XIII

CHRISTINE’S REPLY TO PIERRE COL.

[fol. 93 a] A maistre Pierre Col, secretaire du roy nostre sire.

Pour ce que entendement humain ne puet estre esleué jusques a haultece de clere congnoiscence d’enterine verité ate[i]ndre des choses occultes par l’offuscacion grose et terrestre qui l’empesche et tolt vraye clarté, comment par oppinion 5 plus que de certaine science determiner des choses ymaginees plus voirsemblables--pour cette cause souuentes fois sont esmeues diverses questions mesmement entre les plus soubtilz par opinions contraires, et chascun s’efforce de monstrer par viue raison son opinion estre vraye; et que l’experience 10 en soit manifeste est clere chose, ce pouons nos voir par nos mesmes presentement; pour ce dis en parlant a toy, clerc soubtil, a qui aucune ignorance ne tolt vif sentement et abilleté de langage a demonstrer de toy les choses oppinees, vueil que tu saches, tout soient tes raisons, bien conduictes a 15 la fin de ton entencion, contraires a la mienne oppinion, [qu’]ycelles, non obstant la belle eloquence, ne meuuent en riens mon corage ne troublent mon sentement au contraire de ce que autrefois ay escript sus la matiere dont presentement et de nouuel me veulx poindre et renouueller les aguillonnemens ja 20 a moy lanciez par les escriptures d’aultres sollenelles personnes sus la matiere(s) dont tu m’as enuoyé ta nouuelle escripture, touchant certain debat pieça meu a cause de la compilacion du Romant de la Rose. Et combien que occupee soye autre part, ne mon entencion [fol. 93 vo. a] n’estoit de 25 plus escripre sur ce, encore te respondray, en gros et rudement selon mon usage, verité sans paliacion. Et comme je ne sceusse suiure ton bel stile, supploier vueilles le deffault et l’ignorance.

Tu m’escrips a ton comencement que, comme tu desirasses 30 veoir de mes escriptures, te soit venu entre mains un certain mien epistre adreçant a monseigneur le preuost de Lille, laquelle se commence: “Reuerence et honneur,” etc. Si dis tost apres qui ie m’efforce de reprendre ce treshault catholique, diuin orateur, etc., maistre Jehan de Meung, en liure de 35 la Rose en aucunes particularitez, pour lequel louer tu n’oseroies ouurir la bouche ne que ton pié auancier a entrer en un abeisme. Mere dieu! arrestons nous cy un pou. Est il doncques pareil a Jhesucrist ou a la Vierge Marie, plus que Saint Pol ou les docteurs de saintte eglise, qui dis que ne le 40 pourroies souffisement louer pour y user tous tes membres se tous estoient deuenus langues, etc.? Touteffois est il vray (sauue ta reuerence) que trop extreme et excessiue louenge donnee a creature fait a reprendre et tourne a blasme. Et comme verité pure me contraigne a toy respondre ce que plus 45 voulentiers tairoye, pour ce que la matiere n’est a ma plaisance, le feray selon mon rude stile. Mais si tu m’escrips que ie te pardonne se tu parles a moy par “tu”, semblablement te pry, comme ce soit le plus propice selon noz anciens, comme tu meismes le dis.

50 PREMIEREMENT, tu proposes que sans raison je blasme ce qui est dit ou dit Romans [folio 93 vo. b] de la Rose, ou chapistre de Raison, la ou elle nomme les secrez membres d’omme par leur droit nom, et relates ce que aultrefois ay respondu ailleurs, que voirement crea dieu toutes choses bonnes, mais 55 par la pollucion du pechié de nos premiers parens deuint homme immonde; et ay donné exemple de Lucifer, dont le nom est bel et la personne horrible; et en concluant ay dit que le nom ne fait pas la deshonnesteté de la chose, mais la chose fait le nom deshonneste, et de cecy dire tu dis, que ie 60 ressemble le pellican,[119] qui s’occist de son bec. Si fais ta conclusion et dis apres, se la chose doncques fait le nom deshonneste, quel nom ie puis baillier a la chose qui ne soit deshonneste? Ad ce ie respondray (sans passer oultre) grossement, car ie ne suis logicienne, ne (a vraye verité dire) n’est ia 65 besoing telles persuasions. Sans faille ie confesse que ie ne pourroye en nulle maniere parler de deshonnesteté de voulenté corrompue ne afin d’elle, quelconques nom que ie lui baillasse, ou fust aux secrez membres ou aultre chose deshonneste, que le nom ne fust deshonneste. Et touteffois, se pour 70 certain cas de maladie ou autre necessité il conuenoit declairier ou les membres ou quoy que ce fust, et i’en parloye en maniere que on entendist et non nommer par propre nom, je ne parleroie point deshonnestement. La cause si est pour ce que la fin pourquoy i’en parleroie ne seroit pas deshonneste, et 75 neantmoins se ie les nommoye par leur propre nom, et fust ores a cause bonne, si parleroie ie deshonnestement, car la premiere entencion de la chose a ia fait le nom deshonneste, dont s’ensuit vraye [fol. 94 a] ma premiere proposicion, que la chose fait le nom deshonneste et non mie le nom la chose. Et 80 a la question que tu me fais, se ie parloie des secrez membres d’un petit enfant lequel est innocent, se ie les oseroie bien nommer pour ce que il est sans polucion de pechié. Ainçois que ie te responde a ceste question, je te demande pour response se un enfant petit est ramené a autelle innocence et en 85 aussi egal estat ne plus ne moins que estoit Adam quant dieu l’ot créé? Se tu dis ouil, c’est faulx; car le petit enfant meurt a douleur, ains que il ait pechié; ce que n’eust point fait Adam en l’estat de innocence, car de son pechié fut engendré la mort. Se tu me dis que non, doncques te dis ie vraye ma proposicion 90 que tel honte nous est engendree par la polucion de noz premiers parens. Et ce que tu dis que riens ne vault tant repliquer du pechié originel, car il vint de la desobeissance; je te confesse que de ce vint il. Mais tu me dis, se la pollucion de noz premiers parens fait le nom deshonneste des secrez 95 membres, doncques ce dis tu par plus forte raison, on ne deuroit mie nommer yceulx noz premiers parens, car ce sont ceulz qui pecherent et non pas les membres. Ad ce ie te feray pour response un gros argument, et vouldroye que bien le me soluces. Pourquoy fut ce que tantost que noz premiers 100 parens orent pechié, et congnoiscence orent de bien et de mal, ilz mucierent incontinent leur secrez membres et se hontoierent, touteuoies n’en auoient encore usé? Je te demande pourquoy ilz ne couurirent leurs yeulx ou leur bouche, dont ilz auoient pechié, et non pas les secrez membres? Et me 105 semble que tres lors fut nee honte raisonnable, laquelle la raison de ton maistre et toy et tes complices voulez chacier et estirper. Si m’est auis que ie ne me suis point occise de mon bec ainsi comme tu me condampnes.

Comme ie ne soye mie seule en la tres bonne, vraye, iuste 110 et raisonnable oppinion contre la compilacion du dit Rommant de la Rose pour les tresreprouuees exortacions qui y sont, non obstant tel bien que il y peut auoir, soit vraye chose que entre les autres bonnes personnes concordans a ma ditte oppinion auint.... Apres que ie os escript mon epistre, lequel tu 115 dis que as veu, vint en voulenté pour l’acroissement de vertu et le destruisement de vice, de quoy le dit de la Rose puet auoir empoisonné pluseurs cuers humains.... Pour y obuier [un] tresvaillant docteur[120] et maistre en theologie, souffisant, digne, louable, clerc solempnel, esleu entre les esleus, compila 120 une oeuure en brief, conduicte moult notablement par pure theologie. De quoy tu m’escris en ton traitié, que tu as veue en maniere d’une plaidorie en la court de saincte Crestienté, en laquelle estoit Justice canonique establie comme iuge, et les Vertus entour elle comme son conseil, duquel le chief et comme 125 chancelier estoit Entendement soubtil, ioingt par compagnie a dame Raison, Prudence, Science et aultres comme secretaires, Eloquence theologienne comme auocat de la court. Et le promoteur des causes estoit Conscience, lequel promoteur out fait leuer et presenter [folio 94 vo. a] une requeste pour 130 Chasteté contenant ceste fournie: a Iustice la droicturiere tenant le lieu de dieu en terre et a toute sa religieuse court deuote et trescrestienne, supplie humblement et se complaint Chasteté, vostre feale subiette, que remede soit mis et prouision brieue sur les forfaictures intollerables, lesquelles m’a fait et 135 ne cesse de faire un qui se fait nommer le Fol Amoreux, et met aprés viii. ou ix. articles.

Et non obstant que a moy singulierement adreces le premier proeme de ta deuant dicte escripture, comme tu presumes a toy estre legier repudier mes raisons pour mon ignorance 140 confiant en ton bon sens et soubtilleté, m’est aduis; encore tu oses adioindre tes reprehensions, telles comme tu les veulz dire, aux dis de si notable personne dessusdicte et de euure tant bien composee, comme est la sienne, pour ce que elle est contraire a l’oppinion en quoy tu erres. Or auises, or 145 auises, se ie pourroye raisonnablement toy dire l’opprobre que tu me dis en aucune des tes chapitres en ceste maniere: “O presompcion oultrageuse! O tresfole oultrecuidance!” etc. Si n’est mie mon entencion de moy chargier [de] deffendre contre toy en toutes pars les questions proposees par dame Eloquence 150 dessusdicte, car il ne touche du tout au propos de ma premiere epistre, se n’est en aucunes pars, ou il touchera a la matiere dont tu me redargues. Car ie m’en attens a cellui, qui la dicte plaidoierie a composee, qui en pou de paroles la sara mieulx deffendre que toute ma vie ne saroye a son droit regarder; 155 mais tant en puis ie bien dire que tu qui mieulx le cuides entendre que lui plein de sagece et haulte clergié le veulz reprendre de ignorance. Bien dis (pour plus courtoisement parler de si notable personne) que, se bien eust estudié le dit liure d’autant comme son entendement passe tous aultres, de tant 160 plus le louast et prisast. Ainsi loué soit dieux (toy mesmes le confesses sollennele personne) si est bon a croire et a presumer que tel homme eust blasmee publiquement oeuure, qu’il n’eust par auant bien auisee et comprise!

Encore puis ie bien respondre ad ce que tu dis qu’il parle 165 de Fol Amoreux comme clerc d’armes, si comme cellui qui oncques riens n’en senti, qu’il n’est mie necessaire pour parler proprement des choses auoir l’experience; et moult d’exemples t’en pourroient estre donnés, tu meismes le sces et trop plus de soubtilles choses (auoir l’experience) et hors le 170 sentement naturel ont esté descriptes proprement, que l’effet d’amours n’est a entendre a homme soubtil et d’entendement, et toy mesmes confesses qu’il n’est necessaire auoir l’experience. Et neantmoins tu conclus, que s’il eust eu l’experience de Fol Amoreux, autrement deist qu’il ne fait.

