L'AMANT.

Certes, Sire, vous dictes vray; Mais l'ordonnance riens ne vault, Parler en puis, car bien le scay, Et ay dancié à ce court sault; Parquoy je congnois le deffault De doulx plaisir que l'en y a; Car, quant mon cueur vous depria Secours, il lui fust escondit, Adoncques, de dueil regnya Vostre povoir, et s'en partit.

AMOURS.

Dea! beaulx amis, se dit Amours, Celui qui a servir se met, S'il veult avoir tantost secours, Et le guerdon qu'on lui promet, Ou autrement, il se desmet Du service qu'il a empris; De Loyaulté seroit repris, Quand je tendray mon jugement, Et si perdroit tous los et pris, Sans jamais nul recouvrement.