DU PREMIER PRÉSIDENT
ARTDS DE FRK DE SM-ÂiD£
FÉVRIER l586 ▲ JANVIER lÔOy.
(Bibliothèque nationale : Manuscrits français»)
No I.
i586. — 19 février.
MONSEIGNBUlt,
Vous recepvrés la présante par les mains de Monsieur Rives, sieur de Cezerin, pourveu par résignation faicte par son père de Testât de maistre des comptes en la Chambre des Comptes de ce pjïs, sur quelques difficultés quy se sont présantées à sa réception : il ha esté contrainct de recourir à sa Majesté et à Messeigneurs de son conseil d'Estat. A la prière de ses parens, quy sont tous gens de bien et d'honneur, je vous escrips ceste-cy pour vous supplier très
humblement de vouloir avoir en spéciale recommandation la poursuitte dudict sieur de Cezerin, luy et tous les siens vous en demoureront à jamais très obligés et moy avec eux nous ferons service en tous les endroits esquels il vous plaira nous honorer de vos commandemens. Monseigneur, je vous baise humblement les mains, et supplie le Créateur vous donner santé, prospérité et longue vie.
De Grenoble, ce 19 febvrier i586.
Vostre très humble et obaissant cousin etserviteur,
Artus Prunier, & Dagnières.
(Mb. fr., 15,908.)
No 2.
1594. — i5 fénier.
AU ROY
Syrb,
Depuis le départ du sieur Bongars, on ha principallement travaillé à Testablissement du gouverneur en chef de ceste ville et païs de Lyonnois, d'autant que par les mémoires et instructions desquelles votre Majesté m'a honoré, vostre intention estoit d'en pourvoir Monsieur de Lyon au cas qu'il feust agréable à ladite ville, s'emploiât à la réduire à vostre obaissance, et se déclarât estre vostre serviteur. En défaut de ce, vostre Majesté entendoit y pourvoir Monsieur de Chevrières Sainct Chaumont ; Monsieur de Lyon ha usé de longueurs à s'ouvrir de vouloir entrer à vostre service et recognoistre vostre authorité. Et sur ce qu'il vit, que ceste ville estoit en termes de donner ad vis à vostre Majesté de celuy que elle estimoit propre d'en avoir
la charge, le vendredy onziesme de ce mois^ il fist déclaration à quelques-uns de ceste ville de Touloir estre vostre serviteur ; ce que il ha confirmé le jour d'hier à Monsieur le colonel d'Ornano et à moy , avec paroles par lesqudles il se fait ouir de vouloir entièrement dépendre de vos commandemens et m'a asseuré que il depeschera à vostre Majesté le sieur de Chaseul, son nepveu, quy vous portera de ses lettres.
Il n'entend entrer en treté avec vostre Majesté que s'il vous plaist, Sire, de luy accorder les cinquante mille escus portés par mes instructions ; il en haura très grande obligation à vostre Majesté, laquelle il suppliera de luy donner Tevesché de Beauvais que Monsieur le duc de Mayenne luy ha donné et outre ce une pension pour luy ayder à supporter les despenses que il luy convient soustenir et le relever des pertes que freschement il souffire par la prinse de Sainct Marcelin et le Colombier, places de cest evesché que ks ennemis ont saysy depuis deux ou trois jours. Il désire aussy qu'il plaise à vostre Majesté luy entretenir cinquante arquebusiers pour sa guarde,'et cinquante chevaulx l^iers soubz la charge de tel que vostre Majesté nommera, à ce que allant aux champs il le puisse faire avec plus de seureté. Quant au gouverneur, il s'en remet entièrement à vostre bon plaisir. Sire, les altercations et différens ont esté tels pour le gouvernement en chef de ceste ville et pays de Lyonnois que pour le mieux de vos affaires et éviter que on n'en vint aux armes, Monsieur le colonel d'Ornano et autres, vos affidés serviteurs, ont esté d'advis de laisser la nomination dudict gouverneur à son entier, à vostre nomination et plenière disposition. Et jusques à ce que vostre Majesté aye déclaré sur ce sa volonté, deTadvis de Monsieur le colonel et des seigneurs quy l'adsistent, les consuls de ceste ville ont prins la charge dudict gouvernement, soubz vostre bon plesir. A quoy, il vous plaira, Syre, vousresouldre au plus tost et faire entendre ce qui sera de vos voluntés d'autant que la dilatation peut apporter j>réjudice. Monsieur
— 324 *^ de Chevrières Sainct Chaumont ha maintenu icy vos afiai-* res de tout son pouvoir, et y a rendeu bien avant preuve de sa fidélité ainsy que vous verres par celle que vous escript Monsieur le colonel d'Ornano, quy, à l'instante prière des eschevins et habitansde ceste ville, (quy Tayment, l'honorent et chérissent infiniment), mène vos forces du Daulphiné du costé de Toussay pour divertir la construction du fort que Pennemy y faict, lequel mis à la perfection pourroit grandement nuyre à ceste ville. Mascon ha de nouveau juré Tunyon depuis Tunziesme de ce mois. Les serviteurs que vostre Majesté y ha^ mandent, si Monsieur le colonel s'avance, il pourra arriver de mesmes à Mascon que à ceste ville, c'est l'une des principalles occasions qui donne subject à Monsieur le colonel de s'acheminer à Toussey, voysin dudict Mascon.
