DE U0MILLY-SUR-SE1NE

à pied, heure susdict, Jehan Gruyer l’esnel, procureur pour ledict syeur prieur, Jehan Vacher, Claude Marchant, et Jehan Gruyer le jeune, fermiers de la part desdictz dismes pour lesdictz vénérables Sainct Urbain, et Jehan Febvre, Jacquin Millard aussy fermiers du dismage dudict Vaul-Tibout pour ladicte dame, par Charpy, sergent en ladicte justice, comme il nous est apparu par son rapport, à laquelle assignation lesdictz fermiers sonlz aparus en personne : Auquelz ladicte dame a interpelé de leurs part de convenir et nommer boulangers pour faire ladicte visitation, offrent de sa part en convenir et dénommer; à faulte de quoy faire nous a requis en dénommer par justice; tous lesquelz convenus et dénommés des personnes de Estienne et Jehan les Flizelz, boullangers, aussy ad ce présens; dcsquelz, ès présences desdictes partyes et desdictz habitans, avons pris et receu le serment, qui ontz promis que, faveur ny amytié qu’en aient à aulcunes personnes ,- ilz visiteront en nous présences lesdictz pains, s’ilz sont à fleur de froment et de poix.

Ce faict nous, juges susdict, sommes transporté avec lesdictz dénommés et les partyes, et és présences desdictz habitantz, au dedans de ladicte église en la chapelle Sainct Syphorian, en laquelle avons trouvé la part desdictes rente de pains audict syeur prieur; et d’illec sommes transporté en la chapelle Nostre Dame, en laquelle avons trouvé la part desdictes rentes de pain dcsditz vénérables doyen, chagnoyne Sainct Urbain; et d’illec au dedans de la neuf de ladicte églize, en laquelle avons trouvé la moytié de ladicte rente de pains dudict Vaul-Tibout, pour la part des fermiers dudict climat. Après que les-

172 ARCHIVES COMMUNALES

dictz Flizet dénommés ontz visité lesdictes rentes de pains, et qu’ilz nous ontz dict et reporté qu’ilz estaient de fleur de froment et du poix de quarante deulx onces pour pain ; sur la requeste desditz fermiers, pour lesdictz prieurs, vénérables de Saincl Urbain dudiclTroyes,etdudictVaul-Tibout, leur avons permis et permettons de distribuer lesdictes rentes de pains chascung d’eulx, en ce qu’ilz sont tenus, pour leurs part et portions, ausdictz syeurs et habitantz dudict Romilly, à tour de roolle; et commendement à toutz les recepvoir amyablement, et en bonne dévotion ladicte rente, et de s’en conporter modestement, rendant grâces à Dieu, nostre créateur, de ses biens, à peine de troys escus ung thiers d’amande et de prison sur ung chascung contrevenent, applicquable moytié à ladicte église, et l’aultre moytié aux pauvres, et d’avoir en recommendation les âmes des déffunct qui ontz fondé ladicte rente.

Dont et de quoy avons ausdictes partyes octroyé acte, se requérant, de nostre présent procès-verbal, pour leurs servir et valloir en temps et lieu comme de raison, que leurs avons octroyé par ces présentes.

Faict les an et jours que dessus.

Signé N. Jobnot.

JORPEL.

(Original en papier, conservé aux Archivée communales de Romilly-sur-Seine.)