I. - II.

Pois lo bels temps renovella E fai de novel renverdir Tot qant es, voilh de novel dir C'uns novels volers m'apella 4 E·m di qe chant novellamen D'un gen cors novel avinen, A cui me sui de novel ferm fermatz, Qar sui per lui de nou renovellatz. 8

Gen renovellet la bella Mon gen cor al gent acuillir Qe·m fes gen, per q'ades consir Qon gen fins pretz la capdella 12 E com ab gen acuillimen M'a del cors mon fin cor trait gen; Sens brui refui gen, qe, si·m plac, no·m plaz Desdui d'autrui, si·m lia ab gen latz. 16