Lettres · 21

ranciscvs Rabelæſus Præſbiter dioceſis Turonen. qui iuuenis intrauuit religionem & ordinem fratrum Minorum & in eodem profeſſionem fecit & Ordines Minores & Maiores, etiam Præſbiceratus recepit & in eiſdem celebrauit multotiens. Poſtea ex indultu Clementis P. VII. & prædeceſſoris ueſtri immediati de dicto ordine fratrum Minorum tranſiit ad ordinem ſancti Benedicti in Eccleſia Cathedrali Malleacen. in eoque per annos plures manſit. Poſt modum ſine religionis habitu profectus eſt in Montempeſſulanum, ibidemque in facultate Medicinæ ſtuduit publicè legit per plures annos & gradus omnes etiam doctoratus ibidem in prædicta facultate Medicinæ ſuſcepit, & praxim, ibidem & alibi in multis locis per annos multos exercuit. Tandem corde compunctus adijt limina ſancti Petri, Romæ, & à Sanctitate ueſtra & à defuncto, Clemente Papa VII. ueniam apoſtaſiæ & irregularitatis impetrauit & licentiam adeundi ad præfectum ordinis ſancti Benedicti ubi beneuolos inueniſſet receptores. Erat eo tempore in Romana curia R. D. Ioannes Cardinalis de Bellayo Pariſienſis Epiſcopus & Abbas Monaſterij ſancti Mauri de Foſſatis ordinis prædicti ſancti Benedicti dioceſis Pariſienſis. Quem cum beneuolum inueniſſet rogauit ut ab eodem reciperetur in Monaſterium præfatum ſancti Mauri, quod factum eſt, poſtea contigit ut dictum Monaſterium auctoritate ueſtra erigeretur in decanatum fierentque Monachi illius Monaſterij Canonici. Hic factus eſt cum illis Canonicus prædictus orator Franciſcus Rabeleſus. Verum præfatus orator angitur ſcrupulo conſcientiæ propter id quod tempore quo data eſt a S. V. bulla erectionis predictus ipſe nondum receptus fuerat in monachum præfati Monaſterij ſancti Mauri licet iam receptus eſſet tempore executionis, & fulminationis eiuſdem & procuratorio nomine conſenſiſſet, tam his quæ circa prædictam erectionem facta fuerant, quàm his quæ poſtmodum fierent, cum tunc in Romana curia eſſet in comitatu præfati R. D. Cardinalis de Bellaio.

Supplicat ut per indultum S. V. tutus ſit tam in foro conſcientiæ quàm in foro contradictorio & alijs quibuſlibet de præfatis, perinde, ac ſi non receptus fuiſſet in dictum Monaſterium ſancti Mauri quamprimum & anteaquam obtenta fuit bulla erectionis eiuſdem in decanatum, & cum abſolutione.

Et quod eidem ualeant & proſint indulta quæcumque antea obtinuit à ſede Apoſtolica perinde, ac ſi. Et quod eidem ualeant Medicinæ gradus & Doctoratus, poſſitque praxim Medicinæ ubique exercere perinde, ac ſi de licentia ſedis Apoſtolicæ eoſdem ſuſcepiſſet.

Et quod Beneficia quæ tenet & tenuit cenſeatur obtinuiſſe & obtinere : poſſidere & poſſeſſiſſe, Canonicè & legitimè, perinde, ac ſi de licentia eiuſdem ſedis Apoſtolicæ ea obtinuiſſet.