DE PAR LE ROT

Chers et bien auiez, pour ce que nous désirons sçavoir que devint ou mourut et fut enterré ung bon S. homme bermite, qui du temps de feu nostre très-cher seigneur et père que Dieu absolve, et durant les grandes guerres, qui lors estoient entre luy et les Anglois, vint par plusieurs fois devers luy, Nous envoyons nostre amé et féal conseillier le curé de Mâche, porteur de ceste, soy en informer et enquérir. Si nous prions et néantmoins mandons sur tout le plaisir et service que nous devez faire, que si vous en sçavez aucune chose, vous le dictes à nostredict conseillier, et luy aidez à le sçavoir et quérir ainsi qu'il vous dira et donnera par entendre, et que par les anciens hommes, livres, registres et escriptures d'Eglises et autrement on le pourra trouver et sçavoir et vous nous ferez très-singulier plaisir. — Donné au Plessis du Parc, le 13 jour d'octobre.