DÉCEMBRE

Sachent touz que par nostre court de Nantes , s'est comparu en personne hault et puissant prince Artur, par la grâce de Dieu duc de Bretaigne, soy submetant en tout que mestier est, et deffait s'est submis et subniet par son serment , avecques touz ses biens presens et futurs àla juridicion, seignourie et obéissance de nostre dicte court , quant à tout ce qui ensuyst faire, tenir et accomplir, lequel de son bon gré et franche volunté a esté congnoessant et confessant par davant nous, et par ces présentes congnoest et confesse que comme par avant ces heures et durant le mariage de feu de bon memoyrele duc Pierre que Dieu absole, et haulte et puissante princesse Franczoise d'Amboise sa compaigne et espouse, le dit duc Pierre eust baillé en garde à sa dicte compaigne et espouse , plusieurs espèces de bagues et joyaux , vexelle d'or et d'argent , et tant des anciennes bagues et joyaux de son trésor que autres depuix achetées, eues et recouvrées non seuUement depuix le temps qu'estoit venu à la seignourie et principaulté de ce duché, mais aussi de paravant, avoir eu et receu de la duchesse Franczoise, qui à sa requeste et de sa franche volunté , luy avoit baillé et rendu en soy deschargeant des dictes bagues et joyaux, vexelle d'or et d'argent, les espèces et chascune qui ensuyvent. Premier : Unze petiz rubitz en leurs chatons d'or ; ung collier d'or estroit, ouquel colHer y a ouict grosses perles de compte, quatre dyamantz en escuczon et quatre rubitz, et est le dit collier esmaillé de blant et de rouge cler à petites feilles de chesne pendantes ; une chesne d'or ou pend ung cueur d'or ouquel y a une grosse table de dyamant, ung grosruby et une grosse perle et une autre grosse perle pendante; une bague où a ung dyamant pointu, ung gros ruby, troys grosses perles et troys perles de compte branlantes. Item une

petite chesne d'or à petiz besans, à laquelle chesne pend vignt. ouicl perles rondes, et est la dicte chesne atachée en ung anneau esmaillé à chevronneys , ouquel anneau y a une fleur de dyamant. Item une autre petite chesne longue, pesante troys grotz. Item ung gros escot d'or, esmaillé de vert, a deux gros rubitz, ung dyamant en escuczon ou melieu , seix perles de compte a seix petiz grenetz de rubitz et seix perles rondes pendantes. Item ung chappeau de Montauban esmaillé de bleu , ouquel chappeau a ung dyamant en escuczon, ung ruby et une grosse perle de compte, et pend à celui chappeau deux chesnons, auxqueulx chaennons pend sept perles rondes. Un bracelet d'or ouquel y a quarente perles de compte, sept rubitz et une fleur de dyamant ou melieu, auquel bracelet pend une petite chesne, et au bout de la chesne a ung anneau d'or, ouquel a ung camalieu. Ung autre bracelet d'or, garny de perles et de vermeilles , ouquel a une atache au melieu, en laquelle a ung dyamant , en escuczon , ung ruby et une grosse perle en faczon de poyre. Une rose blanche d'or, en laquelle y a ung gros dyamant à dos d'asne , ung gros ruby et une grosse perle en faczon de poyre, et est la dicte rose assiise sur ung escot d'or plain , ouquel escot pend quatre chaennons esmaillez de rouge cler. Une croche d'or en laquelle y a ung dyamant pointu , cinq perles de compte, ung ruby ou melieu. Ung cinge d'or portant une hôte, en laquelle hôte y a ung ballay et troys grosses perles de compte, et au pié de la bote, autres troys perles de compte branlantes. Ung tableau d'or d'environ ung marc d'or a ung ymage de saint Pierre, garnie à l'environ de trente perles de compte , cinq balloiz et cinq saphirs. Ung petit tableau rond en bullete d'argent doré, ouquel est la passion d'ung cousté et nostre Dame de l'autre. Ung autre petit tableau d'or carré , garny à Tenviron de petites perles et ung ymage de saint Christofle et la Veronicque de l'autre. Une pomme d'or toute ronde laquelle se ouvre, et y a ou melieu l'ymagc nostre Dame. Une lozange d'or esmaillé et y a d'un cousté le crucifi et de l'autre saint Chrisptofle et ou dedans y a une ymage de saint Jullien. Item unes petites heures d'or et de musqué, garnies de huict perles dont y en a quatre de chascun cousté. Item ung petit tableau d'or taillé, plain de musqué , garny de ouict petites perles et quatre de chascun cousté. Item une chastcigne d'or, en laquelle