Et d'autant, Syre, que ce n'est moins de vertu de conserver que d'acquérir, je supplie très humblement vostre Majesté de vouloir bien considérer l'importance de ceste ville, et decroireque pour l'affermir entièrement et à jamais à vostre obaissance, il est très nécessaire, si d'ailleurs vos affaires le vouspouvoient permettre, de faire un tour â ceste ville ; vostre arrivée y serviroit infiniment et profiteroit mesmes aux affaires du Languedoc, Provence et Daulphiné. Je m'en vais à Grenoble en intention de retourner icy selon 'es advis et Lttres que j'en haurey de Monsieur le colonel. Syre, après avoir supplié très humblement vostre Majesté de me vouloir honorer de ses commandemens, je supplieray le Créateur donner à vostre Majesté, Syre, très longue et très heureuse vie.
De Lyon, ce quinziesme febvrier 1594.
Vostre très humble, très obaissant, très fidèle serviteur et subject.
Prunier, S^" de Saint-André.
(Mb. fr , 23,194, fol. 27.)
1601. — la juin.
EXTRAICT DU PROCÈS-VERBAL DE MESSEI- GNEURS ARTHUR PRUNIER, SEIGNEUR DE SAINCT ANDRÉ, CONSEILLER DU ROY EN SON CONSEIL D'ESTAT ET PRIVÉ, SECOND PRÉSIDENT EN LA COUR DE PARLEMENT DE DAULPHINÉ , GASPAR BARO ET JEHAN FIGUEL, CONSEILLERS DU ROY EN LADICTE COUR, COMMISSÈRES EN GESTE PARTIE, DEPPUTÉS PAR SA MAJESTÉ.
Le douziesme juing, mil six centz et un, sur les cinq heures du matin, au Monthelimard, en i'hostellerie du Griffon, ha comparu, devant nous Commissères, sçavoir le sieur du Pouet Savasse accompagné de cinq soldatz quy sont entrés dans nostre chambre, ayant laissé grand nombre de ses aultres soldatz à la rue, lequel adressant la parolle à nous, président Sainct-André, nous auroit dict son intention estre de se saysir de la ville, mesmes de la tour Sainct Martin par la force entre cy et l'heure de midy Nous ne faysons sortir les soldatz quy y sont establis en garnison par Monsieur de Gouvernet et ce pour garder la ville, en attendant que sa Majesté aye pourveu sur leurs remontrances, n'ayant heu jusques icy moyen de le fere entendre à sa dicte Majesté.
Sur quoy, nous Commissères, luy avons dict avoir patienté plus de six sepmaines à Grenoble, après avoir receu nostre commission, affin que ceulx quy commandoyent au chasteau heussent tant plus de loysir de se rettirer au Roy et obtenir déclaration de sa Majesté.
Que le cappitene Arnaud fist entendre à Monsieur de Genthon par ung sien escript, signé par luy, en datte du quatriesme mars dernier, que après avoir patienté longuement Monsieur de Lesdiguières auroit bon de ne différer davantage l'exécution de nostre commission et que nous devions nous acheminer par desçà à cest effect. Et pour nous fortifier d'aultant à l'exécution de nostre commission, en déclaration de sa voUonté, auroit ledict sieur de Lesdiguières escript aux cappitaines et soldaltz, estantz dans le chasteau, audict sieur de Genthon, à Monsieur levyséneschal de Montélimard et aux consulz de la ville : en apprès leurs lettres auroyent esté rendues à tous, mesmes à ceulx du chasteau, des mains dudict sieur de Genthon.
