ROBERTET
( J. Du Bellay. Défense et illustration de la langue française f édition in-^i, 1561).
Taris, 4 mars 1571. — Lettres patentes de Charles IX conférant à Fédéric Morel
la charge d'imprimeur du Roi.
Charles par la grâce de Dieu Roy de France. A tous ceulz qui ces présentes lettres verront, salut. Scavoir faisons que pour le bon tesmoignage et rapport qui faict nous a esté de la personne de notre cher et bien araé Federic Morel, Imprimeur Libraire en notre bonne ville et université de Paris, et a plain confians dans ses sens, suffisance, loyaulté, preudhommye, expérience en Tart d'imprimerie et bonne diligence et mesmes ayant égard qu'il a cy devant imprimé plusieurs beaulx livres tant en grec, latin que francoys et autre {sic) langues, comme il désire continuer pour le prouflfict et commodité publicque. Pour ces causes et aultres bonnes et grandes considérations a ce nous mouvans avons ce jour d'hui retenu et retenons ledict Morel en Testât et charge de notre imprimeur ordinaire tant en hebrieu, Grec, Latin que en francoys, et mesmement pour le faict de nos editz, ordonnances, statutz. Lettres patentes et aultres noz mandemens et Lettres qui debvrontestre imprimées et publiées, et, ledict estât vacquant a présent par la mort et trespas de feu Robert E'stienne, luy auons donné et octroyé, donnons et octroyons par ces présentes pour icclluy tenir et exercer et en joyr et user par ledict Morel, aux honneurs, auctoritez, prérogatives, preeminances, privilèges tant generaulx que particuliers, franchises et libertez, gaiges et droitz accoustumez et audict estât appartenans. Youlans en oultre qu'il ayt les poinçons, moules, matrices, caractères et fontes de notre grec pour en joyr et nous en servir quant besoing sera et en sera requis, sans qu'il soit besoing iceulx privilèges spécifier et déclarer et lesquclz nous tenons ici pour tous spécifiez et déclarez avec défenses très expresses à tous imprimeurs et libraires d'imprimer ou faire imprimer lesdicts livres, edictz, ordonnances, lettres patentes et aultres noz mandemens par luy imprimez sans le consentement dudit Morel a peine de confiscation des livres et d'amende arbitraire ; voulons en outre et nous plaist qu'apposant par ledict Morel ung extraict sommaire des présentes, au commencement ou a la fin de chacun desdits livres, elles soient tenues pour
suffi samment notifiées et venues a la congnoissance particulière de tous qu'il appartiendra sans quUlz en puissent prétendre cause d'ignorance, et ce tant qu'il nous plaira. Si donnons en mandement par ces mesmes présentes a noz amez et feaulz les gens de notre court de parlement de Paris, prevost dudict lieu et a tous aultres noz justiciers et officiers qu'il appartiendra que cesdictes présentes noz lettres ilz facent lire et enregistrer et dudict Morel prins et receu le serment qui seroit requis en tel cas, icelluy metent ou facent mectre de par nous en bonne possession et joyssance dudict estât et office de notre Imprimeur et d'iceluy ensemble de tout ce que dessus le facent, seuffrent et laissent joyr et user pleinement et paisiblement et a luy obéir et entendre de tous ceulx qu'il appartiendra es choses touchans et concernans ledict office, faisant observer estroitement et exécuter les susdictes défenses contre tous ceulx qu'il appartiendra en mandant à celluy de noz trésoriers generaulx ou particuliers et comptables a qui ce pourra toucher que lesdicts gaiges et droitz audict estât apartenans ilz payent, baillent et délivrent ou facent payer, bailler et délivrer audict Morel par chacun an en la forme et manière accoustumee. Et rapportant par luy ces présentes ou vidimus d'icelles duement collacionne à l'original avec quictance sur ce suffisante, nous voulons tout ce que paye, baille et délivre aura este a l'occasion susdite estre passe et alloue en la despense de leurs comptes par noz amez feaulz les gens de noz comptes a Paris ausquelz nous mandons ainsi le faire sans difficulté, car tel est notre plaisir. Nonobstant quelzconques edictz, ordonnances, priuileges et lettres obtenues ou a obtenir au contraire ausquelles desa présent comme pour lors et dès lors comme desa présent nous avons déroge et dérogeons par cesdictes présentes. Donne à Paris le quatriesme jour de Mars l'an de grâce mil cinq cens soixante et unze et de nostre règne le unziesme ; ainsi signe sur le reply : par le Roy, le grand aumosnier présent. De Neufville, enregistrées, sur ce le procureur gênerai du Roy, pour en joyr par l'impétrant selon leur forme et teneur a Paris en Parlement, le dernier jour d'Apuril, l'an mil cinq cens soixante unze. Signe : Dutillet. Collation est faicte a l'original.
