecrivains, même modernes, d'avoir manqué à la fidélité qu'ils avoient jurée au Roi Charles VII, puisqu'il paroît par ces Lettres-Patentes qu'ils avoient été contraints de céder à la force supérieure du Général Talbot, qui s'étoit présenté devant Bordeaux à grant puissance de gens et de Navires Anglois.

LOYS, par la grâce de Dieu, Roy de France : Savoir faisons à tous présens et à venir, Nous avoir receue l'humble supplicacion d'aucuns des parens et amys charnelz de Jehan de Lalande, Chevalier, fils de Jehan de Lalande, aussi Chevalier, natifz de nostre Pays de Bourdeloys, estant à présent en l'obbéissance de noz anciens ennemys et adversaires les Anglois, contenant que dès le temps de la première redduccion faicte par feu nostre très-cher Seigneur et Père, que Dieu absoille, de noz Ville de Bourdeaulx et Pays de Bourdeloys, lesditz de Lalande père et filz firent le serement à nostredit feu Seigneur et Père, comme les autres Nobles

dudit Pays, d'estre bons et loyaulx envers nous; et au temps que feu le Sire de Talebot vint audit Pays de Bourdelois à grant puissance de gens et de Navires Angloys, telement qu'il conquist nostredite Ville de Bourdeaulx et presque tout le Pays de Bourdelois, et lui obéirent presque tous les Nobles dudit Pays, et mesmement lesdits de Lalande père et filz, et furent contraints le servir à l'encontre de nostredit feu Seigneur et Père, pour ce que ledit Sire de Talebot avoit conquises et occupoit leursdites Terres et Seigneuries; et depuis fut ledit Sire de Talebot et ceulx de sa compaignie desconfits à la journée de Castilhon en Perigort, au moyen de laquelle desconfiture et de la diligence qui fut sur ce faicte par nostredit feu Seigneur et Père, les autres Anglois qui estoient demourez en nostredite Ville de Bourdeaulx et ailleurs audit Pays de Bourdeloys furent contrains eulx en retourner au Royaume d'Angleterre, avec lesquelz lesdits père et filz de Lalande s'en alerent pour la doubte qu'ilz avoient d'estre rigoureusement traictez, s'ilz feussent demourez en l'obbéissance de nostredit feu Seigneur et Père, et ont depuis tousjours demouré en l'obbéissance desdits Angloys, et encores y sont; et Nous ait esté remonstré par lesdits Supplians que ledit Jehan de Lalande filz y est à grant desplaisance, et auroit grant désir de soy en retourner demourer en nostredite obéissance, et est délibéré d'estre désormais loyal envers Nous, si nostre plaisir estoit lui pardonner et abolir les faultes par lui commises envers Nous, et lui restituer les Terres et Seigneuries que lui et sondit père tenoient en nostredit Pays de Bourdelois et autres, sondit père et lui joissoient paisiblement au temps et par avant ladite première redducion de Bourdeaulx, lesquelz ont, comme on dit, esté déclairez confisquez et donnez par nostredit feu Seigneur et Père, requerans humblement lesdits Supplians nostre grâce et miséricorde estre sur ce impartie et estargie audit de Lalande le jeune : Pour ce est-il que Nous ces choses

considérées, et especialement en faveur et à la requeste de nostre très -cher et amé Cousin le Conte de Candalle, Captau de Buch, oncle dudit Jehan de Lalande, qui sur ce Nous a trés-instamment supplié et requis, à icelui Jehan de Lalande le jeune avons quicté, remis, pardonné et aboly, et par la teneur de ces présentes, de nostre grâce especiale, pleine puissance et auctorité royal, quictons, remectons, pardonnons et abolissons le crime et offense qu'il a commis envers Nous et nostre Majesté Royal à cause desdites rébellion et désobéissance, ensemble tous les autres cas, crimes, excès, maléfices et autres delitz quelconques qu'il a et peut avoir commis contre Nous, nostre Seigneurie et Justice, à l'occasion de la guerre, de tout le temps passé jusques à présent, pour quelque cause ne en quelque manière que ce soit, combien que les cas ne soient exprimez rie declairez en cesdites présentes, autrement que dit est, et l'avons restitué et restituons par cesdites présentes à sa bonne famé et renommée au pays, et à tous les biens, Terres, maisons, Seigneuries, heritaiges, possessions et biens immeubles quelconques que sondit père et lui tenoient et possedoient paisiblement au temps de la première redducion des Bourdelois; et sur ce imposons silence perpétuel à nostre Procureur présent et à venir, nonobstant quelconques déclaracion, confiscacion et dons qui en auroient et pourroient avoir esté faiz à quelconques personnes, ne pour quelque cause que ce soit, par nostredit feu Seigneur et Père et par Nous, lesquels déclaracion, confiscacion et dons voulons et déclarons estre et demourer de nulle valeur et effect, et non préjudiciables audit de Lalande, et lesquels heritaiges, Terres et Seigneuries, possessions et biens immeubles quelconques Nous audit Jehan de Lalande le jeune, en tant que mestier est, avons de nouvel donnez, cédez, quictez, transportez et délaissez, et par cesdites présentes donnons, cédons, quictons, transportons et délaissons, pour en joir pour lui, ses heoirs,

41 6 VARIÉTÉS B0RDEL01SES

successeurs et ayans cause, tout ainsi que en joissoient sondit père et lui au temps et par avant ladite première redduccion. Si donnons en mandement par cesdites présentes à nos amez et féaulx Conseilliers les Gens tenant nostre Parlement à Bourdeaulx, Gens de noz Comptes et Trésoriers, au Seneschal de Guienne et à tous noz autres Justiciers ou à leurs Lieuxtenans et à chacun d'eulx, si comme à lui appartiendra, que ledit Jehan de Lalande le jeune, ses hoirs, successeurs et ayans cause, ilz facent, seuffrent et laissent joir et user de noz remission, pardon et abolicion, don, cession et octroy, sans leur faire ne souffrir estre fait, mis ou donné aucun destourbier ou empeschement au contraire, ain coys ce fait, mis ou donné lui avoit esté ou estoit, si l'ostez et mectez, ou faictez oster et mectre , tantost et sans delay à plaine délivrance; et affin que ce soit chose ferme et estable à tousj ours, Nous avons fait mectre et apposer nostre scel à ces présentes, sauf nostre droit et Tautruy en toutes. Donné à Saint-Jehan-de-Luz le derrenier jour d'Avril Tan de grâce mil quatre cens soixante-trois, et de nostre règne le deuxième. Et sur le reply, Par le Roy, le Conte de Foix, les Sires de Crussol et de Beauvoir et autres presens. Signé de Laloere. Visa. Signé, Contentor, Dorchere.