II

POÉSIE DES PREMIERS SIÈCLES CHRÉTIENS

HYMNE ATTRIBUÉE A SAINT AMBROISE[39]

[Page 88.]

Mysteriorum signifer Cœlestium, Archangele, Te supplicantes quæssumus Ut nos placatus visites.

Ipse cum sanctis Angelis, Cum Justis, cum Apostolis; Illustra locum jugiter, Quo nunc orantes degimus.

Castissimorum omnium Doctorum ac Pontificum Pro nobis preces profluas Devotus offer Domino,

Hostem repellat ut sævum, Opemque pacis dirigat, Et nostra simul pectora Fides perfecta muniat.

Ascendant nostræ protinus Ad thronum voces gloriæ, Mentesque nostras erigat Qui sede splendet fulgidâ.

Hic virtus ejus maneat, Hic firma flagret charitas, Hic ad salutis commoda Suis occurrat famulis.

Errores omnes auferat, Vagosque sensus corrigat, Et dirigat vestigia Nostra pacis per semitam.

Lucis in arce fulgidâ Hæc sacra scribat carmina, Nostraque simul nomina In Libro vitæ conferat.