175 Je trespasse cy endroit aucuns articles de la dessusdicte plaidoierie de dame Eloquence pour ce que ce n’est a moy a respondre, et mesmement de ce que tu dis que maistre Jehan de Meun appella sainctuaires, ne me debatis ie oncques [fol. 95 a], car le taire en est le plus seur. Mais pour ce que tu 180 l’excuses et dis que ainsi se peuent appeler et selon loy et pour monstrer la folie au Fol Amoreux, sans faille tu dis autrement que tu ne penses (sauue ta grace); car tu sces bien que oncques ne le dist en entencion que la chose peust estre appellee saincte, mais le dist par une maniere d’une derrision plus 185 aluchant, et plus grant atisement aux luxurieux. Au moins quelque entencion qu’il eust, sçay ie bien qu’il sonne mal a ceux qui ne se deliçtent en telle charnalité.

Je ne vueil mie passer oultre ce que tu dis, que ie ne doy mie cuidier ce que il dit en son testament: “J’ay fait en ma 190 jeunesce maint dit par vanité,” qu’il entende de ce liure de la Rose. Et comme se tu le sceusces bien affermer que oncques ne s’en repenti, ne dist pour celle cause, et touteffois ne l’excepta il mie de riens. Mais tu dis qu’il entendi de balades, rondiaulx, et virelais que nous n’auons mie. Ou sont doncques 195 ces autres dictiez que il fist, vains et folz? Merueilles est que de si souerain dicteur n’ont esté sollenneement gardés, car d’aultres qui ne furent a lui a comparer est grant mencion faite, et des siens n’est personne en vie qui oncques en oïst parler, et vraiement moy mesmes me suy maintes fois merueillee 200 que si grant dicteur cessast a si peu de oeuure, nonobstant que pluseurs qui lui sont fauorables lui veulent imposer des dictiez mesmes de Saint Augustin. Mais touteffois, se tu veulz dire que il s’en soit teus pour escheuer gloire vaine, et que voirement en fist pluseurs, regardes ou prologue de Bouece 205 que il translata, ou il raconte les translacions et escriptures que il a faictes, si croy que il n’en oublia nulles. Ce dis ie pour ceulx, qui aultres escriptures lui veulent attribuer, combien que de ce n’ay ie que faire. Mais a nostre propos, vrayement je croy et tiens qu’il dist ce qui est dit en son testament 210 purement pour cellui romant, car il nous appert par celle parolle et ne sauons le contraire.

Tu viens à mon propos, et dis que dame Eloquence dit: “N’est ce pas,” fait elle, “grant rage dire qu’on doye parler nuement et baudement et sans vergoingne, tant soyent 215 deshonnestes les paroles au iugement de toutes gens.” Puis tu dis a dame Eloquence, que on lui impose mal reciter son fait principal, sur quoy elle fonde tous ses argumens ensuiuans, mais tu excuses aprés son aucteur en l’accusant d’ignorance, et dis ce que i’ay cy deuant recité, que c’est comme tu tiens 220 par faulte de le voir et pour [ne] l’auoir estudié.

En faisant ta response a dame Eloquence tu recites les paroles que dit Raison ou dit romant, qui sont telles en substances qu’elle puet bien nommer par propre nom les choses, qui ne sont se bonnes non, et dis qu’il ne dit pas que on en 225 doye parler, mais que on en peut bien parler. Si te respondray cy un petit pour dame Eloquence un pou grossement. Je sçay bien voirement que deuoir est contrainte et pouoir est volenté, mais touttefois par la maniere de parler de quoy on use en tel cas, on n’en puet parler nuement ne oultrement sans 230 mesprendre, comme il est prouué cy deuant et encore sera aprés. Et tu soustiens auec ycelle Raison que parler ent proprement on en puet sans mesprendre, et allegues que la saincte escripture et la Bible les nomme par propre nom, ou il eschiet. Si te respons, beaulx doulz amis, se la Bible les nomme ou la 235 saincte escripture, ce n’est mie en telle maniere ne a tel propos, ains est la matere trop loings de aluchement charnel, et si n’est mie la Bible faicte d’un parçonnage femmenin qui s’appellast fille de dieu, et si ne parle mie a Fol Amoreux, ou elle puist atiser le feu. Tu dis encore que, se le nom desplaist a 240 aucuns, qu’il ne desplaist mie a tous; mais de ce te croy ie moult bien, car chose mal faicte et mal dicte ne desplaist mie a chascun. Et dis que ce dis tu pour ce que dame Eloquence dit, tant soyent les paroles deshonnestes au regart de toutes gens, et cy endroit te prens tu a la cordele ou tu m’as cuidé 245 prendre, quant tu dis que l’en ne doit mie prendre les moz si a la lettre. Car tu sces bien que la plus grant partie est prise pour le tout, et vraiement a la plus grant partie desplairoit ouir nommer en publique deshonnestetez. Tu dis qu’il ne fault ja dire que bonne costume deffent en parler proprement, 250 dont tu te tais. Ce dis tu, se la coustume est bonne ou mauuaise, si ne sçay pourquoy tu t’en tais, se tu y sces rien de bon. Mais, se au contraire penses, tu as fole oppinion que femmes ne l’aient mie acoustumé, ce dit dame Eloquence comme tu dis. Elle dit voir; et dommages seroit, se autrement fust et que 255 tant de reproche peust estre raporté es aultres contrees des femmes de ce royaume. Car on dit un prouerbe commun: a la langue est cogneue l’affection. Car ycelle Raison que tu tant auctorises dit que ce n’est fors desacoustumance en France. Ce n’est mie desacoustumance. Car oncques ne 260 l’acostumerent, et dont vient que elles ne l’ont acoustumé? Il vient de raisonable honte, qui (dieux mercis!) n’est mie chacié de leurs frons. Encores dis qu’il puet estre que en autres pais les femmes les nomment proprement. Mais ie ne sçay pourquoy tu fais telle consequence, quant tu n’en sces riens, et si 265 n’est mencion que en tout le monde femmes ne hommes mesmement en parlent plainement et en publique. Et si t’esbahis ce dis tu de la coustume, que femmes nomment leurs secrez membres par leur propre nom, mais elles ne vuellent nommer ceulz aux hommes. Je te respons ad ce que (sauue 270 ta grace) certes non font femmes honnorables mie en publique; et se aucunes femmes plus nomment les choses qui leur sont priuees que celles qui leur sont plus estranges, tu ne t’en dois merueiller. Mais tu qui tant te debas, et par tant de repliques, que plainement se doiuent nommer par nom et que bien dist 275 la raison maistre Jehan de Meun, je te pry chierement, tu qui es son tres especial disciple comme tu dis, pourquoy ne les nomes plainement en ton escripture sans aler entour le pot? Il me semble que tu [folio 96 vo. a] n’es pas bon escolier, car tu n’en suis mie bien la doctrine de ton maistre, qui te muet ad 280 ce. Se tu dis que ce n’est mie la coustume, si as doubté d’en estre repris, que te chault de celle coustume? Veulz tu viure a oppinion de gent, suis la bonne doctrine, si monstre aux aultres qu’ilz doiuent faire, car toutes choses se commencent une fois. Et se on t’en blasme au premier, tu en seras aprés 285 loué, quant on verra la coustume bonne et belle. Ha! par dieu! par dieu! aultrement va: tu ne le peux nier que honte ne t’en garde. Et ou est la raison maistre Jehan de Meun? Elle a pou de poissance quant honte le desconfist. Benoite soit telle honte, qui desconfist tel raison. Et se ie te haïsse, je 290 diroye, pleust a dieu que tu l’eusses fait. Mais ie t’aime pour ton bon sens et le bien que on dit de toy; nonobstant ne te congnoisse, si ne vouldroye ta deshonneur, car parler honnestement auec les vertus moult auient en bouche de louable personne.

295 Il me semble que tu reprens la maniere de parler de dame Eloquence, qui dit que mal garda Meun les regles de rethorique, car il deust auoir regarde a qui Raison parloit; car c’estoit au Fol Amoreux qui plus en pouoit estre embrasez; ce que ne seroit un grant clerc: philosophe ou theologien ne peust 300 estre amoreux, mais si puet comme tu dis, et donnes exemple de Dauid et Salemon et aultres. Si me merueil moult de toy qui veulz autrui corigier du mesmes deffault, en quoy tu de commun cours enchiez; et soustiens ou il te plaist, ce que veulx confondre pour un aultre. Il est bon assauoir que 305 quant le vaillant preudomme parla de Fol Amoureux, il supposa que ycellui fust soubstrait de toute science; quant au cas de fole amour, suppose que grant science fust en lui; et quant il dit un grant clerc theologien, il suppose que la passion de fole amour n’y soit point, car il conuient que son soubtil 310 entendement qui point ne erre l’entendist ainsi ou plus soubtilment. Mais tu dis que un homme ne s’en mouura ia a folement amer pour telz paroles, et on te dit qu’il y est ia meu, puis qu’il est Fol Amoreux. Mais son embrasement en puet bien croistre. Tu dis que quant Raison les nomma, elle preschoit 315 a l’Amant qu’il s’en ostast du tout. RESPONSE. S’il est ainsi, comme tu l’entens et comme maistre Jehan de Meun dit estre la fin d’amours, laquelle chose on pourroit debatre que ne soit mie rigle generale de tant tendre a celle fin. Raison fist a l’Amant ainsi comme se ie parloie a une femme grosse ou 320 a un malade et ie lui ramenteuoie pommes aigres ou poires nouuelles ou aultre fruit qui lui fust bien appetiçant et contraire, et ie lui disoie que, se il en mengoit, ce lui nuiroit moult. Vraiement ie tiens que mieulx lui souuendroit, et plus lui aroit penetré en son appetit les choses nommees que la deffense 325 faicte de non en mengier; et sert au propos que aultrefoiz ay dit. Et tu tant le reprens, que on ne doit ramenteuoir a nature humaine le pié dont elle cloche. Tu argues que maistre Jehan de Meun ou chapistre de Raison ne deffendi pas a parler des secrez membres pour affection qu’il eust d’en parler, mais 330 pour monstrer la folie de ceulz qui dient qu’il n’est licite d’en parler. Et sans faille se pour celle cause le fist, il failli a son esme, quant par une tres grant folie faire il cuida estaindre un tres grant sens. Si appert, ce dis tu, qu’il ne le fist mie pour delict par ceste raison que ailleurs, ou il parle de l’oeuure 335 de nature, il l’appelle jeu d’amours. Nous sommes bien. Hay! vray dieux! tu dis merueilles; ainsi pourroies tu dire que en la fin de son liure il ne nomme mie les deshonnestetez qui y sont par leurs propres noms. Et voirement ne fait, et que vault cela? Il les nomme par moz poetiques entendables c. 340 foiz plus atisans et plus penetratis et plus delicteux a ceulx qui y sont enclins, que se il les nommast par leurs propres noms. Tu dis oultre que qui lit et entent le dit romant, que il entendra que maistre Jehan de Meun ne deuoit aultrement parler qu’il parla. Tu dis trop bien, mes que il l’entende a ta 345 guise. Sces tu comme il va de celle lecture ainsi comme des liures des arquemistes. Les uns les lisent, et les entendent d’une maniere; les autres qui les lisent les entendent tout au rebours. Et chascun cuide trop bien entendre; et sur ce ilz oeuurent et aprestent fourniaulx, alembis, et croisiaulx, et 350 entremeslent diuers metaulx et matieres et soufflent fort, et pour un petit de sublimacion ou congiel qui leur appert merueillable, ilz cuident ataindre a merueilles. Et puis quant ilz ont fait et fait et gasté leur temps, ilz y sceuent autant comme deuant, mais que cost et despence et la maniere de 355 distiller et d’aucunes congellacions de nulle utilité. Ainsi est il de toy et de moy et de plusieurs. Tu l’entens et le prens d’une maniere; et moy tout au rebours. Tu recites, ie replique; et quant nous auons fait et fait, tout ne vault riens; car la matiere est tres deshonneste, ainsi comme aucuns arquemistes 360 qui cuident faire de fiens. Or le taire en fust bon, et mieulx me plairoit non estre arquemiste en ceste partie, mais la deffense m’est conuenable puis que ie suis assaillie.

