L. Marafin

29 Novembre 1487

Charles VIII donne pouvoir à Ymbert de Batarnay et à Guillaume Briçonnet pour terminer, de concert avec les envoyés du duc de Savoie, la querelle de l'hommage du marquisat de Saluées.

(Bibl. nat., ms. fr. 2919, f° 9 bis, orig.)

Charles, par la grâce de Dieu roy de France, daulphin de Viennois, conte de Valentinois et de Dyois, à tous ceulx qui ces présentes lettres verront, salut. Comme pour paciffier le différant et question qui est entre nous et nostre très cher et très amé cousin le duc de Savoye pour raison de l'ommaige du marquisat de Saluces, nostred. cousin ait puis nagueres envoyé devers nous nostre très cher et très amé oncle l'arcevesque d'Aux, le Sgr d'Aix et le président de Chambery, ses ambaxadeurs, avec lesquels sont venuz de sa part aucuns ambassadeurs tant de nostre très cher et très amé cousin le duc de Millan que de noz très chers et grans amys les communaultez de Berne et Fribourg, et après plusieurs remonstrances par eulx à nous faictes ayons esté contens que la journée qui autreffoiz avoit esté mise sus au Pont de Beauvoisin touchant led. différent seroit reprinse et tenue aud. lieu le vingt-cinquiesme jour de septembre derrenier passé et que y envoyé-

rions de noz gens, aussi ferait nostred. cousin de sa part, ayans toute puissance de veoir et visiter ensemble les droiz, tiltres, actions, raisons et enseignemens de costé et d'autre, pour, le tout veu, en faire bon rapport avec leurs advis à quatre autres notables hommes, c'est assavoir deux chevaliers et deux conseillers, gens de bonne part, qui seroient esleuz et commis par nous et nostred. cousin de Savoye pour oïr led. rapport et eulx à plain informer desd. droiz et tiltres, vuider et déterminer led. différent dedens la fin de ce présent mois de novembre. En ensuivant lequel appointement nous ayons de nostrc part envoyé à lad. journée nos amez et feaulx maistres Thibault Baillet, président, Jehan Bouchart et Estiennc Poncher, conseillers en nostre court de parlement à Paris et Jehan Sarrat, nostre advocat gênerai aThoulouse, où semblablement nostred. cousin de Savoye y a envoyé, et à présent est besoing y envoyer de nostre part les deux notables hommes dessusd., aussi prolonguer le temps dedens lequel lad. question devoit estrc finie pour ce que de bref il escharra, savoir faisons que nous, ce considéré, bien records et memoratifs dud. appointement, desirans la paccification dud. différent, avons pour ces causes et autres à ce nous mouvans et de l'advis et délibération d'aucuns des princes et seigneurs de nostre sang et gens de nostre conseil estans avec nous, de nostre certaine science et propre mouvement, prolongué et prolongons le temps dedens lequel appointement et conclusion finalle devra estre faicte en lad. question jusqu'au quinziesme jour de janvier prouchain venant. Et par l'advis que dessus, aussi pour la bonne, grande et entière confiance que avons des personnes de nos amez et feaulx conseillers, Ymbert de Baternay, chevalier, Sgr du Bouchaige, nostre chambellan, et maistrc Guillaume Briçonnet, gênerai de noz finances, et de leurs sens, discrettion, suffisance, loyautez, preudommies et bonne dilligence, avons commis, ordonnez et depputez, commettons, ordonnons et depputons par cesd. présentes à eulx transporter aud. Pont de Beau voisin et eulx trouver avec nosd. conseillers par nous pieça ainsi envoyez, aussi avec ceulx de nostred. cousin de Savoye, pour oïr le rapport de ce qui a esté fait et eulx informer bien à plain et au vray du droit d'un costé et d'autre; et leur avons donné et donnons par cesd. présentes tout povoir et puissance de vuider et déterminer dud. différent et question et mettre fin et conclusion finale telle que de raison et justice en leurs advis et

consciences faire se devra, et généralement d'y faire en ensuivant led. appointement tout ce qu'ilz verront... (coupure) ... au bien de nous et de nostre bon droit et tout ainsi que ferions et faire pourrions si presens en personne y estions, promettans en bonne foy et parolle de Roy avoir agréable tout... (coupure) ... en ceste matière et es deppendances par nosd. conseillers et le faire garder et observer sans jamais aller et venir à l'encontre, et de ce bailler telles lettres et confirmations... [En tesmoing] de ce nous avons fait mettre nostre seel à cesd. présentes. Donné a Rouen, le pénultième jour de novembre l'an de... (coupure)... et de nostre règne le cinquiesme (i).

15 Décembre 1485-1487

Jean II, duc de Bourbon, oppose une fin de non-recevoir aux réclamations d'Ymbert de Batarnay, relatives aux terres de Bonsol^, Fay et Servissas.

(Bibl. nat., ms. fr. 2896, f° 84, orig.)

Mons. du Bouchaige, j'ay veu les lettres que m'avez escriptes Couchant les terres de Bonsolz, Fay et Servissat, lesquelles je tiens à charge et tiltre de mariage de mon frère de Nemours qui les m'a baillées à ce tiltre et promis les me garentir (2), et ne scay quel droit y povez avoir ; maiz adressez vous à mond. frère de Nemours et en besoignez avec luy, car c'est celluy et son conseil qui entend le droit qu'il y a et le tort qu'on luy a fait, et à luy en appartient la responce. Et me semble que deussiez avoir pencé deux foy s avant que en faire la pour-

(1) Le parchemin porte la trace d'un coup de ciseaux qui a fait disparaître quelques mots du texte et la signature du Roi. On peut en conclure que ce pouvoir fut remplacé par un autre dont la forme n'a pu différer sensiblement du reste.

