III.--THE TREATISE OF JEAN DE MONTREUIL. - IV.

I.--“EPISTRE AU DIEU D’AMOURS” OF CHRISTINE DE PIZAN.

See M. Roy, Œuvres poétiques de Christine de Pisan (Soc. des anc. textes franç.) t. II., p. 1 sqq.

See editions by F. Heuckenkamp, Halle, 1891, and by M. Roy, op. cit., t. II., p. 29 sqq.

Now lost.

CHRISTINE TO JEAN DE MONTREUIL.[30]

[fol. 88 verso b] Christine

A moult souffisant et scauent personne, maistre Jehan Johannes, secretaire du roy nostre sire et preuost de Lisle.

Reuerence, honneur auec recommendacion a vous, monseigneur le preuost de Lisle, treschier sire et maistre sage en 5 meurs, ameur de science, en clergie fondé, et expert de rethorique, de par moy Christine de Pizan, femme ignorant d’entendement et de sentement legier, pour lesquelles choses vostre sagece aucunement n’ait en despris la petitece de mes raisons, ains vueille supploier par la consideracion de ma femenine 10 foiblece. Et comme il vous ait pleu de vostre bien (dont vous mercy) moy enuoier un petit traictié ordenné par belle rethorique et voirsemblables raisons, lequel est de voz ditz fait en reprenant, comme il me semble, aucuns blasmeurs de la compilacion du Romant de la Rose en aucunes pars et moult soustenant 15 icellui, et approuant l’œuure et les aucteurs d’ycelle et par especial Meun, je, ayant leu et consideré vostre dicte prose et compris l’effect selons la legiereté de mon petit engin (combien que a moy ne soit adreçant, ne response ne requiert, mais meue par oppinion contraire a vos diz et acordant a l’especial 20 clerc soubtil a qui vostre dicte epistre s’adrece) vueil dire, diuulguer et soustenir manifestement que (sauue vostre bonne grace) a grant tort et sans cause donnez si parfaicte louenge a celle dicte œuure, qui mieulx puet estre appellé[e] droicte oisiueté que œuure utile, a mon jugement; [fol. 89 a] et combien que 25 moult reprenez les contredisans, et dites: “que grant chose est d’ainsi comprendre”; “ce que un aultre dit tesmoingne mieulx” “a construit et mis sus par grant estude et a long trait,” etc, ne me soit imputé a presompcion d’oser repudier et reprendre aucteur si solennel et tant soubtil. Mais soit nottee la ferme et 30 grant oppinion, qui me meut contre aucunes particularitez qui ou dit [traictié] sont comprises. Et, au fort, chose qui est dicte par oppinion et non de loy commandee se puet redarguer sans prejudice. Et combien que ne soye en science aprise ne stilee de language soubtil, dont sache user de belle arrenge 35 et moz polis bien ordenez qui mes raisons rendissent luisans, pour tant ne lairay a dire materielment et en gros vulgar l’oppinion de mon entente, tout ne le sache proprement exprimer en ordre de paroles aournees.

Mais pourquoy ay je dit deuant que mieulx peust estre 40 appellee oisiueté? Sans faille il me semble que toute chose sans preu, non obstant soit traictie, faicte, et acomplie a grant labeur et peine, puet estre appellee oyseuse, ou pis que oyseuse, de tant comme plus mal en ensuit. Et comme ia pieça pour la grant renommee commune du dit romans, desiray le veoir, 45 apres que cognoiscence m’ot un peu fait entendre choses soubtilles, le leus et consideray au long et au lé, le mieulx que le sceus comprendre. Vray est que pour la matere, qui en aucunes pars n’estoit a ma plaisance, m’en passoye oultre comme coq sur brese; si ne l’ay planté veu. Neantmoins [fol. 89 b] 50 demoura en ma memoire aucunes choses traicties en lui, que mon jugement condempna moult, et encore ne puet approuer pour contraire louenge d’autre gent. Bien est vray que mon petit entendement y considere grant ioliueté; en aucunes pars tressolennelement parle de ce qu’il voult dire et par moult 55 beaux termes et vers gracieux bien leonimez; ne mieulx ne pourroit estre dit plus soubtilment, ne par plus mesurez trais, de ce qu’il voult traictier.

Mais en accordant a l’oppinion, a laquelle contredisés sans faille a mon auis, trop traicte deshonnestement en aucunes 60 pars, et meismement ou parçonnage que il claime Raison, laquelle nomme les secrez membres plainement par nom. Et ad ce que son oppinion soustenez, et communiquez que ainsi doye raisonnablement estre fait, et alegués que es choses que Dieu a faictes, n’a nulle laidure, et par consequent n’en 65 doit le nom estre eschiué. Je dis et confesse que voirement crea Dieu toutes choses pures et nettes venans de soy; n’adonc en l’estat d’innocence ne eust esté laidure les nommer; mais par la polucion de pechié deuint homme immonde, dont encore nous est demouré pechié originel, ce tesmoingne l’escripture 70 sainte. Si comme par comparaison puis alleguer: Dieux fist Lucifer bel sur tous angelz, et lui donna nom tressolennel et bel, qui puis fu par son pechié ramené a orrible laidece par quoy le nom, tout soit il de soy tres bel, si donne il orreur aux oyans pour l’impression de la personne.