y a une grosse perle de compte; une pirouele d'or esniaillé de blanc , en laquelle y a une perle et ung petit ruby, et est la perle dessouldée; une pomme d'or plaine de musqué. Item, une autre petite pomme plaine de musqué, et au bout de la dicte pomme a une perle et ung lacet de fil d'or, et une frase où a cinq perles; ung petit escot d'or garny d'un petit ruby; une perle, une esmeraude et petiz cliesnons branlans garniz de ceinture de perles; deux chesnons d'une grosse bague esquelx y a ung balhiy et quatorze perles ; ung dyamant en une verge d'or plaine qui estoit du numbre des diz dyamantz; ung poussier d'or esmaillé de blanc et de rouge clcr à fleurs d'or espargnées , ouquel poussier a ung escuczon de dyamant et ung gros ruby ; ung petit chien d'or esmaillé de blanc , à ung dyamant à dos d'asne , et une perle branlante ; ung petit cueur de musqué. Item , une croez d'or à quatre ballaiz, un saphir et quinze perles, et y a de la vraye croez; ung dyamant et ung anneau d'or esmaillé de noir, lequel fut autrefibiz achaté de Régné Rouaud; ung anneau d'or où a ungœill de chat; ung dyamant à pluseurs faces en ung anneau d'or esmaillé de rouge cler; une bullecte d'or à y mectre reliques et à porter au coul, garnie d'un cousté de troys tablectes de dyamantz et de deux rubitz en croez à quatre flours et quatre corniers esmaillés de blanc , et de l'autre part, ung chapelet ouquel a ung Jhesus ou melieu; une chesne d'or qui fait seix tours a laquelle pend ung agnus dei , garny d'un dyamant en cueur et d'une grosse perle branlante; une petite bullecte d'or esmaillée de blanc , où y a d'un cousté une croez de saphir , et de l'autre part une pierre vermeille soubz laquelle y a la semblance d'une Veronicque, et ou hault de la bullecte y a deux perles de compte , et ou bas une perle de compte pendante. Item , une croez d'or à mectre reliques , garnie à quatre perles de compte , et d'ung cousté ung ymage de nostre Dame assiise sur rouge cler, et de l'autre la croeste garnie de véricle. Item ung petit pannier d'or à flourectes esmaillé de blanc , garny ou dedans de troys perles et ung ruby, de troys autres perles pendantes. Item ung tableau de nostre Dame en faczon de tabernacle , a deux petiz esseletz d'or esmaillez de vert et de rouge cler aymageriez, et est le dit j'mage de nostre Dame de cocque de perle, et le dit tabernacle garny ou feste de sept petites perles et ung petit