(;) Jean II, duc de Bourbon, épousa en 1484 Catherine d'Armagnac, fille de Jacques duc de Nemours, et sreur de Jean, qui posséda le duché de Nemours sous Charles VIII. Jean de Bourbon mourut en 1488.

suite et demande que en faitez et vous plus soucier d'en rendre ce que en avez eu que de plus en parler, car vous savez bien en quel troublela court de parlement en a esté. Et à Dieu, Mons. du Bouchage, qui vous ait eu sa sainte garde. Escript à Molins, le XVe jour de décembre.

Vostre Bourbonnais,

Jehan.

Au revers : A Mons. du Bouchage.

xxxn

13 Février 1488

Lettre adressée à Ymbcrt de Batarnay par Guillaume de Diesbach et par Pietreman de Faacigny, envoyés par les communautés de Berne et de Fribourg pour travailler à l'arrangement de l'affaire de Saluées.

(Bibl. nat., ms.fr. 2928, f° 61, cop.du temps.)

(En marge). Double des lettres escriptes par messires Guillaume Dyesbach et Piètrement de Foucigny à moy du Bouchage.

Mons. et nostre très especial Ssr, à vous de bon cueur nous nous recommandons.

Mons., pour ce que nous deux derrenierement avons esté en France avecques Mons. d'Aux à cause du différend du fief du marquisat de Saluces, et en ensuivant led. appointemeut et speciallement la singulière requeste et recommandations faictes a nous deux par Messre les conseillers dud. Sgr, avons rapporté à Messrs des dues villes (ij l'affection et voloir du Roy pourquoy nosd. seigneurs ont escript au Roy et nous ont envoie de pardeça, espérant de trouver les gens dud. S^ pour aider traictier quelque bon moyen et adressement à la paix pour l'onneur du Roy et de nostre très redoubté Sgr de Savoie, ce il fust possible; car de nostre part voluntiers vouldrions prandre une grant

(r) Berne et Fribourg.

paîne de aider â conduire ceste matière en bonne fin. Et par ainsi, Mons., voluntiers signifiions nostre venue et commissiona vous, Mons., commant à nostre bon encien Sr et amis, pour advenir le Roy si bon vous semblera, car très voluntiers vouldrions servir au Roy et à nostred. Sp de Savoye.

Mons., nous vous prions que il vous plaise de nous faire savoir par ce porteur si aucuns viennent de par le Roy et en quel temps, car nostre demourance ne sera pas longue ; neantmoings quant nous fuissions asseuré de leur venue en brief, voluntiers vouldrions demourer quelque temps, Au plaisir de Nostre Seigneur, Mons., qui vous donne ce que desirez. Escript à Chambery, le XIIIe de février, l'an mil etc.

Les tous vostres, Guillaume Diesbach, advoyer de Berne. — P. de

FOUCIGNY.

Et au-dessus est escript : A Mons. Mons. du Bouchaige, nostre très honnoré et especial Sgr et amys.

xxxm

20 Février 1488

Louis, marquis de Salaces, annonce à Ymbert de Batarnay le départ de François Halle pour le Pont-de-Beauvoisin et le prie de payer le solde du prix de la terre d'Anthon.

(Bibl. nat., ms. fr. 2919, i° 52, orig.)

Mons. du Bouchaige, après toutes les recommandations du monde, pour responce à voz lettres escriptes à Vienne le XXIXe jour de janvier, je diz qu'il a esté advisé pardeça qu'il failloit que l'adjoinct avec vous, en enssuyvant l'appoinctement prins à Chasteaubriend, fust juriste, et par ainsi, au lieu de Mons. le gênerai de Lenguedoch, on y a ordonné Mons. l'arcevesque de Nerbonne (i), lequel aujourduy sedoyt mettre en chemin.

(1) François Halle, 1484-1491.

Au regard de la sourceance de guerre que le Roy veultque se tienne jucques à ce que la journée sera tenue, je suys certain que ma femme (i) tousjours en cecy et toute aultre chose qu'il plaira au Roy luy commander, obeyra à son povoir.

De la destrousse de Bernard Urdos (2) avoye esté adverty par lettres de ma femme.

Touchant les vm cens escuz, desquelz par Mons. de Cardé (3) vous avoye escript, il ne peut estre que ma femme n'en ayt eu de l'ennuy heaucop des gens d'armes qui les dévoient recevoir, toustesfoiz qui ne peut ne peut.

J'ay envoyé à Varet (4) Tuerd avec puissance pour besoigner avec vous et aussi avec Mons. de Chassenaige (5).

Des ratiffications de ma femme, de mon frère Jehan Jacques et Charles n'est ja besoign, pour ce que aux venditions que fays ne jamès ayc faictes ne se requiert consentement de ma femme ne de frère que j'aye. Toutesfoiz de mon frère Jehan Jacques l'avez eue. Mon frère Charles est d'église et exempt de partaige, et aussi les pleiges supplissent à tout, et par ainsi avez deseurté plus qu'il n'en fault : pour quoy je vous prie tant que je puis qu'il vous plaise faire expédier mes gens. A ceste cause mandez par devers vous de la reste que me devez pour la vendition de la terre d'Authon, affin que du mien m'en puisse aider à ce besoign, lequel est si grant, comme entendez, que plus ne pourrait.