Que estant icy, nous nous soromescomportés^vec toute la modération qu'il nous a esté possible, que la garnison quy estoit â la tour Sainct Martin y estoit establie de l'aucthorité de Monsieur de Lesdiguières, qu'elle y auroit esté mise par ledict sieur de Genthon, sur les commandementz qu'il en heust de mondict sieur de Lesdiguières : qu'il advisât bien advant que de l'entreprendre et en print advis et consul de ses amis.
A quoy ledict sieur du Pouet fist response ; que les résolutions en estoyent prinses et que sy les soldatz, qui sont en ladicte tour, ne sortoyent à l'amiable entre cy et l'heure demidy,il les en feroit sortir par la force, que ilavoyt &ict parler ausdicts soldatz, lesquelz avoyent dict qu'ils obéyroyent à ce que nousdicts Commissères leur en ordonnerons.
Ce que entendu par nousdicts G)mmissères, nous aurions dict audict sieur du Pouet que ladicte garnison estoit en ladicte tour, advant nostre arrivée en ceste ville, que nostre commission ne s'estendoit sy advant d'establir et destituer ladicte garnison, mesmes celle d'où est question, puis qu'elle y estoit mise de l'aucthorité de Monsieur de Lesdiguières, que nous le prions de surseoir pour quelques jours, dans lesquelz nous advertirions Monsieur de Lesdiguières.
- 3*7 — Quelques proppos que nous luy ayons tenu, il 4 tousjours persisté.
A l'instant est entendu dans notre chambre le sieur de Comps, accompagné du sieur de Rochefibrt, du sieur de Lastic et autres, quy nous ont déclaré estre très humbles, très obéissantz, fidelles serviteurs du Roy ; que ayant sceu la descente du sieur du Pouet du chasteau en la ville avec ses soldatz, ils se présentoyent à nous pour fere ce quenous leur marquerons pour le service du Roy : ce dont nous les aurions grandement loués et yceulz exhortés de continuer en ceste résolution.
Comme ledict sieur du Pouet se feust rettiré, nous ayant déclaré à son despart qu'il n'entendoit empescher nostre commission, l'accompagnant jusques à la rue, nous y vismes grand nombre de soldats avec armes.
Après son despart, nous Commissères avors prié ledict sieur de G)mps, comme parent du sieur du Pouet, de le disposer à changer ses résolutions, il s'en excusa sur ce chefz : que le sieur de Gouvernet luy a remonstré qu'il est question icy du service du Roy et non du particulier du sieur de Gouvernet, et ha persisté.
Pour ne rien laisser en arriére, nous priasmes ledict sieur de Genthon et le sieur de Lastic d*aller trouver ledict sieur du Pouet pour luy dire que nous despeschions promptement à Monsieur de Lesdiguières, que dans peu de jours nous en aurions response, s'il vouloit diCTérer et arrester les résolutions. Que pour le moingtz il heust agréable que les soldatz, quy sont en ladicte tour, y demeurassent sans en sortir, ny faire acte de guerre et que pour leur oster tout ombraige que ledict sieur du Pouet laissât des siens en garde de ladicte tour. Lesdicts sieurs de Genthon et Lastic le luy firent entendre mais ilz ne peurent advancer aulcunè chose avec ledict sieur du Pouet, quy de plus fort déclara qu*il persistoit à ses pren^ières résolutions. Qu'il montoit au chasteau pour ferelascherle canon, sy à l'heure de midy iceulx soldatz ne sortoyent de ladicte tour Saine t Martin,
disant que ce qu'il en faysoit estoît sur Tadvis qu'il havoit heu que Monsieur de Gouvernet le vouloît prévenir comme ledict sieur du Pouet avoir dict ce matin. Mais nous luy aurions faict entendre que l'intention dudict sieur de Gouvernet n'estoit telle, et que mesmes pour lever tous ombraîges, ledict sieur de Gouvernet, ny ses enfans et aulcungs des siens n'estoient comparus en ceste ville pour nous laisser fere nostre commission tant plus librement.