grenet de ruby, et ou pié du tabernacle a en troys croches petites perles. Unes petites patenostres de perles merchées de pieczes merchées d'or, esquelles y a une petite croez d'or garnie de sept petites perles ; un petit ennelier de musqué, garny de menue orfèvrerie et garny es deux boutz d'or pendant à ung lacet de fil d'or ; ung cueur en faczon d'un ermelier tors esmaillé de blanc et de vert, ou hault duquel a ung ruby en faczon d'un cueur, et de l'autre part escript à lectres blanches et noires, et est ledit cueur pour atacher clelfs à une petite coste. Item une petite cassette d'or à casser nouselles, garnie à la joueuture d'un ruby, et au bout des deux piez, de dei^x perles branlantes. Ung ongle d'or en faczon d'ongle de budor, pendant à une chesne d'or. Item deux cueurs enlasez l'un en l'autre , esmaillez de blanc et de noir, en faczon d'un laz d'amour, ou melicu duquel a ung petit dyamant pointu. Item, unes patenostres d'or csmaillées di rouge cler à petites lermes d'or, et y en a des plus grosses parmy, esmaillées de blanc, semées à semblables lermes et furent de la contesse. Item, autres bagues qui estoient de la trésorerie ancienne, savoir : Une morisque tenant entre ses mains ung gros ruby et une grosse perle de compte, et entre icelles pierres, y a ou melieu une petite esmeraude à cinq perles pendantes , et pluseurs grenetz esmaillez de blanc et de gris. Item une frontière d'or esmaillée de blanc , a ung chapperon de pers tenant ung pannier garny d'ung gros ruby, ung dyamant en escuczon , une grosse perle et troys autres perles moyennes pendentes; une baye en faczon de pannier d'or, ou a troys pelizenffanz nuz, esmaillez de blanc, qui tiennent ung gros dyamant pointu à pluseurs faces; ung gros ruby, en une grosse perle, auquel pannier y a troy branlantes , auxquels a troys grosses perles et huict autres perles du numbre de nculî, dont en y eut une perdue aux nopces de la contesse de Laval. Item une texiere d'or esmaillée de bleu, assiise en ungjardrin, ouquel a ung gros ruby, ung dyamant pointu et deux perles , auquel jardin y a troys branlans garni?, de diz peiles, et auprès de la dite texière , y a deux pctiz riibitz, à ses deux costés , et son meslieu garny de quatre grosses perles et cinfj rubilz, et à son chapperon ung petit ruby. Ung fermaillet d'or a troys gros dyamantz pointuz, ung gros balay à jour et troys grosses perles esmaillées de pluseurs grenetz de

vert et de blanc. Item ung ferniaillet d'or à deux balaiz carrez et quatre grosses perles assiisescn une fleur csmaillée de blanc et de vert. Item, ung autre ferniaillet d'or garny d'ung gros ruby, ung dyamant pointu, et de deux grosses perles, et une fleur renversée esmaillée de blanc a grenelz de noir; ung bracelet d'or à charnières garny de sept gros rubitz , sept dyamantz en escuczons et trante grosses perles avccques, et de quatorze petites perles, et quatorze petiz rubitz , et deux chesnettes pendentes ou a deux perles. Item, ung autre bracelet d'or à charnières garny de cinq dyamantz en escuczons , cinq gros rubyz et diz neulF grosses perles a pluseurs grenetz esmaillez de vert et de blanc o sa boucle et mordant. Item ung autre bracelet d'or de deux pieczts , garny d'ung gros dyamant pointu, deux autres moyens dont l'un est en tablectes, l'autre pointu et de troys rubitz , et est le dit bracelet couvert de musqué et y a petiz rolletz esmaillez. Item une seye d'or en faczon de fei'niaillet, garnie de troys gros dyamantz, dont deux sont en escuczon et l'autre a feste , et ung gros ruby et quatre grosses perles pendentes , et eu ladite seye , a sept petites tablectes de dyamantz. Item, ung gros ruby qui ce dit de la caille assiis en ung anncl d'or plain. Item ung autre gros ruby en ung annel d'or plain que feu messire Gilles de Bretaigne donna à la duchesse Ysabeau. Ung aultre ruby et deux tablectes de dyamant assiises en ung annel d'or. Ung aultre ruby en ung annel d'or esmaillé de blanc o fleurs perses; ung gros dyamant pointu en ung annel d'or esmaillé de fleurs de rouge cler, et y a une espargne d'or esmaillée sur blanc. Item ung ruby et ung dyamant pointu assiis en ung annel d'or leurs esmaillé de blanc et de noir; ung dyamant en escu hault de pierre en ung anneau d'or esmaillé de blanc rouge cler et vert à flouretes. Ung dyamant pointu neufl" assiis en ung annel d'or îeurs esmaillé de pers et de rouge cler brun. Deux grans doubletz a deux petiz dyamanz pointuz en ung annel d'or leurs et y a delà vroye croez. Item, ung petit anneau d'or a ungygregeoys où a deux petiz dyamantz esmaillez, le dit anneau de rouge cler a estoilles d'or. Une lunete de dyamant en ung gros anneau d'or, ouquel a treze petiz rubitz et cinq petites esmcraudes; deux dyamantz à pluseurs faces, en deux anneaux d'or, l'un esmaillé de noir, et l'autre à fleurs de rouge cler ; ung bouton d'or

