LOYS DE GRAVILLE

Au revers : Mons. du Bouchage.

(1) André, cardinal d'Espinay, archevêque de Bordeaux, 147S-IÏOO.

(2) Louis Malet, seigneur de Graville, amiral de France de 14S6 à IS°S, mort en 1516.

20 Mars 1487

Charles VIII enjoint à Ymbert de Batarnay de faire tous ses efforts pour empêcher que la ville de Saluées ne tombe aux mains des Savoyards.

(Bibl. nat., ma. fr. 2922, f> 22, orig.)

De par le Roy.

Nostre amé et féal, vous nous avez escript du nnme jour de ce moys en bonne substance ce qui est advenu touchant la ville de Saluces depuis voz autres lettres, et voyons bien que vous y faites tout ce que vous povez, ainsi que en avons totalle confidance en vous, dont vous savons très bon gré. Il est vray que nostre amé et féal cousin le marquis de Saluces et ses gens si donnoient à entendre que lad. ville estoit pour tenir longuement et qu'ilz la défendraient bien, et ainsi le nous dirent et firent dire. Par quoy avons esté émerveillez quant vous nous avez signiffié que en très peu de jours elle a esté par diverses foiz assaillye et en danger d'estre prinse d'assault. Toutesvoyes, nousdoubtans ce que y trouvons, avons derrenierement escript non pas seulement à nostre très cher et très amé oncle le conte de Baugey et à vous, mais aussi partout ailleurs où mestier estoit, afin de y donner prompte provision et remède, comme de ceste heure ou dedans trois ou quatre jours en serez adverty. Si vous prions et neantmoins mandons très à certes que vueillez continuer à faire toute extrême diligence pour la conservation de lad. ville de Saluces, laquelle nous voulons garder et deffendre aussi soingneusement que l'une des villes de nostre royaume. Donné à Sainct Jehan d'Angely le xxe jour de mars.

Charles.

Parent.

Au revers : A nostre amé et féal conseiller et chambellan, le Sire du Bouchaige.

26 Mai 1487

Charles VIII invite ses ambassadeurs Ymbert de Batamay et Guillaume Briçonnet à se conformer aux instructions que leur donnera Philippe de Savoie pour la prise de possession de Gênes.

(Bibl. nat., ms. fr. 2922, f° 20, orig.)

De par le Roy.

Noz amez et feaulx, nous escripvons à nostre très chier et très amé oncle le conte de Baugié, Sg7 de Bresse, ainsi que verrez par le double de noz lettres cy dedans encloz, esquelles faisons mention de fournir à quelque despense, s'il estoit raestier de la faire à l'arrivée aud. Jennes, ce que ne croions pas de prime. face, veu qu'il ne fauh point faire autre assemblée de gens ne procéder par force pour avoir le palais et les forteresses dud. Jennes, puisque le cardinal est content et que nous l'appoinctons bien, selon la créance de Anthoine Squarsafico, porteur de cestes. Mais neantmoins, s'il semble à nostred. oncle et à vous de y faire aucune legiere despense, nous voulons que vous, gênerai, y fournissez ainsi que verrez estre affaire, et n'y faites difficulté.

Et s'il est advisé par nostred. oncle que vous, le Sgr du Bouchage, doiez aller dès à présent aud. Jennes, nous vous prions que ne vous en vueillez excuser, ains entreprenez de faire le voiage et tout ce que par nostred. oncle sera délibéré, et vous nous ferez très singulier plaisir, duquel aurons bonne souvenance.

Donné à Laval, le xxvimi: jour de may.

Charles.

Damokt.

Au revers : A nos amez et feaulx conseillers, le Sire du Bouchage, nostre chambellan, et Maitre Guillaume Briçonnet, gênerai de Languedoc, et à chacun d'eulx.

14 Juin 1487

Charles VIII communique à Ymbert de Batarnay ses intentions

relativement aux arrangements à prendre avec les Génois pour la cession de leurs places fortes .

(Bibl. nat., ms. fr. 2922, f° 24, orig.)

De par le Roy.