De ce que tu argues ensuiuant contre la plaidoierie deuant Justice par dame Eloquence a la charge du deuant dit 365 maistre, je l’en lairay conuenir, car bien t’en scara respondre quant lui plaira.[121]

Tu relates ce que aultre fois ay dit, que ie ne me puis taire et trop meruellier de ce que Raison dit que mesmes en la guerre amoreuse, mieulx vault decepuoir que deceu estre; 370 et que j’argue qu’il s’ensuiuront doncques tous deux estre bons--qui ne puet estre; et puis si iures ton serement que, se me fusse de portee d’escripre cest argument, ce fust mon honneur; et que c’est proposicion d’enfans quant ilz arguent. Touteuoies te promez ie bien, quoy qu’il t’en soit auis, ie ne 375 la pensse mie a chanceller. Mais de ce que tu cuides confondre mon argument de dire, Jhesucrist dist que mieulx fust a Judas que il n’eust oncques esté, que auoir trahy son maistre, vraiement je te respons que bon fu que Jhesucrist morust, et bon fu que [fol. 97 a] Judas naquist. Mais mieulx fust pour 380 lui, s’il n’eust oncques esté né, pour cause de l’inconuenient de sa desperance et la pugnicion de sa trahison. Et tu mesmes n’as pas tenue la rigle en toutes tes solucions, dont tu me veulz reprendre. Et merueilleusement interpretes ce qui est dit clerement et a la letre. Il vault trop mieulz, beaul maistre, deceuoir que estre deceu, qui dit que ce est a dire, que il te 385 greueroit moins faire semblant de moy amer pour toy aisier de mon corps, que se tu en perdoies ton estude, sens, temps, ame et corps et los. C’est bien extremement parlé. Dont semble il qu’il conuiengne deceuoir, ou perdre sens, temps, 390 ame, etc. Sans faille la faueur que tu y as te fait bien loings aler querre ceste extreme excusacion. Et toutefois ne met il point ces deux extremitez ensemble. Si te dis encore et derechief que en la loy de Jhesucrist et selon sa doctrine, plus est deffendu deceuoir son prochain que estre deceu, c’est assauoir, 395 deceuance frauduleuse. Car par maniere de parler puet estre dit deceuance tel chose qui n’est mie grant vice. Mais afin que ie ne l’oublie, je diray ce dont ie suis contente: c’est que tu dis que tu as oppinion que oncques maistre Jehan de Meun n’escript ce en son liure, et que c’est chose adioustee. Bien 400 appert que tu parles a voulenté (sauue ta grace), car c’est du propre langage et tout un mesmes mettre et stile, mais tu vouldroies bien qu’il ne l’eust oncques dit. Tu puez bien hardiement dire que oncques de Raison, fille de dieu, n’yssy tel mot.

405 Ha! decepuance frauduleuse! mere de trahyson! qui est ce qui t’ose mettre auant en nul cas? Et puis que nous y sommes entrez, (pour dieu!) que ie m’y arreste un petit non obstant la prolixité, car on ne puet bonnement en brief comprendre moult de choses. Par ta foy consideres un petit, tu 410 qui as leues les hystoires, quel vice a tenu et tient en ce monde plus grant lieu a aidier a parfurnir les plus grans peruersitez, tu trouueras deceuance. Regardes se deceuance nous donna la mort premierement. Lis les hystoires troyennes. Tu trouueras selon Ouide et aultres, comment dame Discorde 415 sema la graine de la guerre. Mais iamais n’eust tout cueilli, se dame Deceuance n’y fust venue, quant elle fist trahir et prendre la fort cité de Troye; et tout est plein de ses fais qui trop seroient longs a dire. Ha! dieux! comme tout noble courage se doit bien garder d’auoir en soy si vilain vice qui passe tous 420 aultres en maniere d’effait. Quel difference mettras tu entre trayson et deceuance? Je n’y en sçay point, mais que l’un sonne pis que l’autre. Et se tu dis doncques s’en vault il mieulz aidier sus un aultre, que un aultre s’en aidast sur soy, je te dis derechief que non fait. Car selon la iustice de dieu, 425 cellui est plus punis qui iniure aultrui, que cellui qui est iniuriez. Et disons encore mesmement en cas d’amours, pour ce que la raison maistre Jehan de Meun dit que mieulx vault etc. Vrayement j’en diray mon oppinion et m’en tiengne a fole qui vouldra tant. He! deceuance! je ay un seul [fol. 430 97 vo. a] filz, (que dieu me vueille conseruer s’il lui plaist), mais ie aimeroie mieulx qu’il fust parfaictement amoreux auec le sens que i’espoire que dieux lui donra, comme ont hommes raisonnables, d’une femme bien condicionee et sage, qui amast honneur et lui, (en auenist ce que auenir lui en pourrait) que ie ne 435 ferroie qu’a son pouoir fust deceueur de toutes ou de pluseurs. Car ie cuideroie que a pluseurs deceuoir, il peust plus tost perdre sens, temps, ame, corps et los, que de bien amer une seule. Et cuides tu que ie croye par ta foy que ce soit le plus grant meschief, qui puist auenir a ioeunes hommes d’estre 440 amoureux (mais que ce soit en bon lieu, ou il est honneur et sens)? Car qui aimeroit une bergiere, si vouldroit il brebis garder. Je ne le dis mie pour l’estat, mais pour les condicions pour monstrer que le cuer qui aime desire tousiours soy tourner aux meurs de ce ou il a mise s’amour. Pour ce croy bien que 445 ceulz qui aimer veulent doiuent moult eslire ou ilz mettront leur pensee. Car la cuide ie que soit le peril. Et ainsi cuides tu que ie croye tous ceulz, qui ont esté ou sont bien amoreux, que toute leur felicité soit de tendre a couchier auec leur dames. Certes ce ne croys ie mie, car ie croy que pluseurs ont amé 450 loiaument et parfaictement qui oncques n’y couchierent, ne oncques deceurent ne furent deceuz, de qui estoit principale entencion que leurs meurs en vaulsissent mieulx. Et pour celle amour deuenoient vaillans et bien renommez et tant que en leur viellesce ilz louoient dieu qu’ilz auoient esté amoreux. 455 Ainsi ay ie ouy dire que le disoit mesmement le bon connestable messire Bertran de Claquin,[122] messire Morise de [fol. 97 vo. b.] Trisguidi[123] et mains aultres cheualereux. Si ne perdoient ceulz sens, temps, ame, corps et loz. Je parle tant de ce loz, pour ce que tu m’as escript que ie l’espuluche bien. Or le t’ay 460 espuluchié. Mais tu me feroies ycy pluseurs responses, et diras que maistre Jehan de Meun entendoit de ceulz qui en sont oultreement foulz. Je te respons que de toutes choses mesmement qui sont bonnes puet on mal user. Mais puis qu’il vouloit descripre entierement amours, il ne la deust 465 mettre si extreme a une seule fin, voire fin si deshonnestement touchiee. Tu me diras que ie parle contre dame Eloquence qui parle de Fol Amoureux dont Meun parle, et ie te di que a estre bien amoureux n’est point necessaires estre fol, ne que on en perde sens, temps, etc. Tu me diras encore que ie conforte 470 les joeunes a estre amoreux. Je te dy que ie ne lo point qu’ilz le soient, car toute amour mondaine n’est que vanité. Mais, se l’un des deux conuenoit, c’est pis decepuoir qu’estre bien amoreux; et pis en puet venir. Mais pour ce que maistre Jehan de Meun qui pluseurs choses bien descript ne descript 475 mie la proprieté de deceueur, j’en parleray un petit en rude stile pour aguiser l’appetit de ceulz qui s’i delictent. La condicion du deceueur est menteur periure, faulz semblant, flateur, traittre, fallacieux, malicieux, agaitant, couuert, et aultres maulz infinis; et la fin qui lui en demeure quant plus 480 n’en puet, moqueur mesdisant, enuieux et souspeçonneux-- telz en sont les titres. Mais pour ce que ie ay parlé de ceulz qui aiment honnourablement, je [fol. 98 a] puis dire ainsi comme tu dis de cellui, qui composa la plaidoirie dessusdicte, qu’il ne senti oncques que fu fol amoreux. Aussi croy ie que 485 maistre Jehan de Meun ne senti oncques que fu honnourable amoureux.

Apres tu repliques ce que dame Eloquence et moy disons par grant admiracion de la grant deshonnesteté qui est ou chapitre de la Vieille, et disons qui y pourra notter fors toute 490 laidure et vil enseignement, et assez plus en disons que tu ne repliques, et pareillement ou chapistre de Jalousie. Et puis tu me fais un grant fault sur ce que j’ay dit a la fin du dit mien epistre, et rameines ceste part mal a propos (ne te desplaise), et dis que i’ay dit que ie ne condempne pas l’auteur 495 ou aucteurs en toutes pars du dit liure. Comme, ce dis tu, se ie vouloie dire, que ie le condempnasse en ce en quoy ie le reprens, et dis que ie me fais iuge de ce que i’ay dit par oppinion. Si te respons que en verité tu as mal cueilli les flours de mon dicté, et fait chappel mal acoustré et mal sorti (sauue 500 ta grace). Car i’ay dit non mie par oppinion mais de certaine science, qu’il parla treslaidement et tresdeshonnestement en pluseurs pars, et tres mauuaise exortacion; et le iugement de ce est legier a faire, car il se preuue par lui mesmes. Si le puis et moy et chascun qui entent françois condempner en 505 celle partie; mais pour ce que en toutes pars ne traicte mie de celle deshonnesteté, dis ie que ie ne le condempne mie en toutes pars. Et tu repliques trop bien que ie vouldroie auoir trouué, comme ie ay dit, qui me sceust souldre souffisemment a quoy peuent estre bonnes tant de deshonnestetez; et touteffois 510 ne m’i fais tu nulle solucion, ains t’en passes oultre sans respondre ad ce propos; et comme m’animez sans achoison, me dis telle villennie comme cy s’ensuit: “O presompcion oultrageuse! O tresfole oultrecuidance! O parole trop tost yssue et sans auis de bouche de femme qui condempne homme 515 de si hault entendement, de si feruent estude, qui a si grant labeur et meure deliberacion, a fait si tresnoble liure, comme est cellui de la Rose qui passe ainsi tous aultres qui oncques furent ou languaige, ouquel il est escript son liure, duquel quant tu l’aras leu c. fois, se tu en entens la grigneur partie, tu 520 n’emploias oncques mieulx temps ne ton entendement!” RESPONSE. O homme, deceu par oppinion volontaire, certes ie te pourroie respondre et ne vueil opprobieusement, nonobstant que par laiz reproches me rauales par petite reputacion et sans raison. O entendement offusqué! O congnoiscence 525 peruertie, aveuglee par propre voulenté, qui iuges venin angoisseux estre restaurement de mort, doctrine peruerse estre saluable exemple, fiel amer miel doulcereux, laidure orrible estre beaulté solacieuse, de qui une simple femmelette auec la doctrine de saincte eglise puet reprendre ton erreur! 530 Fuis et eschieues la doctrine peruerse qui te pourroit mener a dampnement, de laquelle, quant dieu t’ara enluminé de vraye congnoiscence, tu aras orreur en toy retournant arriere, remirant le pas ou tu aras passé en voye de periller.