d'unes patenostres, ouqiiela cinq perles, diz petiz boutonnetz d'or, et est atachée à ung fiUet de noir, cinq grosses perles de compte et sept petites perles rondes a ung fiUet blanc. Ung collier d'or garny de quatre gros dyamantz, quatre gros rubitz et ouict grosses perles, et cinquante cinq perles branlantes, et y pend ung cueur garny d'ung gros ruby , ung gros dyamant à feste , une grosse perle et troys petites perles branlantes a pluseurs perles pendentes. Une bague qui fut anciennement de la trésorerie qu'est ung escot tourné semé de pluseurs fleurs, en y a une fleur de dyamant ung gros ruby, une grosse perle et autres perlles pendentes; une petite chesne plate à fleurs de pensées, à petites pommetes esmaillées de pensées, a petiz anneletz esmaillez, où pend une croez d'or garnie de cinq tables de dyamant et quatre grosses perles. Une moucle d'or, en laquelle a une grosse table de dyamant, ung gros ruby, une grosse perle et troys perles pendentes. Ung collier d'or à loufl"es d'arbes, garny de quatre balaiz, quatre sapliirs, saeze perles, et y pend une bague a une damoyselle garny d'ung gros balay en table , troys dyamantz pointuz , troys grosses perles et troys touffes pendentes. Une petite salière d'or a une licorne ou fons ; ung dyamant en table en ung annel d'or plain ; une cbesne d'or esmaillée de noir, quelle donna le duc Pierre à sa dite compaigne de Chasleaubriend aux estraines de l'an cinquante troys; deux aultres chesnes d'or que lui donna le dit duc Pierre aux estraines de l'an cinquante quatre , à l'une desquelles chesnes, pend une bague en croez d'or, garnie de cinq tables de dyamantz et de quatre perles de compte. Item, ung ruby en ung anneau d'or esmaillé de noir, un tableau de saint Jehan esmaillé de blanc , d'arbres esmaillez de vert, garny de diz-neufl' perles; ung aultre petit tableau d'or a ung Dieu yssant du tombeau , et est de coque de perle, garny de vignt troys perles, quatre petiz baloiz et quatre petiz saphirs; ung bracelet d'or garny de seiz rubitz et seix perles à petiz grains branlans esmaillez de vert; une petite chesne d'or a troys rives, semée de petites fleurs grises et de rouge cler, et de petiz anneletz branlans esmaillez; une aultre chesne a rose esmaillée de gris et de noir; une chesne d'or qui fait seix tours, a un agnus dei où a un cueur de dyamant et une grosse perle branlante ; une autre chesne d'or en faczon de l'ordre d'Orléans à fleurs de

