N<> II
i6o5. — 6 juillet.
A MONSEIGNEUR LE CHANCELIER
Monseigneur,
Vos deux lettres du 24 juing dernier m'ont esté rendues en ceste ville, le 4 de ce mois de jeuUet, le lendemain Taffére de Chasteau Daulphin fust mis en délibération entre Monsieur de Lesdiguières et moy. Nous vous envoions extraict des lettres patentes de sa Majesté, en vertu desquelles, nous avons nommé pour second lieu, à ceux de la religion prétendue du Dauphiné, la Chasna, parroisse du mandement de Chasteau Daulphin, par les raisons quy sont contenues en celles que Monsieur de Lesdiguières et moy vous escripvons de ce jour. La sollicitation fut s^ importune de la^part du capucin, père Estienne de Tende, que je fus conseillé luy escripre la lettre de laquelle vous m'avés mandé la copie.
Quant au surplus de vostre lettre, il me semble, Monseigneur, que il seroit difficile de prendre une résolution plus sainepour rhoneur de vostre meson quecdle que vous prenés : plus je y pense, et plus je me confirme à mes précédentes. Croies, Monseigneur, que le party, nommé en ma lettre du 23 juing dernier, sera plus à propos pour vostre meson. A le tout prendre, les affaires en sont en pareils termes qu'ils estoient ledict treziesme de juing. Lorsque il vous plaira déclarer plus ouvertement vostre intention, elle sera suyvie, j'en ay tiré encores hier parole de ceux qu'il appar-
tient. Monseigneur, je vous baise très humblement ks mains, et supplie le Créateur vous donner longuevie.
De Grenoble, ce sixiesme jeuUet i6o5.
Vostre très humble, très obaissant serviteur.
PkUiaXR, S' DE SÀDIT-AliDRé.
(Ms. fr., 13,898.)
i6o3. ^ i3 juillel.
A MONSEIGNEUR LE CHANCELIER
Monseigneur,
Depuis la lettre que Monsieur de Lesdiguières et moy vous avons escript, le sixiesme de ce mois de jeullet, concernant le presche de Chasteau Daulphin, j'ai repceu par lettres, dattées du 25 juing dernier, commandement du Roy de luy donner advis des causes que Monsieur de Lesdiguières et moy avons heu de establir le presche à la Chasna, mandement de Chasteau Daulphin, et des expédiens pour le transférer aillieurs, sans incommoder ceux de ladicte religion, ny déroger à Tédict. A quoy je satisfaicts par celle que j'en escripts à sa Majesté, laquelle je laisse ouverte, afin que il vous plaise la voir et en user comme il vous semblera. Je vous ay escript amplement le jour d'hier, et mandé mon dépesche à Monsieur de Refuge sur Topinion que j'ay que Monsieur Tarchevesque de Lyon soit party de Lyon. Je ne puis rien adjouster à la présente, ny à mes présédantes que la très humble supplication que je his à
Dieu vous donner, Monseigneur, santé, longue et très heureuse vie.
De Grenoble, ce i3 jeullet i6o5.
Vostre très humble, très ©baissant allié et serviteur.
Prunier, &" de Saint-André.
(Ms. fr., 1 5,898.)
No i3.
i6o5. — i3 juillet.
AU ROY
Syre,
Je escript ceste à vostre Majesté, en suitte des commandemens qu'elle m'a faict par sa lettre du i5 febvrier dernier, de luy donner advis du subject que Monsieur deLesdiguières et moy, en qualité de commissaires de Tédict de Nantes, avons heu de establir le presche à la Chasna, mandement de Chasteau Daulphin ; luy escripre aussy, sy ledict presche pourroit estre mis en quelque autre endroict deçà les monts, sans incommoder ceux de ladicte religion, ny déroger à Tédict de Nantes. La vérité est, Syre, que on apporta toutes les dilatations que on peust pour ne mettre le presche audict lieu de la Chasna. Mais sur ce que ceux de la religion prétendue réformée nous présentèrent lettres patentes de vostre Majesté, données à Paris le iiuitiesme febvrier dernier, par lesquelles nous feusmes commandés de leur pourvoir d'un second lieu de presche, il feust advisé sur la forte instance qu'ils en firent, de leur accorder le lieu de la Chasna pour second lieu de bailliage Se servans ceux de ladicte prétendue religion, de ce que par articles secrets du dernier apvril 1598, il vous ha pieu déclarer
que lorsque les païs y mentionnés seroient de vostre obaissance que vous les tréteriés, pour le regard de la religion et autres poins accordés par son édict, comme ses autres subjects, nonobstant ce quy est porté par iccluy édict. Par ces raisons, c: à la nomination des prétendues églises réformées, nous feusmes nécessités d'establir le presche à la Chasna.