Tu dis pour moy reprouuer que verité engendre haine et 535 flatterie [entre] amis--ce dit Terence. Et pour ce tu te doubtes que ie le vuel [fol. 98 vo. a] le mordre, et me conseilles que je garde mes dens. Si saches certainement que tu faulz a cuidier (sauue ta reuerence), car pour ce que mençonge[s] deceuables y a et faulte de verité, je ne le voulsisse 540 mie seulement mordre, mais errachier les tresgrans mençonges fallacieuses qui y sont. Tu respons a dame Eloquence et a moy, que maistre Jehan de Meun en son liure introduisi parçonnages, et fait chascun parler selon ce qui lui apertient et vrayement. Je te confesse bien que selon le jeu que on veult 545 iouer il conuient instrumens propres. Mais la voulenté du jueur les apreste, telz comme il les lui fault. Toutefois, certainement (ne te desplaise) il failli a bien introduire ses parçonnages de commetre a aucuns autre chose que leur office; comme a son prestre que il appelle Genius qui tant commande 550 couchier auec les femmes et que on continue l’euure sans delaissier; et puis si dit que on fuie femmes sur toute riens; et en dit plus de mal ou autant de villenie comme nul qui y soit. Si ne sçay entendre qu’il appertiengne a son office ne a mains aultres parçonages qui de celle matiere parlent. Tu dis 555 que ce fait le Jaloux comme son office, et ie te dis que oncques en tous parsonnages ne se puet taire de vituperer les femmes qui (dieux mercy!) ne sont de ce en riens empirees, et de ce ay ie assez parlé en mon autre epistre sur quoy tu ne m’as gaires respondu. Si ne m’en passe cy endroit gaires a chargier.

560 Puis que cellui liure de la Rose est tant necessaire et expedient pour doctrine de bien viure tant proffitablement, je te pry que tu me dies a quel proffit du bien commun puet venir tant auoir assemblé de dissolucions que dit le parçonnage de [fol. 98 vo. b] la Vieille. Car se tu dis, que c’est affin que on 565 s’en garde, je cuide qu’il ait la plus grant partie des gens qui oncques n’orent que faire de telles deableries comme elle recorde, et ne sceuent que ce puet estre, dont ne puet venir tel mal au proffit du bien commun, dont la plus grant partie ne s’en empesche. Et ie sçaroye voulentiers, se toy mesmes 570 quant tu les as leues, se tu as plus a memoire la bonté de t’en garder et viure chastement, ou la dissolucion des paroles. Si est une merueilleuse interpretacion que vous faictes entre vous ses aliez que telle orrible mauuaistié soit tournee a si grant bien. Et du Jaloux aussi que tu dis qu’il parle comme 575 jaloux. Je te dis que grant neccessité estoit tel gastement de paroles mal gracieuses pour le bien et introduction du bien commun. Si t’en fai pareille response comme de la Vieille. Ce que tu as dit en oultre de la cause (comme tu crois) qui fait parler le Jaloux tant de mal de femme, ne fait point a mon 580 propos; pour ce le passe oultre.

Oultre tu dis a dame Eloquence et a moy en repliquant par similitude, que se un relate ce que un aultre a dit comme fait Saluste (qui recite la coniuracion de Catiline encontre la chose publique de Ronme) ou Aristote (qui recite oppinions 585 des anciens philosophes contenans erreurs), s’ilz sont cause de ce mesmes meffait, comme la Saincte Escripture recite les abhominables pechiez de Sodomme et de Gomorre, enorte elle pour tant yceulz ensuiuir? Tu dis trop bien, ce te semble, et bien [fol. 99 a] a propos, mais ie te demande, se quant yceulx 590 ou autres en la Saincte Escripture recite[nt] telz choses, se il y a deuant ou apprés parsonnages ou autres propos qui conforte[nt] et afferme[nt] par moles paroles et attrayans que l’en trahisse, ou que l’en soit herité, et ainsi des autres maulx? Tu sces bien que nenil, car en quelque lieu que telz maulx ou 595 autres soient pareillement recitez en liures, c’est a la vituperacion de la chose en telle maniere de lecture, que elle sonne desplaisamment a tous ceulz qui l’oyent. Et le prescheur, dont tu m’as escript qu’il ramentoit le pié dont on cloche en son sermon: ce as tu dit pour ce que ie dis que on ne le 600 deuoit ramenteuoir a nature pour plus droit aler. Comment le ramentoit il? Comment, dist il, mes enfans, jouez! galez! tenez vous aise--c’est la voie de paradis, fait[es]. Par dieu, sire, non fait, ains ramentoit ce pié de telle maniere que il fait grant orreur aux oyans, et on puet en telle maniere dire “dieu 605 te doint bon iour” qu’il sonne mal et rancune.

Et puis tu fais une maniere de complainte a Chasteté et dis: “Ha, dame! est ce le loyer que vous voulez rendre a maistre Jehan de Meun qui tant vous a prisee et toutes autres vertus, et blasme tous vices comme entendement le puet 610 conceuoir?” Voire, fais tu, comme entendement humain le puet conceuoir. Et puis aprés si dis que ie ne m’en sobzrie ia. Ha! que tu sçauoies bien que ie m’en riroie de ce bon mot. Car quant ie pense aux beaulx enseignemens de Chasteté et aux honnestes paroles qui y sont, [fol. 99 a] vrayement ie ay 615 matiere de moy rire de ce que tu dis. Puis aprés tu dis que, qui bien lit ce liure, il y trouuera enseignemens pour fuir tous vices et suiuir toutes vertus, et puis tu recites aucuns enseignemens que tu dis qui y sont; et vraiement ie te dis que aussi feras tu en la loy de Mahomet. Se tu lis l’Alcoran, 620 tu y trouueras de tresbons poins de nostre foy et de bien deuoz, et te plairont moult; mais c’est tout honni--tout ensemble ne vault rien. La consequence en est toute gastée; a la conclusion tient tout. Ne sces tu que au conseil mesmement, quoy que on ait dit par auant, on se tient a la conclusion 625 derreniere? Et se maistre Jehan de Meun (se ie l’ose dire) eust parlé parmi son liure de pluseurs choses a quoy nature humaine est encline et qui auiennent, et puis ramené a propos et fait sa conclusion en meurs de bien viure, tu eusses plus grant cause de dire que il le fist a fin de bien; car tu sces se un dicteur 630 veult user d’ordre de rethorique, il fait ses premisses de ce que il veult traictier, et puis entre de propos en propos, et parle de plusseurs choses s’il lui plaist, puis reuient a sa conclusion de ce pourquoy il a faicte sa narracion. Et vrayement en ce cas ne failli de riens l’aucteur ou dit liure, car ignorance n’y a lieu. 635 Mais tu me diras que ce fist Lorris. RESPONSE. Je tiens tout un mesme edifice, et souffist pour response ad cest chapistre, nonobstant y aies dit maintes choses a ton propos que ie passe oultre; car tout vient a une fin, et l’espuluches tant comme bon te semblera.

640 Tu as deuant dit qu’il ne blasme pas les femmes, ains en dit bien: si m’en attens a la verité prouuee; et dis que Saint Ambroise blasma plus le sexe femenin qu’il ne fait, car il dist que c’est un sexe usagié a decepuoir. [fol. 99 vo. a] Je te respondray ad ce: tu sces bien que quant les docteurs ont 645 parlé, c’est a double entendement, et mesme Jhesucrist en ses sermons. Si est bon assauoir que Saint Ambroise ne le dist oncques pour les personnes des femmes. Car ie croy que le bon sire n’eust riens voulu blasmer fors vice. Car bien sauoit qu’il estoit maintes sainctes femmes, mais il voult dire 650 que c’est un sexe dont homme usageement deçoit son ame, ainsi comme Salomon qui dist mieulz vault le meffait d’un homme que le bienfait d’une femme. Nous sauons bien que c’est faulx a le prendre a la letre. Mais par lui mesmes pouons prendre exemple. Mieulx eust valu pour lui le meffait d’un 655 homme. En tel cas peust auoir esté que aucun bien qu’il pot veoir en la femme, dont il fu si fort amoreux qu’il en aoura les ydoles. Et aussi le pot il dire par prophecie, car mieulz nous vault le meffait de Judas que le bienfait de Judich qui occist Holophernes, ou d’une autre femme. Mais tu dis 660 merueilles aprés, car tu affermes vrayement que ie les blasme plus qu’il ne fait, quant ie dis que, se on lisoit le liure de la Rose deuant les roynes ou princeces, que il leur conuendroit couurir la face de honte rougie. Et puis si respons pourquoy rougiroient? Il semble que elles se tendroient pour coulpables 665 des vices que le Jaloux recite des femmes. Ha! dieux! que c’est bien dit et bien raporté! Tu ne te fais point de honneur de raporter chose que le contraire puist estre prouué. C’est mal estudié quant ie disoie que aux dames conuendroit couurir la face de honte rougie. Ce n’estoit point pour les 670 paroles du Jaloux, ainçois dis [je], d’ouir les orribletés qui sont en la fin tant abhominables, de quoy ie disoie a quoy puet [estre bone telle lecture qui honnestement ne puet] estre leue en leur presence, et de dire que elles en rougiroient. Je ne les blasme de riens, ains les loe d’auoir la chaste [fol. 99 vo. b] 675 vertu de honte.