menues pensées branlantes et grains noirs ; une aultre chesne à petiz neus d'amour d"or et esniaillez de noir, a pommetes de mesmes, a une créez garnie de fleurs de liz de dyamant et quatre grosses perles. Une pomme d'or et de musqué à ouvrage de Venise , garnie de pluseurs petiz baloiz et perles; une chesne d'orpercyée à jour, à chesnons esmaillez de blanc et de noir, quatre colliers d'une echarpe d'or à fleurectes esmaillées de blanc et clochetcs d'or; ung collier d'or en faczon de petral , à Heurs, garny de pluseurs perles ; deux pommes de musqué garnies d'argent doré ; ung paon esmaillé à pluseurs couleurs, garny d'ung gros ruby et deux grosses perles a pluseurs grenetz de rubitz et pluseurs petites perles branlantes ; une cage d'or et d'argent esmaillée a pluseurs fleurs a deux oayseaux dedans; une bullecte d'argent doré garnie de Vericle a deux ymages; ung cruciliement d'or et d'argent a pluseurs personnages de la passion, esmaillé. Une petite salière d'or à pié a une fleur blanche esmaillée dessus. Item, une grosse bague garnie d'ung gros dyamant pointu, troys grosses perles en faczon de poyres et ung gros ballay carré appellée la bague deu ; vignt seix verges et feilles d'or, les unes esmaillées à pluseurs couUeurs; quatre gros Jyamantz en anneaux ; une gi^osse table à pluseurs faces, l'anneau esmaillé de rouge cler , à fleurs d'or espargnées. Ung aultre table 0 son anneau esmaillé a feilles de rouge cler et de bleu. Ung aultre dyamant a seix coustés esmaillé à fleurs, et l'aultre en table esmaillé de noir, à fleurs d'or espargnées ; une amatiste en ung anneau d'or esmaillé de noir, à fleurs d'or espargnées ; ung poussier d'or garny de troys gros escuczons de dyamantz, gravé aux armes du duc ; ung anneau d'or en une fleur de lys de dyamantz et de rubitz; ung aultre dyamant pointu, en ung anneau d'or esmaillé de rouge cler et de noir, à lermes d'or; sept petiz dyamantz de pluseurs sortes en petites verges esmaillées et deux plaines, et en l'ung, deulx petites esmeraudes en oultre le dyamant ; ung aultre dyamant en cueur, en ung anneau d'erm/«es et lermes esmaillé; ung gros ruby en ung anneau esmaillé de bleu ; ung aultre ruby en ung anneau esmaillé de blanc et de noir; ung annean plain a ung œill de chat esmaillé ; ung aultre petit ruby esmaillé de blanc; ung autre anneau plain a une petite vermeille; une grosse table de dyamant en ung clou d'or; une grosse perle en une potance a

une fleur d'or, et est d'ung collier; une autre feille d'or d'ung collier a une perle; trente ouict perles en deux filletz; unes patenostres esmaillées de noir et de gris à grains d'or et ung bouton de perles; une buUecte d'or, garnye de seix perlles et ou dedans urg pèlerin; une pomme d"or et de musqué a une perle, et au bout, huict petiz dyamantz et sept petiz rubitz en chatons et cinq perles en potances; la coefi"e d'abit réal, garnie de pluseurs perles et ballaiz, les templectes garnies de grosses perles à baterie d'or^ et y a partie des dites perles choaistes. Item, une nefl" d'or a vericles que donna autrefoiz le roy de Secille. Autres bagues et joyaux, que semblablement la dite duchesse Franczoise a baUlé et rendu au dit duc de présent. Et autres espèces de vexelle d'or et d'argent cy après declerées, tant d'icelles qu'elle avoit en sa garde pour soy servir que autres. Quelles espèces lui ont esté baillées et délaissées par le dit duc de présent, a valoir ou poiement de quinze mil saluz qu'U estoit tenuz et avoit promis poier à la dite duchesse, en fournissant à certaine composicion, transaction et appointement aujourduy fecte entre les dictes parties touchant les meubles et conquestz d'entre le dit duc Pierre et sa compaigne, sellond le contenu d'icelles y recours si mestier est. Et d'icelles espèces en demeure quicte, savoir : Vexelle d'argent : doze escuelles blanches aux armes du duc , pesantes vignt quatre marcs d'argent; deux esguières a fonsde cuve aux dites armes, pesantes neuff marcs, seix onces; deux chandeliers blancs aux dites armes, pesans sept marcs seix onces; deux flacons blancs aux dites armes, pesantes vignt deux marcs, deux onces; ung bacin d'argent doré aux dites armes , pesantes cinq marcs, sept onces ; seix plaz d'argent blanc, pesant vignt neuff marcs, cinq onces et demye ; ung couvercle de esguiere pesant troys onces et demye; troys boutonnetz de potz pesant troys onces et demie. Quelles espèces montent cent marcs d'argent, et valent au pois de sept livres chascun marc la somme de sept cens livres. Deux potz dorez à esmanlx de chappelelz vers, pesantz vignt quatre marcs, troys onces et demye, valans à seix réaux le marc neuff vigns troys livres , cinq soulz , sept deniers. Deux aultros potz d'argent blanc plains, pesans vignt troys marcs, troys onces, à sept livres cinq soulz chascun marc, vallans ouict vigDS neuff livres , neuff soulz , quatre deniers maille. Cinq tasses

