I

SPONSUS RECEDENS A MONTE.

Penson d’errer ligièrement, Ainz que la mer retourne en greve. S’il ne va pas empirement, Il n’y a chose qui nous grève... Pour plus aler ysnellement, Cil enfant illec me baillez.

(Ipsa tradit puernm.)

Pour qu’il est né nouvellement, La venez. Suymes bien taillez, Et si m’avent à le porter Comme à ung asne à porter somme...

UXOR SPONSI.

Gardez qu’il n’ait le vis couvert: Partant à coup seroit estainct... Portez le en pais, sans haracier: Il en pourroit estre pery.

SPONSUS.

Fole estes de vous soucier Qu’il ne soit porté bien sery. Nous devon bien Dieu gracier Que nous suymes ceux en lignie. Les moynes, sans falacier, Nous ont fait bonne compagnie.

UXOR SPONSI.

Sy ont. Quer ils sont gens de bien Misericors et charitables. Prier pour eulx devrion bien, Quer jolis sont et bien metables.

· · ·

· · ·