JUILLET

Saichent touz que par la court de Nantes , en droit personnelment establiz , très haut et très puissant prince Monseigneur le duc de Brelaigne, d'une partie, et noble et puissante damme, damnne Marie deRiex, vicontesse de Thouars, compaigne espouse de noble et puissant Messire Lois d'Amboise, viconte de Thouars, seigneur dudit lieu d'Amboise d'autre partie; se submetens et de fait submetent elx et chacun d'elx par leurs sermenz, avecques touz et chacun leurs biens quelconques, au poair, jurisdicion et cohercion de ladite court, quant à tout le contenu et elFect de ces présentes tenir, entériner, fournir et acomplir en chacun article; lesquelles parties et chacune en di'oit soy, de leurs plaisirs et assentimens, ont esté cognoessans et confessans, et de fait confessent que en troictant et parlant le mariage de très noble et puissant Monseigneur Pierres de Brelaigne, fils puisné de mondit seigneur le duc, d'une part; et de noble et puissante damoiselle Françoise d'Amboise , fille esnée desdiz viconte et vicontesse de Thouars, d'autre part; avoint et ont esté treclez et accordez les appointemenz et articles contenuz et déclérez en une cédule entrelx acordée, et qui en leur présence a esté leue de mot à mot, contenant la forme qui ensuit :

En trectant et parlant le mariage de Monseigneur Pierres de Brelaigne, filz puisné de Monseigneur le duc , et de Madamoiselle Françoise, fille esnée de Messire Lois d'Amboise, viconte de Thouars et seigneur dudit lieu d'Amboise, et de damme Marie de Riex, sa compaigne, ont esté appointez et acordez, entre mondit seig.ieur le duc et ladite dame, advertie et conseillée par Pierres de Rochefort, mareschal de France, et Michel de Riex , oncles d'icelle damme, les sire de Malestroit, Jehan de Montauban, sieur de Kerenrais, le sire de Rostrenen et autres ses cousins et pa-

renz ; Vagnet de Billy , Jehan de la Haie , et plusieurs autres genz conseillers et officiers dudit viconte de Thouars , tendans au bien de la délivrance dudit viconte qui, pour le présent, est détenu prinsonnier, et auquel madicte damnie ne peut avoir accès, faisante et désirante faire les choses dudit viconte son mari profîtablement, et à l'onneur de lui et de sa lignée, les poins et articles qui cy après ensuivent.

Et premier,

Ladicte damme, o l'avisement et conseill des dessusdiz, tant en son nom que ou nom dudit vicomte son mari, a volu et acordé bailler et asseoirs h mondit seigneur Pierres et à sadicte lille, quatre mil livres de rente à assiete et coustume de pais; pour lesquelles quatre mil livres de rente, madicte damme de Thouars a baillé à mondit seigneur le duc, la conté de Benon, Tisle et terre de Ré, chasteaux et forteresces , avecques les ville, chastel , chastellenie , terres, rentes et appartenances de Montrichard, ensemble et 0 touz les droitz hérilaux et seignories quelxconques que ledit viconte de Thouars a et peut avoir en celles terres, conté, isle et chastellenie, sans en riens en retenir, pour enjoir et user, c'est assavoir , desdiz conté de Benon et isle et terre de Ré, dès le temps de présent, en prendre et avoir la sésine et possession, y mectre officiers et gouverneurs , et en avoir et recevoir les fruiz jucques à la consummacion du mariage , pour l'aider en partie à soustenir les charges , tant de Testât de madicte damoiselle que autres; et desdicte ville, chastel et chastelenie de Montrichard, après le déceix dudit viconte de Thouars.

Et est ladicte baillée de rente et terres faicte àceste loy et paction, qu'il sera en la volunté de madicte damoiselle Françoise, de demander et avoir ses droiz, partie, percions et avences es terres et héritages de ses père et mère, le cas de leur déceix escheu, ou de l'un d'elx, se niiclx le veult demander et avoir que à la promesse eidessus touchée se tenir, et sans ce que l'appointement, promesse et assignacion de terres dessusdictes lui soient nuysibles ne impeschent à sadite porcion demander et avoir , rapportant lesdictes terres, nonobstant quelque coustume ou usement, sur quoy l'on se vouldroit fonder , ad ce contraires. Et s'est mondit seigneur le duc tenu pour content de ladicte assiete de quatre

mil livres de rente , nioiennaul les terres el seignories dessus déi:lerées.