Tu respons aprés a dame Eloquence, pour ce que il est contenu en sa complainte, les diffamacions et vituperes que maistre Jehan de Meun raconte de religion, et dis qu’il ne la blasma mie. Et vraiement ie te respons que, (sauue ta grace) 680 car comme il fust diffameur publique, il la diffame excessiuement et sans riens excepter, et bien le scet entendre le bon catholique de tresreligieuse voulenté qui bien en scet le tort reprendre, et de ce m’attens a lui, car il ne touche au propos de ma premiere epistre. Et comme tu mesmes dis que ie te 685 puis dire, et tu puis dire voir, tu recites les bonnes parolles et les vas cueillant ainsi comme il te plaist a ton propos et laisses les mauuaises. Se l’enortement dont dame Eloquence se plaint de l’enseignement de prendre le chastel de Jalousie, dont elle dit qu’il vouloit bouter chasteté hors de toutes 690 femmes, tu en fais merueilleuse response en ce que tu dis que ce est pour auiser les gardes de mieulx estouper les lieux, ou il peut estre pris, ou d’y mettre meilleurs gardes. Et puis tu dis que en toutes manieres de guerres les assaillans ont l’auantage, mais que ilz en soient auisiez. Or parlons un 695 petit des guerres a l’auenture entre toy et moy. Je te dis qu’il est aucune maniere de guerre que les assaillans ont l’auantaige; et sces tu quant c’est? Quant le capitaine ou le conduiseur est plus malicieux et duit de guerre, et il a a faire a foible partie et simple, non usagee de guerre. Encore y 700 a il un autre point [fol. 100 a] qui souuent nuit aux deffendeurs, (supposé que ilz soient fors): c’est trahison ou faulx blandissement de ceulx mesmes, en qui ilz se fioient. Par ce fut pris jadis le fort chastel de Ylion. Et du chastel assailli ne saroies tu ne aultre conseillier comment les pertuis de 705 traison seroient estoupez, car ilz sont trop couuers. Maistre Jehan de Meun enseigne comment le chastel de Jalousie sera assailli et pris. Il ne fait point afin que les deffendeurs estoupent les pertuis, car il ne parle point a eulx, ne il n’est de leur conseil, ains conforte et enorte les assaillans en toute 710 maniere d’assault; ainsi comme se ie te conseilloie la maniere de vaincre ton anemi, ce ne seroit mie afin qu’il se gardast de toy. Et se tu veulx dire il ne l’enseigne pas, mais il dit comment il fu pris, ie te dis que qui raconteroit une malicieuse maniere de faire fausse monnoye ou comment on l’aroit faite, 715 il l’enseigneroit assez, dont ie dy certainement que il ne le fist a aultre fin fors pour entroduire les assaillans.

Apres tu dis ce, dont tu te prens trop bien au las, se le vouloies considerer quant tu ameines Ouide de l’Art d’Amours a ton propos. Et encore la preuues, dont ie te sçay bon gré, 720 quant tu dis que a tort en fu exillé. Tu dis que quant Ouide l’escript, ce fu en latin, lequel n’entendoient femmes; et que il le bailla la seulement aux assaillans pour apprendre a assaillir le chastel, et c’estoit la fin de son liure, mais la jalousie des Romains tresenorme l’[e]xilla sans raison pour celle cause, 725 comme tu [fol. 100 b] dis. Sans faille il me semble, se te fussez bien auisé, n’amennasses ja cellui Ouide de l’Art d’Amours en place pour excusacion de ton maistre. Mais de tant le peux tu bien faire, que c’est le pur fondement et principe de ce liure de la Rose, lequel est mirouer et exemple de 730 bien et chastement viure, ainsi comme il l’a pris ou dit Ouide qui d’aultre chose ne parle fors de chasteté. Ha dieux! comme il appert que ta pure voulenté aveugle ton bon sens, quant tu dis que sans cause fu exillé! Voire que les Romains, lesquelx gouuernoient tous leurs fais par polixie souuerainement ordenee, 735 en cellui temps le chacierent a tort comme tu dis pour cause de jalousie. Et comme tu dis aprés que Meun ne mist pas en son liure tant seulement l’Art d’Amours que Ouide fist, mais beaucop d’aultres aucteurs, doncques par ta raison mesmes est prouué que Meun parle aux assaillans comme 740 Ouide que il prent. Mais tu dis que, de tant comme il recite diuerses manieres d’assaillir, de tant auise il plus les gardes du chastel de eulx deffendre. Voirement fait ainsi comme qui t’assauldroit pour toy occire, (dont dieux te gart) il t’aprendroit comment tu te deuroies deffendre. Il te seroit grant 745 courtoisie, bien l’en deuroies mercier. Au moins ne peus tu nyer que il n’enseigne a faire mal aux assaillans, foibles ou fors que soient li deffendeur.

Encore ne me veulx ie mie taire que tu dis, par jalousie et sans raison fu exillé Ouide, quant les sages Romains virent et 750 apperceurent la peruerse doctrine et le venim engoisseux apresté [fol. 100 vo. a] pour lancier es cuers des jeunes a les attraire a dissolucion et oiseuse, et les engins tendus a deceuoir, prendre, suborner, et soubztraire la virginité et chaasteté de leurs filles et femmes, eulx a bonne cause dolens de telle 755 doctrine semencé[e]. Adonc pour pugnicion voire plus piteuse que souffisante exillerent l’aucteur de telle doctrine. Et n’est pas doubte que son liure ardirent, ou le porent trouuer. Mais de male plante demeure toudis racine. Ha! liure mal nommé Art d’Amours; car d’amours n’est il mie, mais art de fausse, 760 malicieuse industrie de decepuoir femmes puet il bien estre appellez. C’est belle doctrine! Est ce donc tout gaigné que de bien decepuoir ces femmes? Qui sont femmes? Qui sont elles? Sont ce serpens, loups, lyons, dragons, guieures, ou bestes rauissables deuourans et anemies a nature humaine 765 qu’il conuiengne faire art a les decepuoir et prendre? Lisez donc l’Art. Apprenez donc a faire engins, prenez les fort, deceuez lez, vituperez les, assailliez ce chastel, gardez que nulle n’eschappe entre vous hommes et que tout soit liuré a honte! Et, par dieu! si sont elles voz meres, vos suers, voz 770 filles, voz femmes et voz amies, elles sont vous mesmes et vous mesmes elles; or les deceuez assez, car il vault trop mieulx, beau maistre, deceuoir, etc.

Je me ris de ce que tu dis que tu as presté ton liure de la Rose a un homme fol amoureux pour soy oster de fole amour, 775 lequel lui a ia tant prouffité que tu lui as ouy iurer sa foy que c’est la chose qui plus lui a aidié a s’en oster, et tu dis que ce as tu dit pour ce que ie dis a la fin de mon epistre, quans en sont deuenus hermites? RESPONSE. Et ie te promet, [fol. 100 vo. b] se tu eusses appresté a ton ami .i. liure des 780 deuocions Saint Bernart ou aucune bone legende introduisant a sauuement et a demonstrer, qu’il n’est que une seule amour bonne en laquelle on doit fichier son cuer et son affection en la maniere que philosophie le demonstre, a Bouece, ou a aultre chose semblable, tu lui eusses mieulx fait son profit. Mais 785 prens toy garde que ne lui aies baillié l’instrument pour soy oster de la chaleur du soleil et soy gitter en une fournaise toute enbrasee. Et je te diray un aultre exemple sans mentir, puis que nous sommes es miracles du Romant de la Rose. J’ay ouy dire, n’a pas moult, a un de tes compaignons de 790 l’office dont tu es et que tu bien cognois et homme d’auctorité, que il cognoist un homme marié, lequel adioste foy au Romans de la Rose comme a l’euuangile. Cellui est souuerainement jaloux, et quant sa passion le tient plus aigrement, il va querre son liure et lit deuant sa femme, et puis fiert et frappe 795 sus et dit orde telle comme quelle. Il dit: “Voir que tu me fais tel tour, ce bon sage homme maistre Jehan de Meun sauoit bien que femmes sauoient faire.” Et a chascun mot qu’il treuue a son propos il fiert un cop ou .ii. du pié ou de la paume. Si m’est auis que quiconques s’en loue, celle poure 800 femme le compare chier.

Il m’anuye moult si grant prolixité de langage. Car comme anuy est a moy mesmes, suppose que pourra estre aux lisans. Mais pour ce que il me conuient repliquier les choses proposees, [fol. 101 a] aultrement ne seroit entendable, m’en 805 estuet esloingnier ma matiere, si me soit pardonné de qui le tendra a anuy.