blanches plaines, du nurnbre de seix, dont en fut perdue l'une à Lestrenic, pesante quatorze marcs, cinq onces, vatlans à sept livres cinq soulz le marc cent seix livres , sept deniers maille. Seix tasses dorées à mouletes pesans doze marcs, deux onces et demye, à seix rcaux le marc, valant quatre vigns doze livres seix soulz, diz deniers maille. Deux platz d'argent blanc , pesans neuff marcs, seix onces, à sept livres cinq soulz le marc, vallans saexante diz livres , treze soulz. Seix aultres plaz d'argent, non merchez , pesans vignt troys marcs, sept onces et demye, à sept livres cinq soulz le marc, vallans ouict vigns treze livres, onze soulz, sept deniers maille. Quatre escuelles blanches semblables , non merchées, pesans ouict marcs, seix gros, vallantes à sept livres cinq soulz chascun marc , saexante ouict livres , treze soulz , diz deniers. Doze escuelles dorées et armoyées aux armes du duc, pesantes trante ouict marcs, seix onces, à seix réaux le marc, vallent deux cens quatre vigns diz livres , doze soulz , seix deniers. Deux tasses dorées pesantes quatre marcs, à seix reaux le marc, vallans trente livres. Deux chandeliers d'argent blanc aux armes du duc Pierre, pesantes seix marcs sept onces, vallantes à sept livres cinq soulz le marc, quarante neuff livres, saeze soulz, diz deniers maille. Deux bacins d'argent plains, desquelx la dite duchesse estoit cothidiennement servie, pesans sept marcs, sept onces, à sept livres cinq soulz le marc, vallans cinquante seix livres, troys soulz, neuff deniers. Deux aultres bacins d'argent blanc , verez sur les bortz où a escript malo, au riche duc et à ma vie, pesans saeze marcs, à sept livres cinq soulz le marc, valent cent saeze livres. Quatre trenchouers d'argent doré, pesans ung marc sept onces et demye, valent à seix reaux le marc, quatorze livres, diz soulz, sept deniers maille. Une esguière blanche à fons de cuve aux armes de la dite duchesse, pesant quatre marcs sept onces, à sept livres cinq soulz le marc, valans trante cinq livres, seix soulz, diz deniers maille. Une neff d'argent doré par dehors à pommetes godronnées et une cuillère d'argent, pesant ensemble diz ouict marcs, une once, à seix réaux le marc , vallans seix vigns quinze livres , diz ouict soulz, neuff deniers. Item cinq lasses, une esguière et ung pot d'argent, un bacin de quoy noble et puissante la vicomtesse de Thouars estoit servie , pesant le tout vignt deux marcs, seix onces et demye,

au pris de sept livres cinq soulz chascunmarc, monte ouict vigns sept livres, diz ouict soulz, neuff deniers. Item, de ladite vexelle deux platz, une escuelle pesant diz marcs, une once, au pris de sept livres cinq soulz chascun marc, monte saexante treze livres, ouict soulz, ung denier maille. Item, ung drageouer d'argent doré aux armes du dit duc Pierre ou fons, pesant unze marcs, seix onces, valans à seix reaux le marc quatre vignt ouict livres , deux soulz , seix deniers. Deux petiz potz d'argent racliez my blancs et my dorez, aux armes de Guingamp, pesant cinq marcs seix onces, à ouict livres chascun marc , valent quarente seix livres. Une petite esguière dorée plaine, pesant ung marc, quatre onces, deux gros, à seix reaux le marc , valent unze livres , neuff soulz , ouict deniers maille. Une navete dorée et godronnée, pesant troys marcs, quatre onces et demie, valans à seix reaux chascun marc, vignt seix livres, quatorze soulz, quatre deniers. Seix tasses dorées plaines, pesant dis sept marcs, seix onces et demye , valent à seix réaux le marc , et quelles tasses estoint en la garde de la dite duchesse , seix vigns doze livres , onze soulx, neuff deniers. Une coppe d'argent dorée godronnée, aux armes du dit duc Pierre et de sa dite compaigne, pesant troys marcs troys onces, valent à ouict escuz neuffs le marc, quelle avoit pareillement en sa garde , trente livres , dis ouict soulz, neuff deniers. Item quatre potz d'argent blanc de plain ouvrage, pesans quatre vigns dis neuff marcs, troys onces, valent à seix reaux le marc, queulx potz lui avoient esté donnez à ses joyeuses entrées des villes de Brelaigne, sept cens quarente cinq livres seix soulz, troys deniers. Ung pot d'argent à eau, pesant ung marc, une once et demye, a sept livres cinq soulz le marc, valent , duquel elle se servoit semblablement, et estoit en sa dile garde, ouict livres, doze soulz , ung denier. Ung benoistier d'argent doré , quelle avoit pareillement en sa garde , pesant troys marcs, quatre onces , valans à seix réauz chascun marc, vigns seix livres , cinq soulz. Item ung jeu à.' enquanl d'argent, et qui estoit en sa dite garde pesant deux marcs, troys onces, au pris de sept livres cinq soulz, valent dis sept livres, quatre soulz quatre deniers. Une coppe d'or plaine armoyée ou fons, aux armes du dit duc Pierre et sa compaigne, et de laquelle elle se servoit, pesant troys marcs, seix onces, seix gros, à saexante quatre escuz neuffs chascun marc,