Ce ne feust sans bien comprendre les mescontantements que en recevroient les catholiques, mesmes les voisins du Piedmont, mais vos commandemens prévalurent et sera difficile sans donner subject de piescontantement et plainte à ceux de la religion prétendue réformée de le transmarcher aillieurs, sy vostre authorité souveraine n'y intervient.
Il est vray que le jour d'hier, les sieurs de Comps et du Gros qui vont à Chasteleraud, en qualité de députés de ceux de ladicte religion prétendue du Dauphiné, ont dit à Monsieur de Lesdiguières et à moy, que, si en l'assemblée de Chasteleraud, il vous plaist, Syre, y &ire remonstrer que vous prendriés plaisir que iceluy presche feust osté de la Chasna, principalement pour contanter sa Sainteté quy vous en faict instance, que ceux de ladicte assemblée consentiront de transmarcher aillieurs ledict presche et l'oster de la Chasna, c'est le remède le plus propre que nous y trouvions. Tout le surplus des autres affaires que vostre Majesté ha en ceste province se conduit selon vos édicts, et sommes jouissansdu bénéfice de la paix que il vous a pieu, Syre, y establir, quy donne tant plus d'occasion et subject à chacun de prier Dieu pour vostre prospérité et longue vie. Je suis ung de ceux quy plus m'y affectionne, et quy incessamment jette mes vœux et supplications à la prolongation de vos jours en santé et toute prospérité, pour estre comme je suis et seray toute ma vie, Syre,
Vostre très humble, très obaissant, très fidèle subject.
Prunier, S' de Saint- André
De Grenoble, ce i3 jeuUet î6o5.
(Ms.fir., 15,898.)
No 14.
i5o3. — 5 août.
Monseigneur,
Je doibs response à la lettre qu'il vous plaist m'escripre par le sieur Brosse, le 27 may 1604, je ne la pouvois consigner plus à propos que entre les mains dudict sieur Brosse pour rhoneur qu^il ha d'avoir part en vos faveurs. 11 vous dira tout ce qui se passa Tan dernier aux Estats teneus à Valence, et ce quy survint après iceux Estats, es assemblées faictes en ceste ville. Je m'en remettrey à luy et vous supplierey très humblement, Monseigneur, de porter ce que vous cognoistrés estre nécessaire à ceste province. Tous les gens de bien jetent l'œil sur vous. Monseigneur, je vous supplie leur vouloir continuer les effects de vostre bienveillance Je participeray aux obligations que ils vous en hauront pour vous rendre service très humble toute ma vie, lequel je vous offre de pareille affection. Après vous avoir baisé très humblement les mains, je supplie le Créateur vous donner. Monseigneur, santé, longue et très heureuse vie.
De Grenoble, ce cinquiesme aost i6o5.
Vostre très humble, très obaissant allié et serviteur.
Prunier, S' de Saint-André.
(Ms. fr., 15,898.)
i6o3. — 21 août.
Monseigneur,
Je adjouste aux lettres que vous recepvrés de moy par la Serve que sy vous le trouvés bon, le fils de celuy quy signa avec moy ma lettre du i3 juing dernier, se rendra à Paris, à la poursuitte des affaires qu'il y ha. Il n'ose se mettre en chemyn, sans sçavoir s'il sera à propos, et sy vous l'aurés agréable, d'autant que luy et les siens désirent despendre entièrement de vos commandemens, je vous supplie me esclarer de vostre intention sur ce chef, cest affaire se conduit îcy avec silence et sans que aucun s'en doubte. Je ne m'en suis déclaré à ce porteur. En voiant le gentilhomme, vous en jugerés plus que je ne vous en ay escript.
Je ne vous ay cy devant donné advis du père gardien des Cordeliers de ceste ville, nommé père Castaigne : pour éluder son accusation, il dit au commancement d'icelle qu'il vouloit parler au Roy et dire chose qui concernoit son honeur et sa vie. On n'y voulut avoir esgard, parce que on jugea que ce qu'il en faisoit n'estoit que pour retarder la formation de son procès, comme depuis il ha déclaré à Monsieur deXesdiguières Si je n'y eusse veu plus de jour et recogneude Tapparence, je ne eusse différé de vous Tescripre et ce que je vous en fais sçavoir présentement, n'est que pour vous supplier que si aucun vous en avoir voulu
entretenir, il vous plaise adjouster foy à ma lettre, laquelle est confirmée à celle de la cour de Parlement de ce pals.
Monseigneur, je vous baise très humblement les mains. Votre très humble, très ©baissant serviteur.
Prunier, S' de Saint- André.
De Grenoble, ce 21 du mois d'aost i6o5.
(Ms. fr., 15,898.)
