V.

GONTIER COL TO CHRISTINE, ASKING FOR A COPY OF NO. IV.

Maistre Gontier Col

A prudent, honnouree et sauent damoiselle Christine.

Femme de hault et esleué entendement, digne d’onneur et recommendacions grans, j’ay ouy parler par la bouche de 5 pluseurs notables clers que entre tes aultres estudes et euures vertueuses moult a louer, comme ie entens par leur relacion, tu as nouuellement escript par maniere de inuectiue aucunement contre ce que mon maistre, enseigneur et familier feu maistre Jehan de Meun, vray catholique, solennel maistre, et 10 docteur en son temps en saincte theologie, philosophe tresperfont et excellent, sachant tout ce qui a entendement humain est scible, duquel la gloire et renommee vit et viura es aages a venir [fol. 88 b] entre les entendemens par ses merites leuez par grace de dieu et euure de nature, fist et compila 15 ou liure de la Rose. Et comme dient les relateurs ou refferendaires de ceste chose, t’efforces et estudies de le reprendre et chargier de faultes en ta dicte œuure nouuelle, laquelle chose me vient a grant admiracion et merueille inextimable, et ad ce non croire me meut l’experience et exercite 20 de toy d’auoir sceu, leu, et entendu lui ou dit liure, et en ses autres fais en francois, et autres pluseurs et diuers docteurs, aucteurs, et poetes. Et pour ce que les denunciateurs de ceste chose tiennent et gardent, les aucuns par auenture comme enuieux sur les fais du dit feu maistre Jehan, ta dicte inuectiue 25 comme chose singuliere et haultement composee, edefiee et conduicte a leur plaisir et intencion, si que de eulx n’en puis auoir copie ne original, te pry et requier sur l’amour que tu as a science que ta dicte œuure, telle que elle est, me vueilles enuoier par cest mien message ou autre tel comme il te plaira, 30 afin que sur ce je puisse labourer et moy emploier a soustenir mon maistre et ses fais, dont il ne fust ia besoing que moy ne autre mortel s’en meslast s’il fust en vie, laquelle mieulx ameroie auoir esté en mon temps que estre empereur des Romains presentement. Et pour toy ramener a vraie verité et 35 que plus auant saches et cognoisses les fais du dit de Meun; pour toy donner matiere de plus escripre contre lui, se bon te semble, ou a tes [fol. 88 verso a] satalices [read satellites], qui en ce fait t’ont boutee, pour ce que touchier n’y osoient ou ne sauoient, mais de toy veulent faire chappe a pluye; pour dire 40 que plus y sauroient que une femme et plus reprimer la renommee (indeficient entre les mortelz) d’un tel homme, t’enuoie patentement et hastiuement un pou de tresor[36] que il compila pour estre de ses enuieux et de aultres congneu a sa mort; lequel est incorrect par faulte d’escripuain, qui pas ne 45 l’entendi comme il y pert, et n’ay eu espace ne loisir de le veoir ne corrigier au long pour la haste et ardeur que j’ay de veoir ton dessusdit œuure, et mesmement qu’il est a supposer que bien sçaras les fautes de l’escripuain en ceste compilacion corrigier et entendre. Et quant ad ce qu’il fist du liure de la 50 rose, ou plus a lettres et sentences estranges et diuerses, l’as voulu ou osé chargier, corrigier et reprendre comme ilz dient, une chose ne vueil oublier ne passer soubz dissimulacion: que se de ce ne te rappelles et desdis, je, confiant de bonne et vraye iustice et que verité (qui ne quiert angles) sera o moy, combien 55 que en grans autres occupacions soye de present astraint et aye esté le temps passé, entreprendray le soustenir contre tes autres escrips quelconques.

Escript hastiuement, presens maistres Jehan de Quatre Mares, Jehan Porchier, conseilliers, et Guillaume de Neauuille, 60 secretaire du roy nostre sire, le mardi XIII. jour de septembre, l’an mil C/iiii et un.

Le tien, tant comme loy d’amistié puet souffire--Gontier Col, secretaire du roy nostre sire.

[Document V. Notes]

[l. 1] (Ms. A) (Maistre Gontier Col) wanting C D E.

[l. 2] (Christine) followed by de Pizan D.

[l. 8] (enseigneur) et seigneur C.

[l. 11] (et excellent) wanting D.

[l. 13] (entre) contre D. (entendemens) enseignemens C.

[l. 16] (le) la A C.

[l. 24] (Jehan) followed by de Meun A B.

[l. 32] (mieulx ameroie) ameroie mieulx B.

[l. 44] (pas) point A.

[l. 47] (mesmement) followed by qu’il est a supposer B.

[l. 48] (en ceste compilacion) wanting A. (en ceste) corriger brieue B.

[l. 49] (ad ce) en ce A a ce C.

[l. 54] (o) auec C.

[l. 57] (tes) followed by a faint mark above, which resembles the abbreviation of ‘et.’

[l. 58] (maistres) maistre A, wanting B.

[36] Cf. Le Trésor de maistre Jehan de Meung ou les Septs Articles de la Foi, Méon, Roman de la Rose, t. 3, p. 331.