Des nouvelles de pardeça, lesquelles, Dieu merci, sont toutes bonnes, suys certain que d'ailleurs en estes informé, et pour tant ne vous en escripvray aultre chose. Et combien que soye certain que les droitz du Roy vous sont assez recommandez, desquelz tout mon fait despend, neantmoins je vous prie qu'il vous plaise en ceste vostre charge faire ainsi que ay parfaicte fiance que ferez, et de plus en plus me obligerez vostre, et quant aucunne chose vous plaira que je puisse, la feray

(1) Jeanne, fille de Guillaume VI, marquis de Montferrat, après le départ de son mari pour la France, demeura dans le marquisat de Saluces et s'enferma dans le château de Revel.

(2) Ou Hordoux, capitaine gascon à la solde du marquis de Saluces. (3)Manfroy de Saluces, seigneur de Cardé, dans le marquisat de Saluces. (4) Varete, dans le marquisat de Saluces.

(j) Sassenage.

d'aussi bon cueur que scauriez poncer, par Dieu auquel je prie, Mons. du Bouchaige, que vous doint ce que desirez. Escript à Paris, le XXe de febvrier.

Le tout vostre, le marquis de Saluces,

Loys.

Au revers : A Mons. du Bouchaige.

2 Mars 1488

Louis de Marafin, gouverneur de Saluces, adresse à Ymbert de Batarnay des plaintes contre les agissements du, duc de Savoie.

(Bibl. nat., ms. fr. 2923, f° 56 s. Cop. du temps.)

Mons. mon compère, je me recommande bien fort à vostre bonne grâce. Comme je vous ay escript, après que je eu attendu huit jours pour veoir si Mons. de Savoye manderoit la trêve, voiant qu'il n'en faisoit conte et qu'il faisoit assemblée de courir sus au Marquisat, je lui escriptz unes lettres avecques celles que m'aviés mandées, et autant à son mareschal. Hz ne m'en ont point fait de responce et ont quis leurs dissimulations soubz colleur d'avoir seureté ; à laquelle j'ay fait responce que toute et tieulle qu'ilz la vouldroient bailler que je me faisoys fort que Madame la Marquise (i) la bailheroit. Et cependant leurs dissimulations ont essayé de prandre places d'amblée, prins villaiges et brullé femmes et enffens et prins les hommes prisonniers, et ne vy jamais faire la guerre si cruelle et en si grant tyrannye comme ilz la font. Voyant qu'il fait assemblée, pour savoir de son voloir je lui escriptz mardi derrenier par ce porteur que je estoye d'avis, veu que les delleguez du Roy et les siens se dévoient assembler, que la voye de fait devoit cesser, et que s'il y vouloit entendre de sa .part, que je nie faisoye fort que du costé de Madame la Marquise pour tout le mois de

(1) De Saluces.

mars, et que cependant les choses pourroient prandre bonne fin. Il fit responce à ce porteur que le Roy et ses gens l'avoient trompé et qu'il n'estoit plus délibéré de l'endurer, et, quelque chose qu'il en avansist, qu'il prandroit du Marquisat ce qu'il pourroit, et de vray il se prépare à ce faire et est délibéré en ceste prochaine sepmaine de mettre siège comme je vous ay escript contre sa puissance. Il n'y a pas assez gens de deçà pour résister, car il s'en est allé bcaucop par faulte de paiement, et la pluspart qui sont demourez sont mal contens qu'ilz n'ont paiement. A dire la vérité je me esbays comme on les a tant sceu entretenir, et ne fust la guerre guerrable qu'ilz ont très bien faicte et où ilz ont gaingné. Il n'y eust point cent estrangiers au pays, et qui n'y boutera remedde je ne voy point que tout ne s'en voyse, et ne fust l'espérance en quoy les ay entretenuz, il n'en fust pas tant demouré, vous advisant que si j'avoie puissance que je romperoye voluntiers mon jeune pour garder l'auctorité du Roy de pardeça qui est ainsi malmenée, qui est une grant honte au royaume de le souffrir, car je vous asseure que le duc Charles de Bourgongne n'eust oncques si mauvais voloir contre le royaume que a Mons. de Savoye, et vient tout de son gouverneur La Forcst. Il a quis par toutes les Ytallies moyens affaire ligue contre le Roy, et leur donne à entendre que le Roy ne tend à venir ycy sinon pour avoir entrée aux Ytallies et pour leur courir sus, et, quelque chose qu'il aie sceu faire dire, il n'a trouvé nul entendement pour lui, et, quelque myne qu'il fait, il ne fauldroit pas grans gens à lui faire besser son caquet. Pareilhement il a escript par plusieurs foys à ceulx de Gennes qu'ilz se baillassent au duc de Millau et que s'ilz se attendoient au secours du Roy qu'il leur ferait comme il avoit fait à ceulx de Saluées.

