DUTILLET

( Registres du Parlement Recueil des ordon, de Charles IX, X^^ 8629, f. 90 v«.)

Paris, 2 novembre 1681. — Lettres patentes de Henri III, conférant à Fédëric Morel le Jeune la charge d'imprimeur du Roi, en remplacement de son père.

Henry, par la grâce de Dieu Roy de France et de Pologne. A tous ceulx qui ces présentes lettres verront, salut. Scavoir faisons que nous, ayans esgard aux bons et agréables services que notre cher et bien amé Federic Morel père, nostre imprimeur ordinaire, a des longtemps faictz au feu Roy Charles nostre très cher seigneur et frère et a nous, en sondict estât, comme il fait et continue encore chacun jour, et desirans Iceulx recongnoistre non seuUement envers luy mais aussi a Tendroit de Federic Morel, son fils, lequel ayant bien estudié et faict profession des bonnes lettres et sciences et travaillant comme il fait aujourdhuy avec et soubz sondict père à l'Impression des bons Livres et exemplaires hebrieuz, grecz, latins, francoys et autres, s'est rendu capable de nous faire service audict estât, et a plain confians de la personne d'icelluy Morel filz et de ses sens, suffisance, loyaulté, preudhommye, experiance en l'art d'Imprimerie et bonne diligence, Icelluy, pour ces causes et autres a ce nous mouvans, avons cejourdhuy retenu et retenons en Testât et charge de nostre Imprimeur ordinaire tant en hebrieu, grec, latin que francoys et mesmement pour le faict de nos edictz, ordonnances, statutz, lettres patentes et autres nos mandemens et lettres qui deburont estre publiées et imprimées; et ledict estât que souUoit tenir et exercer, tient et exerce encores de présent ledict Morel père, vaccant a présent par la pure résignation qu'il en a cejourdhuy personnellement faicte en noz mains au nom dudict Federic Morel, son filz, a condition de survivance d'eulx deux, luy avons donne et octroyé, donnons et octroyons par ces présentes pour icelluy tenir et exercer et en joyr et user par lesdictz Morel père et filz et par le suruiuant d'eulx deux aux honneurs, auctoritez, prérogatives, preeminances, previleges tant generaulx que particulliers, franchises, libertez, gaiges et droictz accoustumez et audict estât appartenans sans que par le trespas du premier deceddant ledict estât puisse estre dict vaccant ne impetrable sur le suruiuant. Auquel suruiuant nous avons Icelluy estât desapresent comme pour lors reserve et

réservons, sans que pour quelque don et provision que nous en pourrions faire par inadvertance ou autrement en faveur de quelque autre personne que ce feust, ne aussi soubz umbre des ordonnances et editz par nos prédécesseurs et par nous faictz sur la reuocation de semblables survivances il puisse estre audict suruiuant mis ou donne aucun trouble ny empeschement au contraire. Lequel survivant si bon ne luy semble ne sera tenu prendre ne recouurer de nous ny de noz successeurs autres lettres de don et provision dudict estât que cesdictes présentes, ne faire autre serment qu'en a ja faict ledict Morel père et qu'en fera ledict Morel fils en vertu dUcelles présentes. Voulions en oultre qu'ilz et chacun d'eulx ayent les poinsons, mousles, matrices, caractères et fontes de notre grec pour eulx en ayder et nous en servir qu'en {sic) besoing sera et que requis en seront sans qu'il soit besoing Iceulx preuileges speciffier et déclarer et lesquelz nous tenons icy pour tous speciffiez et déclarez auec deffenses très expresses a tous Imprimeurs et Libraires d'imprimer ou faire imprimer lesdictz liures et edictz, ordonnances, statutz» lettres patentes et autres noz mandemens par lesdictz Morel père et filz imprimez sans leur consentement a peyne de confiscacion des livres et d'amende arbitraire. Voulions et nous plaist aussi qu'en apposant par lesdictz Morel et le survivant d'eulx deux ung extraict sommaire des présentes au commancement ou a la fin de chacun desdictz livres, elles soient tenues pour sufBsamment nottifiées et venues à la cognoissance particulliere de tous ceulx qu'il appartiendra, sans qu'ilz en puissent prétendre cause d'ignorance, et ce tant qu'il nous plaira. Si donnons en mandement par ces mesmes présentes a noz amez et feaulx conseillers les gens tenant notre court de parlement à Paris, Preuost dudict lieu ou son Lieutenant et a tous autres noz justiciers et officiers qu'il appartiendra que cesdictes présentes nos Lettres ils facent lire et registrer et dudict Morel filz prins et receu le serment qui seroit en tel cas reqvis et accoustume, ilz le mettent ou facent mettre de par nous en bonne possession et joyssance dudict estât de notre Imprimeur et d'Icelluy ensemble de tout ce que dessus facent, souffrent et laissent ledict Morel père, sa vye durant, et après son trespas ledict Morel son filz et le suruiuant d'eulx deux, jouir et user plainement et paisi-