Nostre amé et féal, nagueres vous avons rescript par maistre Loys de Millan touchant le fait de Gennes et aussi par Scorsfigue (i), et par luy avons envoyé à nostre oncle de Bresse et à vous l'expédition de ce que entendons faire en ceste matière, qui est que en mettant par le Cardinal (2) toutes les places et forteresses en noz mains, luy ferons paier ce qu'auront esté estimez par quatre gens de bien, dont entendons y en avoir deux pour nous, les artillerie et choses qui seront nécessaires pour la garde et deffense desd. places, et pareillement entretiendrons les pensions declairées en noz lettres pattentes, ainsi que bien au long rescripvons à nostred. oncle de Bresse, lequel vous en communiquera. Et pour ce que ne pouvons y envoyer nostre gênerai de Languedoc (3), obstant qu'avons à besongner de luy pardeça, nous rescripvons à nostre trésorier de Prouvence à ce qu'il aille aud. Gennes avec vous et le senechal de Prouvence (4), tant pour faire Passeurance de lad. estimation que pour frayer aux menues despenses, ainsi que par nostred. oncle, vous et led. seneschal ou les deux de vous luv sera ordonné, en ensuivant les lectres que rescripvons aud. trésorier. Si vous prions que nous servez en cest affaire par l'advis de nostred. oncle, ainsi que en vous avons parfaicte fiance, et nous n'oublirons pas le

(1) Ant. Squarsaâco, courrier.

(2) Paul Frégose, archevêque, dit le cardinal de Gènes, fut plusieurs fois doge de 1462 à 1488. Il mourut en 149S.

(j) Guillaume Briçonnet.

(4) Aymar de Poitiers, seigneur de Saint-Vallier, père de Jean de Saint- Vallier, qui épousa Jeanne de Batarnay.

service que nous y ferez. Vous pourrez veoir les lettres que rescripvons aud. trésorier à ce qu'il acomplisse le contenu sans excéder.

Nagueres avons rescript de noz nouvelles à nostred. oncle par lequel en aurez peu scavoir, et avons entention de brief vous en rescripre de bonnes, se Dieu plaist. Donné à Angiers, le xnnme jour de juing.

Charles.

Robineau.

Au revers : A nostre amé et féal conseiller et chambellan, le Sire du Bouschage.

xxvn

24 Juin 1487

Charles VIII ordonne à Ymberi de Batarnay de se rendre incontinent à Gênes avec le seigneur de Saint-V allier pour y prendre possession de la cité et de ses dépendances an nom du roi de France.

(Bibl. nat., ms. fr. 2923, f> 4, orig.)

Do par le Roy.

Nostre amé et féal, pour la singulière fiance que avons tousjours eue et que de plus en plus avons en vous, nous vous avons escript par Scorsefigue et depuis par Pomme de nostre très cher et très amé oncle le conte de Bresse, comment nostre plaisir est que vous et le seigneur de Saint-Valier, notre sennechal de Prouvence, aillez à Jannes acepter ce que le duc et gouverneurs de Jannes nous ont envoyé offrir, et pour donner au surplus ordre en ce qui restera. Et pour ce que ceste matière nous touche beaucop, comme assez pouvez entendre, nous vous prions et neantmoins mandons que toutes excusations cessans vous vous disposez de partir pour y aller avecques led. Sgr de Saint-Valier, auquel pareillement en escripvons. Et si lesd. duc tt gouverneurs vueillent tenir ce qu'ilz nous ont envoyé offrir, aceptez le et en prenez possession pour et ou nom de nous, et les asseurez en ce faisant que de nostre part que tout ce qu'il leur a esté promis en ensuivant la despesche

que led. Scorcefigue a portée, leur fera entièrement entretenir de point

en point.

Au regard de l'extimation de l'artillerie, fournimens et autres choses

neccessaires pour les places et forteresses de Jannes, nous avons mandé

au trésorier de Prouvence s'en y aller en personne pour ceste cause

avec vous deux et fournir au paiement desd. choses par l'ordonnance

de nostred. oncle, du S^ de Saint- Valier et de vous ou des deux de

vous, selon l'estime qui en sera faicte par vous et led. de Saint-Valier

pour nostre cousté et deux autres députez de par led. cardinal de

Jannes. Et si ne fut l'afaire que avons de nostre amé et féal conseiller

le gênerai de noz finances en Languedoc, maistre Guillaume Briçonnet,

le y eussions envoyé. Par quoy soyez bien adverty que es despences et

payemens qui si feront que les choses y soyent conduictes en manière

que les places et forteresses soient en bonne seureté et qu'il n'y ait

aucune despence superflue, et ensuyvez les lectres qu'avons rescriptes

aud. trésorier pour lesd. despences. Par noz ambassadeurs estans de

présent à Jannes, ausquelz escripvons, scaurez bien au long de noz

nouvelles de pardeça et comment, la mercy Dieu, noz besongnes et

affaires y sont en bonne prospérité ; par quoy ne vous en escripvons

autre chose pour ceste heure. Donné à Ansenys (i), le xxime jour de

juing.

Charles.

Leber.

(i) Ancenis (Loire-Inférieure).

xxvm

20 Août 1487

Accord passé à Châtcaubriant , en Bretagne, où se trouvait alors Charles VIII, pour le règlement amiable du différend de l'hommage de Saluées.