Encore ne te peux taire de la Vieille, et dis que quant elle parle a Bel Accueil, elle lui dit auant le cop: “ne vous vueil pas en amours mettre, mais se vous en voulez entremettre je 810 vous monstreray voulentiers, etc.”[124] Et puis si dit que elle lui presche afin qu’il ne soit deceuz.[125] RESPONSE. Vray dieux! comment est ce malicieuse maniere de deceuoir--demonstrer que ce que on fait et dit, quelque mal que ce soit, que c’est a bonne fin, et a cause bonne! Car il n’est si simple, se il 815 apperceuoit la deceuance qu’il ne s’en gardast. Si la fault couurir par cautelle, et le droit tour du malicieux deceueur est commencier langaige par bonne introite pour mieulx parfurnir son malice. Si n’est point de excusance en ceste partie ce que tu as mis auant. Tu dis s’il y a riens mal dit et a 820 diffame du sexe femmenin que il n’en est que reciteur des aultres aucteurs. RESPONSE. Je sçay bien que il n’est mie le premier qui ait mal dit, mais il l’acroist, quant il le recite. Tu dis que ce estoit pour plus enseigner les parties a garder le chastel. RESPONSE. Le mal amonnesté et loué a faire 825 n’est mie a supposer que ce soit affin que on s’en gard. Tu dis que il le fist aussi pour suiure la matiere maistre Guillaume de Lorris. RESPONSE. Cellui qui suit le fouruoyé ne fait mie a excuser si se foruoye. Tu dis que en ce faisant parle de toutes choses en leur estat au proffit de creature humaine, tant 830 [fol. 101 b] a l’ame comme au corps. RESPONSE. On ne l’oit point parler en comun de toutes choses en leur estat, et aussi il parle de pluseurs autrement que leur estat et au dommage de l’ame et du corps, comme il est ia prouué. Tu dis que pour ce parla il de paradis et des vertus pour les suiuir, et 835 les vices pour les fuir. RESPONSE. Voire mais il dit que vices sont vertus, quant par ces parsonnages il loue mal faire comme il est dit. Et de vertus fait vice, quant il dit tant de vitupere et doloreux mal de l’ordre de mariage, lequel est saint et aprouué, et d’aultres bons estas semblablement que il 840 diffame generaument. Et mal parle de paradis, quant il dit (combien que ce soit par moz un pou enuelopez, mais autant vault a dire) que les luxurieux yront en paradis.[126] Et ce fait il dire a Genius lequel escomenie de sa puissance, qui est nulle, ceulx qui ne excercitent l’oeuure de nature. Et les 845 vices enseigne plus proprement que il ne fait les vertus. Tu dis que, de tant comme il parle de vices et de vertus d’enfer et de paradis pres a prés l’un de l’autre, monstre il plus la beatitude des uns et la laidure des aultres. RESPONSE. La beatitude de paradis ne monstre il mie, quant il dist que les 850 malfaicteurs yront. Et pour ce mesle il paradis auec les ordures dont il parle pour donner plusgrant foy a son liure. Mais se mieulx veulx ouir descripre paradis et enfer et par plus soubtilz termes et plus haultement parlé de theologie plus proffitablement, plus poetiquement, et de plusgrant 855 efficace, lis le liure que on appelle le Dant, ou le te fais exposer, pour ce que il est en langue florentine souuerainement dicte. La orras aultre [fol. 101 vo. a] propos mieulx fondé, plus soubtilment, (ne te desplaise) et ou plus tu porras profiter que en ton Romant de la Rose, et cent fois mieulx composé, ne il n’y comparoison (ne t’en courouces ia). Tu dis que Genius ne 860 permet mie paradis aux folz amoreux. RESPONSE. Dyables li feist promettre quant il n’est mie a lui a liurer. Mais tu dis que dame Eloquence lui met sus. Et il parle, ce dis tu, de ceulx qui excerciteront bonnement les oeuures de nature. 865 RESPONSE. Or viens tu a mon propos (dieux mercis!) Vraiement il n’y met ne bonnement ne mauuaisement mais simplement ceulz qui excerciteront les susdictes oeuures. Et dis que ce n’est mie tout un ce faire bonnement, et estre fol amoreux. RESPONSE. De ce [faire] bonnement ne parla il 870 oncques en ce pas. Mais ie te dis que ce est pis estre luxurieux en plusieurs lieux, comme il veult enseigner, que estre fort amoreux en un seul lieu. Tu dis que Nature et Genius n’enortent pas estre fol amoureux, mais ilz enortent suiure les œuures susdictes, lesquelles sont licites aux fins amoureux. 875 RESPONSE. Doncques veulx tu dire, puis que nature ne l’enorte, que estre fort amoureux est contre nature, laquelle chose n’est mie (sauue ta grace). Mais puis que il dit que ilz sont licites aux fins, il conuendroit sauoir en quel maniere les conuient affiner. Tu dis que ce est pour continuer l’espece 880 humaine, et pour laissier le mauuais pechié que on ne doit nommer. RESPONSE. Sans cause se debat tant de ce, car (dieux mercis!) elle ne deffault point, et est chose gastee et foie d’amonnester l’iaue que elle voise son cours. Ne l’autre pechié qu’il veult dire n’est point renommé en France, dieux 885 soit louez! Il n’en conuient ia mettre tel [fol. 101 vo. b] [m]oz en bouche de nullui. Tu dis que combien que tu n’oses, ne vueilles dire que excerciter la dicte oeuure hors mariage ne soit pechés. RESPONSES, sans passer oultre. Voire mais dieux scet que toy et d’aultres disciples comme toy (qui l’ossast 890 dire) en pensses. Mais il s’en fault taire et pour cause. Toutefois ce dis tu: “Est il permis en mariage?” RESPONSE. Dieux en soit louez, ce sauons nous bien. Touteffois ne l’exprime point le liure de la Rose en nul endroit en telle maniere. Mais tu veulz dire que ainsi l’entendi maistre Jehan 895 de Meun, quant il dist ou chappitre de la Vieille cestui mot: pour ce sont fais les mariages par le conseil des plus sages pour oster dissolucion.[127] RESPONSE. Tu le me vas querre biens loings et meines a propos ce qui est dit bien hors propos. La Vieille ne preschoit mie a Bel Acueil de mariage. Elle s’en 900 gardoit moult bien, ne chose que elle die ne tourne a bonne fin. Et si croy que maistre Jehan de Meun ne fist point dire a elle ce mot pour louer mariage, car ce n’estoit mie son office. Et te souuiengne que tu as dit aultre part que ce n’estoit pas Meun qui parloit, ce faisoient les parçonnages chascun en son 905 office. Mais c’estoit il qui dist ce bon mot, et ce n’estoit il mie qui parloit ou chapistre du Jaloux. Et ainsi as ton dit et ton desdit, et est bien loings du propos de Genius dont nous parlons, lequel ne pensa oncques a mariage, le bon homme. Et aussi n’est ce mie ton oppinion, se dieux m’aïst, quoy que tu 910 dies. Et encore pour ce que tant t’efforces de excuser Meun, et veulx gloser que ce vouloit il [fol. 102 a] entendre que on peust excerciter la dicte oeuure licitement au moins en mariage, vient trop mal a propos que en cel estat on doie tant excerciter l’euure et si diligentment; et il tant et si excessiuement 915 blasme la vie que il dist estre en mariage quant il dist, que tant y a de contencion que il n’est nul tant y eust grant voulonté qui ne s’en deust tirer arriere qui le croiroit. Et ainsi seroient mal continuez ces oeuures. Il deust auoir loué l’estat ou l’en les doit faire, pour donner appetis a chascun que il si meist, 920 mais fait tout le contraire. Si est trop mal a propos, ne il n’appert que il l’entende en celle guise. Et toy mesmes, pour mieulx amender la besoingne, dis ensuiuant bien a propos de louer mariage, pour confermer que pour ce le dist il que Saint Augustin dist: “Qui est sans femme espousee, il pense aux 925 choses de dieu pour lui plaire, mais cellui qui y est ioint par mariage pensse les choses qui sont du monde pour plaire a sa femme,” dont tu dis aprés que ce as tu dit pour ceulx qui veullent reprendre par leur langage sans raison aucteur, quelqu’il soit notable et non repris par auant. Si as tresbien 930 prouué que maistre Jehan de Meun, quant il tant parloit de excerciter l’oeuure de nature, que il l’entendoit en mariage. Dieux! comment est ce bien prouué? Voire ainsi comme dit le prouerbe commun des gloses d’Orliens qui destruisent le tieuxte.

935 Encore ne te peux tu taire et fais une aultre grant narracion pour tousiours excuser ton bon maistre. Mais ie ne pense [fol. 102 a] mie a tout relater mot a mot. Car trop m’anuieroit et ia anuye de tant parler de cestui propos; et aussi tout vient assez a une fin. Tu dis que pour ce que 940 chascun n’a pas leu le liure de la Rose, tu reciteras les propres moz de Genius comme ilz sont ou liure. Si en recites voirement pluseurs de ceulx propres que il dit, mais tu en trespasses assés et vas cueillant ça et la ceulz qui mieulx te plaisent, et n’as talent de mettre arriere le bien que il dit 945 parmi le mal. Tu n’oblies mie que il dit que on rende l’autruy qui l’a, et que on soit piteux et misericors et telz choses. Voire, et que on face les oeuures dieu, de par dieu, et on yra en paradis! Je croy que il vouloit suiure l’ordre et la secte des turlupins et ainsi mesloit venin auec miel et doulce liqueur 950 auec fiel, ve la le bien qui y est.

Je ne sçay a quoy tant nous debatons ces questions, car ie croy que toy ne moy n’auons taillent de mouuoir noz oppinions. Tu dis qu’il est bon; je dis qu’il est mauuais. Or me solz qui soit bon; et quant toy auec tes autres complices 955 arez assez debatu par voz soubtilz raisons et tant poures faire que mal soit bien, je croiray que le Romant de la Rose soit bon. Mais je sçay bien que il est propre a ceulx qui veulent malicieusement viure et mieulx eulx garder d’aultrui que ilz ne veulent que aultrui se gart de eulx, mais a ceulx qui veulent 960 bien et simplement viure sans trop enuelopper es voluptés du monde ne aultrui deceuoir, ne que aultre les deçoiue, ce liure n’a mestier; et vrayement je aimeroie mieulx estre du part des opposites que de ses complices, car ie ay oppinion que mendre part en ait le loup. Et comme dit le bon preudomme[128] 965 qui composa la plaidoierie dessusdicte: “Pleust a dieu que telle rose n’eust oncques esté plantee ou jardin de chretienté,” combien que tu te dies estre de ses disciples; et puis que le veulx estre, si le soies. Quant a moy je renonce a sa discipline. Car ie temps a autre que ie cuide estre plus proffitable, 970 et qui mieulx m’est agreable; et si ne suis mie seule en celle oppinion, ne sçay pourquoy plus que aux aultres vous en prenez a moy entre vous ses disciples. Ce n’est mie honneur soy prendre a la plus foible partie; il y a si grant foison de sages docteurs, dignes de foy et pleins de science, et vraiement 975 si y a il des grans princes de ce royaume et cheualiers, et nobles, et pluseurs aultres qui sont de la mesme opinion que ie suis, et tienent que ce est lecture inutile et non honorable. Pourquoy entre vous n’alez vous desrompre la grosse tige de l’arbre, et faire tant que il soit estirpé et esrachié, et la racine, 980 dont puet venir et sourdre la ceue et liqueur, soit toute amortie, non mie vous prendre aux petites branches par dessure, qui n’ont force ne vertu; pour cuidier tout estirper (qui) vous en prenez a moy, qui ne suis fors comme la vois d’un petit grisillon qui toute iour bat ses eletes et fait grant noise et tout 985 est noyant enuers le hault chant delictable des gracieux oisiaulx.

Mais tu dis que tu ne te peux assez merueillier comment personne ose blasmer non pas seulement lui, mais ceulx qui prisent et aiment son liure de la Rose. RESPONSE. Je ne me 990 puis assez merueillier comment personne ose entreprendre a louer cellui liure, ouquel sont comprises maintes materes souffisentez a mettre cuer humain ou dampnable herreur. Tu dis que quant a toy, plus desires estre [fol. 102 vo. b] repris pour prisier et amer son liure que estre des trop soubtilz 995 blasmeurs. Tu ressembles en ceste partie celle qui dist que mieulx ameroit estre meretrix appellee de cellui que elle aimeroit par amours que estre royne couronnee.[129] Si appert bien que les voulentez qui mieulx plaisent ne sont mie toutes raisonnables.

1000 Tu dis que sachent tuit que il reste encore .vii. mille, qui sont tous prestz de le deffendre. RESPONSE. C’est rigle general que mauuaise secte acroist volentiers aussi comme la mauuaise herbe, mais la plus grant quantité ne fait mie pourtant a presumer estre meilleur. Et se dieux plaist a ja si 1005 grant assemblee n’en sera faicte. Ce n’est mie article de foy; tiengne chascun ce qu’il vouldra. Tu dis que, s’il eust esté du temps de entre nous qui le blasmons, tu deisses que nous eussions haine particuliere a sa personne. Mais nous ne le veismes oncques, dont tu ne peux ymaginer dont ce vient. 1010 RESPONSE. Pour ce que oncques ne le veismes, ne oncques ne nous meffist, as tu mieulx cause de penser que droicte vraye pure verité nous meut, car le haineux ne doit estre creu. Se non, ce dis tu, qu’il viengne de la haultece du liure plus habile a receuoir les vens des soufflez enuieux, car ignorance 1015 n’en est point cause de tel y a. Ce dis tu ce n’est pour cause de pou lire le dit liure. RESPONSE. Tu pues estre certain que le bon preudomme qui le blasme, dont tu veulx dire que n’est mie par ignorance, il n’a mie enuie sur cellui liure, car ie croy que la haultece de sa tres esleue[e] vie ne lui lairoit [fol. 1020 103 a] auoir enuie de plus digne chose. Quant est de moy, nonobstant mon ignorance, je te promet n’y ay aucune enuie. Et pourquoy aroye? Il ne me fait ne froit, ne chault, ne mal, ne bien, ne toult, ne donne, ne il ne parle de l’estat dont ie soye parquoy aye cause de indignacion? Car ie ne suis mariee, 1025 ne espoir estre, ne religieuse, aussi n[ul]e chose qu’il die ne me touche. Je ne suis Bel Acueil, ne ie n’ay paour de la Vieille, ne boutons n’ay a garder. Et si te prometz que i’aime beaulx liures et soubtilz et bien traictiez, et les quiers et cerche, et les lis voulentiers, si rudement comme les sache entendre, et si 1030 n’aime point cellui de la Rose, la cause si est simplement et absoluement pour ce que il est de tres mauuaise exortacion et deshonneste lecture, et qui plus penetre en corage mal que bien. Et puet estre, selon mon iugement, cause de dampnacion et dampnement de vie a ceulx qui l’oient, et qui s’i delictent, 1035 et de traire a deshonnestes meurs. Si te iure sur mon ame et par ma creance que autre cause ne me meut. Et ce que tu dis aprés que puet estre que le blasmons pour donner plus grant appetit de le veoir, et ainsi seroit nostre opinion bonne. Tu pueux estre certain que ce n’est pas nostre motif.