ib2 PIECES JUSTIFICATIVES

blement et a eulx obeyr et entendre de tous, ceulx et ainsi qu'il appartiendra en mandant a celluy de noz trésoriers et receveurs generaulx ou particuUiers et contables a qui ce pourra toucher que lesdictz gaiges et droictz audict estât appartenans ils payent, baillent et délivrent ou facent payer, bailler ou délivrer audict Morel filz et audict suruiuant doresnavant par chacun an aux termes et en la manière accoustumee et en rapportant cesdictes présentes ou vidimus d'icelles deuement collationné a l'original auec quictance sur ce suffisante, nous voulions tout ce que payé, baillé et déliuré aura esté a l'occasion susdicte estre passé et alloué en la despence, desduict et rabattu de la recepte des comptes de celluy qui aura faict icelluy payement par noz amez et feaulx les gens de noz comptes a Paris ausquelz nous mandons ainsi le faire sans difficulté, car tel est nostre plaisir, nonobstant lesdictz edictz et ordonnances faictes et a faire sur la reuocation de semblables suruiuances esquelles ne voulons la présente estre comprise ny entendue ains l'en avons des a présent comme pour lors exceptée et réservée, exceptons et réservons et a iceulx et quelconques autres edictz, ordonnances, mandemens, deffences et lettres obtenues ou a obtenir a ce contraire auons dérogé et dérogeons par cesdictes présentes ausquelles, en tesmoing de ce, nous avons faict mectre et apposer nostre scel. Donné h Paris le deuxième jour de Nouembre, l'an de grâce mil cinq cens quatre vingtz ung, et de nostre règne le huictiesme. Ainsi signé sur le reply, Par le Roy, Pinart, et scellées sur double queue jaulne du grand scel. Registrées, oy le procureur gênerai du Roy, comme il est contenu ou registre de ce jour à Paris en parlement le vingt deuxième Janvier mil cinq cens quatre vingtz deux. Signé : Dehenez.

Collacion est faicte avec l'original rendu audict Morel.

DEHENEZ.

(Arch. liât. Registres du Parlement X'^ 8636, f» 66 \^ sqq.)

9 aTril 1548. — CesBÎon faite à Michel de Yascosan et Antoinette Yag^ault, par Jean Hëmon et sa femme, de la maison du Regnard qui ferre,