(Bibl. nat., ms. fr. 292;, f° 22, Instruit orig. s. parchemin.)

Sur ce que Mons. l'arcevesque d'Aux (1), acompaigné du Sire d'Aix (2) et du Président de Chambery (3), ambassadeurs de Mons. le duc de Savoye (4); Messire Anthoine de Plan (5), ambassadeur du duc de Milan ; Messire Guillaume de.Diesbach, chev, advoyer et ambassadeur de la ville et communaulté de Berne, et Messire Pietreman de Fossigny, aussi chev, advoier et ambassadeur de la ville et communaulté de Fribourg (6), ont offert au Roy plainement et entièrement le service de mond. Sgr de Savoye, disans avoir de lui expresse charge et commission de ce faire et que mond. Sgr de Savoye estoit et seroit tousjours prest et appareillé de mettre et exposer corps, biens et toute sa puissance pour led. Sgr, requerans qu'il pleust à icelui Sg* à ce le recevoir et emploier comme son très humble parent, et au seurplus faire appoincter amiablement et sans rigueur le différent de l'ommage du marquisat de Saluces dont est question entre led. Sp et mond. Sgr de Savoye, a esté par le Roy dit et declairé qu'il accepte voulentiers et de bon cueur mond. S& de Savoye et sesd. offres, et que en faisant par mond. Sgr de Savoye ce que dit est, il le traictera favorablement et cordialement comme son bon parent et amy. F.t au regard dud.

(1) Pierre-François de Savoie, archevêque d'Auch, 1483-1490.

(2) Gabriel de Seysset.

(5) Philippe Chevrier.

(4) Charles Ier, 1482- 1490.

(;) Ou de Aplano, diplomate milanais souvent cité dans les documents du temps.

(6) Guillaume, neveu du célèbre Nicolas de Diesbach, fut l'un des chefs du parti français à Berne à l'époque des guerres de Bourgogne II fut chargé de nombreuses missions en France. (V. Mandrot : Relations ck Charles Vil et de hsuis XI avec les cantons suisses. Zurich, 1S81, passim.) Pietreman de Faucigny, homme d'État et diplomate, joua également un rôle important dans les aiïaires de sa patrie pendant le dernier quart du xve siècle.

hommage et de la question qui en deppend, led. Sgr, tant pour l'amour qu'il porte à mond. Sgr de Savoie que en faveur de mond. Sgr d'Aux et aussi desd. ambassadeurs, est content que lad. question soit amiablement terminée. Et pour ce, d'un commun accord des parties dessus nommées a esté advisé que la journée autreffoiz mise sus au Pont de Beauvoisin Ci) touchant ce différend sera reprinse et tenue aud. Pont de Beauvoisin le xxvme jour du prouchain moys de septembre. Auquel lieu et jour de la part du Roy se trouveront Maistres Thibault Baillet, président, Jehan Bouchait, Estienne Ponchier, conseilliers d'icclui Sgr en sa court de parlement à Paris et Maistre Jehan Sarrat, son conseillier et advocat en la court de parlement a Thoulouse ; et pour mond. Sgr de Savoye, Messe André de Maluanda, vicaire de Genève, Messire Phelippes Chevrier, président de Chambery et Messires Jaquemin de Sainct George et Anthoine Poncillon, conseilliers de mond. Sô1 de Savoye. Et au cas que les dessus nommez ou aucuns d'eulx fussent empeschez par maladie ou autre cause légitime, l'on commettra autres en heu d'eulx pour y vacquer, et auront tous puissance de veoir et visiter par ensemble bien et justement selon Dieu et leurs consciences les droiz, raisons, actions, tiltres, lettres et enseignemens dont lesd. parties se vouldront aider, pour, le tout veu, en faire bon et loyal rapport par seremens avec leur advis à quatre autres notables hommes, c'est assavoir deux chevaliers et deux conseilliers juristes, gens de bonne part, qui seront esleuz et commis de par le Roy et mond. Sgr de Savoye pour ojt led. rapport, et eulx informez bien à plain et au vray du droit desd. parties, vuyder et déterminer la dessusdicte question en dedans la fin du moys de novembre prouchain venant ; et jureront de ce faire bien et loyaument, sans port, faveur ou dissimulation quelconques. Et pendant led. temps cesseront tous exploictz de guerre tant es pais de mond. Sgr de Savoye que oud. marquisat de Saluces. En oultre, pour ce que durant la question dud. hommage, mond. Sgr de Savoye puis un an en ça a prins les ville et chastel de Saluces et aucunes autres places, combien qu'il die l'avoir fait à cause de lad. guerre, il a esté appoincté, en tant qu'il touche lesd. ville et chastel de Saluces, que, sans préjudice des droiz desd. parties, icelle ville et

