LeCinquiemeLivre · 15bis

LE CINQVIESME

et

dernier livre.

…SI toſt que Frere Iean & les aultres de la compaignie feurent dans la nauire, Pantagruel feit voile. Mais il s’eſleua vn ſiroch ſi vehement qu’ils perdirent routte, & quaſi reprenant les erres du pays des Chats-fourrez, ils entrerent en vng grand gouffre, duquel la mer eſtant fort haute & terrible, vng Mouſſe qui eſtoit au hault du trinquet cria qu’il voyoit encore les faſcheuſes demeures de Grippe-minaud, dont Panurge, forcené de paour s’efcrioit : Patron mon amy, maugré les vents & les vagues tourne bride. O mon, amy, ne retournons point en ce meſchant pays, où i’ay laiſſé ma bource. Ainſi le vent les porta pres d’vne iſle à laquelle toutesfois ils n’oſarent aborder de prime face, & entrarent à bien vng mille de là pres de grands rochiers.