III. - IV.

Desmezura conosc hueymai Que fai ma dona, ses mentir, Pus que a se·m fetz aissi venir, E so que·m promes er m'estray; Que qui non a vezat aver 23 Gran be, plus leu sap sostener Afan, que tals es belhs e bos, Que·l maltraitz l'es plus angoissos, Quan li sove·l benanansa. 27

Benanans' e fin joi verai Aic ieu de midons al partir. Partiz non suy, per qu'ieu m'azir, Quar a mos precs braus respos fay, Denan sos pes l'irai cazer, 32 S'a lieys platz que denhe voler Que de lieys fassa mas chansos, Quar de me no suy poderos Qu'en autra paus m'esperansa, 36