No 16.
i685. ^ 23 décembre.
A MONSEIGNEUR LE CHANCELIER
Monseigneur,
Je vous escripvés, estant à Valence, les termes esquels j'estois avec Monsieur de Lesdiguières, en suittedece, tout ha esté tellement avancé que il ha pieu à Monsieur de Lesdiguières me promettre son amitié. De mon costé, je luy ay offert et Tay asseuré de mon humble service, je n'ay longuement tardé de recognoistre les effets de sa bienveillance. Car estant en ceste ville, de retour de Valence, il m'en ha esté faict preuve en un acte inconsidéré de mon fils oQ mondict S' de Lesdiguières m'a tellement favorizé que le tout ha esté remisa mon fils : Messieurs de la Cour de parlement m'ont en cest endroict grandement obligé. Je m'estois proposé de vous le taire, mais j'ay estimé vous en debvoir toucher ce mot, pour doubte que par autres lettres que les miennes, on ne vous en ayt donné quelques sentimens Je escrips au Roy du succès des Estats de ceste province : ce quy n'a peu estre terminé se parachevra en une assemblée quy se
tiendra en ceste ville, le dixiesme du mois de febvrier prochain. Je ne tarderay vous faire plus ample dépesche, cependant je vous baiseray très humblement les mains, et supplieray le Créateur vous donner, Monseigneur, santés longue vie.
De Grenoble, ce 23 décembre i6o5.
Vostre très humble, très obaissant serviteur.
Prunier, S' de Saint-André.
(Ms. fr., 15,898.)
N* 17, 1606. — 16 mars.
A MONSEIGNEUR LE CHANCELIER
Monseigneur,
Il est arrivé grand inconvénient à Monsieur de Comiers, mon cousin germain, fils de Madame de la Motte Verdeyer, seur de feue ma mère, pour avoir occiâ en duel le jeune sieur de Sassenage^ fils aisnéde Monsieur le baron de Sassenage. La présente vous sera rendeue par Monsieur de Pauliane, mon cousin, frère dudict sieur de Comiers, par laquelle je vous supplie très humblement, Monseigneur, vouloir surseoir l'expédition des lettres de évocation que ledict sieur baron de Sassenage entend de poursuivre jusques à ce que ceuxquy feront pour ledict sieur de Comiers soient ouys, qui ont raisons pertinentes pour Tempescher. Je vous supplie très humb'ement. Monseigneur, me vouloir accorder ceste mienne requeste,je dis mienne pour Tintérest que je puis avoir en ceste action, qui faict mien cest
affairc,commes'jlmc touchoit en propre, attendu Tamitié que je porte à ceste maison et Thoneur et contentement que j*ay d'estre leur proche parent, f hujusme sanguinis glorior esse. > Je continuée vous offrir mon très humble service, suppliant le Créateur vous donner, Monseigneur, santé, longue vie.
De Grenoble, ce i6 mars 1606.
Vostre très humble, très obaissant allié et serviteur.
Prunier, &" de Saint-André.
(Ms. fr., 1 5,898.)
1607 — 24 janvier.
Monseigneur,
Il y ha environ cinq ans que les consuls de la ville de Saint Marcelin furent appelles devant le Roy, à l'instance des consuls de Romans, pour deffendre sur la poursuitte que ceux de Romans faisoient d'obtenir de sa Majesté la translation du bailliage de Saint Marcelin en la ville de Romans, quy a esté de tout temps estably à Saint Marcelin. Le Roy en son Conseil estima que son service et le bien de ceste province ne portoit de faire icelle translation . Ce jugement fut rendu en vostre présence, et sur vos bons advis et remonstrances. Ceux de Romans reprennent leurs poursuittes pour, nonobstant ce que le Roy en ha ordonné, attirer à eux le siège dudict bailliage.. Je vous supplie très humblement. Monseigneur, vouloir continuer vos faveurs et les effects de vostre bonne justice à ceux de Saint Mar-
celin, leur conserver ce que par bonnes raisons ils ont obtenu naguères de sa Majesté, ne permettre que en ceste cause il soit rien ordoné que ceux de Saint Marcelin n*e soient appelles, ouys et défendus. Outre l'obligation qu'ils vous en hauront, je vous prie de croire que le service du Roy, le bien de ce païs ne porte de faire ceste innovation, pour plusieurs bonnes considérations quy vous seront représentées de la part de ceux de Saint Marcelin, desquelles je m'expliqueray lorsqu'il vous plaira me commander. Je vous baise très humblement les mains comme celuy quy est,
Monseigneur,
Vostre très humble, très obaissant allié et serviteur.
Prunier, S' de Saint-André.
De Grenoble, ce 24 janvier 1607»
(Ms. fr., 1 5,898.)