Item, et pour ce que ladicte damoiselle Françoise est mineure de anz et en enfance , ad ce que ledit mariage soit mielx entretenu , et que de la partie d'icelle damoiselle , ou temps avenir n'y soit aucune ropture ou infraction , comme il n'y aura se Dieu plest , ladicte damme baillera et mettra ladicte damoiselle , réaument et de fait, en la main et poair de mondit seigneur le duc qui, jucques à la consummacion dudit mariage, la gardera et gouvernera et administrera selon Testât d'elle et comme sa fdle.

Item, el pour ce que mon seigneurie connestable, conte de Richemont et seigneur de Parteuay , désire le bien et avancement de mondit seigneur Pierres , son neveu , et que le mariage de lui et de madite damoiselle Françoise s'accomplisse , o Fassenlement de mondit seigneur le duc et de mon seigneur le conte de Montfort son esné fils, dès le temps de maintenant, lui a donné et donne la terre, chastel et chastelenie d'Arquenise, réservé à lui Fusefruit; et en oultre, a institué ledit monseigneur Pierres, son héritier , en cas qu'il décèderoit sans heir procréé de sa char , de toute sa terre et seignorie dePartenay, et des terres quelxconques qu'il a en Poitou, Xaintonges ou ailleurs hors Bretaigne ; el au regart des terres qu'il a et tient pour le présent en Bretaigne, pareillement Fa institué, ou cas que il decederoit sans hcir masle de sa char , par ainsi que mondit seigneur le comte aura et lui demourra, le cas escheu du deceix de mondit seigneur le connestable, la terre el chastelenie du Gavre ou celle de Guingamp, à son esliction.

Item, et s'il avenoit, le mariage consummé, que ledit monseigneur Pierres alast de vie à trespassement avant madicte damoiselle , et avant que la succession de mondit seigneur le connestable lui seroit avenue, ladite damoiselle aura et se joira,à cause de doaire, de doze cens livres de rente, en cas que elle n'auroit heir procréé dudit mon seigneur Pierres, et en celui cas que elle auroit heir , aura mil et cinq cens livres de rente qui lui seront assiises sur la terre de Guingamp et autres terres qui sont ou lors seront audit mon seigneur Pierres; et se le cas de son deceix

avenoit après ladite succession lui escheue , raadicte damoiselle aura , par doaire , la somme de deux mil livres de rente , à les prendre et avoir comme dit est; et s'il n'avoit terres, mondit seigneur sera tenu lui fournir ledit doaire en touz cas.

Item, et si ledit monseigneur Pierres décedoit par avant le mariage consummé de lui et de madite damoiselle Françoise , ou pour ce qu'il fust consommé, et elle mineure, décédast sans heir procréé de leurs corps , mondit seigneur ou son héritier sera tenu rendre ladite damoiselle à ses père et mère, s'ilz ou l'un d'elx vivoint, ou si non au plus prochain à qui la chose appartendra, franche et quite de toutes obligacions, liens de mariage et autres; et aussi les terres qui, pour dot, ont esté ou seront baillées et assiises, si par force ne lui avoint esté ostées, et toute sanz fraude, lictiou ne mal engin *.

Item , que ledit Messire Pierres , venu en leage de quatorze ans acompliz,' promettra et jurera solempnement tenir, entretenir et acomplir ledit mariage sanz Tenfraindre de sa part, en quelque estât , honeur, dignité , autorité, haulteur ou puissance qu'il soit ou puisse estre ou temps avenir constitué , et ce sera tenu et promettra et jurera mondit seigneur le duc lui faire faire.

Item, et pour ce que ladicte damme comme vraie et léale espouse , a très parfaicte et très singulière affection à la délivrance de sondit mari, ledit monseigneur le duc promettra par son serment , de bonne foy , sanz fraude , decepcion ne mal engin et en parole de prince , que de tout son poair s'exposera et eraplorera à la délivrance de la personne de sondit mari et au recouvrement] de ses terres et' seignories qui sont ou seront empeschées , en faisant sur ce tout ce que lui sera possible.

