VIII

Quand viendra ce iour la, que ton nom au vray passe Par France, dans mes vers? combien et quantes fois S'en empresse mon cœur, s'en demangent mes doits? Souuent dans mes escrits de soy mesme il prend place.

Maugré moy ie t'escris, maugré moy ie t'efface. Quand astrée viendroit et la foy et le droit, Alors ioyeux ton nom au monde se rendroit. Ores c'est à ce temps, que cacher il te face,

C'est à ce temps maling vne grande vergogne Donc Madame tandis tu seras ma Dourdouigne. Toutesfois laisse moy, laisse moy ton nom mettre,

Ayez pitié du temps, si au iour ie te metz, Si le temps ce cognoist, lors ie te le prometz, Lors il sera doré, s'il le doit iamais estre.