1040 Apres tout ce, tu me appelles de plus grant valeur que ie ne suis, tienne mercy; et dis que tu me pries que ie garde l’onneur que i’ay a garder; et que, se on m’a louee pour ce que i’ay tiré d’un voulet pardessus les tours de Nostre Dame, que ie ne tasche pas a ferir la lune d’un bouchon pesant; et 1045 que me garde de ressembler le courbel, que pour ce que on [fol. 103 b] loua son chant, commença chanter plus hault et laissa cheoir la buschete. RESPONSE. Vraiement je ne pourroie d’aucune chose respondre si proprement comme de mon propre fait. Si puis en ceste partie tesmoingnier verité de 1050 certaine science. Tu m’adioins ou accuses comme de presompcion de moy mesmes. Si te iure sur ma foy que oncques ne presumay auoir si hault lancé comme sur les tours Nostre Dame. Ne sçay comment plus hault tascheroie ne pour cuidier hault chanter, ne me cherra ia buschete; car ie repute 1055 mon fait et mon sauoir chose de nulle grandeur. Aultre chose n’y a quelconques, fors tant je le puis bien dire veritablement que i’ame l’estude et vie solitaire, et par frequenter et excerciter ycellui puet bien estre que g’i ay cueilli des basses flouretes du jardin delicieux, non pas monté sur les haulx arbres 1060 pour cueillir de ce beau fruit odorant et sauoureux, non mie que l’appetit et la voulenté n’y soit grant, mais foiblece d’entendement ne le me sueffre, et mesmes pour l’odeur des flourettes, dont j’ay fait graisles chappellez. Ceulx qui les ont voulus auoir, a qui ne les osasse ne pensse veer, se sont 1065 esmerueillez de mon labour, non pour la grandeur qui y soit, mais pour le cas nouuel qui n’est acoustumé. Si ne s’en sont mie teus non obstant ait esté long temps celé. Et te promet que a ma requeste n’est manifestez. Et se veulz dire que aucunes choses aye faictes ou nom de singulieres personnes, 1070 ce a esté despuis que ia en estoit commune renommee. Ce ne dis ie mie pour nulle excusance, car il n’en est besoing, mais pour oster toute oppinion qui pourroit estre que en mon fait presumasse aucune auctorité. Et supplie toy et tes consors en oppinion, ne me sachiez mal gré pour cause [fol. 103 vo. a] 1075 de mes escriptures, et du present debat sus le liure de la Rose. Car d’auenture auint le commencement et non mie de volenté proposee, quelque oppinion que g’y eusse, ainsi comme tu le pueux veoir en un petit traictié, ou ie deuisay le premier motif et le derrenier terme de nostre debat. Et trop me seroit 1080 grief estre subgiette a tel seruitude que n’osasse respondre a autrui verité selon ma conscience de la chose, qui ne puet tourner a preiudice, ains puet auiser plus sage de plus auant penser que il n’a consideré par long temps, car comme dit un commun prouerbe, a la fois auise un fol un sage. Et c’est neant 1085 que tu dis que l’eglise saincte, ou tant a eu de vaillans hommes depuis qu’il fu fait, l’a souffert par long temps sans reprendre, attendoit que moy et les autres le venissions reprochier; car tu sces que toutes choses sont meues a certain temps, ne riens n’est long enuers l’espace des ans. Et souuent auient que 1090 par une pointellete est curee une grant enfleure. Comment a souffert l’eglise saincte demourer si long temps l’oppinion de la concepcion de Nostre Dame, qui plus est chose notable sans en reprendre nullui; et n’a gaires que ce qui oncques n’auoit esté debatu est venu auant par si grant esmeute, et si n’est ce 1095 pas article de foy, aussi n’est cecy. Si en croye chascun ce qui lui plaist le mieulx. Et quant a moy, plus n’en pense faire escripture, qui que m’en escrise, car ie n’ay pas empris toute Saine a boire. Ce que i’ay escript est escript. Non mie tairé pour doubte de mesprendre quant a oppinion, combien 1100 que faulte d’engin et de sauoir me toult beau stile, mais mieulx me plaist excerciter en aultre matiere mieulx a ma plaisance. Si pry tous ceulz qui mes petiz dictiez verront, que ilz vueillent supploier le deffault de mon sauoir par [fol. 103 vo. b] consideracion de la personne, et prendre tout a bonne fin et entencion 1105 pure, sanz laquelle ne vouldroie aucune chose mettre auant. Si feray fin a mon dictié du debat non hayneux, commencié, continué, et finé par maniere de soulas sans indignacion a personne. Si pry la benoite Trinité Parfaicte et Enterine Sapience, qu’il vueille toy et tous ceulx par especial 1110 qui aiment science et noblece de bonnes meurs enluminer de si vraye clarté que estre puissent conduis a la ioye celestiele. Amen.

Escript et complet par moy Christine de Pizan le iie jour d’octobre l’an mil c.c.c.c. et deux.

1115 Ta bien vueillant amie de science, Christine.

[Document XIII. Notes]

[l. 6] (cette) celle Mss. A B F.

[l. 12] (qui) followed by choses A F.

[l. 22] (pieça) depuis longtemps B. (a cause de) puis (sus?) F.

[l. 34] (en liure) ou liure B.

[l. 36] (tu n’oseroies) n’oseroient A.

[l. 37] (nous) wanting B.

[l. 40] (pourroies) pourroye B. (tes) mes B.

[l. 46] (tu) comme B.

[l. 49] (le) wanting B.

[l. 55] (la) wanting B.

[l. 71] (et) ou A. (i’en) ie B.

[l. 72] (entendist) m’entendist B.

[l. 74] (deshonneste) deshonnestement B.

[l. 83] (a ceste question ... response) a cet demande que tu me disse F. (a ceste) aincois que B.

[l. 87] (que) wanting B.

[l. 89] (que) wanting B.

[l. 97] (feray) partly erased A.

[l. 109] (F. mie) wanting F.

[l. 110] (raisonnable oppinion) interverted B. (Rommant) wanting A F.

[l. 112] (bien que) bien comme B.

[l. 144] (tu erres) tu ti tiens F.

[l. 149] (les questions) le questions, A F.

[l. 154] (a son droit,) wanting B.

[l. 158] (dit) wanting A.

[l. 166] (n’en) ne B. (mie) ia B.

[l. 169] (avoir l’experience) wanting F. In original of A B misled by ‘choses’ preceding.

[l. 176] (a moy) followed by a moy B.

[l. 179] (seur) honneste B.

[l. 183] (que la chose peust) de la chose qu’elle peust F.

[l. 185] (et plus) ou pour plus F.

[l. 187] (qui ne) que F.

[l. 189] (dit) dist F as usual.]

[l. 193] (mie) wanting F.

[l. 194] (et) ou B.

[l. 216] (on) wanting B.

[l. 219] (c’est comme) c’estat F.

[l. 224-5] (on en doye) ou s’en doye A.

[l. 225] (on en puet) on ne puet A.

[l. 231] (tu soustiens auec ycelle) tu auec soustiens celle F.

[l. 244] (cy) ya F.

[l. 245] (l’en) on F.

[l. 250] (ce) si F.

[l. 254] (fust) feust B.

[l. 261] (chacié) chaciee B chastier F.

[l. 262] (dis) dit F.

[l. 269] (ad) a F.

[l. 279] (mie) pas F.

[l. 280] (mie) wanting F.

[l. 285-6] (par dieu) wanting F.

[l. 286-7] (que honte ne t’en garde) wanting F.

[l. 289] (tel) ce F.

[l. 299] (philosophe ou) wanting F.

[l. 301] (et Salemon) et wanting F.

[l. 302] (corigier) wanting F.

[l. 303] (cours) followed by et F.

[l. 306] (ycellui) celluy F.

[l. 307] (fust) fut F.

[l. 311-12] (a folement amer) a fole amour B.

[l. 322] (en) wanting B.

[l. 328] (deffendi) deffend A, descendy F.

[l. 331] (se) ce F. (il) followed by a, F. (son) soy F.

[l. 334] (que) qui F.

[l. 335] (jeu) gieu B dieu F.

[l. 339] (c.] six F.

[l. 340] (delicteux) delicieux.

[l. 344] (mes) wanting B.

[l. 345] (comme) quant F.

[l. 346] (2. les) wanting B.

[l. 349-50] (et entremeslent diuers metaulx et matieres) wanting F.

[l. 355] (de nulle) followed by de nulle (sic) F.

[l. 358] (quant) Mss. quans.]

[l. 360] (faire) wanting F.

[l. 365] (lauray) laray B. (conuenir) wanting F. (bien t’en scara respondre) bien t’en sara conuenir B, bien se sera respondre et deffendra F.

[l. 370] (estre) precedes tous deux F.

[l. 372] (fust) fut F.

[l. 376] (fust) fut F.

[l. 377] (oncques) wanting F. (esté) estre F.

[l. 382] (solucions) followed by et arguments F.

[l. 393] (sa) la sienne F.

[l. 394] (deceu) followed by et F. (C’est assauoir) followed by de F.

[l. 396] (dit) followed by de F.

[l. 400] (parles a voulenté) parles et de voulanté F.

[l. 400-1] (c’est du propre) n’est ce du propre? F.

[l. 403] (hardiement dire) dire hardiement F.

[l. 408] (en brief) en bien brief F.

[l. 413-14] (Tu trouueras) followed by les histoires B.

[l. 414] (dame) wanting B.

[l. 416] (fust) fut F.

[l. 420] (maniere d’effat) mauvais effait F.

[l. 429] (un seul) followed (beyond ordinary line) by ieune enffant A.

[l. 435] (fust) fut F.

[l. 436] (plus tost) tost F.

[l. 441] (brebis) berbis A.

[l. 442] (pour les condicions) wanting F.

[l. 444] (meurs) condicion F.

[l. 446] (pensee) pense A pansee F. (cuide) cuiday B. (ainsi) aussy F].

