CLXII. - CLXIII.

Et s'aucun, dont n'ay congnoissance, Estoit allé de mort à vie, Audict Calais donne puissance, [P. 94] Affin que l'ordre soit suyvie Et mon ordonnance assouvie, Que ceste aulmosne ailleurs transporte, Sans se l'appliquer par envie; A son ame je m'en rapporte.

Item, j'ordonne à Saincte-Avoye, Et non ailleurs, ma sepulture; Et, affin que chascun me voye, Non pas en chair, mais en paincture, Que l'on tire mon estature D'ancre, s'il ne coustoit trop cher. De tumbel? Rien; je n'en ay cure, Car il greveroit le plancher.