75 Encore proposez que Jhesucrist en parlant des pecherresses les appella meretrix, etc. Et que il les appellast [fol. 89 verso a] par cellui non, vous puis souldre que cellui nom de meretrix n’est mie deshonneste a nommer selon la vilté de la chose; et plus vilment pourroit estre dit meismes en latin; et que 80 honte doie estre deboutee en parlant en publique des choses dont nature mesmes se hontoie. Je dis que (sauue la reuerence de l’aucteur et la vostre) grant tort commettez contre la noble vertu de honte, qui de sa nature reffraint les goliardises et deshonnestetez en diz et fais; et que ce soit grant 85 vice et hors ordre de policie honneste et de bonnes meurs appert en mains lieux de l’escripture saincte; et que ne doye estre repudié le nom ne que se[s] reliques fussent nommées. Je vous confesse que le nom ne fait la deshonnesteté de la chose, mais la chose fait le nom deshonneste. Pour ce selon mon 90 foible auis en doit estre parlé sobrement, et non sans necessité pour fin d’aucun cas particulier comme de maladie ou aultre honnesteté necessaire. Et si comme naturelment les mucierent noz premiers parens, deuons faire en fait et en parole.

Et encore ne me puis taire de ce dont trop sui mal content, 95 que l’office de Raison, laquelle il mesmes dit fille de Dieu, doie mettre auant telle parole et par maniere de prouerbe, comme ie ay nottee en ycellui chapittre la ou elle dit a l’Amant que en la guerre amoureuse vault mieulz deceuoir que deceu estre.[31] Et vrayement je ose dire que la Raison, maistre 100 Jehan de Meun, renia son pere a celluy mot; car trop donna autre doctrine. Et que mieulx vaulsist l’un que l’autre, s’ensuiuroit que tous deux fussent bons, qui ne puet estre. Et je tiens par oppinion contraire que moins est [fol. 89 verso b] mal, a royalment parler,[32] estre deceu que deceuoir.

105 OR ALONS OULTRE en considerant la matiere ou maniere de parler qui au bon auis de pluseurs fait a reprochier. Beau Sire Dieux! quel orribleté! quel deshonnesteté! et diuers reprouués enseignemens recordé ou chapitre de la Vieille. Mais pour Dieu, qui y pourra notter fors enortemens 110 sophistes tous plains de laidure et toute vilaine memoire? Ha! hay! entre vous qui belles filles auez et bien les desirez entroduire a vie honneste, bailliez leur, bailliez et querez le Romant de la Rose pour apprendre a discerner le bien du mal--que dis ie--mais le mal du bien! Et a quel utilité ne a quoy profite 115 aux oyans ouir tant de laidures?

Puis ou chapitre de Jalousie, pour Dieu, quelz grans biens y peuent estre nottez? n’a quel besoing recorder les deshonnestetez et laides paroles, qui assez sont communes en la bouche des maleureux passionez d’ycelle maladie? Quel bon exemple 120 ne entroduction puet estre ce? Et la laidure, qui la est recordee des femmes! Dient pluseurs en lui excusant que ce est le Jaloux qui parle, et voirement fait ainsi comme Dieu, qui parla par la bouche Jeremie. Mais sans faille quelsque adicions mençongeuses qu’il ait adioustees, ne peuent (Dieux 125 mercis) en riens amenrir ne rendre empirees les condicions des femmes. Ha! Hay! et quant il me souuient des faintises, Faulz Semblans, et choses dissimulees en mariage et autre estat que l’en peut retenir d’ycellui traictié--certes je juge que moult sont beaulx et proffitables recors a ouir! [fol. 90 a].

130 Mais le personnage qu’il appelle le prestre Genius dit merueilles! Sans doubte les œuures de nature fussent ja pieça du tout faillies, se il tant ne les eust recommandees. Mais pour Dieu! qui est cil qui me sceust declairier ou souldre a quoy peut estre proffitable le grant procés plein de vitupere, 135 qu’il appelle Sermon comme par derrision de saincte predicacion, qu’il dit que fait cellui Genius, ou tant a de deshonnestetez et de noms et moz sophistes trouuez plus atisans les secrez de nature, lesquelz doiuent estre teus et non nommez? Et puis que point ne voit on descontinuer l’euure qui par 140 ordre commun faillir ne puet; car se autrement fust, bon seroit pour le proffit de generacion humaine trouer et dire moz et termes atisans et enflamans pour inanimer homme a continuer l’œuure. Encore plus fist l’aucteur, (se bien en ay memoire) dont trop ne me puis merueillier a quel fin. Car ou 145 dit sermon il ioint auec en maniere de figure paradis et les joyes qui la sont. Bien dit que en cellui yront les vertueux; et puis conclut que tous entendent, hommes et femmes sans espargnier, a perfurnir et exerciter les œuures de nature; ne en ce ne fait excepcion de loy, comme se il voulsist dire, mais 150 dit plainement que ilz seront sauuez. Et par ce semble que maintenir vueille le pechié de luxure estre nul, ains vertu, qui est erreur et contre la loy de Dieu. Ha! quel semence et quel doctrine! quans grans biens en peuent ensuiuir! Je croy que mains en ont laissié le monde, et entrés en religion, ou 155 deuenus hermites pour celle saincte lecture, [fol. 90 b] ou retrais de male vie et esté sauuez de tel enortement, qui sans faille oncques ne vint, dire l’ose a qui qu’il desplaise, fors de courage corrompu et abandonné a dissolucion et vice, qui peut estre cause de grant inconuenient et pechié.