Mons. mon compère, Mons. de Savoye se deult de moy, disant que jen'ay pas tenu le contenu de l'appointement de ceste ville et que, pour ce que j'ay favorisé les subgetz de Mons. le Marquis, que j'en ay abusé. Il est vray que dès le commancement que j'eu la charge de ceste ville que je lui remonstray que le Roy et Mons. de Beaujeu entendoient que ceulx de ceste ville t'eussent a la condition qu'ilz estoient durant le temps qu'ilz estoient en sa main, qui estoit qu'ilz allassent fréquenter et marchander en ces pays et ceulx de ses pays ycy, ce qu'il ne voloit ; et dès l'eure je lui dys que la raison voloit que ceste ville fust neutre

et que si ceulx de ses pays y voulloient venir qu'ilz y feussent bien venuz, et pareilhement ceulx du Marquisat. Au coramancement ilz y venoient et jamais on ne leur fist desplaisir en la ville ne ou finaige. Et de ce qu'il avoit permis à ceulx d'ycy d'aller marchander à une sienne ville nommée Savilhan, à bot de six sepmaines il s'en repentit, et contre ses chappitres qu'il avoit signez en fist prandre prisonniers, et durant la première tresve ses gens firent cinq ou six prinses à ceulx de ceste ville sur ce finaige, dont je n'ay peu avoir nul restablissement et quelque appointement qu'il fust entre le Roy et luy, si prins je seellé de lui comme lesd.subgetz seraient seurs eulx et leurs biens en ce finaige. Et si se veult dolloir de quoy je entretiens gens de guerre en ceste place, il a tort, car dès le coramancement lui mesmes me le permist, mais qu'ilz feussent subgetz du Roy. Je n'en ay point entretenu d'autres, et si vous asseure que d'eulx n'a esté fait nulle guerre contre lui de mon temps. Des autres gens de guerre qui vont et viennent ycy, tant des siens que de ceulx du Marquisat, après que je fus arrivé icy je remonstray à ceulx de la ville de mon entretennement. Ils me remonstrerent les grandes charges qu'ilz avoient eues, toutteffois que si je volloye permettre que les gens de guerre allassent et vensissent achapter ce qu'il leur fauldroit en ceste ville que lad. ville en vauldroit mieulx, et que en ce faisant de leur puissance ilz me aideraient. Avant le leur permettre, je allay veoir Mons. de Savoye et lui remonstray. Il en fut content pourveu qu'iiz ne entrassent point à puissance en ceste ville et que au partir d'icy ilz ne lui fuissent point la guerre. Sela ay je entretenu en ceste condition, et si l'on trouve le contraire je suis content d'estre pugny. Je vous veulx bien advenir du tout à celle fin que si on en parle davant vous qu'il vous plaise prandre cette paine de fere mon excuse. Ce porteur est tousjours allé et venu devers lui, qui vous advertira de ce qu'il a veu, et, s'il va nul devers le Roy, vostre plaisir sera d'envoier ceste lettre pour ma descharge et je vous seray grandement tenu. Et par ced. porteur qui est seur, si vous plaist vous me escriprez bien au long de ce que j'auray à faire. Et à Dieu, Mons. mon compère, qui vous doint ce que vostre cueur désire sans rien excepter.

Escript à Saluces, le deuxième de Mars. Ainsi soubzscriptes : Vostre humble compère et amy, de Maraffin.

Et au-dessus est escript : A Mons. mon compère, Mons. du Bouchaige.

31 Mars et 5 Avril 1488

Charles, duc de Savoie, avertit les ambassadeurs du Roi au Pontdc-Beativoisin, qu'il rappelle ses délégués et rejette sur les Français la responsabilité de la rupture des négociations entamées pour le règlement de l'affaire de Salaces. — Réponse justificative des envoyés de Charles VIII.

(Bibl. iut., ms. fr. 2929, f° 32 s., cop. du temps.)

Le double des lettres de Mons. de Savoie.

Mcssrs, en ensuivant le bon plaisir de Mons. le Roy et la forme de l'appoinctement prins par luy avecques mon oncle Mons. d'Aux et autres ambayssadeurs estans devers led. seigneur de ma part, j'ay envoie et fait demourer mez depputez au Pont de Beauvoisin environ six mois pour povoir vuyder ce différent, et n'a pas tenu à moy ny à mesd. depputez que la chose n'ait este cogneue, comme bien chascun scet.

Led. Sgr vous y a pareillement tramys pour cognoistre et déterminer dud. différent de son quartier avecques les myens. Des tenues et dilations que y avez tenues sans vouloir venir à point d'effect, je ne scay qu'en doige dire, et me -semble que, si vous amez le bien et honneur dud. Sgr vostre maistre, deviez plus tost tacher à mettre fin à la matière ainsi qu'aviez en charge que fouyr et empescher la cognoissance.

Voyant doneques que n'y avez voulu faire vostre devoir, je rescriptz à mesd. depputez qu'ilz s'en viennent devers moy sans plus là perdre temps, délibéré de informer led. Sgr bien au vray de tout, et à tant prie à Dieu vous avoir en sa saincte garde. Escript à Savillan (1), le derrenier jour de mars.

Et au desoub^ desd. hêtres est escript :

Le duc de Savoie vostre, Charles.

(1) Savigliano, en Piémont.

Et au-dessus : A Mons. de Narbonne etautres depputez de par Mons. le Roy sur le différent du fief et hommaige de Saluces.

Responce aux lettres de Mons. de Savoie.

Nostre très redoubté Ssr, nous nous recommandons très humblement à vostre bonne grâce. Nous avons receu les lettres qui vous a pieu nous envoier, par lesquelles nous escripvez que avez envoie en ceste ville du Pont de Beauvoisin voz depputez pour vuyder avecques nous le différent du marcquisat de Saluces et y besoigner selon l'appoinctement prins avecques le Roy par Mons. l'arcevesque d'Aux et autres voz ambayssadeurs, et qu'il n'a tenu à vous, Mons., ne à vosd. depputez que la chose n'ait esté cogneue, mais que par les delays que y avons tenus est venue à nul effect, et que pqur le bien et honneur du Roy devions plustost tacher mettre lad. matière à fin que fouyr et empescher la cognoissance, dont estes délibéré d'en informer le Roy, et que sans plus perdre temps avez mandé voz gens pour retourner devers vous.