(i) Isère, arr. de la Tour-du-Pùi, sur le Guiers, qui formait frontière entre la France et la Savoie.

chastel seront rais en la main de Mons. le conte de Clermont et de la Marche, seigneur de Beaujeu (i), lequel députera à la garde desd. ville et chastel homme agréable et feable ausd. parties, sans le changer cy après ne y tenir aucuns gens de guerre, et promettra et asseurera les rendre et remettre à celle desd. parties à qui il appartiendra en fin de cause, et ne souffrira à son povoir que par son moien ne soubz umbre de lui aucun trouble advieigne à mond. Sgr de Savoye ne à ses subgetz. Et au regard des autres places qui semblablement ont esté prinses par mond. Sgr de Savoye pendant la question d'icelui hommage, le Roy envoyera devers mond. Sgr de Savoie pour lui faire remonstrer aucunes choses qui, comme semble aud. Seigr, lui ont esté peu remonstrées. Et neantmoins, veu la requeste de mond. Sgr d'Aux et des ambassadeurs dessusd., ce présent appoinctement demoure en sa force et vigueur. Toutes lesquelles choses lesd. parties ont promis garder et faire garder leaument et de bonne foy sans enfraindre ne aller au contraire, à peine de perdre le droit que elles pourroient avoir oud. hommage.

Fait à Chasteaubriant (2), le xxme jour d'Aoust, l'an mil CCCC quatre vings sept.

Pierre-François de Savoye.

Gabryel de Seyssel. Antonius de Aplano.

P. de Foucigny. Guillaume de Diesbach.

Philippe Chevrier.

Par ordonnance et commandement du Roy :

Robin eau.

(1) Pierre de Bourbon.

(2) Loire-Infcrieure.

2 Octobre 1487

Louis de Marafin, commis par Pierre de Beaujeu à la garde de la pi 'au de Saluées, remise provisoirement en main tierce par les signataires de la convention de Châteaubriant, s'engage envers le duc de Savoie à observer loyalement les termes de sa mission.

(Arcli. royales de Turin, Cat. IV, Mazzo 7, n° 19. Saluzzo Marchesato. Orig. scellé.)

Loys de Maraffin, chevallier, seigneur de Notz, conseiller, chambellan et arabasseur du Roy notre seigneur, à tous ceulx qui ces présentes verront scavoir faisons : Corne en l'appointement par led. seigneur, d'une partie, Mons.d'Aux et aultres ambassadeurs de Mons. de Savoye au nom de luy, d'aultre, prins a Chasteaubriant le XXe jour du moys d'aoust darnierement passé pour cause du différent du fied et hommage de Saluces estant entre lesdits seigneurs, ait esté dict et accourdé entre les aultres choses que les chastel et ville de Saluces sans préjudices des droitz desd. parties seront mis en la main de Mons. le conte de Clermont et de la Marche, seigneur de Beaujeu, lequel doibt députer à la garde desd. chastel et ville de Saluces homme aggreable et feable ausd. parties, sans le changer en apprès ny y tenir aucuns gens de guerre, et promettre et asseurer les rendre et remettre à celle desd. parties à qui il appartiendra en fin de cause, et comme plus applein se contient audict appointement ; et despuis par vigueur dudit appointement ledit Mons. de Beaujeu nous ait esleu et par ses lettres données aud. Chastelbriant le xxixe du moys député comme feable et aggreable ausd. parties à tenir et garder en main tyerce lesd. ville et chastel de Saluces selon la forme dud. appointement, laquelle puissance et commission avoir exhibé et présenté aud. Mons. de Savoye en luy requérant la remission desd. chastel et ville, et offerissant les seurtez et proumesses neccessaires et pour honneur et contemplation dud. Sgr et de mond. Sr de Beaujeu ait esté content nous accepter et comme feable nous faire remettre lesd. chastel et ville, ainsy est que nous, veuillant pareillement de nostre cousté rendre notre debvoir,

avons promys et juré à mond. Sg' de Savoye, jurons et promettons par ces présentes, par la foy et serement de nostre corps sur les sainctz evangilles et sur notre honneur et obligation de tous noz biens, de bien et loyaulment et sans fraud, barat ny malengin tenir et faire tenir et observer de point en point led. appointement, sans en frauder ne souffrir estre enfraint en façon que ce soit. Et en tesmoing de ce avons signé ces présentes de nostre propre main et fait sceller du seel de noz armes. Donné à Moncallier, le second jour d'octobre, l'an mil CCCC quatre vings sept.