160 ET ENCORE pour Dieu, REGARDONS OULTRE un petit, en quelle maniere puet estre valable et a bonne fin ce que tant et si excessiuement, impetueusement, et tresnonveritablement il accuse, blasme, et diffame femmes de pluseurs tresgrans vices, et leurs meurs tesmoingne estre pleins de toute 165 peruersité, et par tant de repliques et aucques en tous parçonnages ne s’en puet saouler? Car se dire me voulez que ce face le Jaloux comme passioné, ie ne sçay entendre qu’il apertiengne a l’office de Genius, qui tant recommande et enorte que l’en couche auecques elles sans delaissier l’œuure qu’il tant 170 loue. Et cil mesmes dit sur tous parçonnages moult de grans vituperes d’elles; et dit de fait, fuiés, fuiez, fuiez le serpent venimeux;[33] et puis si dit que on les continue sans delaissier. Cy a malement grant contradicion de commander a fuir ce que il veult que on suiue, et suiuir ce que il veult que on fuie, 175 mais puis que tant sont peruerses, ne les deust commander approchier aucunement; car qui inconuenient redoubte, eschiuer le doit. Et pour ce que il tant deffent dire son secret a femme, qui du sauoir est si engrant, comme il recorde,[34] dont iene scay ou tous les deables trouua tant de fatras et de paroles 180 gastees, qui la sont arrengees par long procés. Mais je pry tous ceulx, qui tant le font autentique et tant y adioustent foy, qu’ilz [fol. 90 verso a] me sachent a dire quans ont veus accusez, mors, pendus, ou reprochiez en rue par l’encusement de leurs femmes? Si croy que cler les trouueront semees. 185 Non obstant que bon conseil seroit et louable que un chascun tenist son secret clos pour le plus seur, car de toute gent est il devicieux. Et n’a pas moult comme ouy raconter que un fu accusez et puis pendus par soy estre descouuert a un sien compere, en qui se fioit; mais ie croy que en la face de iustice 190 pou vont les clameurs ne les plaintes de tant orribles maulz, des grans desloyaultez et des grans deableries que il dit que tant malicieusement et secretement sceuent femmes commettre. Si est voirement bien secret, quant il n’appert a nullui. Et comme autrefois ay dit sur ceste matiere en un 195 mien dictié appellé l’Epistre au Dieu d’Amours, ou sont les contrees ou les royaumes qui par leurs grans iniquitez sont exillés?[35] Mais, sans parler a volenté, disons de quelz grans crismes peut on accuser meismes les pires et qui plus deçoiuent? Que peuent elles faire, de quoy te deçoiuent? Se elles te demandent 200 de l’argent de ta bourse, dont ne le t’emblent ou tollent elles pas; ne leur bailles mie, se tu ne veulz. Et se tu dis que tu en es assotés, si ne t’en assotes pas. Te vont elles en ton hostel querir, prier, ou prendre a force? Bon seroit sauoir comment elles te deçoiuent. Et encore tant superfluement 205 et laidement parla des femmes mariees, qui si deçoiuent leurs maris, duquel estat ne pot sauoir par experience et tant en parla generaument. A quelle bonne fin pot ce estre, ne quel bien [fol. 90 verso b.] ensuiure, n’y sçay entendre fors empeschement de bien et de paix de mariage, et rendre 210 les maris qui tant oyent babuises et fatras, se foy y adioustent, souspeçonneux et pou amans leurs femmes. Dieux quelle exortacion! comme elle est proffitable! Mais vraiement puisque en general ainsi toutes blasma, de croire par ceste raison suis contrainte, que oncques n’ot acointance ne hantise de 215 femme honnourable ne vertueuse; mais par pluseurs femmes dissolues et de male vie hanter (comme font communement les luxurieux) cuida ou faingny sauoir que toutes telles fussent; car d’aultres n’auoit cognoiscence. Et se seulement eust blasmé les deshonestes et conseillié elles fuir, bon enseignement 220 et iuste seroit; mais non, ains sans excepcion toutes les accuse. Mais se tant oultre les mettes de raison se chargia l’aucteur d’elles accuser ou iugier non veritablement, blasme aucun n’en doit estre imputé a elles, mais a cellui qui si loins de verité dist la mençonge, qui n’est mie creable comme le 225 contraire appere (sic) manifestement. Car se il et tous ses complisses en ce cas l’eussent iuré, (a nul n’en soit grief) il a esté, est et sera moult de plus vaillans femmes plus honnestes, mieulx moriginees, et meismes plus sauans et dont plus grant bien est ensuiui au monde que oncques ne fist de sa personne, 230 meismement en policie mondaine et en meurs vertueux tres enseignees, et pluseurs qui ont esté cause de reconciliement de leurs maris et porté leurs affaires et leurs secrez et leurs passions doulcement [fol. 91 a] et secretement, non obstant leurs fussent leurs maris rudes et malamoreux. De ce treuue l’en 235 assez preuues en la Bible, et es autres ancienes hystoires, comme Sarra, Rebecha, Ester, Judic, et autres assez. Et mesmes en noz aages auons veu en France moult de vaillans femmes, grans dames et aultres de noz dames de France: la saincte deuote royne Jehanne, la royne Blanche, la duchece 240 d’Orliens, fille de roy de France, la duchece d’Aniou, qui ores est nommee royne de Cecille, qui tant orent beauté, chasteté, honnesteté et sauoir, et autres assez. Et de mendres vaillans preudefemmes comme Madame de la Ferté, femme messire Pierre de Craon, qui moult fait a louer, et assez d’autres qui 245 trop seroit longue narracion dire plus.