Mons., vous povez escripre ce qu'il vous plaist, mais, par ce que cognoissons, vous avez esté très mal adverty de la vérité, car si vosd. depputez eussent voulu procéder en ensuivant l'appointement prins par mond. Sgr d'Aulx, comme escripvez que entendiez qu'ilz feissent et dont les avons requis plusieurs fois, ilz ne s'en feussent pas ainsi allez sans y mettre quelque bonne fin ; mais après plusieurs similations et fictions exquises par vosd. depputez feignans vouloir besoigner, ont dit qu'ilz ne besoigneroient point selon la forme dud. appoinctement, combien que leur ayons remonstré que n'avions commission ne povoir d'autrement le faire.

Mons., par les termes que nous ont tenus vosd. depputez et aussi par l'assemblée de gens de guerre que avez fait pour estre prest à la fin du mois de mars et que les voyes de fait n'ont point cessé, ainsi que faire se devoit selon led. appointement a esté assez cogneu que de vostre part l'en ne demandoit que rupture en ceste matière ; et si appert bien par la datte de vosd. lettres qui sont du derrenier jour de mars que Lui. rupture estoit délibérée par avant et durant le temps que pouvions besoigner avec vosd. depputez.

Mons., en ceste matière et toutes vouldrions garder le bien et honneur du Roy comme faire le devons et tenus y sommes ; et n'y a esté riens

fait dont on ait cause de nous blasmer et n'avons voulu ne monstrer aucun vouloir de fuyr ne empcscher la cognoissance de lad. matière, aussi n'avons cause de le faire, et pour le bien et honneur du Roy et le vostre vouldrions que feussiez informé bien et au long, car vous cognoistriez les choses estre autres que l'en ne vous a donné à entendre.

Mons., nous estions délibérez de demourer ycy jusques à ce qu'on eust mis quelque bonne fin en lad. matière, mais, puisqu'il vous a pieu mander voz gens sans continuer led. appoinctemeruy nous est besoing retourner devers le Roy pour l'advertir au vray, lequel saura bien cognoistre se avons fait nostre devoir et aucune chose contre son honneur.

Mons., plaise vous nous mander et commander voz bons plaisirs lesquelz acomplirons à nostre povoir, aydant Nostre Seigneur, auquel prions, nostre tris redoubté Ssr, qui vous doint très bonne vie et longue. Escript au Pont de Beauvoisin, le cinquiesme jour d'avril.

8 Juin 1494

Charles VIII donne commission à Ymbert de Batarnay pour ordonner à Milan toutes les dépenses que doivent occasionner les levées de mercenaires et les autres préparatifs de la campagne projetée en Italie.

(Bibl. lut., m. fr. 2922, f° 9, orig. sur parchemin.)

Charles, par la grâce de Dieu Roy de France, à nostre amé et féal conseiller et chambellan ordinaire Ymbert de Batarnay Ssr du Bouciiaige, salut et dillection. Comme pour fournir aux fraiz, mises et despences qu'il conviendra faire à Millan, tant pour le paiement de certain nombre de gens de guerre que avons ordonné mettre sus illec que pour autres noz affaires, ainsi qu'ilz y pourront seurvenir pour le fait de noz armées et recouvrement de nostre royaume de Napples à pre-

sent injustement détenu par Alphonse d'Aragon (i), nous ayons commis et depputé nostre cher et bien amé maitre Pierre Signar qui à ceste cause sesoitdesja transporté aud. Millan garny d'une bonne somme de deniers pour le commancement de nosd. affaires, toutesfoiz il ne se pourroit bonnement en ce guyder ne conduire sans avoir ordonnance d'un personnage qui nous soit féal et qui entende le mérite d'iceulx noz affaires, nous confians entièrement de vostre noblesse, expérience, discrettion, loyaulté et grant dilligence, pour ces causes et que mieulx que nul autre povez savoir et entendre les fraiz qui seront neccessaires pourlaconduictede nosd. affaires aud. Millan pour la congnoissance que desja en avez eue et pour autres bonnes considérations à ce nous mouvans, vous avons commis, ordonné et depputé, commettons, ordonnons et depputons et vous donnons povoir par ces présentes de ordonner et deviser de tous et chac'uns les paiemens, distributions, fraiz, mises et despences qui seront nécessaires estre faites aud. lieudeMillan, tant pour la soulde et payement desd. gens de guerre mis et à mettre sus que pour autres noz faiz et affaires, ainsi qu'ilz y pourront seurvenir et avenir, et le tout faire paier, bailler et délivrer par led. maitre Pierre Signar à ce par nous commis, tant des deniers qui lui ont ja esté ordonnez que autres dont cy après le pourrons faire appoincter et assigner pour celle cause. Si vous mandons que à faire ce que dit est vous vacquez et entendez dilligemment ; mandons en oultre à noz amez et feaulx les generaulx conseillers par nous ordonnez sur le fait et gouvernement de noz finances que tous et chacuns les paiemens et distributions que ledit maitre Pierre Signar aura faiz tant ausd. gens de guerre que pour autres noz affaires par vostre ordonnance et certiffkation ilz souffrent et conscentent estre allouez en ses comptes et rabatuz de sa recepte et commission par nos amez et feaulx gens de noz comptes, ausquelz nous mandons ainsi le faire sans difficulté, en rapportant cesd. présentes signées de nostre main et vostred. ordonnance et certiffication seullement ; car tel est nostre plaisir, non obstant quelconques ordinnances, restrinctions, mandemens ou desfences à ce contraires.