A l'instant nous aurions mandé le sieur Jacques Boucharle, ung des conseillers de la maison consulaire de ceste ville , audict sieur de Lesdiguières, luy donnant advis à tout ce que dessus.
Ledict jour, douziesme juing mil six centz et ung, environ sur les onze heures et denty du matin, ledict sieur du Pouet Savasse, accompagné de nombre de soldatz armés, se présenta d vant nous en ladicte hostellerie, et derechefe auroit dict à nous dicts Commissères qu'il alloit forcer la tour Sainct-Martin et lascher contre icelle tour l'artillerie, dont il nous avoit voulu avertir.
Surquoy nous luy aurions remonstré qu'il ne le debvoît entreprendre, qu'il s'estoit dict et qualiffié jusques icy serviteur du Roy, que sa Majesté ne trouveroît bon de telles procédures : nous estions en paix et avions à vivre soubz les commandemens de sa Majesté quy avoit assés d'aucthorite pour la fere recognoistre ; le priant de considérer le danger auquel il s'exposoit. Que en ce quy concemoit la tour de Sainct Martin, nous Commissères , n'avions nul pouvoir sur les gens de guerre. Que soudain que ledict sieur du Pouet seroit venu céans ce matin, nous aurions despesché ung courrier à Monsieur de Lesdiguières pour luy fere entendre ce qu'estoit survenu en ceste ville ce matin, sur les propos que ledict sieur du Pouet nous avoit tenus et oti il voudroit continuer à ses dessains. Qu'il heust doncques agréable de surseoir jusques à ce que Monsieur de Lesdiguières eust mandé sa volonté !
A quoy le sieur du Pouet respondict : que les conseylz
en estoyent prins et qu'il alloit exécutter ses résolutions et fere tirer le canon contre la tour Sainct Martin.
Ne pouvant rien advancer avec luy, après luy avoir faict sur ce subject touttes les remonstrances à nous possibles pour l'en divertir, nous l'aurions acco-npagné jusques à la rue oti nous aurions veu nombre de soldatz armés avec cuyrasses et aultres armés quy Taccompagnoyent.
A l'instant après son despart, nousCommissères, aurions faict entendre à Monsieur de Genthon les propos et résolutions dudict sieur du Pouet, le priant de luy aller parler de rechefz pour moyenner s'il estoît possible de le divertir de ses résolutions. Ce que fist ledict sieur de Genthon, accompagné du sieur d'Aramon et du sieur Bergier du Monthélimard , quy l'heure d'après seroyent retournés et nous auroyent dict : avoir parlé sur le pont levis du chasteau audict sieur du Pouet, accompagné icelluy sieur du Pouet de grand nombre de soldatz, auquel il auroit faict touttes les remonstrances à luy possibles pour le destourner de son entreprinse; à quoy il n'auroit rien profficté, ains de plus fort ledict sieur du Pouet se seroyt roydy à ses résolutions et dict qu'il alloit fere tirer le canon. Comme de faict il fist, car à l'instant il fist tirer quelques voilées de canon après lesquelles les soldatz se rendirent.
Après la prinse de ladicte tour, consydère que ledict sieur du Pouet le matin , de son aucthorité, par le moyen de ses gens de guerre, s'estoit saysy des portes de la ville oti il avoit mis corps de garde de soldatz et que d'heure à aultre il faysoit entrer gens de guerre dans la ville et le chasteau.
Nous Commissères, ayans mis en considération le danger auquel nous pouvions estre de y demeurer plus Ion* guement, et que nostre sesjour audict Monthelimard y seroit inutille et impossible de y pouvoir continuer en liberté et seureté nostre dicte commission, aurions prins résolution de nous en rettircr. Ce que advant nostre des-
part, nous aurions communicqué audict sieur de Genthon qui nous auroit fortifié en nostre opinion pour évitter le danger que nous pouvions courir de résider plus longuement. Ce que à l'instant nous aurions iaict ledict jour, douziesme juing, environ sur les trois heures après midy, de sorte que plus ad van t n'a esté procédé par nous en nostre ditte commission.
Prunier, S^" de Saint André.
Par mesdicts Seigneurs,
Lasserve.
(Ms.; fr., 23,196.)
1601. — i5 juin.