Et ne croiez, cher sire, ne aucun autre n’ait oppinion que je die ne mette en ordre ces dictes deffenses par excusacion fauourable pour ce que femme suis. Car veritablement mon motif n’est simplement fors soustenir pure verité, si 250 comme je la sçay de certaine science estre au contraire des dictes choses de moy niees. Et de tant comme voirement suis femme, plus puis tesmoingnier en ceste partie que cellui qui n’en a l’experience, ains parle par deuinailles et d’auenture. Mais apres toutes ces choses, par amour soit consideré quel 255 est la fin du dit traictié; car si comme dit un prouerbe: “A la fin son[t] terminees les choses,” si soit veu et notté a quoy peut estre profitable la treshorrible et honteuse conclusion, que dis ie honteuse, mais tant deshonneste que [fol. 91 b] je ose dire que personne aucune amant vertus et honnesteté ne l’orra, 260 qui tout ne soit confus de honte et abhominé d’ainsi ouir discerner et desioindre et mettre soubz deshonnestes ficcions, ce que honte et raison doit reffraindre aux bien ordenez seulement le penser. Encore plus i’ose dire que mesmes les goliars aroient orreur de le lire ou ouir en publique, en places 265 honnestes, et deuant personnes que ilz reputassent vertueuses. Et donc que fait a louer lecture qui n’osera estre leue ne parlee en propre fourme a la table des roines, des princeces, et des vaillans preudefemmes, a qui conuendroit couurir la face de honte rougie?

270 Et se tu le veulz excuser en disant que par maniere de jolye nouuelle lui plot mettre la fin d’amours par telles figures, je te respons que en ce nulle estrangeté ne nous raconte; ne scet on comment les hommes habitent aux femmes naturelment? Se il nous narrast comment ours ou lyons, ou oiseaux ou 275 autre estrange chose fust deuenus, ce seroit matiere de rire pour la fable, mais nulle nouuelleté en ce ne nous annonce. Et sans faille plus plaisantment et trop plus doulcement et par plus courtois termes s’en fust passé, et qui mieux plairoient mesmes aux amans iolis et honnestes et a toute autre vertueuse 280 personne.

Ainsi, selon ma petite capacité et foible iugement, sans plus estre prolixe en langage, non obstant que assés plus pourroit estre dit et mieulx, ne sçay considerer aucune utilité ou dit traictié. Mais tant m’i semble apperceuoir que grant 285 labeur [fol. 91 verso a] fu pris sans aucun preu, non obstant que mon iugement confesse maistre Jehan de Meun moult grant clerc soubtil et bien parlant; et trop milleur œuure plus profitable et de sentement plus hault eust sceu mettre sus s’il s’y fust appliquié, dont fu dommage, mais ie suppose que la 290 grant charnalité peut estre, dont il fu remply, le fist plus habonder a volenté que a bien proffitable, comme par les operacions communement sont cogneues les inclinacions. Non obstant ce, ie ne repreuue mie le Romant de la Rose en toutes pars; car il y a de bonnes choses et de bien dictes sans faille, 295 et de tant est plus grant le peril, car plus est adioustee foy au mal de tant comme le bien y est plus autentique. Et par ce ont mains soubtilz aucunesfois semees de grans erreurs par les entremesler et palier auec verité et vertus. Mais si comme dit son prestre Genius: “Fuiez, fuiez femme, le mal serpent mucié 300 soubz l’erbe”, puis ie dire, fuiez, fuiez les malices couuertes soubs ombre de bien et de vertu.

Pour ce dis en concluant a vous, sire treschier, et a tous voz aliez qui tant le louez et si hault voulez magnifier que a pou tous autres volumes presumés et osez abaissier deuant lui, 305 n’est digne que louenge lui soit imputee (sauue vostre bonne grace) et grant tort faictes aux valables; car œuure sans utilité et hors bien commun ou propre, poson[s] que elle soit delictable, de grant labour et coust, ne fait a louer. Et comme anciennement les Romains triomphans n’atribuassent louenge 310 aucune ne honneur a chose quelconques, se elle n’estoit a l’utilité de la chose publique, regardons a [fol. 91 verso b.] leur exemplaire, se nous pourrons couronner cestui romant. Mais je treuue, comme il me semble, ces dictes choses et assez d’autres considerees, que mieulx lui affiert enseuelissement 315 de feu que couronne de lorier, nonobstant que le claimez miroir de bien viure, exemple de tous estaz de soy politiquement gouuerner et viure religieusement et sagement. Mais au contraire (sauue vostre grace) je dis que c’est exortacion de vice, confortant vie dissolue, doctrine pleine de deceuance, 320 voye de dampnacion, diffameur publique, cause de souspeçon et mescreandise, honte de pluseurs personnes, et puet estre d’erreur. Mais ie sçay bien que sur ce en l’excusant vous me respondrez que le bien y est enorté pour le faire et le mal pour l’eschiuer. Si vous puis souldre par meilleur raison que 325 nature humaine, qui de soy est encline a mal, n’a nul besoing que on lui ramentoiue le pié dont elle cloche pour plus droit aler. Et quant a parler de tout le bien qui ou dit liure puet estre noté; certes trop plus de vertueuses choses mieulx dictes, plus autentiques et plus proffitables mesmes en politiquement 330 viure et moralment sont trouuees en mains autres volumes, fais de philosophes et docteurs de nostre foy comme Aristote, Seneque, Saint Pol, Saint Augustin, et d’aultres (ce sauez vous) qui plus valablement et plainement tesmoingnent et enseignent [suir] vertus et fuir vices que maistre Jehan de 335 Meun n’eust sceu faire. Mais si voulentiers ne sont veus ne retenus communement des charnelz mondains, pour ce que moult plaist au malade qui a grant soif, quant le medicin octroye que il boiue fort et tout [fol. 92 a] voulentiers, pour la lecherie du boire se donne a croire que ia mal ne lui fera. Et 340 si me rens bien certaine que vous--a qui Dieu l’octroit et tous autres--par la grace de Dieu ramenez a clarté et purté de nette conscience, sans soilleure ou pollucion de pechié ne entencion de lui, nettoiez par poincture de contriction (laquelle euure et fait cler veoir le secret de conscience et condempne propre 345 voulenté), comme iuge de verité, ferez aultre iugement du Romant de la Rose, et vouldriez peut estre que oncques ne l’eussiez veu. Si souffise atant. Et ne me soit imputé a folie, arogance, ou presompcion d’oser moy femme reprendre et redarguer aucteur tant soubtil et son œuure amenuisier de 350 louenge, quant lui seul homme osa entreprendre a diffamer et blasmer sans excepcion tout un sexe.

