Lettres · 16

eatissime Pater, Cum aliàs poſtquam deuocus Orator Franciſcus Rabelais Preſbyter Turonenſis Diœceſis tunc Ordinem Fratrum Minorum de Obſeruantia profeſſus, ſibi quod de Ordine Fratrum Minorum huiuſmodi in quo ad ſacros etiam Preſbyteratus ordines promotus extiterat, & in illis etiam in altaris miniſterio ſæpiùs miniſtrauerat, ad Ordinem S. Benedicti in Eccleſia Maleacenſi dicti ordinis ſe liberè transferre per fœlicis recordationis Clementem Papam VII. Prædeceſſorem Veſtrum Apoſtolica obtinuerat autoritate concedi ſeu indulgeri, idem Orator ad dictum ordinem S. Benedicti in eadem Eccleſia ſe iuxta conceſſionem ſeu indultum prædictum tranſtuliſſet, & deinde ſecum ut unum uel plura cum cura uel ſine cura dicti ſeu alterius tunc expreſſi ordinis regularis aut cum eo uel eis & ſine illis unum Curatum ſeculare certo tunc expreſſo modo qualificatum beneficia eccleſiaſtica ſi ſibi exinde canonicè conferrentur recipere & inſimul quoad uiueret retinere liberè & licicè poſſet, eadem fuiſſet autoritate diſpenſatum : dictus Orator abſque licentia ſui ſuperioris à dicta Eccleſia diſcedens regulari dimiſſo & Preſbyteri ſecularis habitu aſſumpto per ſeculum diu uagatus fuit, coque tempore durante faculati Medicinæ diligenter operam dedit, & in ea gradus ad hoc requiſitos ſuſcepit, publicè profeſſus eſt, & artem huiuſmodi practicando pluries exercuit in ſuis ordinibus ſuſceptis prædictis, & in altaris miniſterio miniſtrando, ac horas canonicas & alia diuina officia aliàs forſan celebrando, quare apoſtaſiæ maculam ac irregularitatis & infamiæ notam per tantum temporis ita uagabundus incurrit. Verum Pacer Sancte, cum dictus Orator ad cor reuerſus de præmiſſis doluerit & doleat ab intimis, cupiatque ad ordinem S. Benedicti huiuſmodi in aliquo monaſterio ſeu alio eiuſdem ordinis regulari loco, cum animi ſui quiete redire. Supplicat igitur humiliter ſupradictus Orator quatenus ſecum ut deinceps in monaſterio ſeu regulari loco prædictis ad quod ſeu quem ſe transferre contigerit cum regulari habitu debicum Altiſſimo reddat perpetuò famulatum, more pij Patris compatientes, ipſumque ſpecialibus fauoribus & gratijs proſequentes, eundem Oratorem ab exceſſibus & Apoſtaſiæ nota ſeu macula huiuſmodi nec non excommunicationis & alijs Eccleſiaſticis ſencentijs cenſuris & pœnis quas præmiſſorum occaſione quomodolibet incurrit abſoluere, ſecumque ſuper irregularitate per eum propterea contracta, ut ea non obſtante ſuſceptis per eum ordinibus ac diſpenſatione ſibi conceſſa prædictorum & in eiſdem ordinibus & in altaris miniſterio miniſtrare liberè & licitè ualeat, diſpenſare, omnemque inhabilitatis & infamiæ maculam ſiue notam per eum dicta occaſione contractam ab eo penitus abolere, ipſumque Oratorem in priſtinum & eum in quo ante præmiſſa exiſtebat ſtatum reſtituere & plenariè reintegrare, ſibique quod de dicta Eccleſia Malleacenſi ad aliquod Monaſterium ſeu alium regularem locum eiuſdem ordinis S. Benedicti ubi beneuolos inuenerit receptores ſe liberè & licitè transferre, & interim poſt huiuſmodi tranſlationem ad dictam Eccleſiam Maleacenſem ſeu Epiſcopum Capitulum uel conuentum aut perſonas eiuſdem in genere uel ſpecie minimè teneri nec obligatum fore, ut nihilominus omnibus & ſingulis priuilegijs prærogatiuis & indultis quibus fratres ſiue Monachi dicti Ordinis S. Benedicti utuntur potiuntur & gaudent, ac uti potiri & gaudere poterunt quomodolibet in futurum, ut & poſtquam monaſterium ſeu regularem locum huiuſmodi intrauerit, uti potiri & gaudere, uocemque actiuam & paſſiuam in eodem habere & inſuper artem medicinæ pietatis intuitu ſine ſpe lucri uel quæſtus hîc & ubicunque locorum extiterit, practicare liberè & licitè ualeat ſuperioris ſui & cuiuſuis alterius licentia ſuper hoc minimè requiſita, autoritate ſupradicta concedere & indulgere, ſicque in præmiſſis omnibus &c. iudicari debere, irritum quoque &c. decernere dignemini de gratia ſpeciali non obſtantibus præmiſſis ac quibuſuis conſtitutionibus & ordinationibus Apoſtolicis de illis Eccleſiæ ac monaſterii prædictis etiam iuramento &c. roboratis ſtatutis &c. priuilegijs quoque indultis ac literis Apoſtolicis illis & quibuſcunque quomodolibet conceſſis &c. quibus omni etiam ſi de illis &c. tenore &c. placeat hac uice derogare cæteriſque &c.

Et cum abſolutione &c. & quod obſtantiæ omnes uerioreſque indulti & diſpenſationis huiuſmodi tenores habeantur pro expreſſis ſeu in toto uel in parte exprimi poſſint ut de abſolutione, diſpenſatione, reabilitatione, abolitione, reintegratione, conceſſione, indulto, etiam quod poſſit diſpenſatione per eum obtenta huiuſmodi iuxta illius tenorem in omnibus uti, ac beneficia in ea comprehenſa & qualificata ſi ſibi aliàs canonicè conferantur &c. illius uigore recipere & quoad uixerit retinere, nec non medicinam ut præfertur de licentia ſui ſuperioris ac citra aduſtionem & inciſionem exercere ac tranſlatione & decretp præpetitis pro eodem oratore modo & forma præmiſſis quæ ſic pro ſigillatim repetitis habeantur ut in literis latiſſimè exprimi &c. extendi ualeant ſimul uel ad partem in forma gratioſa.

Et quod præmiſſorum omnium, & ſingulorum, qualitatum, diœceſium, ordinum dependentium, omnium cognominis ac etiam cauſarum quibus & propter quas ad huiuſmodi tranſlationem faciendam nititur quatenus opus ſit aliorumque neceſſariorum maior & uerior ſpecificatio & expreſſio fieri poſſit in literis per breue S. V. prout uidebitur expediendis attento quod Orator eſt præſens in Curia.