AU ROY
Syre,
J'ay cy devant mandé à vostre Majesté la déclaration du sieur du Pouet Savasse, concernant le commandement sur lechasteau de Monthelimar. Le 12 de ce mois, il s'est emparé de la ville, mis dehors à coups de canon la garnison quy estoit establie de vostre authorité, en une tour nommée Sainct Martin, comme il plaira à vostre Majesté de voir par Textraict de nostre procès verbal. Ne s'y pouvant plus continuer la commission de laquelle il vous havoit pieu nous honorer, nous feustnes conseillés de nous en retirer, ce que mes compagnons et moy fismes, après avoir veu battre et prendre ladicte tour, n*y pouvant plus de rien servir . A nostre despart, nous rencontrasmes ung
gentilhomme quy nous estoit mandé par Monsieur du Passage lequel nous offroit toute adsistance et comme nous feusmes arrivés à ViUence, nous trouvasmes qu'il assembloit gens de guerre.
Monsieur de Lesdiguières nous envoia le capiCayne de sesguardes, à mesmes subject. Les habitans de la ville ont le cœur à vous, Syre, leurs corps et biens despendent aujourd'hui de la discrétion dudict sieur du Pouet. Dieu ha voulu ayder les habitans de ladicte ville de Monthelimard, d'autant que ce remuement a passé sans effusion de sang et sans ravage.
En attendant l'honneur de vos commandemens, je supplieray le Créateur vous donner, Syre, en santé très longue et très heureuse vie.
De Sainct-André, près Romans, ce i5 juing 1601.
Vostre très humble^ très obaissant, très fidèle subject et serviteur.
Prunuzr, S' DE Saint André.
(Ms. fr., 23,196.)
1601. — i5 juin.
A MONSEIGNEUR LE CHANCELIER
Monseigneur ,
Je vous ay cy devant adverty de la déclaration feicte par le sieur du Pouet Savasse de commander au chasteau de Montelimard, depuis et le six de ce mois, il s'est saysy de la ville, mis garnisons aux portes, prins à coups de
canon la tour Sainct-Martin, de laquelle il mit dehors les soldatz y establys en garnison par Monsieur de Lesdiguières. Ce remuement s'^est passé sans effusion de sang et sans ravage et rançonemens. Messieurs Baro , Figud et moy, jugeasmes nostre résidence audict Montbelimard estre inutile, y estant Tauthorité du Roy du tout abbatue; nous en sortismes, ayant par cemoien interrompu le cours de nostre commission qui estoit fort advancée. Il vous plaira de voir Textraict de nostre procez verbal que je mande au Roy, qui contient au vray le succez de ceste affaire. Je vous supplie, Monseigneur, me marquer ce que sera des volontés et commandemens du Roy et vostres, pour ce que concerne nostre commission auxquels je me conformeray pour n'avoir autre désir que de demeurer toute ma vie,
Monseigneur,
Vostre très humble, très obaissant allié et serviteur.
Prunier, S^* de Saint André.
De Saint-André, près Romans, le i5 juing 1601.
(Ms. fr., 15,898.)
i6o3. — 14 août.
A MONSEIGNEUR LE CHANCELIER
Monseigneur,
Je vous ay escript souvent pour les affaires de mes amis, maintenant je recours par la présente à vous. Monseigneur, en un affaire quy en mon particulier me touche à Thon-
neur auquel je vous supplie ne m'abandonner et me fortifier de vos faveurs. C'est que lundy, onziesme de ce mois, aiant esté appelle pour me trouver au conseil tenu lors par et chez Monsieur de Lesdiguières^ pour les affaires de ceste province, ledict sieur de Lesdiguières m'aiant donné la séance quy m'appartenoit, survint Monsieur de Saint Julien, premier président en la Chambre des comptes de ce pais, lequel se sentant fort des faveurs de mondict sieur de Lesdiguières dit que je luy prenois sa place. Sur quoy je remonstray à Monsieur de Lesdiguières que la place en laquelle il m'avoit feiict seoir, estoit celle en laquelle mes devanciers, seconds présidens en ce Parlement, avoient esté assis aux Conseils de Messieurs les lieutenans généraulx du Roy en ceste province, de laquelle j'avois tousjours jouy, mesmes depuis le temps que Monsieur de Lesdiguières estoit en charge sans aucune contradiction. Que jamais Messieurs les premiers présidens de la Chambre des comptes ne m'y avoient troublé , lesquels , venans au Conseil de Monsieur le lieutenant général , se contentoient d'estre assis après le dernier conseillier de la Cour. Que si Monsieur de Sainct Julien se vouloit relever d'estre conseillier au Conseil d'estat, que j'avois cest honneur de l'estre et d'y avoir esté repceu sept ou huict ans avant luy. A présent ledict sieur de Sainct Julien se faict ouyr d'en vouloir escripre au Roy, et que il ira en Cour pour me faire deschoir, s'il peust, de mes prétensions. Je me résouls de le suivre, et par vostre aide j'espère que ce quy m'appartient me sera conservé.