ITEM--comme la dicte Christine eust enuoié la copie de la dicte epistre a maistre Gontier Col, lui renuoya l’epistre, qui s’ensuit.

[Document IV. Notes]

[l. 1] (Superscription) L’epistre crestienne au preuost de Lisle enuoyé par la dicte contre le romant de la Rose F. (Souffisant, scauent) interverted A. (prevost de Lisle) wanting C.

[l. 3] (monseigneur ... Lisle wanting F.

[l. 4] (treschier sire) interverted F.

[l. 6] (Christine de Pizan) wanting F.

[l. 8] (aucunement) wanting F (inserted after despris).

[l. 11] (moy) preceded by et B.

[l. 12] (de voz ditz fait en reprenant) de voz diz fait en reprouuant B, de voz diz faiz si comme il me semble en reprenant D, de voz diz fait comme il me semble en reprenant E.

[l. 15] (icellui) wanting A.

[l. 16] (ayant) aie F. (dicte) wanting C.

[l. 20] (clerc soubtil) wanting F. (vostre dicte epistre) wanting F. (s’adrece) preceded by il F.

[l. 21] (et soustenir) wanting D E. (bonne) benigne C.

[l. 23] (puet) doit C D E.

[l. 26] (dit) wanting F.

[l. 28] (d’oser) wanting F. (repudier) de reputer F.

[l. 29] (aucteur) acteur C D E.

[l. 32] (commandee) followed by si F.

[l. 33] (aprise) aprinse C.

[l. 34] (de belle) par belle A.

[l. 36] (ne) followed by l’an F.

[l. 39] (dit deuant) interverted C D E.

[l. 41] (accomplie) compilee D E, followed by et F.

[l. 42] (ou pis que oyseuse) wanting F.

[l. 44] (commune) comme A.

[l. 45] (m’ot) moult F. (peu) petit A.

[l. 47] (Sceus) sco B soulz F. (comprendre) entendre C D E.

[l. 47] (en aucunes pars n’estoit) interverted F. (m’en) me F.

[l. 52] (d’autre) d’entre F.

[l. 53] (y) wanting C.

[l. 54] (parle) parler A B C D E F.

[l. 56] (first plus) wanting F. (mesurez) amesures F.

[l. 58] (Mais en ... trop traicte) wanting F.

[l. 61] Cf. F. Michel, Roman de la Rose, t. I., p. 232.

[l. 63] (raisonnablement estre) interverted C.

[l. 69] (originel) et orgueil F.

[l. 70] (par comparaison) wanting A. (puis alleguer) wanting F.

[l. 72] (fu) comes after pechié F.

[l. 73] (de soy, tres bel) interverted C.

[l. 77] (vous puis souldre) wanting F.

[l. 80] (deboutee) reboutee A B. (en publique) wanting here, but follows hontoie F.

[l. 82] (et) de F.

[l. 86] (de) en F.

[l. 87] (nommees) nommeis F.

[l. 88] (la deshonnesteté de la chose) la chose deshonneste B.

[l. 94] (Et encore) encore F. (me) wanting A. (content) contampt F.

[l. 95] (1. de) wanting F.

[l. 99] (vrayement) vray amant F.

[l. 99] (ose) followed by bien F.

[l. 100] (celluy) ce F.

[l. 101] (autre) outre F. (vaulsist) vaille F. (s’ensuiuroit) s’ansieut F.

[l. 102] (fussent) soient F. (Et) Parquoy F.

[l. 103] (par) en F.

[l. 104] (a royalment parler) a realment parler after contraire F. (deceuoir) followed by car trop est pire le vice de propre malice que cellui de simple ignorance A B.

[l. 110] (vilaine) villonie F.

[l. 112] (a) followed by maintenir F. (vie honneste) interverted F. (et querez) wanting C D E.

[l. 115] (ouir tant) interverted A B.

[l. 116] (pour Dieu) wanting F.

[l. 119] (bon) wanting F.

[l. 120] (ne entroduction) wanting F.

[l. 122] (qui) wanting A.

[l. 124] (ne peuent ... femmes) wanting F.

[l. 125] (en riens amenrir ne rendre empirees) ou riens amenrir ne rendre empirees A, en riens amenrir ne riens empirer D, en riens amenrir ne riens empirees E.

[l. 126] (Ha! Hay!) preceded by mais pourtant n’en puet de riens empirier F. (et quant) wanting F.

[l. 128] (peut retenir) peut y retenir C, y peut retenir F. (d’ycellui traictié) wanting F.

[l. 129] (proffitables) bons F. (ouir) followed by et proufitables F.

[l. 130] (Mais) followed by que dit F. (le personnage ... appelle) wanting F.

[l. 130] (dit merueilles) wanting F.

[l. 131] (doubte) faille C D E.

[l. 132] (Mais pour Dieu ... et de noms et) et moult voudroie auoir trouué, qui bien me sceust souldre par quoy mon entendement fust rassadiés a quoy peust estre proufitable tant de choses deshonnestes nommees. F.

[l. 137] (moz) preceded by ou clers et dit F.

[l. 138] (les quelz) desquelz deffaillir F. (doiuent) doit F. (teus et non nommez) sobrement parlé F.

