I. - II.

Us novels pessamens m'estai Al cor, per qu'eu n'ay greu cossir, Don fas mant angoissos sospir; E n'ai soven mon cor plus guay, E·m gart miels de far desplazer, 5 E m'esfors en ben captener, Quan vey que n'es luecx e sazos; E selh qu'a son poder es bos, Ben deu aver mais d'onransa. 9

Onramens grans cre que·l n'eschai A celh que sap en patz sufrir Son dan, o belhamen cubrir, Mantas vetz, so qu'al cor no·l play; Et qui sobr'ira·s sap tener 14 De far e de dir non dever, Ges non s'en merma sa razos; Per qu'om non deu esser coytos De far gran desmezuransa. 18