Je vous en ay voulu escripre la présente, en humble supplication, à ce que sy ledict sieur de Saint Julien escripvoit au Roy à mon préjudice, ou allant en Cour, arrivoit avant moy : qu'il vous plaise , Monseigneur , me favorizer que aulcune chose soit terminée en ce mien affaire, sans que je sois ouy. Vous suppliant de croire que ce différent ne provient pour ambition que j'aye d'entrer aux Conseils de mondict sieur de Lesdiguières, pour le peu de contente»
ment que je y repçois, et me soucieray moins cy après d'y aller. Je n'eusse esté au Conseil sus mentionné, sans que Monsieur Dillins, premier président en ce Parlement, me voulut honorer de passer chez moy pour aller ensemble audict Conseil, et sans que Monsieur Faure, procureur général du Roy en cedict Parlement, print la peine de venir en ma maison ; à mesme instant, pour m'y convier, et avant luy Monsieur Tarchevesque d'Ambrun y estoit venu à mesme occasion. De sorte que c'est un affront que, de propos délibéré, ledict sieur de Sainct Julien m'a voulu faire recepvoir, je voulus me retirer d'iceluy Conseil, Monsieur de Lesdiguières ne me le voulut permettre.
Pour ne vous fatiguer de plus longue lettre, après m'estre excusé de l'importunité que vous enrecepvrés et vous avoir baisé très humblement les mains, je supplieray le Créateur vous donner, Monseigneur, santé, longue et heureuse vie,
De Grenoble, ce 14 aost i6o3.
Vostre très humble, très obaissant serviteur.
Prunier, S*" de Saint André.
<Ms. fr., 1 3,898.)
i6o3. — 26 noyembre.
A MONSEIGNEUR LE CHANCELIER
Monseigneur,
Je réserve à vous faire autre depesche en remerciement très humble des provisions qu'il vous a pieu me mander, lesquelles j'espère de voir vérifier ce matin. Monsieur de Bazemont, mon gendre, -vous va baiser tes mains pour vous
supplier très humblement le vouloir adsister de vos faveurs à ce que il puisse obtenir Testât d'advocat général de Monsieur de Chevrières ou celuy de conseillier de mon fils , au cas que ledict de Chevrières ou mon fils soient pourveus de Testât de président que j'ay exercé jusques à présens. Je vous supplie très humblement , Monseigneur, accroistre les obligations que je vous ay par ce bénéfice, et me honorant de vos commandemens croire que je suis, Monseigneur,
Vostre très humble, très obaissant serviteur,
Prunier, S' de Saikt André.
De Grenoble, ce 26 novembre i6o3.
(Ms.fr., 15,898)
No 8.
i6o3. — 26 novembre.
A MONSEIGNEUR LE CHANCELIER
Monseigneur,
Parcy devant, j'ai ressenty bien avant les fruicts de vostre bienveillance par les bienfaicts qu'il vous ha pieu me despartir, mais ces derniers m'obligent extrêmement à vous, Monseigneur, et aux vostres, desquels j'ay subject de vous en remercier très humblement comme je faicts par la présente. Ce matin, en vertu des provisions de sa Majesté qu'il vous a pieu de m'envoier, j'ay esté repceu premier président en ce Parlement, ex voto de Messieurs de nostre Compagnie, comme j'ay comprins par la favorable justice qu'il leur ha pteu me despartir, laquelle m'a esté distribuée, plus à vostre considération et en recognoissance de la bonne
volonté que vous portés à ce corps^ que pour mon particulier. De sorte que avec raison j'ay occasion d'attribuer ceste mesme fortune à vous, Monseigneur, et de m'estudier à le recognoistre par humbles services et submissions à vous, Monseigneur, et aux vostres.