Item , mondit seigneur le duc ne pourchacera ne fera pourchacer, pour lui ne pour autre, devers le roy ne ailleurs, donation ou autre transport estre fait du droit que le roi dit à lui appartenir , par confiscacion , es terres et possessions de mondit seigneur le vicomte.

Item, et s'il avienl que ladicte damme, ledit Messire Pierres,

• Malenyin : Mauvais arlilire {Glossaire , :i la (ii) rlu tome ii deDnni I.obioean.)

pour la délivrance dudit viconté de Thouars ou de ses terres et possessions, aient besoign de gens, mondit seigneur le duc, en ce cas, baillera ou consentira, et dès maintenant consent et acorde que, en son pais de Bretaigne, soient prins gens d'armes et de trait, tant et en tel numbre comme niestier en sera, pour aler à leurs secours et les servir oudil fait , et de ce , baillera mondit seigneur le duc , toutes et quantes foiz que le cas le requerra, ses lettres de congié vallables et pertinentes, au cas se requis en est, et tout, sanz fraude, barat^ ne mal engin.

Item , mondit seigneur le duc , monseigneur le comte de Montfort , son fiizesné, mondit seigneur le connestable et monseigneur le conte d'Estempes, frères de mondit seigneur le duc et chascun d'elx , jureront et promettront en bonne foy, sur paine de vignt mil escuz , à faire chacun en droit soy entretenir et acomplir ledit mariage par ledit Messire Pierres , ainsi comme dessus est dit, et que au contraire ne feront ne procureront faire, obliquement, directement, ne autrement, par quelque manière que ce soit; et en cas de deffault , se submectent es dictes paines , et consentent en estre contrains par toutes voies deues et raisonnables.

Et donna et donne mondit seigneur le duc à mondit seigneur le comte, son filz, poair etauctorité de ce faire, et aussi sera tenu le lui faire faire; et paraillement , et sur semblables peines, s'obligea madicte damme, en cas que delfaull auroit de la part de madicte damoiselle Françoise , que ledit mariage ne se acomplisse, et se submectra et obligera madicte damme à poier ladicte somme oudit cas, pour les intereslz de mondit seigneur.

Item, que pourracomplissement des choses dessusdictes, seront faictes lectres obligatoires par devant deux notaires publiques , lesquelles lectres, avecques le scel de l'obligacion, seront scellées des seaux et signes manuelx de mondit seigneur le duc , de sondit fdz aisné et desdiz seigneurs de Richemont et d'Estampes.

Lesquelx peins et articles, ont lesdictes parties et es noms que dessus , mondit seigneur le conte de Montfort , o l'auctorité de mondit seigneur le duc (jui, quant ad ce , l'auctorisa, mesdiz sei-

* Baral : Tromperie. {Ibid).

gneurs de Richemont et d'Estampes , et chacun d'eulx pour tant que lui touche , promis , gréés et acordés , et se sont obligez selon la forme et contenu d'icelx ; et les ont juré tenir, entretenir fournir et acomplir, fermement et léaument, sanz jamais par elx ne par autres , faire ne venir au contraire en aucune manière , et de leurs assentemenz, à leurs requestes, et par leurs sermens, en ont esté jugez et condampnez par le jugement de ladicte court.

Donné , tesmoign le séel establi aux contraz d'icelle , ensemblement o les seaux et seigns manuelx de mondii seigneur le duc, de sondit fds, avecques de mesdiz seigneurs de Richemont et d'Estampes, et de chacun d'elxpour ce que lui touche, a grigneur ' seurté et confirmacion des choses devant dictes, le vignt et ungniesmc jour de juillet, l'an mil quatre cens trente et ung.

Signé : Planchet, passe - (parchemin).

(Au dos est écrit : Lectre touchant le mariage de Messire Pierres et de ma damoiselle de Thouars.)

(Archives de la Loire-Inférieure : Trésor des Chartes de Bretagne, armoire H, cassette D, 36).

* Grcigncur, Gvencr : l'ius ^Tiiml. (GLOssAHit: à la lin du lome u de Uom Lobineau.)

^ Passare : Passer des contrais, les dresser et les mettre en forme juridique. Les ducs créaient des offices de nolaires-secrètaires-passeurs .lesquels. ei> signant les acics, ajoulaientà leur nom le mol de Passe fibid.J

Lettres du duc Jean V concernant le mariage de Pierre II et de Françoise d'Amboise.