[l. 139] (puis que) dont on F. (on) wanting A. (Et) wanting D E. (l’œuure) followed by qui par l’ordre de nature ne puet faillir. Mais ne say entendre ne aduiser que ramanteuoir et commander enfigmes eluchans et plaisans aux charneulx ce que puet parnit tourner ad inconveniant de pechié estre licite a dire. F.

[l. 143] (l’aucteur) wanting A.

[l. 144] (puis) followed by a. F.

[l. 145] (dit) wanting F. (sermon) followed by quil impute a Genius F. (maniere de) wanting F.

[l. 146] (qui la sont) wanting F. (cellui) wanting F.

[l. 148] (ne en ce ne fait) il n’y F. Cf. Michel, op. cit. t. 2, p. 288, sqq.

[l. 152] (erreur) orreur B. (Ha!) followed by dieux F. (quel semence et) wanting F. (semence) sentence C.

[l. 153] (doctrine) followed by ha! hay! quel semence F. (en peuent ensuiuir) en sunt ensuiuis F. (Je croy que ... enortement) Quans en sont devenus hermites et entrés en religion ou eulx retrais de malle vie et esté sauués pour ce saint ennortement F.

[l. 156] (et esté) et estre C D E.

[l. 157] (dire l’ose a qui) je l’ose bien dire F. (a qui qu’il) a qui qu’il qu’il [sic] A.

[l. 158] (qui peut estre ... et pechié) Bien est vray que je condampne mie l’acteur ou aucteurs en toutes pars dudit liure. Car ce ne pouroie faire veritablement et de bonnes choses y a et bien dictes, et de tant est plus grant peril comme le bien y est plus autentiquement dit. Car mieulx autressy est ajoustees foy au mal. Et par ce ont mains soubtilz aucune fois fammes de grans erreurs parlés entrammesler auec grans vertus, verités et choses belles et bien dictes, ainsy comme dit le personnaige qu’il appelle Genius la ou il moult ennorte que l’an eschieue la malice et la male beste, famme, comme du froit serpant mucié soubz l’erbe vert. Ainssy puet on dire que l’en se gard de mauuaistié muciee soubz ombre de bien. F.

[l. 160] (Et encore pour Dieu) Et pour Dieu encore C. (pour Dieu regardons oultre un petit) vuellons ung petit resgarder F.

[l. 161] (a) followed by la F.

[l. 162] (et si) wanting F.

[l. 163] (de) et F.

[l. 165] (aucques) auecques F.

[l. 166] (me) wanting F.

[l. 167] (le) wanting F. (comme passioné) wanting F.

[l. 170] (grans) wanting C.

[l. 172] (si) wanting F.

[l. 173] (Cy a ... commander a) Si se contre dit mallement quant il commande F. (a fuir ce que il veult que on suiue, et suiuir) wanting D E. (suiuir) fuir F.

[l. 175] (mais) wanting F.

[l. 176] (aucunement) wanting F. (inconuienent) la chaleur du feu F.

[l. 177] (eschiuer le doit) eslongnier s’en conuient F.

[l. 178] (est si engrant) tant est engrant doubte F. (comme il recorde, dont) wanting F. (ou) en F.

[l. 179] (trouua) pensa F.

[l. 180] (Mais) wanting F.

[l. 181] (pry) followed by a F. (y adioustent foy) l’aprennent. F.

[l. 183] (mors) followed by ou F. (ou reprochiez en rue par l’encusement de leurs femmes? Si croy) par l’ancusement de leurs femmes ou reproches en rue. Je croy F.

[l. 184] (que) ce que B. (semees) fammes F.

[l. 185] (obstant) followed by je confesse bien F. (et louable que) d’ennorter pour toute seuretey F.

[l. 186] (tenist son secret ... plus seur) son secret celast F. (car de toute ... de vicieux) car hommes ou fammes ne sont mie tous bons F.

[l. 187] (et n’a pas moult comme ouy raconter que un) et n’a pas grant temps que je oy raconter comment ung C, et n’a pas moult que ung F.

[l. 188] (puis) wanting F. (soy estre descouuert) wanting F.

[l. 189] (en qui se fioit) a qui fiablement c’estoit descouvert F.

[l. 190] (pou vont) interverted C. (de tant) des F. (maulz) followed by et F.

[l. 192] (et secretement) wanting F.

[l. 193] (il n’appert a nullui) nul ne s’en appersoit F.

[l. 194] (comme autrefois ay) comme j’ay aultrefois F. (sur ceste matiere) wanting F.

[l. 195] (dictié) traictié A. (appellé ... d’Amours) wanting F.

[l. 196] (contrees ... royaumes) les royaumes, les contrees et les empires F.

[l. 197] (Mais) Pour dieu mercy F. (disons) wanting F.

[l. 198] (crismes) followed by les F. (on) wanting C D E.

[l. 199] (faire) followed by ne C D E. (de quoy te deçoiuent) wanting F.

[l. 200] (ou tollent elles pas) ne tollent mie C D, ou tollent mie E.

[l. 201] (elles) ilz F. (mie] pas F.

[l. 202] (pas) mie A F.

[l. 203] (Bon) preceded by commen[t] de desoiuent elles F.

[l. 204] (sauoir) preceded by de F. (comment ... deçoiuent) wanting F. (encore) puis F. (superfluement et) wanting F.

[l. 205] (des) de A.

[l. 206] (ne) n’en C D E. (duquel estat ne pot par experience) de quoy il ne sceit riens F.

[l. 207] (tant en) si F. (A quelle bonne fin ... ne quel bien) Quel bien en puet il F.

[l. 208] (ensuiure) s’ensuiuir C. (ne quel bien ensuiure) et quel bien ensuiure A, quel bien ensuiure B. (n’y sçay entendre) wanting F.