(i) Alphonse II, fils de Ferdinand Ier, roi de Naples, succéda à son père le 8 mai 1494 et abdiqua le 25 janvier 1495 .

Donné à Lyon, le vine jour de juing, l'an de grâce mil CCCCquatre vings et quatorze et de nostre règne le unziesme.

Charles.

Par le Roy l'evesque de Sainct Malo (i), les Sires de Grimault (2),

de l'Isle (3) et autres presens.

Bohier.

xxxvn

A. — 13 Novembre 1494

Ludovic Spor~a exhorte Ymbert de Batarnay à se mettre en route sans retard, afin de conduire à bonne fin ici négociation que le roi de France lui a confiée auprès de Ma.ximiiien, roi des Romains.

(Bibl. nat., rus. fr. 2923, f° 10, orig.)

Magnifiée amice noster charissime, elegit Christianissimus Dominus Rex Dorninum Boyerum (4) quem ad vos niittit ut de magnitudine et qualitate rei, que nobis mediis inter Majestatem Suam Christianissimam et serenissimum Dorninum Romanorum Regem tractatur, vos edoceat. Itaque vos hortamur ut quamprimum vosexpediatis et celeriter itineri accingatis ut banc rem concludere statim possitis, qux, ut intelligetis, maxima est et tanto honori Christianissimo Régi futura quanto ulla res jam pridem non fuit. Nam ad Dorninum Herasmum Brascam, consiliarum et oratorem nostrum apud serenissimum Romanorum Regem (5) scribimus per bas qux alligate his sunt ne cura et diligentia

(1) Guillaume Briçouuet occupa l'évêché de Saint-Malo de 1493 à 1313.

(2) Etienne de Vesc.

(3) Jean du Mas, seigneur de l'Ille en Jourdain.

(4) Thomas Bohier probablement, général des finances, chambellan du Roi, etc., mort en i;23.

(5) Erasmo Brasca, diplomate et érudit, fut chargé par Ludovic Le More de plusieurs missions politiques et scientifiques en Allemagne et en France.

in adventum vestrum desit quominus hec res de quà agitur, quam maximo Christianissimi Domini Régis honore fieri possit, concludatur. Mediolani, die 13 novembris 1494.

Ludovicus Maria Sfortia, Vicecomes Dux, etc.

B. Chalaris

Au revers: nostro charissimo de Bossalia.

B. — Même date

Ludovic Sforqt ordonne à Erasmo Brasca, son ambassadeur a la cour de Maximilien, d'accorder son concours à la mission dont Charles VIII a chargé Ymbert de Batarnay.

(Bibl. uat., ms. fr. 2928, f° 3, orig.)

Ludovicus Maria Sfortia, Vicecomes Dux, etc.

Magnirke Herasmo, la Christianissima Maesta ha fatto electione de Monsgre de Bossalia per mandare li dal Serm° Re de Romani per la conclusione de la pratrica che vui sapeti. Per laquai cosa venendo li e predt0 Monssr, li fareti honore et bona compagnia et circa la conclusione de la pratica non mancareti de sollicitudine et diligentia per condurla con piu honore et satisfactione del Re Chrm° che al mondo sii possibile, per che non ne potereti fare cosa che ne sii piu grata di questa, et del successo ne tenereti avisato alla giornata. Mediolani, die

13 Novembris 1494.

B. Chalaris.

xxxvm

21 Avril 147S. — 26 Mars 1495 Reçus et extraits de comptes délivrés à Ymbert de Batarnay par la Banque de Médicis.

(Bibl. nat., ms. fr. 2919, f° 47, cop. du temps.)

Nous, Lourens de Medicis (i), François Sasset et compaignons de 1 confessons avoir heu et receu de noble et puissant seigneur

(1) Fils de Pierre de Médicis et de Lucrèce Toruabuoni, mort le 7 avril 1492.

Ymbert de Batarnay, seigneur du Bouchage, conseiller et chambellan! du Roy nostre sire, par la main de Lois Convers, recepveur ordinaire de Berry, son serviteur, la somme de dix mil escutz d'or au soleil, qu'il nous a baillé comptant pour et au nom dud. Sp du Bouchage et pour les mettre en bonne et loialle marchandisse à moitié gaing et moitié perde entre luy et nous, laquelle somme de dix mil escus d'or desusd. promettons rendre a mond. Sgr du Bouchage ensemble la moitié du gaing qui s'en fera, et dont luy promettons rendre bon et loial compte et reliqua à sa volenté et requeste. Et au cas qu'il aye afere de lad. somme ou de partie d'icelle à Millam, Venise, Florence, Romme ou à Naples, sommes contens et volons que vous, Lorens et Julien de Medicis et conpaignons desd. lieux, les luy poiez à sa volenté lad. somme ou partie d'icelle, et en poiant le tout, retenez ceste lettre et en prenez quittance, et, s'il en prent partie, escripvez le au doz de ces présentes et mettes à nostre compte. Et en témoin de vérité, je, Lionnet de Roussi (i), gouverneur de lad. compaignie, qui ay receu lad. somme, ay signé ceste présente cedule de ma main et de nostre marque, à Lion, le xxne jour d'avril, l'an mil 1111e septante et huit.