A tous ceux qui ces présentes lettres verront Anthoine du Prat esc. Scavoir faisons que par devant Pasquier Yallee et Jean Cruce clercs notaires du Roy furent présents en leurs personnes honnorables personnes Jean Hemon marchand boucher et Pasquette Boutevillain sa femme, aagee de trente ans ou environ, comme ils ont dit, dq luy souffisamment authorisee en ceste partie, fille et héritière seule et pour le tout de feu Jean Boutevilain en son vivant boulanger à Paris, jadis son père ; lesquels de leurs bons grez et bonnes voulontez, sans aucune contrainte, recogneurent et confessèrent en la présence et par devant lesdits notaires comme en droit jugement avoir vendu ceddé, quité, transporté et délaissé et par ces présentes vendent, ceddent, quitent, transportent et délaissent du tout dès maintenant à tousiours à honnorable homme Sire Michel de Yascosan, marchand libraire et Anthoinette Vagnault, vefue de feu Honnoré Chevalier, a ce presens achapteurs et acquesteurs chacun par moitié pour eux, leurs hoirs et ayans cause au temps aduenir, un quart et demy par indivis et tout tel autre droit, part et portion qui ausdits vendeurs à cause de ladite Pasquette Boutevilain peut duire, competer et appartenir et à elle venu succédé et escheu à cause de la succession dudit deffunct Jean Boutevilain son père cy et sur une maison et petite court du lieu, comme il se comporte de fonds en comble, assis a Paris rue Set Jacques ou souloit pendre pour enseigne le Regnard qui ferre et de présent la Fontaine, tenant d'une part a une maison appartenant a Regnault Chaudière, d'autre à une maison appartenant à THostel-Dieu de Paris, estant icelle maison en la censive des chanoines de Téglise Set Benoist à Paris et chargée enuers eux la totalité d'icelle de trois sols neuf deniers parisis de cens, de six livres six sols six deniers parisis de rente envers le chappelain de la chapelle Notre Dame de la Table fondée en ladicte Eglise St Benoit et encore de trente trois sols six

deniers pariais de rente envers le chappelain de la chapelle Set Augustin fondée en l'Eglise de Paris et aux autres charges, etc. Geste vente cession transports ainsy faicts ausdictes charges pour portion et outre moyennant et parmy le prix et somme de douze cent livres tournois que pour ce lesdits vendeurs confessèrent et confessent auoir eue et receûe desdicts achapteurs chacun pour leurdicte moitié etc.. Promettant, obligeant, renonçant. En tesmoing de ce, nous a la relation desdits notaires auons fait mettre à ces présentes le scel de ladicte preuoste de Paris qui furent faites et passées Tan mil V quarante huict le mardyix* iour d'Auril. Ainsy signé. P. Vallée. J. Cruce.

(Inventaire des tiltres du chappitre de réglise de Mgr Sainct Benoist le bien tourné. Arch. nat., S 897^ .)

Mention d'une rente de trois sous six deniers pariais de cens, prise par les chanoines de Saint-Benoit sur la maison de la Fontaine.

Une ancienne lettre faisant mention de trois sols six deniers parisis de cens — c*est sur la maison où pend pour enseigne la Fontainey que tient à présent Yascozan libraire.

(Inventaire des tiltres du chappitre de l'église de Mgr Sainct Benoist le bien tourné. A. N., S 897 b.)

Mention d'une rente annuelle de dix sous parisis prise par la Sorbonne sur la maison des Ciseaux d*or^ appartenant à Vascosan.

Au clos Bruneau.

Sur une maison anciennement appelée les escolles d'Allemaigne, apartenant a la nation de ladicte AUemaigne

Sur une maison a icelle contigue apartenant à Michel Vascosan libraire juré en TUninersité de Paris, en laquelle pend pour enseigne les Cyseaulx d'or, pour chacun an, au jour et la feste Sainct Jehan Baptiste X' parisis.

( Extrait de ï Inventaire des biens de la maison de la Sorbonne dressé par ordre du Boy le 10 décembre 1551, publié par M. Gréard dans « Nos adieux à la vieille Sorbonne ». Pièces justificatives, p. 265.)

26 juillet 1569. — Reconnaissance faite par Vascosan de la propriété de trois maisons sises à Paris et portant pour enseignes la Fontaine, les Ciseaux d'or et le Mortier.