[l. 209] (empeschement de ... de mariage, et) wanting F.

[l. 210] (tant) followed by de fatras F. (babuises) preceded by de A D, wanting F. (y) n’y B. (et fatras se foy y adioustent) wanting F.

[l. 211] (Dieux) Ha F.

[l. 212] (proffitable) cause de grant bien F. (Mais) followed by aultre ne le say entendre fors que sans cause prist grant peinne Et F. (puisque en general) ce que generalment C.

[l. 213] (toutes) followed by les F.

[l. 214] (de femme) a famme C. (acointance) followed by Je ne tieng que onques fuste acointe F. (hantise) hantast F.

[l. 215] (ne vertueuse) wanting F. (pluseurs) followed by paillardes et F.

[l. 216] (et de male vie) wanting F. (comme font ... luxurieux) comme sont celles qui ou vilain vice de luxure trop communement s’abandonnent F.

[l. 217] (toutes) followed by femmes F.

[l. 219] (les deshonestes ... elles fuir) les femmes ou sont les grans et honteux vices comme les dissolues et celles conseiller a non suir F.

[l. 220] (et iuste) wanting F. (non, ains sans excepcion ... contraire appere manifestement) il n’execte riens, tout est d’ung commun ordre a son dit F.

[l. 224] (qui) que A.

[l. 225] (Car) Mais sans faille F.

[l. 226] (il a esté) ja a esté D E.

[l. 227] (vaillans) valables A B, de trop plus vaillans F.

[l. 229] (que oncques ne fist de sa personne, meismement) que il oncques ne fu meismes en pollicie mondaine F.

[l. 230] (et en meurs ... pluseurs) wanting F.

[l. 231] (1. de) du A F. (ont esté cause) cause ont esté F.

[l. 232] (leurs affaires et leurs secres et leurs passions B D E, leur affaires et secres et leurs passions A, leurs passions C, leurs affaires et leurs secres F.

[l. 233] (et) wanting F.

[l. 234] (maris) followed by moult F. (malamoreux. De ce ... es autres) wanting F.

[l. 235] (Sarra) followed by & A.

[l. 236] (Ester) wanting A. (anciennes hystoires) es anciennes hystoires on treuue l’en asses F.

[l. 236] (-assez) followed by en aultres lieux F. (mesmes) mesmement F.

[l. 237] (moult de vaillans femmes ... saincte deuote) de nos grans dames F.

[l. 238] (et aultres de noz dames) wanting D E.

[l. 239] (royne Jehanne] la royne Jehanne, la sainte dame F. (la duchece] madame la duchece F.

[l. 240] (la duchece) celle F. (nommee) wanting F.

[l. 241] (tant orent ... et sauoir) tant ont esté belles, bonnes, saiges, et honnestes. F. (orent) eurent C. (beauté) de beauté D.

[l. 242] (Et de mendres vaillans preudefemmes) de mendres vaillans femmes C, vaillans preudesfames F.

[l. 243] (femme) femme de F. (qui moult fait a louer) wanting F.

[l. 244] (assez d’autres) et aultres assez A et moult d’autres C. (assez d’autres) asses d’autres. Et se largement a parlé nul blasme ne doit par raison estre imputé aux fammes, mais a celluy, qui si a dit la mensonge loing de apparance de verité que elle n’est creable et ne croye nul. F. (qui trop seroit longue narracion ... ordre ces dictes) wanting F.

[l. 247] (ne) ou A. (deffenses par excusacion fauourable) que ceste deffence ou excusacion d’ye par faueur ne y ua uiuement F.

[l. 248] (Car veritablement mon motif n’est simplement fors soustenir) Car sans faulte n’est la cause fors pour soustenir F.

[l. 249] (si) wanting F.

[l. 250] (au contraire ... Et de) wanting F.

[l. 251] (comme voirement suis) comme je suis voirement, F.

[l. 252] (plus) plus veritablement F. (en ceste) wanting F. (partie) wanting F. (cellui) cil F.

[l. 253] (n’en) wanting F. (l’experience ... d’auenture) l’auenture parle F.

[l. 254] (par amours soit consideré) regardons. F.

[l. 255] (la fin) la fin la fin [sic] F. (du dit traictié; car) wanting F. (dit) recorde F.

[l. 256] (terminees) followed by et cogneues F. (si soit veu ... deshonneste) Pour Dieu que j’apraingne que puet estre valable ordre profitable et tresabhominable et honteuse conclusion dis ie deshonneste, voire F.

[l. 257] (que dis ie honteuse mais) wanting C.

[l. 258] (deshonneste) deshonteuse A.

[l. 259] (personne aucune amant ... ce que honte) repeated B.

[l. 260] (et abhominé d’ainsi ouir ... ce que honte) d’ainsy oir, discerner, et desioindre et mettre en honteux termes ce que honte F.

[l. 262] (honte et raison) raison et honte B D E.

[l. 263] (le penser) de penser C les pensees F. (Encore plus ... reputassent vertueuses) wanting F.

[l. 266] (donc) pour Dieu F. (parlee) ramenteué F.

[l. 270] (Et se tu le veulz ... raconte) quel bien donques y puet on glosser F.

[l. 272] (raconte) followed by ne aprent A B.

[l. 273] (les) wanting F.

[l. 274] (Se il nous narrast comment) Quel estrange auenture est ce. Et ce dit eust que deuenus fust F. (oiseaux) oysel F.

[l. 275] (autre estrange chose) autre chose A autre chose estrange B. (matiere) de matiere B. (autre ... ne nous annonce) beste estrange. Sur ce point oultre le commun cours, bon seroit l’oyr pour la merueille. Mais se dire voules que n’eust esté au propos de sa matere quil tendoit aperceuir et concluire la fin d’amours entrés trop. F.