J'ai infiniment déféré aux sages advis qu'il vous a pieu me despartir par vos dernières lettres et suivant icelles, j'ay composé les affaires que j'avois avec Monsieur de Lesdiguières et avec Monsieur de Sainct Jullien, premier président en la Chambre des Comptes , de sorte que j'en demeure satisfaict comme ils sont de leur costé : tous deux se sont trouvés à ma réception et m'y ont aidé.
Quant à Madame Dillins, je la vois et visite fort souvent, et luy rends service de bon cœur-, j'augmenteray le d^ir que j'ay de luy complaire et la servir en toutes occurrences, puisque je cognois que vous Tavés agréable et qu'il vous plaist me le commander, voulant entièrement despendre de vos commandemens et m'y conformer en tout et partout.
J'ay cy devant supplié. Monsieur de Saint Fuscean de s'ouvrir à vous, Monseigneur du désir que j*ay de mériter l'honeur de vos faveurs et bonnes grâces par rénovation d'alliance en vostre meson. Je suis attendant sa response, et sur les lettres qu'il m'a cy devant escriptes, j'ay advancé mes affaires ; de sorte que lorsqu'il vous plaira me commander de me rendre à Paris à cest effect, je ne faudray de m'y acheminer et m'y conduire tout ainsy que je pourray cognoistre que vous l'aurés agréable. Et sur l'espérance que je me donne d'avoir bientost vostre resi>onse , après vous avoir très humblement baisé les mains^ je supplieray le Créateur vous donner, Monseigneur, santé, longue vie.
De Grenoble, ce 26 novembre i6o3.
Vostre très humble, très obaissant allié et serviteur.
Prunier, S' de Saint André.
(Ms. fr., 15,898.)
N* 9. 1664. — 24 md.
A MONSEIGNEUR LE CHANCELIER
Monseigneur,
Vous recepvrés, avec la présente, le depesche de Messieurs de la cour de Parlement de ce pals concernant la nomination de Messieurs les présidens et conseilliers catholiques, quy hauront à servir en la Chambre de l'édict, ceste année. Ladicte cour ha estimé que sa Majesté doibt commander à Monsieur le président de Dorne de continuer encores icelle année le service en ladicte Chambre i>our feire cesser la difficulté qui surviendroit, si Monsieur le président de Chevrières y alloit servir, lequel Monsieur le président Marquet, quy est de la religion prétendue réformée, ha opinion debvoir précéder, et présider comme plus ancien en ladicte Chambre, sy ledict Chevrières y va servir, ce quy apporteroit extresme mescontentement aux catholiques de ceste province.
Je vous supplie, Monseigneur, de prendre en bonne part Tadvis que je vous en donne par ceste mesme lettre, laquelle n'estant à autre effect, après vous avoir baisé très humblement les mains, je finiray par prière à Dieu
vous conserver.
Monseigneur, en santé, bonne, longue et heureuse vie.
De Grenoble, ce 24may 1604.
Vostre très humble, très obaissant allié et serviteur.
Prunier, S' de Saint-André.
(Ms. fr., 13,898.)
No 10.
1664. — ''^ juillet.
A MONSEIGNEUR LE CHANCELIER
MONSBIONBUR,
La commodité de Monsieur de Sainct Julien, premier président en la Chambre des Comptes de ce pals, me donne subject de vous escripre la présente pour vous supplier très humblement vouloir favorizer de vostre justice la poursuitte que Messieurs les commissaires, establis en ceste province à la réunion du domène du Roy, ont à faire devant vous. Monseigneur, pour estre dressés des vacations qu'ils ont faict et fairont cy après en leur commission^ sur les remonstrances que vous entendrés de leur part par la bouche dudict sieur président.
Lesdicts sieurs commissaires ont servy si utilement, que ils ont rachepté et réuny au domène du Roy, environ quarante mil livres de revenu, avec telle droiture que aucun ne s'en plaint. Je vous supplie très humblement. Monseigneur, y faire bonne considération. Ma lettre ne sera plus longue que pour vous offrir mon service très humble et supplier le Créateur vous donner.
Monseigneur, santé, longue et très heureuse vie.
De Grenoble, ce 25 jeullet 1604.
Vostre très humble, très obaissant allié et serviteur.
Prunier, S' de Saint- André.
(Ms. fr., 13,898)