1569, 26 Juillet. — Honorable homme Michel Vascosan, libraire juré en l'Université de Paris, confesse être détenteur et propriétaire de la moitié indivise moins un seizième d'une maison, court et autres appartenances, assise à Paris rue Saint-Jacques où pend pour enseigne la Fontaine, où il est demourant, tenant d'une part, la totalité à Regnauld Chaudière, d'autre à l'Hôtel-Dieu de Paris, par derrière aux héritiers Jacques le Rousse, par devant à la rue Saint-Jacques.

Item une autre maison et ses appartenances, rue de saint Jehan de Beauvais, aux Sizeaulx d'or, tenant d'une part a la maison du Cadran, d'autre à une maison qui appartient à la nation d'Allemagne.

Item, la moitié par indivis d'une autre maison, rue de la Bûcherie, à l'enseigne du Mortier-, et sur les dits biens tant du dit Vascosan et Catherine Bade, sa femme, que de Denis Desauves, marchand apothicaire et espicier, et Marie Bade, sa femme, Bertrand Lefévre, marchand bourgeois de Paris et Jehanne de Passavant, sa femme, à cause d'elle, comme héritière de Marie Danès sa mère, ont droit de prendre 25 1. de rente qui dès le 22 aoust 1549, furent par lesdits Vascosan et Desauves et leurs femmes vendus et constitués à Guillaume Danès, père de la dite défunte Marie Danès.

(Archives de Brûlé, notaire.) — Baron Pichon et G. Vicaire. Documents pour servir à l'histoire des libraires de Paris,

17 mai 1577. — Supplique adressée par Fédéric Morel et sa femme au prévôt des marchands et aux échevins de Paris afin d'obtenir Tensaisinement de la maison des Trois- Bourse s, acquise par héritage de Vascosan, moyennant la moitié des droits de vente et saisine.

A messieurs les preuost des marchans et eschevins

de la ville de Paris.

Supplient humblement Federic Morel imprimeur ordinaire du Roy et Jehanne Vascosan sa femme, fille et héritière de feu Michel

Yascosan marchant libraire et Imprimeur juré en l'université de Paris et de feue Catherine Bade femme en première nopces dudict Yascosan, Nicolas Dubray et Claude Lefevre sa femme, Marc Gaboureau et Denise Lefevre sa femme^ lesdictes Claude et Denise Lefëvre héritiers de feue Robine Coing leur mère, femme en premières nopces de feu Augustin Lefevre, leur père, et en secondes noces dudict feu Michel Yascosan. Comme ledict deffunct Michel Yascosan, pendant et constant le mariage de luy et de ladicte Robine Coing, ayt acquis de Claude Lefevre et Marie de Courselles, sa femme, la moictié en ung tiers qui est la sixième partie et portion par indivis en la totalité d'une maison contenant deux corps d'hostel, court au millieu, ouvrouer, puis et lieux comme ilz [sic) se comportait de fondz en comble et de toutes partz assiz en ceste ville de Paris rue du Petit Pont ou pend pour enseigne les Trois Bourses^ tenant la totalité d'icelle maison et lieu d'une part a Thostel de l'escu de Bourgongne, d'autre au Gros Tournois^ abboutissant d'un bout par derrière a la maison du Sabot et de l'Image sainct Jehan qui aultreffois a esté des appartenances de ladicte maison des Trois Bourses et d'autre bout par devant a ladicte grande rue, ainsy qu'il appert par les lectres de ladicte acquisition faictes et passées par devant Chappelain et Chappelain [sic), notaires au Châtelet de Paris, dattees du Samedy vingt septième Jour de Février M Y' soixante ung, laquelle maison est en la censive et seigneurie foncière de ladicte ville. Ce considéré, messieurs, il vous plaise ensaisiner les supplians de ladicte acquisition en paiant au domaine de ladicte ville les droictz de vente et saisine qu'il vous plaira leur modérer a moictié et vous ferez bien.

Soyt monstre au Procureur du Roy et de la ville. Faict au bureau

de la ville le xvii jour de May 1577.