valent deux cens quatre vigns une livre, dis sept soulz, seix deniers. Une esguière d"or plaine aux dites armes dont elle estoit servie, pesant deux marcs, sept onces, à saexante livres chascun marc, valent ouict vigns doze livres, diz soulz. Une coppe d"or seniblablement plaine a ung chappelet en esmaill sur le couvercle et ou fons, dont elle se servoit semblablement, pesant troys marcs, sept onces, seix gros, à saexante escuz neulFs, valent deux cens saexante seix livres, ouict soulz, ung denier maille. Item une coppe d'or de quoy la dite vicomtesse de Thouars estoit servie, pesante troys marcs d'or, au pris de saexante escuz neufîs le marc, valent deux cens seix livres, cinq soulz. Item, fut confessant le dit duc Artur avoir baillé et laissé à la dite duchesse, les bagues, joyaux d'or et de pierreries pour les pris qui ensuivent, et du numbre d'iceulx qu'elle avoit en sa garde comme dit est : Parmy ce que si pour ses nécessités et affaires, dedans le temps de troys ans, elle les vourroit vendre tout ou partie, elle est tenue tout premier et avant le lui notiffier et faire savoir troys moys avant les vendre, affm qu'il les puisse dedans les diz troys moys recouvrer au pris qui lui ont esté baillez , s'il voit l'avoir affaire , desquelles bagues et des pris la déclaracion s'ensuist : Premier, ung collier d'or de l'ordre du dit duc Pierre, dont Dieux ait l'amme, auquel pend une ermine garnye de troys gros dyamantz pointuz , ung ruby et une grosse perle, prinse doze cenz escuz neuffs, valent treze cens saexante quinze livres; ung gros dyamant en table en ung anneau d'or esmaillé de blanc et de rouge cler, prisé deux cens escuz neuffs, valent deux cens vignt neuff livres, troys soulz; ung colHer d'or à lectres, où pend le gros dyamant a fcste qui fut au sires de Thouars, et dempuix à Artur de Montauban duquel il fut recouvre, garny de ouict perles et de neuff dyamantz, prinsé deux mille sept centz escuz neuffs; ung aultre collier à assietes esmaillé de rouge cler et de blanc, garny de huict grosses perles et ouict dyamantz, et à la bague pendent deux gros dyamantz et ung ruby, quatorze perles pendentes aux dites assietes, prise mil escuz neuffs; une chesne d'or en faczon de chesne de pomme carrez a une ermine de dyamantz et une grosse perle pendente, prisé huict vigns escuz neuffs; une autre chesne d'or a une fleur pendente garny d'ung cueur my party de dyamant et d'un ruby, prisée seix vigns escuz