[l. 277] (et sans faille) wanting F. (doulcement et) followed by plus gracieusement F.

[l. 279] (mesmes) mesmement C. (mieulx) wanting F.

[l. 281] (Ainsi selon ma petite ... cogneues les inclinacions) wanting F.

[l. 285] (sans aucun preu) sans grant preu A.

[l. 285-301] (Non obstant ce ie ... de bien et de vertu) Bien est vray que je condampne mie l’acteur ou aucteurs en toutes par dudit liure. Car ce ne pouroie faire veritablement; et de bonnes choses y a et bien dictes et de tant est plus grant peril comme le bien y est plus autentiquement dit. Car mieulx autressy est ajoustees foy au mal. Et par ce ont mains soubtilz aucune fois fammes de grans erreurs parlés entrammesler auec grans vertus, verités et choses belles et bien dictes ainsy comme dit le personnaige qu’il appelle Genius la ou il moult ennorte que l’an eschieue la malice et la male beste famme comme du froit serpant mucié soubz l’erbe vert. Ainssy puet on dire que l’en se gard de mauuaistié muciee soubz ombre de bien. F.

[l. 292] (communement sont cogneues) sont communement cogneues C.

[l. 294] (de bien) bien A.

[l. 296] (par ce ont mains soubtilz aucunefois) pour ce pluseurs subtilz ont aucunement C.

[l. 302] (dis en concluant a vous) wanting F.

[l. 303] (vos aliez) autres F. (le louez, et si hault le voulez magnifier) le recommandes, loues, magnifies, et si hault le voules asseoir F.

[l. 304] (presumés) voulez C D E. (deuant lui; n’est digne ... couronne de lorier) wanting F.

[l. 314] (mieulx lui affiert) lui affiert mieulx C.

[l. 315] (nonobstant) preceded by Je dy certainement et en confirmant mon oppinion que cestuy rommant dit de la Rose F.

[l. 316] (bien) bon B.

[l. 317] (et sagement) wanting A. (Mais au contraire) que F.

[l. 318] (je dis que c’est) ains est F.

[l. 320] (voye) voire F. (dampnacion) followed by erreur peruerse F.

[l. 321] (honte) preceded by voye et cause de dampnacion et F.

[l. 322] (Mais ie sçay ... vous ne respondrez) Et ce pourtant excuser le voules F.

[l. 323] (est ennorté] soit F.

[l. 324] (l’eschiuer. Si vous puis souldre par meilleur raison que nature humaine, qui de soy est encline) soy garder. Je respons que humaine nature, qui a mal est encliné de sa nature, F.

[l. 326] (le pié) ce piet F.

[l. 327] (qui) que C. (de tout le bien) des biens F. (qui ou dit liure ... plus autentiques et) qui y sont trop de plus grans biens F.

[l. 330] (autres) wanting F.

[l. 331] (docteurs) followed by autentiques F.

[l. 332] (Seneque) wanting F. (Pol) Poul, et F.

[l. 333] (sauez vous) interverted F.

[l. 334] (et enseignent) suir F. (que maistre Jehan de Meun n’eust sceu faire) wanting F.

[l. 336] (communement) wanting here, but follows mondains F. (charnelz) wanting F.

[l. 338] (octroye que il boiue fort, et) octroie a boire fort et C, octroye qu’il boiue fort et que B D. (tout) wanting F.

[l. 340] (Et si me rens bien certaine) Encor dis et soustiens F. (Dieu) wanting here, but comes before par F.

[l. 341] (Dieu) luy F. (a) a la F. (nette conscience) interverted F.

[l. 342] (ou) ne F.

[l. 343] (nettoiez) wanting F. (laquelle) netoyes qui F.

[l. 345] (iuge) droit iuge F. (du) dudit F.

[l. 347] (Si souffise atant) followed by Et que si grant louenge comme vous imputes a luy (sauue vostre bonne grace) m’est aduis que grant tort faites aux plus vallables; car œuure sans grant utilité du bien commun ou propres en fait ou en exemple et on n’a fors seulement delectacion et solas sans cause d’autre bien tout soit elle de grant coust ou travail ne doit estre louee n’euxaussité, F.

[l. 348] (d’oser) d’ainsy oser, F. (moy femme) wanting F.

[l. 349] (et) wanting F.

[l. 350] (quant lui seul homme] quant il qui fu seul homme F. (entreprendre) wanting F.

[l. 351] (excepcion) exercitacion B. (sans excepcion, tout un sexe) interverted F.

[l. 352] (Item--comme la dicte Christine ... qui s’ensuit) wanting F.

[l. 353] (maistre Gontier Col) maistre gol [sic] A. (renuoya) enuoyé B. (qui s’ensuit) qui cy apres s’ensuit C.

[30] Ms. A (bib. nat. 835) is followed for orthography. The text is determined by a comparison of A + B, C, D + E, variant readings being noted. Except in rare cases which seemed specially interesting, orthographical variants are not noted.

[31] Cf. Michel, op. cit., t. I., 145, 6.

[32] Cf. for idea of the “Roi, qui ne ment,” T. A. Jenkins, Longer French Poems pp. 13, 143.

[33] Cf. Michel, op. cit, t. 2, p. 190 and Virgil, Bucolica, III. Eclogue, v. 92. Qui legitis flores et humi nascentia fraga, Frigidus, O pueri, fugite hinc, latet anguis in herba.

[34] Michel, op. cit, t. 2, p. 182.

[35] Cf. M. Roy: Oeuvres poétiques de Christine de Pisan (in the Soc. des anc. textes franç.) t. II, p. 21 l. 650.