Pro Lorenzo de Medicis et Francisco Sassetti et compagnia a Lione.

Nous, I.ourens de Medicis et François Sasset et compaignons à Lion dessus nommés, vérifions estre vray tout ce que en la dessus cedule ce contient et approuvons estre vrais débiteurs de nostre susd. Sgr du Bouchage de la somme susd. de dix mille escutz d'or de roy au soleil. De laquelle somme nous luy promettons rendre bon et loial compte et l'cmploier en la forme que dessus et le luy rendre à sa requeste et volenté. Et en témoin de ce, je, Augustin Bclliot, procureurs de susd. nommez Medicis et Sasset, ay signé ces présentes à leur non de ma main, à Lion, le vr= jour de décembre, l'am mil 1111e IIIIM et cinq.

Pro Lorenzo de Medicis et Francisco Sasseti en ced. Lione.

Et oussi confermée en lengage florentin de la main de Fransois Sasset, l'an mil IIIL IHI** et huit.

Et oussi confermée aud. langage florentin de la main de Lorens Spi-

(i) Ou Lionetto de Rossi.

nelli ou non de Pierre de Medicis (i) et Tornebony (2) et compaignons, le xxvii=jour de mars mil MI- IIII11 XIIII.

Double du compte.

S'ensuyvent les partiez de Messire Ymbert de Batarnay, seigneur du Bouchage, avesques le banc de Medicis à Lion.

Premièrement est deu au susd. seigneur du Bouchage pour ung arest et fin de compte fait avecques luy le xne jour de février, l'am mil IIII' IIIIIX et XI, lequel compte il nous a rendu, la somme de quinze cens

trente cinq escutz d'or de roy à la coronne sans soleil

XVe xxxv escutz.

Item, plus seize cens escutz au soleil que luy devons pour sa part du gaing de deux annéez finiez par tout le mois de may dernièrement passé de l'an mil IIII- IIIIX* et XIII de dix mil escutz au soleil que avons de luy en garde et depoux et desquieux il a nostre cedule de part, vallant xvc XL escutz d'or.

Et pour ainsi reste qu'il est deu 111™ vin" xv escutz de roy.

Reste qu'il est deu au susd. Sp du Bouchage par le susd. banc de Medicis, ainsi que dessus appert, la somme de trois mille cent soesante et quinze escutz d'or à la couronne sans soleil, laquelle somme de m<n vnP xv escutz, nous, Pierre de Medicis, Lorens Tournebony et compaignon de Lion, luy promettons rendre à sa requeste et volenté. Et en témoin de ce avons escript et signé ce compte de nostre main et marque acoustumée, à Lion, le XXVIe jour de mars l'an mil 1111e IIII" et XIIII m™ vin" xv escutz.

Pro Pietro de Medicis et Lorekso

Tournebony et compaignie à Lione.

(2) Né en 1469, mort en l>Oj.

(5) Ou Tornabuoni .

S Janvier 1498

Lettres par lesquelles Charles VIII fait don à Ymbert de TSatarnay, de cent arbres à couper dans la forêt de Loches, pour la construction de sa maison de Montrêsor.

(Bibl. nat., ms, ft. 2914, f° 4 bis, orig. sur parch.)

Charles, par la grâce de Dieu Roy de France, à noz amez et feaulx les tresorriers de France et au maistre de noz eaues et fourestz en noz pays de Touraine ou à son lieutenant, salut et dillcction. Savoir vous faisons que nous inclinans liberatlement a la supplication et requeste de nostre amé et féal conseiller et chambellan ordinaire Ymbert de Batarnay, chevalier, seigneur du Bouchaige, et en faveur et recongnoissance des bons, loyaulx, vertueux, agréables et recommandables services qu'il nous a par cy devant faietz et fait encores continuellement en noz plus grans et principaulx affaires, à icellui pour ces causes et afin de lui aider à bastir, construire et ediffier sa maison de Montrêsor tenue en fief de nous à cause de notre chastel et seignorie de Loches, et pour autres considérations à ce nous mouvans, avons donné et octroyé, donnons et octroyons par ces présentes le nombre et quantité de cent arbres, à iceulx avoir et prendre par nostred. chambellan en nostre fourestz dud. Loches es lieux moins dommaigeables pour nous et plus aysez et proffitables pour l'ediffice de lad. maison de Montrêsor par les livrées des verdiers, gruyers et autres officiers de lad. fourestz qu'il appartiendra et par les simples quittances d'icelluy nostred. chambellan. Si voulons et vous mandons très expressément et à chascun de vous si comme à lui appartiendra que, en faisant nostred. chambellan le sire du Bouchaige joyr et user de noz presens don et octroy, vous, par nosd. gruiers, verdiers ou autres officiers de lad. fourestz qu'il appartiendra luy faictez bailler et délivrer lesd. C arbres en lad. fourestz, tout ainsi et par la forme et manière que dessus est dit, et pour les coupper et enlever lui donner terme et delay compettant. Et, par rapportant cesd. présentes signées de nostre main ou vidimus d'icelles

fait soubz seel royal et quittance de nostred. chambellan sur ce souffisant seullement, nous voulons nostre receveur ordinaire de Touraine et tous autres que besoing sera en estre tenuz quittes et deschargez par noz amez et feaulz les gens de noz comptes, ausquelz nous mandons ainsi le faire sans difficulté, car tel est nostre plaisir, non obstant que la valleur dud. bois ne soit cy declairée, que descharge n'en soit levée, us, stille, rigueur de compte et quelzconques ordonnances, restrictions, mandemens ou deffenses à ce contraires. Donné à Amboise, le cinquième jour de janvier, l'an de grâce mil cccc quatre vingts dix sept et de nostre règne le quinziesme.

