LE PRIX DU TOURNOI

« Lorsqu'il sera temps de donner le prix, dit à ce sujet le roi René, les juges et le chevalier d'onneur, accompaignez du roy d'armes, heraults et poursuivans, iront choisir une des dames et deux damoiselles en sa compaignie, et les mèneront hors de la sale en quelque autre lieu, avec foison de torches, et puis retourneront en ladite sale avec le prix en Tordre qui s'ensuit.

« Premièrement iront les trompettes en sonnant, puis tous heraults et poursuivans après en flotte; et après eulx le roy d'armes seul, après lequel ira le chevalier d'onneur tenant un tronson de lance en sa main. La dame tiendra ledit prix couvert du couvrechief de plaisance ; et a dextre et a senestre iront lesdits chevaliers et escuiers juges diseurs, lesquels la tiendront par dessoubs le bras ; et a dextre et a senestre des deux chevaliers seront lesdites deux damoiselles tenues par dessoubs les bras par les deux escuiers juges. Lesquelles deux damoiselles soustendront les deux bouts dudit couvrechief; et en ce point feront trois tours a l'environ de la sale, puis se arresteront devant cellui auquel ils voudront donner le prix.

* Lors la dame descouvre le prix et le lui baille ; puis il le prend et la baise, et semblablement les deux damoiselles si c'est son plaisir. »

Rejamey iiiK

!rap Frai I lery et C" Paris