L'AMANT.

Voire, Sire doit on servir Sans prouffit, ou guerdon avoir? Nennil, ung cueur devroit mourir, Puisqu'il a fait loyal devoir, Entierement à son povoir, Et qu'il lui fault querir son pain; A vous, qui estes souverain, En est le plus de deshonneur, Veu que, par faulte, meurt de fain Vostre bon loyal serviteur.

AMOURS.

Qu'on meure de fain ne vueil pas, Mais le trop haste s'echaulda, Il convient aler pas à pas; Et puis apres on congnoistra, Qui mieulx son devoir fait aura, Alors doit estre guerdonné. Je suis assez abandonné, A grant largesse, de mes biens; Mais quant j'ay mainteffoiz donné A plusieurs, semble qu'ilz n'ont riens.