III. - IV.

Tant l'am qe·l cors me travella Amors e·m fai lo cor languir. E si·m vol far aman morir Amors, q'enaisi·m martella, 20 Far o pot, tant am fermamen Lei, qe aman me et mon sen Destrui, q'abdui l'aman ples traenz tratz; Q'ab glui m'estui tan l'am ab gran senz gratz. 24

Grat li·n sai qar es isnella E sap grat dels pros retenir E·s fa' gradan son pretz grasir, E grat, qar aissi·m cenbella, 28 Qar, s'ab lei trob merce grasen, Grat n'aura; e merces eissamen Sen trui s'endui leis ab grat, on jois jatz, Per cui relui ab grat rics pretz presatz. 32