Dédicaces

A Monſigneur le preuoſt de
Paris, ou ſon lieutenant.

Supplie humblement, Gilles Corozet & Arnoul L’angelier libraires de ceſte ville, qu’il vous plaiſe lour donner permißiõ d’imprimer & vendre vn petit traicté intitulé L’olivue, auec aultres opuſcules poetiques, & ordonner que deffences ſoient faictes a tous Imprimeurs & Libraires d’imprimer & vendre ledict liure, ſans l’aueu deſdictz ſuplians, ſur peine de cõfiſcation des liures autrement Imprimez, & d’amen de arbitraire. Et ce iuſques a quatre ans finis & acomplis, a fin qu’ilz ſe puiſſent rembourſer de leurs frais & miſes. Et vous ferez bién.

Soit fait ainſi qu’il eſt requis faict le
tiers iour d’octobre, L’an mil cinq
cens cinquante.

Signép.seguier.

A TRESILLVSTRE.

Princeſſe Madame Marguerite
Seur Vnique du Roy,
Luy preſentant ce liure.

sonnet.

par vn ſentier inconneu à mes yeux
Voſtre grandeur ſur ſes ailes me porte
Ou de Phebus la main ſcauantɇ & ſorte
Guide le frein du chariot des cieulx.
La eleué au cercle radieux
Par vn Demon heureux, qui me conforte,
Celle fureur tant doulce i’en rapporte,
Dont voſtre nom i’egallɇ aux plus haulx dieux.
O Vierge donc, ſous qui la Viergɇ Astrée
A faict encor’ en noſtre ſieclɇ entrée !
Prenez en gré ces poëtiques fleurs.
Ce ſont mes vers, que les chaſtes Carites
Ont emaillez de plus de cent couleurs
Pour aler voir la fleur des margverites.

coelo mvsa beat.