[l. 447] (que) wanting F.

[l. 450] (oncques) followed by ne F.

[l. 457] (mains aultres) aultres mains F.

[l. 458] (sens) wanting F. (corps) followed by scens F.

[l. 459] (ce) followed by telz F.

[l. 460] (feroies ycy) diras y a F.

[l. 463] (mesmement) bonnesment B.

[l. 466] (dame Eloquence, qui parle de Fol Amoureux dont Meun parle) wanting F.

[l. 468] (bien) bon F.

[l. 470] (lo) l’ay F.

[l. 472] (des) de F.

[l. 478] (fallacieux) falieux F.

[l. 481] (telz) tieulx B. (titres) fais F.

[l. 492] (a) en F.

[l. 496] (quoy) followed by en ce que ie re (sic) repprens F.

[l. 497] (dis) wanting F.

[l. 498] (Si te) se je F.

[l. 499] (acoustré) acoultre F.

[l. 507] (trop) tres F.

[l. 510] (t’en passes) trespasses B.

[l. 511] (comme) followed by ie F.

[l. 518] (ou langaige) en lengage B. (est) wanting F.

[l. 519] (leu) veu B. (grigneur) greigneur B F.

[l. 521] (homme) followed by homme F. (volontaire) volomptaire F.

[l. 523] (rauales) trauailles B.

[l. 528] (qui) wanting F. (femmelette) followed by qui F.

[l. 533] (periller) perillez A. (en voye de periller) en peril de perillier F.

[l. 536] (conseilles) conseiller B. (je) followed by me B.

[l. 540] (errachier) esracher B, erragier F. (les) le A.

[l. 544] (jeu) gieu B F.

[l. 546] (telz) tieulx B. (il les) il F.

[l. 547] (a) de F.

[l. 552] ou autant) et tant F.

[l. 555] (comme son office) comme passionné A. (oncques) aucques A, auques B.

[l. 556] (vituperer) vituperez A F.

[l. 559] (passe) pense B.

[l. 564] (dis) vuelz dire F.

[l. 565] (s’en) se F.

[l. 566] (telles) celles F.

[l. 570] (t’en) toy F.

[l. 574-5] (que tu dis qu’il parle comme Jaloux) wanting F.

[l. 577] (t’en fai) te fais F. (t’en) fais B.

[l. 584] (oppinions) l’oppinion F.

[l. 590] (en) ou B.

[l. 592] (et attrayans) ot attrayans B.

[l. 595] (en) es F.

[l. 610] (comme) comment B.

[l. 611] (ne) wanting F. (sobzrie) souscie F. (ia) ie A.

[l. 614] (aux) wanting AB.

[l. 616] (lit) list F. (enseignemens) enseignement B.

[l. 619] (aussi) ainssy F.

[l. 621] (deuoz) deuote F. (plairont) plairoit F.

[l. 627] (a) au F.

[l. 629] (car) preceded by Et F.

[l. 634] (l’aucteur) acteur F.

[l. 643] (a) de F.

[l. 648] (vice) vices F.

[l. 651] (Salomon) wanting F.

[l. 656] (veoir) wanting F.

[l. 657] (aussy) ossy F.

[l. 658] (qui) followed by y B.

[l. 662] (ou) et F.

[l. 666] (1. bien) mau F. (2. bien) mal F.

[l. 671-2] (estre bone telle lecture qui honnestement ne puet) wanting A B.

[l. 679] (que) perhaps que [oïl] etc.

[l. 680] (fust) fut F.

[l. 685] (tu puis) tu F. (parolles) nouuelles B.

[l. 691] (lieux) followed by par F.

[l. 700] (nuit) nuist F.

[l. 701] (c’est) ceste F.

[l. 709] (toute maniere) toutes manieres B.

[l. 711] (vaincre) vanitee A, vaintié F.

[l. 712] (Et se) wanting F.

[l. 713] (fu) fut F.

[l. 714] (monnoye) malicieuse B. (faite) faire A.

[l. 719] (encore) ancores B. (la) le B.

[l. 724] (tres)enorme thus F, B reads innorme, A norme.]

[l. 726] (fussez) feusses B. (auisé,) followed by tu F.

[l. 733] (fu) fut F.

[l. 735-6] (pour cause de jalousie. Et comme tu dis) wanting F.

[l. 736] (aprés) followed by dis F.

[l. 743] (t’assauldroit) t’asaulrois F.

[l. 744] (seroit) feroit B.

[l. 748] (veulx) vueil B, voeil F.

[l. 758] (toudis) wanting F.

[l. 759] (fausse) faulse et B.

[l. 762] (ces) les B.

[l. 766] (Apprenez donc) Apprenez F.

[l. 768] (nulle n’eschappe) nulles n’eschappent F.

[l. 772] (maistre) sire F.

[l. 775] (lui) wanting F.

[l. 777] (ie) wanting A.

[l. 779] (appresté) presté F.

[l. 783] (a Bouece) a Boué B, a Besce F.

[l. 785] (aies) ailles B F. Two letters are erased in A. (baillié) bailler B.

[l. 794] (lit) list F.

[l. 799] (celle) telle F.

[l. 804] (m’en) mais F.

[l. 805] (estuet) jeteus F.

[l. 807] (peux) puis F.

[l. 809] (amours) amour F.

[l. 810] (vous) followed by en B. (dit) dist F.

[l. 812] (demonstrer) demonstre F.

[l. 814] (bonne) bon A.

[l. 815] (qu’il) qu’i A. (s’en) se F.

[l. 823] (enseigner) enseigneur A.

[l. 825] (s’en) se F.

[l. 827] (suit) suist F.

[l. 828] (si se) se il se B, s’il F.

[l. 830] (On) Mss. read il.]

[l. 831] (l’oit) l’ait F.

[l. 834-5] (et les vices pour les fuir) wanting B.

[l. 836] (ces) ses F.

[l. 844] (excercitent) exerciteront B.

[l. 847] (de paradis) des uns B. (l’un) l’oing F.

[l. 849] (dist) dit B.

[l. 851] (plusgrant) plus F.

[l. 858] (profiter) preceded by plus F.

[l. 861] (Dyables) deable B, dyable F.

[l. 862] (li) lui B. (liurer) donner F.

[l. 867] (susdictes) dessusdictes F.

[l. 868] (un) bien B.

[l. 872] (et) ne B.

[l. 878] (maniere) followed by ains dist plainement et alulie toutes pour tous et tous pour toutes F.

[l. 880] (le) les F.

[l. 882] (deffault) dessout F. (et est) c’est F.

[l. 883] (voise son cours) coure contre val F.

[l. 887] (hors) followed by de B.

[l. 907] (parlons) parliens F.

[l. 914] (si) wanting F.

[l. 915] (mariage) followed by et F. (quant il dist, que) wanting F. (1. and 2. dist) dit B.

[l. 916] (y a) wanting F. (y a ... voulonté qui) conte quonque il neust nul quelque grant y eust voulenté quil ne B. (grant) wanting F.

[l. 920] (mais) followed by il F. (tout) wanting A. (ne il n’appert) que il appert A.

[l. 923] (louer) leur F.

[l. 926] (pour plaire a sa femme) wanting B.

[l. 932] (ainsi comme dit le prouerbe commun) wanting F.

[l. 933] (gloses) choses F.

[l. 934] (tieuxte) followed by comme dist le prouerbe comun F.

[l. 935] (aultre) wanting B.

[l. 937] (mot a mot) de mot en mot F.

[l. 938] (ia anuye) ia m’anuye A.

[l. 940] (propres) propos B.

[l. 944] (que il dit parmi le mal. Tu n’oblies mie) wanting B.

[l. 950] (ve la) veez B.

[l. 952] (que) ne F.

[l. 954] (qui) quil B.

[l. 956] (croiray) croire F.

[l. 959] (gart de eulx) garde d’eulx B.

[l. 962] (part) parti F.

[l. 966] (telle) celle F.

[l. 967] (ses) ces F.

[l. 969] (temps) tends B.

[l. 971] (aux) a A.

[l. 975] (si y a) si a A.

[l. 977] (honorable) honorables A F.

[l. 979] (arbre) abre A. (estirpé) escripte A.

[l. 982] (ne) wanting F. (tout estirper) tout esciper A, wanting F. (1. qui) error for comme(?)

[l. 984] (eletes) esles B.

[l. 990] (a) wanting B.

[l. 991] (maintes) saintes B.

[l. 992] (souffisentez) souffisantes B F. (ou) en B. (herreur) erreur B.

[l. 995] (celle) Heloiyse du Paraclit F.

[l. 996-7] (cellui que elle aimeroit par amours) maistre Pierre Abalart F. (cellui) celle A. (ameroit) amoit B. (que estre royne ... raisonnables) wanting B.

[l. 1001] (rigle) riche F.

[l. 1003] (herbe, mais) herbe, mais en plusieurs choses B F.

[l. 1007] (deisses) deusses A.

[l. 1009] (veismes) vismes F.

[l. 1014] (ignorance) l’ignorance F.

[l. 1018] (mie) aucune B, nulle F.

[l. 1020] (auoir) wanting F.

[l. 1021] (je te promet) wanting B.

[l. 1023] (toult) oste F. (de l’estat) d’estat B.

[l. 1024] (parquoy) pourquoy B. (suis) followed by ne B.

[l. 1028] (bien) biaux F. (et les quiers et cerche) et les quiers et les cerche B.

[l. 1033] (dampnacion) preceded by la B.

[l. 1035] (de traire) doctrine B, dactraire F.

[l. 1043] (pardessus) par sus B.

[l. 1044] (tasche) tause F. (d’un bouchon) du ciel d’ung bouion F, d’un bougion B.

[l. 1047] (buschete) bouchee F.

[l. 1050] (m’adioins) me imputes B.

[l. 1052] (lancé) lengage B. (sur) sus B.

[l. 1054] (buschete) bouchee F.

[l. 1055] (chose) wanting B.

[l. 1057] (i’ame) je ayme F, i’aime B.

[l. 1057-8] (et excerciter) wanting F.

[l. 1064] (se) ce B.

[l. 1065] (soit) fait F.

[l. 1066] (pour) wanting B.

[l. 1074] (mal) mauuais B.

[l. 1076] (d’auenture) wanting F. (de) la B.

[l. 1077] (g’y eusse) ie y eusse B.

[l. 1078] (ie) te B.

[l. 1081] (la) wanting B F.

[l. 1082] (de) et F.

[l. 1085] (eu) wanting A.

[l. 1087] (attendoit) attendroit A, preceded by elle F.

[l. 1090] (une) followed by petite F.

[l. 1093] (gaires) after n’auoit F. (oncques) after n’auoit B.

[l. 1096] (mieulx) followed by qui pourra F. (pense) followed by a A.

[l. 1098] (Non mie) nonne A.

[l. 1101] (plaist) followed by a B. (mieulx) wanting B.

[l. 1111] (conduis) condis F. (celestiele) celle stille(?) F.

[l. 1116] Christine de Pizan F.

[119] Cf. “Vous vous tuez com fait le pellicant.” E. Deschamps,