Charles.

Par le Roy :

Dubois.

22 Avril 1498

Yinbcrl de Batarnay avise M. de Murinais que le roiLoitis XII lui laisse la capitainerie du Mont St Michel et que vraisemblablement il ne déplacera aucun des officiers du feu Roi.

(Bibl. nat., ms. fr. 2919, f° 57, orig.)

Mon cosin, je me recommande à vous tant fort comme je puis. J'ay receu les lettres que m'avez escriptes parlebastardde Brecieu et par lesquelles fustes adverty dès le xme jour de ce mois des piteuses nouvelles de la mort du feu Roy, que Dieu absoille,et la provision que donnastes à la place qui fut très bonne, dont je vous remercie si très fort que faire puis.

Mon cosin, je vous ay escript troys paires de lettres depuis led. trèspas; les unes furent par un chevaucheur d'escuirye du Roy, lequel avoit esté depesché incontinant que le feu Roy avoit esté trespassé pour advenir les places qu'ilz se prinsent garde et donnassent provision à leurs places de les bien garder. Les autres lettres furent par Françoys Boilleul qui estoit venu de pardeça pour bailler sa place à ung gentil-

homme du pais, ce que je ne voulluz faire, et les derrenieres par Christofle du Chenay; mais, à ce que me mandez, n'avez eu ne les unes 11e les autres, dont bien me deplaist.

Touchant la place du Mont Saint Michel le Roy m'a asseuré la me laisser et aussi Testât que j'avoye du feu Roy, que Dieu absoille.

Mon cosin, vous me priez que vous face donner une des vicontés de Normandie ou quelque autre office, pour ce que tous les offices du Royaulme à présent sont vaccans; tenez vous seur que si m'est ou monde possible de vous en faire avoir quelque ung que je le ferai. Je foiz doubte que le Roy ne desappoinctra de son office nulle personne vivant, et l'a ainsi conclud et délibéré. Si ainsi est, il n'y aura point de remedde ; par quoy j'ai conseillé led. bastard de s'en retourner, et si les choses viennent autrement, je feray pour vous autant que s'il y estuit et que le feroye pour moy.

Mon cosin, touchant le fait de lad. place, prenez vous en bien garde, car en telles mutations se jouent beaucop de habilitez, et gardez que aucunes gens n'entrent dedans en habit dissimullé, et faictez bien de faire tenir des gens d'armes le plus que povez ou hault de l'abbaye jusques à ce que tout soit appaisé, comme plus au long j'en ay devisé avec led. bastard. Et plus n'en aurez, fors que s'il est autre chose que pour vous faire puisse, mandez le moy et je le feray de très bon cueur, aidant Nostre Seigneur, auquel je prie, mon cosin, vous donner très bonne vie et longue. Escript à Clayry (i), le xxnrac jour d'avril.

Le tout vostre cousin,

(i) Clery-sur-Loire, Loiret, arr. d'Orléans.

21 Juillet 1498

Louis XII, en suite de l'hommage que lui a prêté Ymbert de Batarnay pour le comté de Fezensac, enjoint aux gens des comptes et aux officiers d'Armagnac de veiller à ce que rien ne trouble la jouissance de son chambellan.

(Bibl. nat., ras. fr. 2928, f> 40, duplicata sur parch.)

Loys, par la grâce de Dieu Roy de France, à noz amez et feaulx gens de noz comptes et tresoreriers à Paris et au seneschal d'Armignac et à noz procureur et receveur en lad. seneschaucée et à tous noz autres justiciers et officiers ou à leurs lieutenans ou commis, salut et dilection. Savoir vous faisons que nostre amé et féal conseiller et chambellan ordinaire Ymbert de Batarnay, chevalier, seigneur du Bouchaige et conte de Fezensac, nous a aujourduy fait les foy et hommaigeque tenu nous estoit faire à cause et pour raison de sad. conté de Fezensac tenue et mouvant de nous à cause de nostre coronne ; ausquelz foy et hommaige nous l'avons receu, sauf nostre droit et l'autruy. Si vous mandons, commandons et enjoignons et à chacun de vous si comme à luy appartiendra que pour raison desd. foy et hommaige à nous non faiz vous ne faites ne donnez ne souffrez estre fait, mis ou donné à icellu nostre conseiller et chambellan en sa dicte conté ne autrement aucun arrest, destourbicr ou empeschement, aincois ce fait, mis ou donné luy estoit, le metiez ou faites mettre incontinant et sans delay à pleine délivrance et au premier estât et deu, pourveu toustesvoyes que icellui nostre conseiller et chambellan baillera dedans temps deu ses denombremens et adveuz par escript et fera et payera les autres droiz et devoirs s'aucuns en sont deuz, se faiz et payez ne les a. Donné à Paris, le XXIrme jour de juillet, l'an de grâce mil CCCC quatre vings dix huit et de nostre règne le premier.

Par le Roy : le Prince d'Orenge (1), le Marquis de Rothelin (2),

(1) Jean II.

(2) Philippe de Hochberg-Neuchâtel, mort en 1503-

Vous (j), l'Evesque d'Albi (2), les Sires de Taillebourg (3), de Clerieu (4), de Grimault, senechal de Beaucaire (5), et autres présents.

Petit.