ET DE QUARANTE-QUATRE AUTRES SERVITEURS DE DIEU

Decretum. — Sinarum. Beatificationis et Canonizationis venerabilium servorum Dei Gabrielis Taurini Dufresse Episcopi Tabracensis, Joannis Dat presbyteri, et sociorum martyrum.

Dum Sacra Gongregatio Ghristiano Nomini propagande praeposita curas omnes intenderet ad conficiendas de more Apostolica auctoritate Inquisitiones super Martyrio, caussa Martyrii et SignisVen. servorum Dei Ignatii Delgado Ordinis Praedicatorum Episcopi Mellipotamensis et sociorum Martyrum, œque gravia ac maximi ponderis documenta pariter recepit quoad passionem et pretiosum obitum aliorum quinquagintaquinque, qui ab anno 1798 usque ad annum 1840 diversis in locis fortes in prœlio ab Ethnicorum superstitione parato stolas suas meruerunt lavare in sanguine Agni. Horum propterea Gaussam Beatificationis et Ganonizationis praecedenti conjungere satagens recensita Sacra Gongregatio Sanctissimum Dominum Nostrum Gregorium Papam XVI enixe rogavit, ut habitis loco Informativi Processus idoneis hisce et authenticis documentis super Martyrio et caussa Martyrii, per designatam jam in supradicta Gaussa peculiarem Sacrorum Rituum Gongregationem hoc negocium débite examinari valeret, ac decerni super signatura Gommissionis Introductionis Gaussae etiam istorum quinquagintaquinque Martyrum. Sanctissimus bénigne precibus inclinatus die 10 mense Aprili superiore anno 1842 propria manu rescripsit : « Annuimus

juxta petita, » Particularis itaque hujusmodi Congregatio primum coadunata ad Cancellariam Apostolicam pênes Eminentissimum et Reverendissimum Dominum Cardinalem Carolum Mariam Pedicini Episcopum Portuensem, S. Rufinas et Centumcellarum, eidem Sacrae Congregationi Praefectum, Caussaeque Relatorem die 20 mense Januario anno vertente in voto fuit singillatim faciendam esse relationem ab R. P. D. Sanctae Fidei Promotore : ad quam excipiendam iterum eodem loco subscripta diecoacta, atque ad humillimas preces R. P. D. Joannis Brunelli Sacras Congregationis de Propaganda Fide a Secretis Postulatoris designati nomine ejusdem Sacrae Congregationis, nec non RR. Patrum Ordinis Praedicatorum, sacerdotum Congregationis Missionis S. Vincentii a PauUo, seminarii Parisiensis missionum, aliarumque Societatum, queis missionum Sinensium cura incumbit, consideratis libratisque praedictis documentis, attentoque praesertim R. P. D. Andréas Mariae Frattini Sanctae Fidei Promotoris voto, qui etiam voce suam sententiam exposuit, proposito sequenti dubio : « An sit signanda Coramissio Introductionis Caussae eorumdem servorum Dei in casu, et ad effectum de quo agitur? » rescribendum censuit : « Si Sanctissimo placuerit, signandam esse pro sequentibus, nimirum Gabriele Taurino Dufresse Episcopo Tabracensi, Joanne Dat Presbytero, Emmanuele Trieu Presbytère, Petro Ou seu U catechista, Augustino Tchao vel Chau Chu-yung, Joanne a Triora Sacerdote Professo Ordinis Minorum S. Francisci de Observantia, Josepho Ven seu Yven Presbytero, PauUo Liou Presbytero, Francisco Clet Presbytero Congregationis Missionis S. Vincentii a Paullo, Taddeo Lieu Sacerdote, Lieu Oven-ven, Jacobo Nam Presbytero, Michaele My Pagi Praefecto, Antonio Dich, Paullo Mi, Petro Duong, et Petro Truat catechistis, Dominico Tuoc Sacerdote Ordinis Praedicatorum, Joachimo Ho, Nicolao Dominico Dat Milite, Thoma Du et Dominico Xuyen Sacerdotibusexordine S. Dominici, Francisco Xaverio Mau catechista, Dominico Uy, Thoma De Sartore, Augustino Moi, et Stephano Vinh Agricolis, Petro Thi, Andréa Doung,

Paullo Khoan, Luca Loan, Martino Tinh, et Josepho Nghi Presbyteris, Petro Van-hîen, et Joanne Baptista Dinh catechistis, Martino Tho et Joanne Baptista Con Pagi Primariis, Josepho Hien et Domenico Tracli Presbyteris ex ordine S. Dominici, Thoma Toan et Petro Van-tu catechistis, Antonio Quinh-Nam medico, Simone Hay-hoa item artis medicae Ûoctore et catechista, ac demum Joanne GabrielePerboyre Presbytero ex Congregatione Missionis S. Vincentii a Paullo : Aliorum vero undecim, quorum nomina exhibentur in allatis documentis, differendam esse Commissionem donec graviora iafiferantur monumenta de inita morte Catholicas Religionis caussa, et de Fidei constantia usque ad mortem. » Die 1 2 mense Junio anno 1843.

Super quibus omnibus facta postmodum Sanctissimo Domino Nostro Gregorio PapaXVI, per me subscriptum Sacrorum Rituum Congregationis Secretarium fideli relatione, Sanctitas Sua Peculiaris Congregationis Rescriptum confirmavit, praedictamque Commissionem Introductionis Caussas eorumdem Ven. servorum Dei Gabrielis Taurini Dufresse Episcopi Tabracensis, Joannis Dat Presbyteri et Sociorum Martyrum propria manu signavit die 9 mense Julio eodem anno 1843.

C. M. EPISCOPUS PORTUEN. GARD. PEDICINUS, S. R.E. Vice-Cancellarius Praefectus.

J.-G. FATATI, S. R. C, secretarius.