DE HOMILL Y-SUR-SEINE
reur fiscal, en personne, lequel nous dict que ces prédécesseurs, syeurs dudict Romilly, que Dieu absolve, auroient obtenu du Sainct Siège papal de Romme, pour réconpense des bons et agréables services qu’ilz auroinct faictz, les droictz, proffictz, revenus et émolument des dismes des bledz assis au dedans de leurs dicte seigneurye dudict Romilly, ses appartenances et déppendences ; depuys lequel temps ilz auroinct fondé, donné et assigné, tant à leurs successeurs, héritiers, syeurs et dame dudict Romilly, que à tous les manans et habitant dudict lieu, leurs justiciables à tous cas persouelz, civilz et criminelz, une grende quantité de pains blanc de rente annuelle et perpétuelle à prendre et parcevoir par chascung an, sur lesdictz droictz de dismes, aulx jours et feste de Pasques communianlx, sçavoir : à chascung nobles, leurs femmes, familles, serviteurs dhomesticques et aulx clercs, huict pains blanc; et aulx non nobles, non clercs, leurs femmes, famille et serviteurs dhomesticques, à chascung d’eulx quatre pains blanc : le tout fleur de froment, prébende de Troyes en Champagne, du poix de quarente deulx onces pour pain ; moytié desquelz dismes ilz auroinct donné, et faict part d’ung quartier de ladicte moytié, au prieur du prioré de l’église dudict Romilly, et l’aul tre quart de ladicte moytié, aulx vénérables doyen etchagnoyneSainctUrbain de Troyes; et l’aultre moytié dudict dismage, appelé le Vaul-Tibout, lesdictz syeurs l’ont détenu par devers eulx ; à charge que ledict syeur prieur sera tenu, ou ses fermiers pour luy, rendre, payer et livrer par chascung an aulx syeurs, manans et habitans dudict Romilly, pour sa portion seullement, deulx pains blanc aulx nobles et
ARCHIVES COMMUNALES
clercs, comme dict est, pour chascugnes personnes et aulx non nobles et non clercs ung pain ; comme au semblable lesdictz vénérables pareille redepvances que ledict syeur prieur pour leurs quart de droict de dismes, avec rendre et livrer deulx grands septiers de bledsoigle par an à tousjours à l’église et fabrique dudict Rorailly, fourny et livré, aulx jours de Pasques, le vin qui convient à la réception du Saint Sacrement de l’hostel ausdictz babitans ; et les aultres quatre pains blanc pour les nobles et clercs, et aulx non nobles et clercs deux pains, comme est cydevent rédigé par escript, à prendre sur l’aultre moytié dudict dismage de Vaul-Tibout, duquel lesdictz syeurs et dame dudict Romilly font bail judiciairement de la levée desdictz dismes au plus offrent, à charge de payer et livrer pour et en leurs acquict ladite moytié de rente de pains par le fermier dernier enchérisseur, comme il est porté par le bail, et par an; lesquelz syeurs et les vénérables prieurs, doyen, chagnoine Sainct Urbain, ou leurs fermiers pour eulx, sontz tenu, aultant que à ung chascung d’eulx, toucher et porter et livrer lesdictes rentes de pain ausditz jour de Pasques au dedans de ladite église dudict Romilly, pour, après la visitation faictes par les justiciers dudict Romilly, estre délivré ausdictz syeurs et habitants dudict lieu, à tour de roolle, à la manière acoustumée, à peine d’amende et confiscation desdictz pains non suffisant de poix et prébende dudict Troyes.
Et pour faire ladicte visitation desdictz pains, ladicte dame et sindic de la communauté dudict Romilly en l’an présent, nous dient avoir faict adjorner à leurs requeste à comparoir pardevent nous pied