neuffs; une aultre chesne d'or dont la moitié des chesnons sont esmaillez de noir a une créez de cinq dyamantz en table et quatre perles , prises troys cens escuz neuffs. Une grosse chesne d'or croese, prise seix vigns sept escuz neuffs et demy; unes patenostres de Cassidonne que donna le Roy de Secille , garnye d'or, prisées doze escuz neuffs, valent treze livres, quinze soulz; unes aultres patenostres de saye noire à biiUetes aux mystères de la Passion, prisée doze escuz neuffs, vallans treze livres, quinze soulz. Item en pkiseurs espèces de tapiceries, a baillé le dit duc de présent à la dite duchesse à valoir sur la dite somme de quinze mil saluz, la somme de mil escuz neuffs. Et pour ce que n'avoit encores livré à la dite duchesse la dite tapicerie comme il disoit, les dites parties ont esté confessant, celui duc avoir baillé et lessé à la dite duchesse pour gaiges d'icelles, et à ce que elle en soit et demeure en seureté, ung collier d'or plat garny de cent seix perles et doze baloiz , lesquelles bagues il a promis acquicter dedans seix moysprouchains venans. Quelles espèces d'or et d'argent, bagues et gaiges pour la dite tapicerie cy davant declerez, montent ensemble la monnoie ramenée à escuz , la somme de unze mil escuz neuffs. Et sur le prisaige des diz quinze mil saluz, le dit duc de présent a promis et octroyé à la dite duchesse la poier et assigner par troys années de quatre mil escuz neuffs ainsi qu'ilz ensuyt. Savoir en l'an présent que conunencza le premier jour de décembre derroin, mil cinq cenz escuz, et en l'an ensuyvent mil cinq cens escuz et en l'aultre an subséquent les autres mil escuz, sellond et au désir de la dite transaction faicte entre les dites parties. Et quelles parcelles en somme toute font les diz quinze mill escuz. Et pour l'avantage qui se trouve entre les diz escuz et saluz de cinq deniers par escu, pour le dit duc de présent en demourer quicte vers la dicte duchesse , il lui a quicté et delessé deux tissuz garnyz d'or, de perles et pierreries qu'elle avoit en sa garde, avecques ung dyamant en ung anneau d'or esmaillé de noir, que luy envoya le dit duc Pierre au temps qu'il estoit derroinement à Bourges. Item a congnu le dit duc de présent avoir donné, quicté et delessé à la dite duchesse Franczoise ung tableau d'argent doré et esmaillé avecques une salière garny de veride à petites perles.

De toutes lesquelles espèces dessus declerées , tant vexelle d'or et d'argent que bagues et joyaux , qneulx ainsi avoit en garde la dite Duchesse Franczoise comme dit est , le duc de présent racquictée et quicte entièrement sans jamais aucune chose luy en pouoir quérir ne demander en aucune manière. Renonczans les dites parties et chascune pour son fait et pour ce que luy touche, et deffait ont renonczé et renonczent a ilz ne l'im d'culx piéger à exomé*, mander, s'exomer aquerre^, ne avoir ternie de parler jour juge, jour avenant, ne aultre dillacion, débat, opposicion faire dire, alléguer ne proposer contre la teneur d'uns effect et substance de ces présentes, en les retardant ou empeschant en aucune manière. Et en tant que mestier est, la dite Duchesse Franczoise pour son fait et pour ce que lui touche , s'est submise et submect par son serment avecques touz ses biens à la juridicion, seigneurie et obéissance de nostre dite court , quant à faire tenir et fournir le contenu en ces présentes. Et b's choses et chascune dessusdites, par la fourme et manière que dit est, ont promis et juré les dites parties et chascune en droit soy par leurs serments, tenir, fournir et acomplir sans jamès aler à l'encontre. Et de leurs assentemens y ont esté par le jugement de nostre dite court condempnez. Donné tesmoign le seel estably aux contraz de nostre dite court, le derroin jour de décembre , l'an mill quatre cens cinquante sept.

Signé :

COPPEGORGE, passe?

Guillaume Chausse, passe?

(Archives ecclésiastiques: Fonds des Coiièts.)

' Ce mot scmblo une variante de Vexoincr, s■e\cll^e^.

' Aqwrc , mot basque ; kellc. D'aqiierre, mot basque : d'ici. (Glossaire,

la lin du tome u d Dora Lobineau).

Transaction entre le duc François II et Françoise d'Amboise.